The Comprehensive Aramaic Lexicon

02:01	ܐܫܬܕܪܘ ܕܝܢ ܢܒ̈ܝܐ ܨܝܕ ܥܡܐ ܥܪܢܐ ܘܡܪܘܕܐ܃ ܚܕܐ
02:02	ܐܝܟܢܐ ܕܬܬܝܕܥ ܪܚܡܬܗ ܕܐܠܗܐ ܕܨܝܕ ܚ̈ܛܝܐ܃ ܘܕܐܝܟܢ
02:03	ܨ݁ܒܐ ܒܡܬܦܢܝܢܘܬܗܘܢ܂ ܕܬܪ̈ܬܝܢ܃ ܕܐܢ ܠܐ ܬܝܒܝܢ ܡܢ
02:04	ܥܘܠܗܘܢ ܢܗܘܘܢ ܕܠܐ ܡܦܩ ܒܪܘܚ܃ ܡܐ ܕܡܕܪܟܐ ܠܗܘܢ
02:05	ܬܒܥܬܐ ܚܪܝܦܬܐ܂ ܕܬܠܬ܃ ܕܢܥܗܕ ܐܢܘܢ ܗ̈ܢܝܢ ܕܡܢ ܩܕܝܡ
02:06	ܒܝܕ ܡܘܫܐ ܩܕܡܝܬ܃ ܘܟܢ ܒܝܕ ܕܘܝܕ ܐܬܐܡܪ ܥܠܝܗܘܢ
02:07	ܥܩ̈ܬܐ ܘܡܪ̈ܕܘܬܐ ܘܫܒ̈ܝܐ ܝ̈ܠܕܐ ܕܚܛܗ̈ܝܗܘܢ܂ ܕܗܐ ܠܡ
02:08	ܩܪܒ ܙܒܢܗܝܢ܂ ܘܥܠ ܬܪܥܐ ܩܝ̈ܡܢ܂ ܕܐܪܒܥ ܕܝܢ܃ ܕܐܝܟ
02:09	ܕܢܗܘܘܢ ܡܒܕܩ̈ܢܐ ܘܟܪ̈ܘܙܐ ܪ̈ܡܝ ܩܠܐ ܥܠ ܡܬܓܠܝܢܘܬܗ
02:10	ܕܡܪܢ ܝܫܘܥ܂ ܕܡܛܠܬܗ ܗܘ݂ܬ ܓܒܝܬܗ ܕܥܡܐ܃ ܘܣܟ ܟܠܗ݀
02:11	ܡܕܒܪܢܘܬܐ ܕܗܝܕܝܟ܂ ܒܡܢܐ ܕܝܢ ܡܕܡ ܐܚܪܝܢ ܡܫܟܚܝܢ
02:12	ܗܘܝܢ ܠܡܩܒܠܘܬܗ܃ ܐܠܘ ܠܐ ܐܬܩܕܡܢܢ ܐܬܕܪܫܢܢ ܒܗ̈ܢܝܢ
02:13	ܕܢܒ̈ܝܐ܂ ܕܒܕܓܘܢ ܘܐܦ ܦܪܘܩܢ ܐܡܬܝ ܐܡܬܝ ܡܢ ܡ̈ܠܐ
02:14	ܕܢܒ̈ܝܐ ܡܫܪܪ ܗܘܐ ܩܘܝܡܐ ܕܡܠܦܢܘܬܗ܂ ܒܨܘ ܠܡ ܟܬܒ̈ܐ
02:15	ܕܒܗܘܢ ܡܣܒܪܝܢ ܘܕܫܪܟܐ܂ ܘܙܠܘ ܠܡ ܝܠܦܘ܂ ܗܢܘ܂ ܡܢ
02:16	ܟܬܒ̈ܐ܂ ܕܡ݁ܢܘ܃ ܚܢܢܐ ܨ݁ܒܐ ܐܢܐ ܘܠܐ ܕܒܚܬܐ܂ ܘܡܘܫܐ
02:17	ܠܡ ܥܠܝ ܟܬ݂ܒ܃ ܥܕ ܕܡ̈ܝܬܐ ܕܗܠܝܢ܂ ܡܫܟܚܝܢܢ ܓܝܪ ܠܥܡ̈ܡܐ
02:18	ܒܪܒܪ̈ܝܐ܃ ܕܥܠ ܕܠܐ ܐܬܩܕܡܘ ܐܬܢܦܩܘ ܒܗܠܝܢ ܕܢܒ̈ܝܐ܃
02:19	ܕܫܘ̈ܥܝܬܐ ܡܬܚܫ̈ܒܢ ܠܗܘܢ ܗܠܝܢ ܕܥܠ ܡܫܝܚܐ ܘܥܠ
02:20	ܡܕܒܪܢܘܬܗ܂ ܕܚܡܫ ܕܝܢ܃ ܕܝ݁ܕܥ ܟܣܝ̈ܬܐ ܘܒ݁ܚܕ ܪ̈ܚܝܩܬܐ
02:21	ܢܬܚܫܒ ܐܠܗܐ܃ ܘܕܠܐ ܢܬܥܫܩ ܡܢ ܡܪ̈ܚܐ܃ ܕܚܘܫܒܐ ܡܕܡ
02:22	ܠܐ ܩܕܝܡܐ ܘܫܪܘܝܐ ܥ݂ܠ ܘܥ݂ܕܐ ܥܠܘܗܝ܃ ܒܗܠܝܢ ܕܒܟܠܕܪ

02:23	ܘܫܪ̈ܒܢ ܣ݁ܥܪ ܗܘܐ ܘܣ݁ܥܪ ܒܡܕܒܪܢܘܬܗ ܡܪܬ ܚܟܡ̈ܬܐ܂ ܐܠܐ

02:24	ܕܡܢ ܡܬܘ̈ܡܐ ܟܠܗܘܢ ܨܝܪ̈ܢ ܗܘ̈ܝ ܒܚܘܫܒܗ ܟܠܗܝܢ
02:25	ܥܬܝ̈ܕܬܐ܃ ܘܐܡܬܝ ܕܫܦܪܐ ܠܨܒܝܢܗ܃ ܫܡܠܝ ܐܢܝ̈ܢ ܒܥܒ݁ܕܐ܂
02:26	ܟܕ ܒܙܒܢ ܡ݁ܢ ܒܝܕ ܚܠܡܐ ܡܬܒ̈ܕܩܢ ܗܘ̈ܝ ܠܗܘܢ܃ ܗ̈ܢܝܢ ܟܣܝ̈ܬܐ
02:27	ܘܪ̈ܚܝܩܬܐ܂ ܒܙܒܢ ܕܝܢ ܥܠ ܪܥܝܢܗܘܢ ܘܠܒܗܘܢ ܡܬܬܨܝܪ̈ܢ
02:28	ܗܘ̈ܝ܂ ܙܢܐ ܕܡܬܩܪܐ ܡܫܩܠܐ܃ ܐܡܬܝ ܕܡܫܩܠ ܪܥܝܢܗ ܕܢܒܝܐ
02:29	ܨܝܕ ܗ̈ܢܝܢ ܡܬܝܕܥܢܝ̈ܬܐ܂ ܘܒܙܒܢ ܒܙܢܐ ܡܬܪܓܫܢܐ܃ ܐܝܟ