← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


167:01 ܘܡܘܐܒܝ̈ܐ ܕܡܢܗܝܢ ܗܘ݂ܘ܃ ܗܠܝܢ ܕܒܐܡܝܢܘ ܡܕܟܪ
167:02 ܠܗܘܢ ܟܬܒܐ܂ ܕܬܪ̈ܬܝܢ ܠܡܟܣܢܘܬܐ ܕܠܐ ܙܗܝܪ̈ܐ܂
167:03 ܘܕܬܠܬ ܠܩܘܛܪܓܐ ܕܡܓܘ̈ܫܐ ܕܣܒܪܝܢ ܕܙܕܝܩܘܬܐ
167:04 ܦܠܚܝܢ ܒܡܕܡܟܐ ܕܥܡ ܒܢ̈ܬܗܘܢ ܘܐܚܘ̈ܬܗܘܢ܂ ܥܠ
167:05 ܠܘܛ ܕܝܢ ܐܡ݂ܪ ܕܠܐ ܝ݂ܕܥ ܒܗܝܢ܂ ܘܐܢ ܝ݂ܕܥ܃ ܠܐ
167:06 ܡܡܪܚ ܗܘܐ ܗܕܐ ܠܡܥܒܕ܂ ܐܠܐ ܡܛܠ ܕܚܡܪܐ
167:07 ܓܢܒܗ݀ ܠܪܓܫܬܗ܃ ܣܒ݂ܪ ܕܚܠܡܐ ܚ݂ܙܐ ܘܩܪܝܐ ܗܘ
167:08 ܕܠܠܝܐ܂ ܘܐܦ ܠܐ ܒܢ̈ܬܗ ܐܬܪܫܝ܃ ܥܠ ܕܠܘ ܒܢܝܫܐ
167:09 ܫܟܝܪܐ ܐܦ ܗܢ̈ܝܢ ܥܒ݂ܕ܂ ܐܠܐ ܣܒ݂ܪ ܕܒܝܩܕܢܐ ܕܣܕܘܡ
167:10 ܟܠܗ ܥܠܡܐ ܐܬܓܪܦ ܐܝܟ ܕܒܝܘ̈ܡܝ ܛܘܦܢܐ܂ ܘܥܠ
167:11 ܗܕܐ ܗܢ̈ܝܢ ܦܫ̈ܝ ܒܠܚܘ̈ܕܝܗܝܢ/ܒܠܚܘܕܝܗܝܢ/#2# ܥܡ ܐܒܘܗܝܢ܃ ܕܢܩܝ̈ܡܢ
167:12 ܓܢܣܐ ܐܢܫܝܐ ܘܠܐ ܢܬܓܪܕܐ܂ ܠܘܛ ܕܝܢ ܡ݂ܢ ܕܢܦܨܗ

167:13 ܚܡܪܗ܃ ܠܐ ܬܘܒ ܩ݂ܪܒ ܠܗܝܢ܂ ܘܠܐ ܗ݂ܘ ܢܣ݂ܒ

167:14 ܐܢܬܬܐ ܘܐܦܠܐ ܗܢ̈ܝܢ ܗܘ̈ܝ ܠܓܒܪ̈ܐ܂ ܐܠܨ̈ܢ ܗܘ̈ܝ ܠܗ
167:15 ܕܝܢ ܒܢ̈ܬܗ ܕܢܫܬܐ ܝܬܝܪܐ܃ ܟܐܡܬ ܕܢܛܥܐ ܡ݂ܢ ܠܒܗ
167:16 ܕܚܠܬܐ ܘܥܩܬܐ ܕܗ݀ܘ ܡܘܢ ܕܓܕܫ܂ ‍{‍v݁ 37‍}‍ ܡܘܥܒ܂
167:17 ܗܢܘ܂ ܡ݂ܢ ܐܒܝ܂ ‍{‍v݁ 38‍}‍ ܒܪ ܥܡܝ܂ ܗܢܘ܂ ܒܪ ܓܢܣܝ܂
167:18 ܗܢܘ܂ ܡ݂ܢ ܗ݀ܘ ܕܝܠܕܢܝ ܝ݁ܠܕܬ܂
167:19 ܣܕܘܡ ܕܝܢ ܘܥܡܘܪܐ ܐܬܒܢܝ ܒܫܢܬ ܚܡܫܝܢ ܘܬܫܥ
167:20 ܕܢܚܘܪ ܒܪ ܣܪܘܓ܂ ܝ݂ܩܕ ܕܝܢ ܒܫܢܬ ܬܫܥܝܢ ܘܬܫܥ
167:21 ܕܐܒܪܗܡ܂ ܕܗ݀ܘܝܢ ܒܡܨܥܬܐ ܡܐܬܝܢ ܘܐܪܒܥܝܢ ܘܫܬ
167:22 ܫܢ̈ܝܢ܂ ܒܫܢܬ ܐܪܒܥܝܢ ܘܬܠܬ ܫܢ̈ܝܢ ܕܢܝܢܘܣ ܡܠܟܐ
167:23 ܐܬܘܪܝܐ ܐܬܝܠܕ ܐܒܪܗܡ܂ ܘܒܫܢܬ ܚܡܫܝܢ ܕܐܒܪܗܡ
167:24 ܐܬܒܢܝܬ ܐܘܪܫܠܡ ܡ݂ܢ ܡܠܟܝܙܕܩ ܘܩ݂ܪܗ݀ ܫܠܝܡ܂ ܘܒܫܢܬ
167:25 ܫܒܥܝܢ ܘܫܒܥ ܕܐܒܪܗܡ ܐܡܠܟܬ ܫܡܝܪܡ ܐܢܬܬ ܢܝܢܘܣ܃
167:26 ܐܪܒܥܝܢ ܘܬܪ̈ܬܝܢ ܫܢ̈ܝܢ܂ ܘܗ݂ܝ ܒܢܬ ܠܒܒܠ ܡ݂ܢ ܕܪܫ ܘܗ݂ܝ
167:27 ܐܚܕܬ ܠܐܣܝܐ܂ ܘܬܠܠ̈ܐ ܗ݂ܝ ܥܒܕܬ ܥܡ ܢܨܚܢܝ̈ܗ݀
167:28 ܕܫܪܟܐ܂ ܒܢܬ ܕܝܢ ܢܘܣܐ ܠܩܢܘܣ ܦܬܟܪܐ ܥܠ ܦܪܬ܂
167:29 ܘܐܬܩܪܝܬ ܕܘܟܬܐ ܗ݀ܝ ܐܝܪܘܦܘܠܝܣ ܗܕܐ ܕܡܬܩܪܝܐ
167:30 ܡܒ݁ܘܓ܂

next chapter