The Comprehensive Aramaic Lexicon


051:01	ܐܢܫ̈ܝܢ ܠܗܠܝܢ ܬܪܝܢܘܬ ܟܝ̈ܢܐ ܕܒܡܫܝܚܐ ܡܦܫܩܝܢ܂

051:02	ܡܢ ܚܨ̈ܐ ܘܠܥܠ ܐܠܗܘܬܐ܃ ܘܡܢ ܚܨ̈ܐ ܘܠܬܚܬ ܐܢܫܘܬܐ܃
051:03	ܘܐܡܪ ܚܨ̈ܐ ܗܝ ܚܕܝܘܬܐ܂ ܠܘ ܓܝܪ ܣܓܝ ܕܡܝܐ܃ ܒܕܠܘ
051:04	ܡܦܪܫܬܐ ܗܘܬ ܡܢ ܚܨܘ̈ܗܝ ܠܥܠ ܘܠܬܚܬ܃ ܐܝܟ ܐܠܗܘܬܐ
051:05	ܘܐܢܫܘܬܐ܂ ܕܢܘܪܐ ܓܝܪ ܗܝ ܕܡܘܬܐ ܟܠܗ݀ ܐܝܬܝܗ݀ ܗܘܬ܃
051:06	ܫܘܘܕܥܐ ܕܪܫܝܬܐ ܕܡܢܢ ܕܐܬܝܚܕ ܠܡܠܬܐ ܐܠܗܐ܃
051:07	ܕܒܗ ܕܝ݂ܢܐ ܘܚܘܕܬܐ ܕܟܠ ܗ݀ܘܐ܂ ܐܝܟ ܕܐܦ ܒܕܡܘܬ ܡܠܟܐ
051:08	ܐܬܚܙܝ ܕܝܬܝܒ ܥܠ ܟܘܪܣܝܐ ܠܕܝ݂ܢܐ ܕܥܡܐ ܘܕܥܡܡ̈ܐ܂
051:09	ܘܒܗ݀ܝ ܬܘܒ ܕܐܝܟ ܚܙܘܐ ܕܩܫܬܐ ܚܕܐ ܐܝܬܝܗ݀܃ ܘܡܢ
051:10	ܢܗܝܪܐܝܬ ܐܘܕܥ܃ ܕܐܝܟܢܐ ܕܩܫܬܐ ܚܕܐ ܐܝܬܝܗ݀܃ ܘܡܢ
051:11	ܓܘ̈ܢܐ ܡܫ̈ܚܠܦܐ ܐܝܬܘܗܝ ܪܘܟܒܗ݀ ܘܚܙܬܗ݀ ܘܩܘܝܡܗ݀܃
051:12	ܗܟܢܐ ܐܦ ܓܠܝܢܐ ܗܢܐ ܐܝܬܘܗܝ ܡܦܬܟܐ܃ ܘܥܠ
051:13	ܓܠܝܢܗ ܕܐܠܗܐ ܡܠܬܐ ܕܒܐܢܫܘܬܐ ܡܒܕܩ ܗܘܐ܂
051:14	‍{‍II܂2‍}‍ ܗ݀ܝ ܕܥܠܬ ܒܝ ܪܘܚܐ ܘܐܩܝܡܬܢܝ܂ ܡܘܕܥ ܕܥܕܡܐ
051:15	ܕܐܬܚܝܠ ܡܢ ܡܥܒܕܢܘܬܐ ܕܪܘܚܐ܃ ܘܟܢ ܐܫܟܚ ܕܢܬܪܘܨ
051:16	ܢܦܫܗ ܘܢܩܘܡ ܘܢܫܡܥ ܐܝܠܝܢ ܕܡܬܐܡܪ̈ܢ ܠܗ܂
051:17	‍{‍3‍}‍ ܒܐܡܝܢܘ ܓܝܪ ܩ݁ܪܐ ܒܪܢܫܐ ܠܗܢܐ ܢܒܝܐ ܠܚܘܕ܃
051:18	ܐܝܟ ܕܢܘܕܥ ܠܗ ܡܘܟܟܐ ܘܬܚܘܒܘܬܐ ܕܟܝܢܗ܃ ܘܕܠܐ
051:19	ܡܛܠ ܝܬܝܪܘܬ ܓܠܝ̈ܢܐ ܕܩܒܠ ܝܬܝܪ ܡ݁ܢ ܐܚܪ̈ܢܐ܃
051:20	ܢܬܬܪܝܡ ܒܪܥܝܢܗ ܘܢܘܒܕ ܡܘܗܒܬܐ ܕܢܒܝܘܬܐ܃
051:21	ܘܡܓܠܐ ܐܦ̈ܐ ܕܢܣ݂ܒ ܩܕܡ ܐܠܗܐ܂
051:22	‍{‍6‍}‍ ܥܩܪ̈ܒܐ ܩ݁ܪܐ ܠܗܘܢ܃ ܐܝܟ ܕܐܦ ܝܘܚܢܢ ܘܡܪܢ
051:23	ܚܘܘ̈ܬܐ ܘܝܠܕܐ ܕܐܟ̈ܕܢܐ ܫܡܗܘ ܐܢܘܢ܂
051:24	‍{‍8‍}‍ ܒܗ݀ܝ ܕܠܐ ܬܗܘܐ ܡܡܪܡܪܢ ܐܝܟ ܒܝܬܐ ܘܕܫܪܟܐ܃
051:25	ܕܡܝܐ ܕܠܡܫܬܐܠܘ ܓܡܝܪܐܝܬ ܡܢ ܢܒܝܘܬܐ ܡܛܝܒ
051:26	ܗܘܐ܃ ܐܝܟ ܡܘܫܐ ܘܐܪܡܝܐ܂ ܘܒܕܓܘܢ ܒܗܕܐ ܫܬܩܗ
051:27	ܠܢܒܝܐ ܘܠܐ ܝܗ݂ܒ ܠܗ ܐܬܪܐ ܕܢܦܩ ܠܡܐ ܕܒܪܥܝܢܗ܂
051:28	‍{‍10‍}‍ ܗ݀ܝ ܕܟܬܝܒ ܡܢ ܩܕܡܘܗܝ ܘܒܣܬܪܗ܃ ܡܒܕܩܐ
051:29	ܥܦܝܦܘܬܐ ܕܟܬܝܒ̈ܬܗ ܥܠ ܫܪܪܗ܃ ܒܕܡܘܬ ܣܦܪܗ
051:30	ܕܡܘܫܐ܂ ܘܬܘܒ ܥܠ ܣܓܝܐܘܬ ܥܩ̈ܬܐ ܕܐܬܝ̈ܢ ܥܠ ܗ݀ܘ