← Back
The Comprehensive Aramaic Lexicon
← Return to the Text Browser
click on the file description for more information

63105: IshDan p. 116

Click on a word for lexical analysis
Click on a red-colored coordinate for comments and/or translations of the line

previous chapter


116:01 ܠܚܘܢܝܐ ܘܠܐܠܝܥܙܪ ܘܠܕܒܝܬ ܡܩ̈ܒܝܐ ܩ݁ܪܐ܂ ܟܘܟܒ̈ܐ

116:02 ܩ݁ܪܐ ܐܢܘܢ܃ ܡܛܠ ܢܨܝܚܘܬܐ ܘܦܐܝܘܬܐ ܕܕܚܠܬ

116:03 ܐܠܗܐ܃ ܟܕ ܪܡ݁ܙ ܬܘܒ ܥܠ ܗ݀ܝ ܕܐܥܒܕ ܙܪܥܟ ܐܝܟ
116:04 ܟܘܟܒ̈ܝ ܫܡܝܐ܂
116:05 ‍{‍11‍}‍ ܘܡܢܗ݀ ܐܪܝܡ ܐܡܝܢܘܬܐ܂ ܗܢܘ܂ ܡܢܗ݀ ܕܩܪܢܐ ܕܗ݂ܘ
116:06 ܐܢܛܝܟܘܣ܂ ܐܬܝܗܒ ܚܝܠܐ ܕܬܬܪܝܡ ܐܡܝܢܘܬܐ ܘܬܫܬܩܠ
116:07 ܡܢ ܕܘܟܬܗ݀܂ ܗܢܘ܂ ܕܒ̈ܚܐ ܘܩܘܪ̈ܒܢܐ܃ ܐܝܟ ܡ݁ܢ ܕܡܢ ܝܘ̈ܡܝ
116:08 ܡܘܫܐ ܡܛܟܣܝN ܘܪܕܝܢ ܐܡܝܢܐܝܬ܃ ܐܘ ܥܠ ܕܒܪܡܫܐ
116:09 ܘܒܨܦܪܐ ܡܩܪܒܝܢ ܕܒ̈ܚܐ܃ ܘܒܐܝ̈ܕܝ ܗܢ ܥܘ݁ܠܐ
116:10 ܐܬܒܛܠܘ܂ ܡܬܩܢ ܡܩܕܫܗ܂ ܗܢܘ܂ ܬܘܩܢܐ ܘܨܒܬܐ ܕܒܝܬܐ
116:11 ܕܡܪܝܐ ܫ݂ܪܐ ܘܦܠܗܕ ܘܒܠܒܠ܂
116:12 ‍{‍12‍}‍ ܗ݀ܝ ܕܚܝܠܐ ܐܬܝܗܒ ܘܕܫܪܟܐ܂ ܗܢܘ܂ ܡܛܠ ܚܘ̈ܒܐ
116:13 ܘܚܛܗ̈ܐ ܕܝܗܘ̈ܕܝܐ ܐܬܝܗܒ ܚܝܠܐ ܘܫܘܠܛܢܐ
116:14 ܠܐܢܛܝܟܘܣ ܕܢܡܠܐ ܪܓܬܗ ܥܠ ܐܡܝܢܘܬܐ ܕܕܒ̈ܚܐ
116:15 ܘܕܠܚܡ ܐܦ̈ܐ ܕܐܡܝܢܝܢ ܘܣܝܡܝܢ ܩܕܡ ܐܠܗܐ܂ ܗ݀ܝ
116:16 ܕܐܫܬܕܝ ܩܘܕܫܐ ܘܕܫܪܟܐ܃ ܒܗ݀ܝ ܕܟܕ ܥ݂ܠ ܠܐܘܪܫܠܡ
116:17 ܘܚ݂ܪܒ ܐܪܒܥ ܪ̈ܒܘܢ ܘܫܒ݂ܐ ܐܪܒܥ ܪ̈ܒܘܢ ܘܨ݂ܥܪ
116:18 ܠܢܫ̈ܐ܃ ܥ݂ܠ ܠܗܝܟܠܐ ܘܣܚ݂ܦ ܡܢܪܬܐ ܘܕܫ݂ ܦܬܘܪܐ ܕܠܚܡ
116:19 ܐܦ̈ܐ ܘܠܟܠܗܘܢ ܡ̈ܐܢܝ ܩܘܕܫܐ܃ ܘܒܢ݂ܐ ܥܠܬܐ ܒܓܘ
116:20 ܗܝܟܠܐ ܠܙܝܘܣ ܘܫܡܗܗ ܗܝܟܠܐ ܕܙܝܘܣ܃ ܘܕܒܚ ܚܙܝܪܐ
116:21 ܒܓܘܗ܂ ܘܥ݂ܠ ܠܒܝܬ ܓܙܐ܃ ܘܫܩ݂ܠ ܡܢ ܬܡܢ ܐܠܦ
116:22 ܘܬܡܢܐܡܐܐ ܟܟܪ̈ܐ ܕܕܗܒܐ ܘܡ̈ܐܢܝ ܬܫܡܫܬܐ܂ ܘܟܕ
116:23 ܢܦܩ ܫܒ݂ܩ ܒܬܪܗ ܓܒܪ̈ܐ ܡܚܒ̈ܠܢܐ܃ ܕܢܒܠܒܠܘܢ
116:24 ܛܟ̈ܣܐ ܘܢܡܘ̈ܣܐ ܬܪ̈ܝܨܐ܂
116:25 ‍{‍13‍}‍ ܦܠܘܡܢܝ܃ ܡܓܘܝܐ܂ ܫܡܐ ܗܢܐ ܣ݂ܡ ܠܗ ܡܢ
116:26 ܣܘܥܪ̈ܢܐ ܘܡܢ ܕܘܟܬܐ ܕܩ݁ܐܡ ܗܘܐ ܒܗ݀܃ ܕܡܓܘܝܐ
116:27 ܘܩܪܝܒܐ ܠܘܬ ܕܝ݁ܢܐ܃ ܘܡܦܣ ܒܐܪ̈ܙܐ ܐܦ ܒܣܘܥܪ̈ܢܐ
116:28 ܕܡܛܝܒܝܢ ܕܢܗܘܘܢ܂ ܫܡܐ ܗܘ ܓܝܪ ܥܒܪܝܐ܂
116:29 ‍{‍14‍}‍ ܗ݀ܝ ܕܥܕ ܪܡܫ ܨܦܪ ܬܪ̈ܝܢ ܐܠܦ̈ܝܢ ܘܬܠܬܡܐܐ܃
116:30 ܘܢܙܟܐ ܙܕܩܐ܂ ܗܢܘ܂ ܥܕ ܫ݁ܠܡ ܡܢܝܢܐ ܗܢܐ ܕܪܡܫܐ
116:31 ܘܕܨܦܪܐ܂ ܗܢܘ܂ ܕܠܠܝܐ ܘܕܐܝܡܡܐ ܡܢܝ ܬܪ̈ܝܢ ܐܠܦ̈ܝܢ

next chapter