The Comprehensive Aramaic Lexicon

02:01	ܢܒܝܘܬܗ ܕܝܢ ܐܝܬ ܕܐܡܪܘ ܕܗ݂ܘ ܐܟܬܒܗ݀܂ ܐܚܪ̈ܢܐ܃
02:02	ܕܒܪܘܟ ܠܡ܂ ܘܟܕ ܟܬܝܒܐ ܗܘܬ ܚܕܐ ܙܒܢ܃ ܐܘܩܕܗ݀
02:03	ܝܘܝܩܝܡ܃ ܘܗܦ݂ܟ ܟܬܒܗ݀ ܐܝܟ ܦܘܩܕܢܗ ܕܐܠܗܐ܂
02:04	ܐܦܢ ܓܝܪ ܝܕܥܬܐ ܗ݀ܝ ܚܙܝܬ ܟܠ ܡܦܣܐ ܗܘܬ ܒܚܪܝܘܬܗ
02:05	ܕܥܡܐ܃ ܘܡܣܬܒܪ̈ܢ ܐܝܟ ܝܬܝܪ̈ܬܐ ܡܠܝ̈ܗܘܢ ܕܢܒ̈ܝܐ܃
02:06	ܐܠܐ ܒܘܚܪܢܐ ܗܘ̈ܝ ܕܪܥܝܢܗܘܢ ܒܝܫܐ ܕܝܗܘ̈ܕܝܐ܂
02:07	ܬܘܒ ܕܝܢ ܘܐܝܟ ܕܠܝܕܝܥܘܬܐ ܕܝܕܥܬܐ/ܕܝܕܝܥܘܬܐ#2#/ ܕܒܢܝܢܫܐ
02:08	ܘܕܡܠܐܟ̈ܐ܃ ܘܠܓܠܝܢܐ ܕܬܪܝܨܘܬ ܟܐܢܘܬܗ ܕܕܝܢܐ
02:09	ܟܐܢܐ ܕܐܠܗܐ܃ ܛܒ ܚܫ̈ܚܢ ܗܘ̈ܝ ܘܡܬܒ̈ܥܝܢ܂ ܠܘ ܓܝܪ
02:10	ܝܕܥܬܐ ܡܩܕܡܬܐ ܐܝܬ ܗܘܬ ܠܐܢܫ̈ܐ ܘܠܡܠܐܟ̈ܐ ܕܠܐ

02:11	ܢܣܬܢܩܘܢ ܕܒܝܕ ܓܠܝ̈ܬܐ ܢܐܠܦܘܢ ܒܝ̈ܫܬܐ ܕܝܗܘ̈ܕܝܐ܃

02:12	ܐܘ ܡܪܚܡܢܘܬܐ ܕܐܠܗܐ ܕܩܪܝܐ ܠܗܘܢ܃ ܐܘ ܟܐܢܘܬܗ
02:13	ܗ݀ܝ܂ ܕܪܕܝܐ ܗܘܬ ܠܗܘܢ܂ ܘܒܕܓܘܢ ܐܦ ܢܒܝܐ ܣܒܝܣܐܝܬ
02:14	ܥܠ ܬܪ̈ܝܗܘܢ ܗܠܝܢ ܫ̈ܘܚܠܦܐ ܡܡܠܠ܃ ܕܐܢ ܡܬܬܘܝܢ
02:15	ܡܬܟܠܝܢ ܡܢ ܚܪܒܐ ܘܫܒܝܐ܃ ܘܐܢ ܠܐ ܡܕܪ̈ܟܢ ܠܗܘܢ
02:16	ܒܝ̈ܫܬܐ܀
02:17	ܥܕܠܐ ܐܨܘܪܟ ܒܡܪܒܥܐ܂ ܠܘ ܐܝܟ ܡ݁ܢ ܕܠܗܢܐ
02:18	ܒܠܚܘܕ ܝ݁ܕܥ ܩܕܡ ܕܢܗܘܐ܃ ܘܠܐܚܪ̈ܢܐ ܠܐ܂ ܐܠܐ ܡܛܠ
02:19	ܕܥܬܝܕ ܗܘܐ ܠܡܫܬܐܠܘ ܒܬܪܟܢ ܡܢ ܥܒܕܐ ܕܢܒܝܘܬܐ܃
02:20	ܩܕܡ ܚܘܝܗ ܐܠܗܐ܃ ܕܠܘ ܐܝܟ ܕܐܬܝܐ ܓܒܝܗܝ܃ ܘܠܘ
02:21	ܐܝܟ ܡ݁ܢ ܕܗܫܐ ܝ݁ܕܥ ܕܥ݁ܗܢ ܠܢܒܝ݂ܘܬܐ܃ ܡܫܕܪ ܠܗ ܨܝܕ
02:22	ܥܡܐ܂ ܐܠܐ ܕܓܡܝܪܐܝܬ ܐܝܟ ܕܡܛܠܬܗ݀ ܕܢܒܝܘܬܐ ܢܣܒܪ
02:23	ܕܗܘ݂ܐ ܐܦ ܗ݂ܘ ܬܘܩܢܗ ܘܪܘܟܒܗ܂ ܟܕ ܡܟܚܕ ܠܗ ܒܗܕܐ܃
02:24	ܕܠܐ ܢܬܚܪܐ ܠܘܩܒܠ ܐܝܩܪܗ ܘܓܒܘܠܗ܃ ܢܫܬܡܥ ܕܝܢ ܠܗܢܝܢ
02:25	ܕܝܘܬܪܢܐ ܐܢܝܢ ܕܝܠܗ ܘܕܥܡܗ܃ ܘܒܬܪܟܢ ܕܟܠܗܘܢ
02:26	ܒܢܝܢܫܐ܂
02:27	ܗ݀ܝ ܕܩܕܫܬܟ܂ ܗܢܘ܂ ܦܪܫܬܟ܂
02:28	ܗ݀ܝ ܕܐܘܫܛ ܐܝܕܗ ܘܩܪܒ ܠܦܘܡܝ܂ ܐܝܟ ܡ݁ܢ ܕܒܝܕ
02:29	ܐܝܕܐ ܓܫܝܡܬܐ ܢܐܠܦ ܕܚܝܠܐ ܠܐ ܡܬܚܙܝܢܐ ܘܠܐ
02:30	ܡܙܕܟܝܢܐ ܩܒܠ܃ ܕܡܫܟܚ ܕܢܩܘܡ ܠܘܩܒܠ ܒܝܫܘܬܐ ܕܒܢܝ