The Comprehensive Aramaic Lexicon

202:01	ܝܘܢܝܐ܃ ܒܣ̈ܡܐ ܘܪ̈ܗܛܢܐ ܘܐܣ̈ܛܩܛܐ܂
202:02	‍{‍v݁ 28‍}‍ ܒܥܣܪ̈ܝܢ ܕܝܢܪ̈ܐ ܙܒ݁ܢܘܗܝ ܠܝܘܣܦ ܘܠܘ ܒܥܣܪ̈ܝܢ
202:03	ܙܘ̈ܙܐ܂ ܟܕ ܕܡܝܐ ܕܗܕܐ ܐܡ݁ܪܝܢ ܗܘܘ܂ ܕܗܢܐ ܥܒܕܐ
202:04	ܗܘ ܕܝܠܢ܂ ܘܡܛܠ ܕܐܡܝܢܐܝܬ ܥ݁ܪܩ ܘܡܪܝܕ ܥܠܝܢ
202:05	ܡܙܒܢܝܢܢ ܠܗ܂ ‍{‍v݁ 36‍}‍ ܠܦܘܛܝܦܪ ܡܗܝܡܢܐ ܪܒ ܕܚ̈ܫܐ
202:06	ܕܦܪܥܘܢ܃ ܪܒ ܦܝ̈ܓܐ܂ ܝܘܢܝܐ܃ ܪܫ ܡܐܓܝܪ̈ܣܐ
202:07	ܠܡ/ #2#/܂ ܘܝܬܝܪ ܫܪܝܪ܂ ܗܢܘ܂ ܕܡܗܝܡܢ ܥܠ ܥܘܬܪܐ
202:08	ܕܦܬܘܪܐ ܕܡܠܟܐ܂ ܠܩܣܛܪܣܝܘ ܐܘܟܝܬ ܠܡܣܪ̈ܣܐ
202:09	ܘܠܫܪܝܪ̈ܐ ܡܗܝ̈ܡܢܐ ܩ݁ܪܐ ܥܒܪܝܐ܃ ܘܐܦܢ ܐܝܬ ܠܗܘܢ
202:10	ܢܫ̈ܐ܂ ܕܡܝܐ ܕܒܗ݀ܘ ܙܒܢܐ ܥܕܟܝܠ ܠܐ ܗܘ݂ܘ ܡܣܪ̈ܣܐ܂

202:11	ܠܐ ܓܝܪ ܐܡ݂ܪ ܝܘܣܦ ܠܙܒܘ̈ܢܐ ܕܚܐܪܐ ܐܝܬܝ܂ ܒܗ݀ܝ

202:12	ܕܚ݂ܙܐ ܕܠܡܘܒܕܘܬܗ ܣܥܝܢ܂ ܘܪܢ݂ܐ ܕܐܝܟܢ ܕܗ݂ܘ ܢܫܢܐ
202:13	ܡ݂ܢ ܨܐܕܝ̈ܗܘܢ ܚ݁ܝܐ܂ ܥܠܬܐ ܕܡܙܒܢܢܘܬܗ ܕܝܘܣܦ܂
202:14	ܚܕܐ ܒܝܫܘܬܐ ܘܚܣܡܐ ܕܐܚܘ̈ܗܝ܂ ܛܢ݂ܘ ܠܡ ܒܗ
202:15	ܐܚܘ̈ܗܝ܂ ܕܬܪ̈ܬܝܢ ܕܢܛܝܒ ܡܙܘܢܐ ܠܚܝܝ̈ܗܘܢ܃ ܘܠܡܚܝܘ
202:16	ܠܗܘܢ ܡܫܘܙܒܘܬܐ ܒܐܪܥܐ܃ ܐܝܟ ܕܗ݂ܘ ܐܡ݂ܪ܃ ܫܕܪ
202:17	ܠܡ ܩܕܡܝܗܘܢ ܓܒܪܐ܂ ܟܕ ܬܗܝܪܬܐ ܥܒ݂ܕܗ݀ ܠܬܫܕܪܬܗ܂
202:18	ܚܕܐ ܠܒܘܕܩܐ ܕܚܝܠܗ ܕܡܪܝܐ܂ ܘܕܬܪ̈ܬܝܢ ܕܟܝܘܬܗ
202:19	ܕܝܘܣܦ܂ ܘܕܬܠܬ ܒܝܫܘܬܐ ܕܐܚܘ̈ܗܝ܂ ܕܡ̈ܝܢ ܕܝܢ ܗܠܝܢ
202:20	ܕܝܘܣܦ ܠܗ̈ܢܝܢ ܕܦܪܥܘܢ܂ ܕܐܝܟܢܐ ܕܦܪܘܩܢ ܒܝܕ ܡܘܬܗ
202:21	ܥܬܝܕ ܗܘܐ ܕܢܚܐ ܠܥܠܡܐ܂ ܝܗܘ̈ܕܝܐ ܕܝܢ ܒܒܝܫܘܬܗܘܢ
202:22	ܙܩܦܘܗܝ܂ ܗܟܢܐ ܘܠܝܘܣܦ ܟܕ ܒܝܫܘܬ ܐܚܘ̈ܗܝ ܙܒܢܬܗ܃
202:23	ܠܥܠܬ ܝܘܬܪܢܐ ܐܬܦܪܢܣܬ ܡܙܕܒܢܢܘܬܗ܂ ܠܐ ܝܗܘ̈ܕܝܐ
202:24	ܕܙܩ݂ܦܘ ܡܪܢ ܐܪܫܝܘ ܛܒܬܐ ܒܥܠܡܐ܃ ܕܗܐ
202:25	ܪܓܬܗܘܢ ܓܡ݂ܪܘ܂ ܘܠܐ ܒܢ̈ܝ ܝܥܩܘܒ ܒܝܘܣܦ ܕܗܘ݂ܐ
202:26	ܡܠܟܐ ܒܡܨܪܝܢ܂ ܬܪ̈ܝܗܘܢ ܓܝܪ ܠܚܘܣܪܢܐ ܨܠܝܢ ܗܘܘ܂
202:27	ܐܠܗܐ ܕܝܢ ܒܛ݁ܠܗ݀ ܠܨܢܝܥܘܬܗܘܢ ܘܠܕܠܩܘܒܠܐ
202:28	ܐܗܦܟܗ݀܂