The Comprehensive Aramaic Lexicon

131:01	ܘܕܝܠܘ̈ܕܐ ܘܕܥܠܝ̈ܡܐ ܘܕܒܬܘ̈ܠܬܐ܂ ܗܟܢܐ ܕܒܬܠܬܐ
131:02	ܝܘ̈ܡܝܢ ܐܒܕܘ ܐܝܟ ܬܡܢܐ ܪ̈ܒܘܢ ܒܢܝܢܫܐ܂ ܘܡܢܗܘܢ
131:03	ܐܬܩܛܠܘ ܘܡܢܗܘܢ ܐܙܕܒܢܘ܂ ܘܥ݂ܠ ܠܡܩܕܫܐ
131:04	ܒܫܘܒܗܪܐ ܘܢܣ݂ܒ ܠܡܕܒܚܐ ܕܕܗܒܐ ܘܠܡܢܪܬܐ
131:05	ܘܠܦܬܘܪܐ ܕܠܚܡ ܐܦ̈ܐ܃ ܘܣܟܐ ܕܟܠܗ݀ ܨܒܬܐ ܕܗܝܟܠܐ
131:06	ܘܣܝ̈ܡܬܐ ܡܛܫܝ̈ܬܐ܂ ܘܫܩ݂ܠ/ܘܫܒ݂ܩ#2#/ ܐܠܦ ܘܬܠܬܡܐܐ ܟܟܪ̈ܝܢ
131:07	ܕܕܗܒܐ ܡܢ ܗܝܟܠܐ܂ ܘܗܘ݂ܐ ܐܒܠܐ ܪܒܐ ܒܝܬ ܝܣܪܝܠ܃
131:08	ܘܕܝܬܒܐ ܒܓܘ ܓܢܘܢܐ ܐܬܐܒܠܬ܂ ܘܟܕ ܐ݂ܙܠ ܫܒ݂ܩ
131:09	ܬܪ̈ܝܢ ܕܒܝܫ̈ܝܢ ܡܢܗ܃ ܦܝܠܝܦܘܣ ܘܐܢܕܪܘܢܝܩܘܣ܂ ܘܫ݂ܕܪ
131:10	ܠܐܦܠܘܢܝܣ ܪܫܐ ܕܟܠܗܘܢ ܛܡ̈ܐܐ ܥܡ ܥܣܪܝܢ
131:11	ܘܬܠܬܐ ܐܠܦ̈ܝܢ ܚܝܠܐ܃ ܘܦܩ݂ܕ ܐܢܘܢ ܕܠܣܒ̈ܐ ܢܩܛܠܘܢ܃
131:12	ܠܢܫ݂̈ܐ ܕܝܢ ܘܠܥܠܝܡ̈ܐ ܢܙܒܢܘܢ܂ ܘܟܕ ܐܬ݂ܐ ܐܦܠܘܢܝܣ܃
131:13	ܡܠܠ ܥܡܗܘܢ ܡ̈ܠܐ ܕܫܠܡܐ ܒܢܟܠܐ܂ ܘܟܕ ܐܫܟܚ
131:14	ܐܢܘܢ ܕܒܛܝܠܝܢ ܒܝܘܡܐ ܕܫܒܬܐ܃ ܙܝܢ ܚܝܠܗ ܘܚ݂ܪܒ
131:15	ܐܢܘܢ ܒܓܘ ܡܕܝܢܬܐ ܘܠܒܪ ܡܢܗ݀܂
131:16	ܘܐܝܠܝܢ ܓܕܫ̈ܢ ܒܬܪ ܗܠܝܢ ܐ݁ܡܪ܂ ܒܗ ܠܡ ܒܙܒܢܐ
131:17	ܗ݀ܘ܃ ܢܫܬܘܙܒ ܡܢ ܒ̈ܢܝ ܥܡܟ ܟܠ ܕܢܫܬܟܚ ܕܟܬܝܒ
131:18	ܒܣܦܪܐ܂ ܗܢܘ܂ ܡܝܬܪ̈ܐ ܕܒܥܡܐ ܐܝܟ ܡܬܝܬܐ ܘܒ̈ܢܘܗܝ
131:19	ܘܕܫܪܟܐ܃ ܟܕ ܟܬܒܐ ܕܣܦܪܐ ܩ݁ܪܐ ܠܒܛܝܠܘܬܐ
131:20	ܕܐܠܗܐ ܕܢܛܪܐ ܠܗܘܢ܃ ܐܝܟ ܡ݁ܢ ܕܪܫܝܡ ܒܟܬܒܐ܂
131:21	‍{‍2‍}‍ ܘܣܓܝ̈ܐܐ ܐܝܠܝܢ ܕܕܡܟܝܢ ܒܥܦܪܐ ܢܬܬܥܝܪܘܢ܂ ܗܢܘ܂

131:22	ܥܓܝ̈ܢܝ ܒܒܝܫ̈ܬܐ ܘܡܡܟܟ̈ܝ ܒܥܩ̈ܬܐ܂ ܗܢܘ܂ ܗ݂ܢܘܢ

131:23	ܡܩ̈ܒܝܐ܂ ܗܠܝܢ ܠܚܝ̈ܝ ܥܠܡ̈ܐ܂ ܗܢܘ܂ ܡܣܝܒܪܢܘܬܗܘܢ
131:24	ܘܙܕܝܩܘܬܗܘܢ ܒܬܪ̈ܝܗܘܢ ܥܠܡ̈ܐ ܡܒܣܡܐ ܠܗܘܢ
131:25	ܒܚܝ̈ܐ܃ ܘܒܟܠܗܘܢ ܬܘܒ ܕܪ̈ܐ ܨܝܕ ܐܝܠܝܢ ܕܚܝ̈ܝܢ܃
131:26	ܡܗܕܪܐ ܠܗܘܢ ܒܥܘܗܕܢܐ ܡܝܬܪܐ܂ ܘܗܠܝܢ ܠܐܒܕܢܐ
131:27	ܘܠܚܣܕܐ ܕܚܒܪ̈ܝܗܘܢ܂ ܗܢܘ܂ ܟܗ̈ܢܐ ܪ̈ܫܝܥܐ ‍{‍ܘܡܫ̈ܟܠܐ‍}‍‍<‍ܘܡܟ̈ܫܠܐ‍>‍
131:28	ܡܫܬܠܡܝܢ ܠܡܣܡ ܒܪܫܐ ܡܛܠ ܥܘ݂ܠܗܘܢ܃ ܘܫܒܩܝܢ
131:29	ܫܡܐ ܒܝܫܐ ܘܡܚܣܕܐ ܠܘܬ ܚܒܪ̈ܝܗܘܢ ܐܡܝܢܐܝܬ܂
131:30	‍{‍3‍}‍ ܘܐܝܠܝܢ ܕܡܙܟܝܢ ܠܣܓܝ̈ܐܐ܃ ܕܐܝܬܝܗܘܢ ܡܩ̈ܒܝܐ