The Comprehensive Aramaic Lexicon

054:01	ܟܕ ܡܬܥܦܦ ܗ݂ܘ ܡܢܝܢܐ ܘܡܬܚܫܒܝܢ ܬܪ̈ܝܢ ܚܕ܃ ܕܗܘܝܢ
054:02	‍{‍ܡܐ‍}‍/ܡܐܐ#2#/ ܘܚܡܫܝܢ܃ ܘܐܪܒܥܝܢ ܕܝܗܘܕܐ܃ ܦܫ̈ܝܛܐ ܟܕ ܠܐ
054:03	ܡܬܥܦܦܝܢ܂ ܡܛܠ ܠܡ ܕܩܫܐ ܘܢܓܝܪ ܙܒܢܐ ܥܠ ܗ݀ܢܘܢ
054:04	ܕܪܡܝܢ ܒܥܩ̈ܬܐ܃ ܘܚܕ ܝܘܡ ܬܪ̈ܝܢ ܢ݁ܓܪ ܥܠܝܗܘܢ܃ ܥܠ
054:05	ܗܕܐ ܡܬܚܗ ܠܙܒܢܐ܂ ܘܐܦ ܝܘܢܝܐ ܠܡ ܡܐܐ ܘܬܫܥܝܢ
054:06	ܐ݁ܡܪ܂ ܐܠܐ ܢܕܥܘܢ ܗܠܝܢ܃ ܕܠܐ ܒܦܫܝܛܘܬܗ ܕܡܢܝܢܐ
054:07	ܐܦܠܐ ܒܥܦܝܦܘܬܗ ܡܣܬܩܡ ܡܢܝܢܐ܃ ܠܘ ܒܠܚܘܕ
054:08	ܥܕܡܐ ܠܟܘܪܫ܃ ܐܠܐ ܐܦܠܐ ܠܐܪܒܥܐ ܡ̈ܠܟܝܢ
054:09	ܕܒܬܪܗ܂ ܗܢܘ܂ ܠܐܪܛܚܫܫܬ ܕܒܝܘ̈ܡܝ ܚܘܢܝܐ܂ ܬܘܒ ܐܦܠܐ
054:10	ܥܠ ܫܒܝܗܘܢ ܐܡܝܪܐ܃ ܒܗ݀ܝ ܕܥܘ݂ܠܐ ܦܩ݂ܕ ܠܗ ܕܢܫܩܘܠ܃
054:11	ܘܠܘ ܡܣܡܒܪܫܐ ܕܚܠܦ ܥܘ݂ܠܗܘܢ܂
054:12	ܒܪܡ ܡܣܬܩܡ ܡܢܝܢܐ ܕܥܘ݂ܠܐ܃ ܡܢ ܡܘܬܗ ܕܫܠܝܡܘܢ

054:13	ܘܡܠܟܘܬܗ ܕܝܘܪܒܥܡ ܪܫܝܥܐ܃ ܥܕܡܐ ܠܓܘܠܝܐ

054:14	ܕܥܣܪܐ ܫܒ̈ܛܝܢ܃ ܬܠܬܡܐܐ ܘܚܡܫܝܢ ܫ̈ܢܝܢ܂ ܫܘܝܢ ܗܘܘ
054:15	ܓܝܪ ܕܡܢ ܝܘܪܒܥܡ ܢܫܬܒܘܢ܃ ܒܪܡ ܣܝܒܪ ܐܢܘܢ ܐܠܗܐ
054:16	ܒܚܢܢܗ܂ ܘܐܦ ܠܝܗܘ̈ܕܝܐ ܣܝܒܪܘ ܕܡܪܫܥܝܢ܃ ܐܪܒܥܝܢ
054:17	ܫ̈ܢܝܢ܃ ܟܕ ܫܘܝܢ ܗܘܘ ܕܥܡ ܐܚܝ̈ܗܘܢ ܢܫܬܒܘܢ܂ ܬܠܬܡܐܐ
054:18	ܓܝܪ ܘܬܫܥܝܢ ܕܓܘܐ ܗܘ̈ܝ ܕܬܪ̈ܬܝܗܝܢ ܡܠܟ̈ܘܬܐ܂ ܗܢܘ܂
054:19	ܡܢ ܫܠܝܡܘܢ ܥܕܡܐ ܠܚܘܪܒܗ݀ ܕܐܘܪܫܠܡ ^ܚܙܝ ܕܐܪܒܡܐܐ ܘܬܠܬܝܢ ܫ̈ܢܝܢ ܠܚܘܪܒܐ܂ ܘܛܥܘܢܐ ܗܘ ܪܒܐ#2#^܂ ܟܕ ܒܝܕ
054:20	ܗܕܐ ܪܘܚܐ ܢ݁ܦܩ ܠܢܒܝܐ܃ ܚܠܦ ܒܥܘܬܗ ܕܥܠ ܐܘܪܫܠܡ܃
054:21	ܕܡܢ ܝܘܡܐ ܕܐܬܒܢܝܬ ܠܐ ܥܒܕܘ ܕܫܦܝܪ܂ ܕܐܢ ܠܡ ܠܟ
054:22	ܥܣܩܐ ܠܡܣܝܒܪܘ ܗܢܐ ܩܠܝܠ ܙܒܢܐ ܝܘܡܐ ܡܢ ܫܢܬܐ܃
054:23	ܟܡܐ ܡܠܘܢ ܠܝ܃ ܕܡܢ ܝܘ̈ܡܝ ܝܘܪܒܥܡ ܣ݁ܝܒܪܬ
054:24	ܠܥܘ݂ܠܗܘܢ ܘܠܪܘܫܥܗܘܢ܃ ܐܝܟ ܕܐܡ݂ܪ ܒܐܝܫܥܝܐ܃
054:25	ܕܠܐ݁ܝܬ ܠܡܫܩܠ܂ ܘܐܟܙܢܐ ܕܐܢܬ ܠܐ ܡܬܗܦܟ ܐܢܬ
054:26	ܡܢ ܣܛܪܐ ܠܣܛܪܐ ܙܒܢܐ ܟܠܗ ܕܐܬܦܩ݂ܕܬ܃ ܗܟܢܐ
054:27	ܐܦ ܗ݂ܢܘܢ ܒܕܠܐ ܡܫܬܚܠܦܝܢ ܡܢ ܣܢܝ̈ܬܗܘܢ܃ ܐܦܠܐ
054:28	ܓ݂ܙܪ ܕܝ݂ܢܐ ܕܦܣ݁ܩܬ ܥܠܝܗܘܢ ܗ݀ܦܟ ܡܢܗܘܢ܂