The Comprehensive Aramaic Lexicon

43:01	ܫܪܝܪܐ ܘܒܪܘܝܐ ܕܢܗܝܪ̈ܐ܃ ܗ݀ܢܘܢ ܕܡܢܗܘܢ ܐܝܟ ܐܠܗ̈ܐ
43:02	ܡܣܬܓܕܝܢ܂
43:03	‍{‍XL܂ 1‍}‍ ܒܝܐܘܗܝ ܒܝܐܘܗܝ ܘܕܫܪܟܐ܂ ܠܟܗ̈ܢܐ ܘܠܣܦܪ̈ܐ
43:04	ܕܥܡܐ ܦܩܕ܂
43:05	‍{‍4‍}‍ ܗ݀ܝ ܕܟܠܗܘܢ ܢܚ̈ܠܐ ܘܕܫܪܟܐ܂ ܗܢܘ܂ ܟܠ ܡܠܟܘܬܐ

43:06	ܘܪܫܢܘܬܐ ܕܡܥܟܪܐ ܠܦܘܢܝܐ ܕܥܡܐ ܬܬܓܠܐ ܡܢ ܡܨܥܬܐ܂

43:07	‍{‍10‍}‍ ܗܐ ܐܓܪܗ ܥܡܗ܂ ܗܢܘ܂ ܗܐ ܥܒ̈ܕܐ ܕܟܠܢܫ ܓܠܝܢ
43:08	ܩܕܡܘܗܝ܂ ܘܦܪܥ ܠܟܠܢܫ ܐܝܟ ܕܣܥܝܪ ܠܗ܂ ܟܕ ܠܛܒ̈ܐ ܝ݁ܗܒ
43:09	ܐܓܪܐ܃ ܘܠܒܝܫ̈ܐ ܠܡܣܡ ܒܪܫܐ ܡܫܠܡ܂
43:10	‍{‍12‍}‍ ܫܘܥܠܐ܂ ܦܣܬ ܐܝܕܐ ܟܕ ܟܦܝ̈ܦܢ ܨܒ̈ܥܬܐ ܩܠܝܠ܂
43:11	‍{‍20‍}‍ ܦ݂ܪܫܘ ܩܝܣܐ܂ ܗܢܘ܂ ܓܒܐ ܒܩܕܡܐ ܢܓܪܐ ܩܝܣܐ܃
43:12	ܕܠܐ ܣܠܩܐ ܒܗ ܒܠܛܝܬܐ܃ ܕܠܐ ܠܗܘܐ ܡܘܡܐ ܒܥܒ݁ܕܗ܂
43:13	ܘܟܢ ܥ݁ܒܕ ܨܠܡܐ ܘܕܫܪܟܐ܂
43:14	‍{‍22‍}‍ ܚܘܓܬܐ܂ ܚܘܕܪܐ܂ ܫܡܝܐ ܐܝܟ ܟܦܬܐ܃ ܠܗ݀ܘ ܥܠܝܐ
43:15	ܐ݁ܡܪ ܘܠܘ ܠܪܩܝܥܐ܂
43:16	‍{‍26‍}‍ ܕܡܦܩ ܒܡܢܝܢܐ ܚܝܠܘ̈ܬܗܘܢ ܘܕܫܪܟܐ܂ ܗܢܘ܂ ܐܝܟ
43:17	ܕܒܫܡ̈ܗܐ ܘܡܢܝܢܐ ܠܟܠ ܚܕ ܝ݁ܕܥ܃ ܘܡܦܩ ܘܡܚܘܐ ܠܗܘܢ܂
43:18	ܐܝܟ ܗ݀ܝ ܕܡܢ݂ܐ ܡܢܝܢܐ ܠܟܘܟܒ̈ܐ ܘܕܫܪܟܐ܂ ܚܝܠܘ̈ܬܐ
43:19	ܓܝܪ ܕܫܡܝܐ ܩ݂ܪܐ ܐܢܘܢ܃ ܠܦܘܬ ܣܓܝܐܘܬܗܘܢ
43:20	ܘܣܕܝܪܘܬܗܘܢ܂
43:21	‍{‍XLI܂ 1‍}‍ ܚܠܦ ܫܬܘܩ̈ܝܢ ܓܙܪ̈ܬܐ ܘܕܫܪܟܐ܂ ܝܘܢܝܐ܃ ܐܬܚܕܬܝ
43:22	ܠܘܬܝ ܓܙܪ̈ܬܐ܂ ܪܘܪ̈ܒܢܐ ܕܝܢ ܢܚܠܦܘܢ ܚܝܠܐ܂
43:23	‍{‍2‍}‍ ܡ݁ܢܘ ܐܥܝܪ ܗܕܐ ܙܕܝܩܘܬܐ ܕܟܠܗ ܗܢܐ ܙܒܢܐ ܕܡ݁ܟܐ
43:24	ܗܘܬ܃ ܘܩܪܗ݀ ܕܬܗܠܟ ܥܠ ܪܓܠܗ ܕܝܠܗ܂ ܐܟܡ݁ܢ ܕܗ݂ܘ ܐ݁ܙܠ
43:25	ܩܕܡܘܗܝ ܕܥܡܐ܂ ܗ݀ܝ ܕܡܢ ܡܕܢܚܐ܂ ܐܘ ܕܡܢ ܡܕܢܚܐ ܐܝܬܘܗܝ
43:26	ܗܘܐ ܟܘܪܫ ܡܦܢܝܢܗܘܢ܃ ܐܘ ܬܚܘܝܬܐ ܝ݁ܗܒ܃ ܕܐܝܟ ܕܢܚܗ
43:27	ܕܫܡܫܐ ܐܦ ܗ݂ܝ ܥܠ ܟܠ ܐܬܦܪܣܬ܂
43:28	‍{‍3‍}‍ ܐܘܪܚܐ ܒܪ̈ܓܠܘܗܝ ܠܐ ܢܥܠ܂ ܠܘ ܠܡ ܒܪ̈ܓܠܘܗܝ ܢܥܠܝܘܗܝ
43:29	ܠܥܡܐ ܠܦܠܣܛܝ̈ܢܐ܃ ܐܠܐ ܒܪ̈ܟܫܐ ܘܒܩܪ̈ܘܟܐ ܕܥܡ̈ܐ܂