The Comprehensive Aramaic Lexicon

33:01	ܗ݀ܝ ܕܕܠܘܚܐ/ܕܕܠܘܚܝܐ#2#/ ܘܡܥܒܪ ܙܒ̈ܢܐ܂ ܗܢܘ܂ ܕܟܗܝܢܘܬܗ
33:02	ܘܕܡܠܟܘܬܗ܃ ܒܗ݀ܝ ܕܟܐܡܬ ܗ݂ܘ ܗܘ݂ܐ ܥܠܬܐ ܕܚܪܒܐ
33:03	ܕܐܪܥܗ܃ ܕܣܠ݂ܩ ܥܠ ܐܬܪ̈ܘܬܐ ܕܒܒ̈ܠܝܐ ܘܕܫܪܟܐ܂
33:04	ܥܓܠܬܐ ܫܦܝܪܬܐ ܩ݂̈ܪܐ ܠܡܠܟܘܬܐ ܕܡܨܪ̈ܝܐ܃
33:05	ܡܛܠ ܫܘܦܪܐ ܕܛܒ݁ܬܐ ܕܩܢܝܐ܂ ܡܨܝܪܬܐ ܕܝܢ܃ ܡܛܠ

33:06	ܣܓܝܐܘܬܐ ܘܡܦܬܟܘܬܐ ܕܦܬܟܪ̈ܝܗ݀܂

33:07	ܗ݀ܝ ܕ‍{‍ܦܣܘܩ‍}‍‍<‍ܦܣܩܘ#3#‍>‍ ܥܒ̈ܝܗ݀܂ ܗܢܘ܂ ܥܡܗ݀ ܘܥܡܘܪ̈ܝܗ݀܂
33:08	ܝܘܢ ܕܐܡܘܢ܃ ܐܠܟܣܢܕܪܝܐ ܕܒܢܝܐ ܗܘܬ ܥܠ
33:09	ܫܡ ܐܡܘܢ ܦܬܟܪܐ܃ ܘܟܢ ܐܘܪܒܗ݀ ܐܠܟܣܢܕܪܘܣ ܘܩ݁ܪܗ݀
33:10	ܥܠ ܫܡܗ܂
33:11	ܗܒܘ ܟܠܝܠܐ ܠܡܘܐܒ ܡܛܠ ܕܡܚܪܒ
33:12	ܚܪܒܐ܂ ܟܠܝܠܐ ܓܝܪ ܐܘ ܠܡܠܟܘܬܐ ܩ݁ܪܐ ܟܬܒܐ ܐܘ
33:13	ܠܟܗܢܘܬܐ܃ ܐܘ ܠܡܕܡ ܕܐܝܬܘܗܝ ܡܫܡܠܝܐ܃ ܐܝܟ ܗ݀ܝ
33:14	ܕܬܫܒܘܚܬܐ ܠܡ ܢܗܘܐ ܠܟܘܢ ܟܠܝܠܐ ܕܐܬܩܕܫ
33:15	ܒܚܓܐ܂ ܗܪܟܐ ܕܝܢ ܥܠ ܡܠܟܘܬܐ ܐ݁ܡܪ܂ ܗܕܐ ܕܗܒܘ
33:16	ܠܬܠܬܐ ܣ̈ܘܟܠܐ ܡܬܕܢܝܐ܂ ܚܕ ܡܘܕܥ ܕܐܠܗܐ ܝܗ݂ܒ
33:17	ܡܠܟܘܬܐ ܠܡܘܐܒ̈ܝܐ܂ ܫܘܚܠܦܐ ܗܘ ܓܝܪ ܕܙܒܢܐ
33:18	ܕܡܠܬܐ܂ ܗܢܘ܂ ܝܗܒ݁ܬ ܠܗܘܢ܂ ܕܬܪ̈ܝܢ܃ ܐܪܦܘ ܠܗܘܢ
33:19	ܠܡ ܩܠܝܠ ܡܠܐ ܙܒܢ ܡܟܬܪܝܢ ܒܡܠܟܘܬܗܘܢ܂ ܠܒܒ̈ܠܝܐ
33:20	ܟܐܡܬ ܐ݁ܡܪ܃ ܕܢܪܦܘܢ ܐܢܘܢ ܗܢ ܩܠܝܠ ܛܘܪܐ
33:21	ܢܚܕܘܢ܂ ܕܬܠܬܐ܃ ܗܒܘ ܟܠܝܠܐ ܠܘ ܠܡܘܐܒ܃ ܐܠܐ
33:22	ܐܢܬ ܡܘܐܒ ܠܢܒܘܟܕܢܨܪ܂ ܬܘܒ ܣܒ ܠܡ ܟܠܝܠܐ
33:23	ܕܡܠܟܘܬܐ ܕܡܘܐܒ܃ ܘܗܒ ܠܒܒ̈ܠܝܐ܂ ܐܘ ܐܝܟ ܗ݀ܘ
33:24	ܕܐܠܗܐ ܦܩܕ ܠܡܠܐܟܘ̈ܗܝ ܘܠܡܫܡ̈ܫܢܘܗܝ܃ ܕܗܒܘ
33:25	ܟܠܝܠܐ ܠܡܘܐܒ ܕܢܬܠܝܘܗܝ ܠܢܒܘܟܕܢܨܪ܂
33:26	ܠܘ ܕܠܩܘܒܠܐ ܗܝ ܗܕܐ ܕܠܐ ܣܪܩܘ ܡܢ ܡܐܢܐ
33:27	ܠܡܐܢܐ܃ ܠܗ݀ܝ ܕܟܣܦܪ ܡܠܟܘ̈ܬܐ܃ ܕܐܬܚܪܒܘ ܡܘܐܒ̈ܝܐ
33:28	ܘܐܬܚܒܠܬ ܟܗܝܢܘܬܐ ܕܐܪܥܗܘܢ܃ ܡܢ ܥܡܐ ܘܡܢ
33:29	ܐܕܘܡ̈ܝܐ܃ ܒܝܕ ܬܠܬܐ ܡ̈ܠܟܝܢ ܕܣܠܩܘ ܥܠܝܗܘܢ܂