The Comprehensive Aramaic Lexicon

10:01	ܕܡܪܝܐ ܚܝܠܬܢܐ܃ ܥܠ ܚܕܢܝܘܬ ܟܝܢܐ ܕܐܠܗܐ܂ ܘܥܠ ܗܕܐ
10:02	ܐܦ ܠܩܘܕܫ̈ܐ ܡܢ ܚ̈ܕܕܐ ܡܦܪܫܝܢ ܗܘܘ܂ ܐܝܟ ܛܟܣܐ ܘܩܪܝܬܐ

10:03	ܕܝܠܗܘܢ ܕܩܢܘ̈ܡܐ܂ ܩܕܝܫ܃ ܘܫܠܝܢ܂ ܘܟܢ ܩܥܝܢ ܩܕܝܫ܂ ܘܟܢ ܡܩܦܝܢ

10:04	ܗ݀ܝ ܕܡܪܝܐ ܘܕܫܪܟܐ܂
10:05	ܕܒܗܝܟܠܐ ܕܝܢ ܚܙܝܗܝ ܠܓܠܝܢܐ܃ ܬܪ̈ܬܝܢ ܐܠܦ܂ ܚܕܐ ܕܥܬܝܕ
10:06	ܗܘ ܙܒܢܐ ܕܚܠܦ ܚܕ ܗܝܟܠܐ܃ ܢܬܒܢܘܢ ܗܝ̈ܟܠܐ ܣ̈ܓܝܐܐ
10:07	ܒܥܠܡܐ ܟܠܗ܃ ܠܣܓܕܬܐ ܕܡܪܘܬܗ܂ ܐܝܟ ܒܪܬ ܩܠܗ ܕܡܪܢ
10:08	ܕܨܝܕ ܫܡܪܝܬܐ܂ ܕܬܪ̈ܬܝܢ܃ ܕܡܛܝܒ ܗܘ ܐܠܗܐ ܡܠܬܐ܃ ܠܡܥܡܪ
10:09	ܒܗܝܟܠ ܐܢܫܘܬܢ܂ ܐܝܟ ܕܗ݂ܘ ܐܡ݂ܪ܂ ܕܫܪܘ ܠܗܝܟܠܐ ܗܢܐ
10:10	ܘܕܫܪܟܐ܂
10:11	‍{‍6‍}‍ ܓܡܘܪܬܐ ܕܝܢ ܐܪܙ ܦܓܪܗ ܕܡܪܢ܂ ܡܢ ܬܪ̈ܬܝܢ ܓܝܪ
10:12	ܡܬܩܝܡܐ ܟܠ ܓܡܘܪܬܐ܂ ܡܢ ܩܝ̈ܣܐ ܘܡܢ ܢܘܪܐ܂ ܘܐܦ ܦܓܪܐ
10:13	ܡܢ ܠܚܡܐ ܘܪܘܚܐ ܡܩܝܡ܂ ܟܠܒܬܐ ܕܝܢ ܚܠܦ ܟܗܢܘܬܐ ܡܠܝܬ
10:14	ܠܗ܂ ܒܕܐܦܠܐ ܚܢܢ ܒܠܥܕ ܟܗܢܘܬܐ ܡܡܪܚܝܢܢ ܠܩܘܪܒܗ
10:15	ܕܐܪܙܐ܂
10:16	‍{‍5‍}‍ ܗ݀ܝ ܕܐܕܘܝ ܢܒܝܐ ܢܦܫܗ܃ ܚܕܐ ܡܛܠ ܪܒܘܬܗ݀ ܕܬܕܡܘܪܬܐ܂
10:17	ܕܬܪ̈ܬܝܢ ܡܛܠ ܡܟܝܟܘܬܗ܂ ܕܬܠܬ܃ ܥܠ ܕܐܝܬܝ ܠܒܠܗ ܚܛܗܐ
10:18	ܗ݀ܘ ܕܒܥܠܬ ܫܬܩܗ ܕܡܢ ܥܘܙܝܐ ܟܕ ܚܛܦܗ݀ ܠܟܗܢܘܬܐ܂ ܐܝܟ
10:19	ܕܐܦ ܐܒܪܗܡ ܥܦܪܐ ܘܩܛܡܐ ܫܡܗ ܢܦܫܗ܂
10:20	‍{‍4‍}‍ ܗ݀ܝ ܕܙܥ ܐܣܟ̈ܦܬܐ܃ ܥܠ ܚܘܪܒܐ ܕܗܝܟܠܐ ܪܡܙܐ܃
10:21	ܐܝܟ ܡ݁ܢ ܕܡܬܥܩܪ ܘܡܫܢܝܐ ܫܟܝܢܬܐ ܘܕܚܠܬ ܐܠܗܐ ܨܝܕ
10:22	ܥܡܡ̈ܐ܂ ܬܢܢܐ܃ ܪܘܓܙܐ ܕܡܕܪܟ ܠܥܡܐ܂ ܩܕܡܝܬ ܒܝܕ
10:23	ܒܒ̈ܠܝܐ܃ ܘܠܚܪܬܐ ܒܝܕ ܪ̈ܗܘܡܝܐ܂ ܡܛܠ ܡܪܚܘܬܗܘܢ
10:24	ܕܥܠ ܡܪܢ܂ ܗ݀ܝ ܗܝ ܕܗܐ ܡܫܬܒܩ ܠܟܘܢ ܒܝܬܟܘܢ ܚܪܒܐ܂
10:25	ܬܢܢܐ ܒܟܠܕܘܟ ܚܠܦ ܡܣܡ ܒܪܫܐ ܐ݁ܡܪ܂
10:26	‍{‍13‍}‍ ܘܟܕ ܡܚܘܐ ܕܐܝܕܐ ܗܝ ܥܠܬܐ܃ ܕܒܗܠܝܢ ܟܠܗܘܢ
10:27	ܢܣܝ̈ܘܢܐ ܘܐܘܠܨ̈ܢܐ ܠܐ ܐܒܕܝܢ ܐ݁ܡܪ܂ ܙܪܥܐ ܗܘ ܩܕܝܫܐ
10:28	ܢܨܒܬܗ܂ ܗܢܘ܂ ܡܬܢܛܪ ܥܩܪܗܘܢ ܘܠܐ ܐ݁ܒܕ܃ ܡܛܠ ܦܐܪܐ