The Comprehensive Aramaic Lexicon

14:01	ܗ݀ܝ ܕܢܚܒܠ ܩܝܣܐ ܒܠܚܡܗ܃ ܐܝܠܢܐ ܠܡ ܘܦܐܪ̈ܘܗܝ܂
14:02	ܗܢܘ܂ ܠܙܒܝܐ ܘܠܦܬܓܡ̈ܘܗܝ ܥܡܗ܂ ܩܝܣܐ ܠܩܢܘܡܗ
14:03	ܕܢܒܝܐ ܩ݁ܪܐ܃ ܘܦܐܪܗ ܕܩܝܣܐ ܕܐܝܬܘܗܝ ܠܚܡܗ ܕܩܝܣܐ
14:04	ܠܡ̈ܠܐ ܕܢܒܝܘܬܗ܂ ܟܐܡܬ ܓܡܝܪܐܝܬ ܢܘܒܕܝܘܗܝ ܠܗ
14:05	ܘܠܡ̈ܠܘܗܝ ܕܒܗܝܢ ܡܬܢܒܐ ܥܠܝܢ ܒܝܫ̈ܬܐ܂ ܬܘܒ ܢܚܠܘܛ
14:06	ܒܠܚܡܗ ܩܝܣܐ܃ ܣܡܐ ܡܕܡ ܩܛܘܠܐ܃ ܐܝܟ ܕܢܡܘܬ
14:07	ܘܢܐܒܕ ܡܢ ܚ̈ܝܐ܂ ܝܘܢܝܐ܃ ܬܘ ܢܪܡܐ ܩܝܣܐ ܒܠܚܡܗ
14:08	ܘܕܫܪܟܐ܂
14:09	ܗ݀ܝ ܕܕܝ݂ܢܐ ܡܡܠܠ ܐܢܐ ܩܕܡܝܟ܂ ܠܘ ܟܕ ܡܬܥܕܠ܃
14:10	ܐܠܐ ܠܡܐܠܦ ܠܡ ܨ݁ܒܐ ܐܢܐ܃ ܘܕܐܠܦ ܠܐܚܪ̈ܢܐ܂
14:11	ܘܕܕܡ̈ܝܢ ܠܗܕܐ܃ ܣ̈ܓܝܐܐ ܡܢ ܢܒ̈ܝܐ ^ܐܝܟ ܕܘܝܕ ܘܚܒܩܘܩ^ ܐܡܪܘ܃ ܠܘ

14:12	ܟܕ ܡܬܥܕܠܝܢ ܒܐܠܗܐ ܘܒܪܚܡܢܘܬܗ܃ ܐܠܐ ܟܕ

14:13	ܚܙܝܢ ܠܣ̈ܓܝܐܐ ܕܡܪܫܥܝܢ ܘܬܘܪܨܐ ܠܐ ܡܩܒܠܝܢ܃
14:14	ܘܡܬܬܥܝܩܝܢ ܒܢܦܫܗܘܢ ܘܨܒܝܢ ܠܡܕܥ܃ ܕܐܝܕܐ ܗܝ
14:15	ܥܠܬܐ ܕܗܢܐ ܟܠܗ ܐܬܪܐ ܡܬܝܗܒ ܠܗܘܢ ܕܢܪܫܥܘܢ
14:16	ܘܕܫܪܟܐ܂
14:17	ܗ݀ܝ ܕܠܐ ܢܚܙܐ ܚܪܬܢ܂ ܗܢܘ܂ ܠܐ ܡܫܬܒܝܢܢ܂ ܗ݀ܝ
14:18	ܕܥܣܒܐ ܕܚܩܠܐ ܝܒ݂ܫ܃ ܕܡܝܐ ܕܒܨܝܪܘܬ ܡܛܪܐ ܐܘ
14:19	ܟܦܢܐ ܗܘ݂ܬ܃ ܟܕ ܗܠܝܢ ܐܡ݂ܪ ܢܒܝܐ܂
14:20	ܗܐ ܥܡ ܪ̈ܓܠܝܐ ܪܗ݂ܛܬ ܘܐܠܐܝܘܟ ܘܕܫܪܟܐ܂
14:21	ܪ̈ܓܠܝܐ ܕܝܢ ܘܐܪܥܐ ܕܫܠܡܐ܃ ܠܣܘܥܪ̈ܢܐ ܕܒ̈ܢܝ ܥܡܗ
14:22	ܕܢܒܝܐ ܡܫܡܗ܃ ܪ̈ܟܫܐ ܕܝܢ ܘܥܘܫܢܗ ܕܝܘܪܕܢܢ܃ ܠܣܘܥܪ̈ܢܐ
14:23	ܕܡܕܒܪܢܘܬܗ ܕܐܠܗܐ܃ ܕܥܡܝܩܝܢ ܘܠܐ ܡܬܕܪܟܝܢ ܡܢ
14:24	ܥܒ̈ܝܕܐ܂ ܘܐ݁ܡܪ ܠܢܒܝܐ ܕܡܬܥܣܩ ܗܘܐ ܒܢܦܫܗ܃ ܥܠ
14:25	ܕܠܐ ܡܕܪܟ ܗܘܐ ܠܢܝܫܐ ܕܡܕܒܪܢܘܬܗ ܕܐܠܗܐ܃ ܕܐܢܬ
14:26	ܗܟܝܠ ܣܘܥܪ̈ܢܐ ܕܒ̈ܢܝ ܥܡܟ ܕܡܣܒܗܝܢ ܠܪ̈ܓܠܝܐ
14:27	ܕܪܗܛܝܢ ܥܡ ܪ̈ܟܫܐ܃ ܒܦܚܡܐ ܕܗܠܝܢ ܕܡܕܒܪܢܘܬܝ
14:28	ܩܠܝܠܬܐ܃ ܘܠܗ݀ܘ ܕܡܗܠܟ ܒܐܪܥܐ ܕܫܠܡܐ܂ ܗܢܘ܂
14:29	ܠܗ݀ܢܘܢ ܕܣܒ݂ܪܬ ܕܠܫܠܡܟ ܨܒܝܢ܃ ܘܗ݂ܢܘܢ ܡܬܦܪܣܝܢ