The Comprehensive Aramaic Lexicon

26:01	ܠܡܕܒܪܐ ܐܘܒܠ ܐܢܘܢ܃ ܚܕܐ ܡܛܠ ܬܕܡܪ̈ܬܐ ܕܥܒ݂ܕ ܠܘܬܗܘܢ
26:02	ܕܢܠܦ ܐܢܘܢ ܝܕܥܬܗ܂ ܕܬܪ̈ܬܝܢ ܕܛܘ̈ܦܣܐ ܕܥܬܝܕܝܢ ܗܘܘ ܢܩܕܡ
26:03	ܢܨܘܪ ܒܗܘܢ܂ ܕܬܠܬ܃ ܝܗܝܒܘܬܗ ܕܢܡܘܣܐ܂ ܕܐܪܒܥ܃ ܒܘܚܪܢܐ
26:04	ܕܡܠܝܠܘܬܗܘܢ ܕܒܐܪܒܥܝܢ ܫܢ̈ܝܢ܃ ܠܦܘܬ ܐܪܒܥܝܢ ܝܘܡ̈ܝܢ
26:05	ܕܓܫܘ̈ܫܐ܂ ܘܗܟܢ ܪܕܐ ܐܢܘܢ ܒܐܣܟ̈ܘܠܘܗܝ ܕܡܕܒܪܐ܂ ܟܕ ܠܐ
26:06	ܚܠܝܛܝܢ ܒܥܡ̈ܡܐ܂ ܘܐܝܠܝܢ ܕܡܪܫܥܝܢ ܗܘܘ ܒܗ ܐܒܕܝܢ܂ ܘܐܝܠܝܢ
26:07	ܕܡܗܝܡܢܝܢ ܡܬܓܒܝܢ ܘܡܬܚܘܪܝܢ܂ ܕܚܡܫ܃ ܡܛܠ ܕܥܕܟܝܠ ܐܣܝܪ̈ܢ
26:08	ܗܘ̈ܝ ܬܪ̈ܥܝܬܗܘܢ ܒܦܘܠܚܢ ܦܬܟܪ̈ܐ܂ ܘܒܥ̈ܝܕܐ ܛܡ̈ܐܐ
26:09	ܕܡܨܪ̈ܝܐ܃ ܘܐܢ ܩܠܝܠܐܝܬ ܥܐܠܝܢ ܗܘܘ ܠܐܪܥܐ܃ ܡܬܓܪܦܝܢ
26:10	ܗܘܘ ܒܬܪ ܛܥܝܘܬܐ ܡܨܪܝܬܐ܃ ܘܗܘܝܢ ܗܘܘ ܢܘܟܪ̈ܝܝ ܠܒܝܬܝܘܬܐ
26:11	ܐܠܗܝܬܐ܃ ܘܗܘܝܐ ܗܘܬ ܡܦܩܬܗܘܢ ܕܠܐ ܝܘܬܪܢ܃ ܥܠ ܗܕܐ
26:12	ܐܘܒܠ ܐܢܘܢ ܒܐܘܪܚܐ ܐܚܪܬܐ܂ ܕܒܢܓܝܪܘܬ ܙܒܢܐ ܢܬܐܣܪܘܢ

26:13	ܒܚܘܒܐ ܕܠܘܬܗ܂ ܐܠܘ ܓܝܪ ܡܢ ܓܪܒܢܘܬܐ ܕܡܨܪ̈ܝܐ ܠܛܢܦܘܬܐ

26:14	ܕܟܢܥ̈ܢܝܐ ܠܝܓ ܠܝܓ ܐܙܠܘ܃ ܡܢ ܒܝܫܬܐ ܠܒܝܫܬܐ ܢܦܩܝܢ ܗܘܘ܂
26:15	ܘܡܢ ܢܘܪܐ ܠܫܠܗܒܝܬܐ܂ ܕܫܬ܃ ܕܢܗܘܐ ܠܗܘܢ ܐܬܪܐ ܟܕ
26:16	ܪܚܝܩܝܢ ܡܢ ܫܓܘܫܝܐ ܕܩܪ̈ܒܐ ܕܟܢܥ̈ܢܝܐ܃ ܠܩܘܒܠܐ ܕܢܡܘ̈ܣܐ܂
26:17	ܘܠܬܘܩܢܐ ܕܡܫܟܢ ܙܒܢܐ܂ ܘܕܠܐ ܒܐܠܗܐ ܢܬܥܕܠܘܢ܃ ܕܠܡܢܐ
26:18	ܐܥܡܠ ܐܢܘܢ ܐܝܩܐ܃ ܒܕܠܐ ܡܫܟܚܝܢ ܗܘܘ ܠܡܕܥ ܥܠ̈ܠܬܐ
26:19	ܗ݀ܢܝܢ ܕܣܡܢܢ܃ ܣܡ ܥܠܬܐ ܕܡܛܠ ܪܦܝܘܬܐ ܕܝܠܗܘܢ ܕܕܚܠܝܢ ܡܢ
26:20	ܩܪܒܐ܃ ܐܟܪܟ ܐܢܘܢ ܒܗ݀ܝ ܟܠܗ݀ ܐܘܪܚܐ܂
26:21	‍{‍18‍}‍ ܗ݀ܝ ܕܟܕ ܡܙܝܢܝܢ ܣܠܩܘ܂ ܗܢܘ܂ ܟܕ ܡܛܝܒܝܢ ܒܪܥܝܢܐ ܕܠܘܬ
26:22	ܐܠܗܐ܂ ܘܐܢܢܩܐ ܕܐܦ ܙܝܢܐ ܩܠܝܠ܂ ܫܟܝܚ ܗܘܐ ܥܡܗܘܢ܂
26:23	‍{‍21‍}‍ ܥܡܘܕܐ ܕܥܢܢܐ ܠܡܛܠܠܐ ܡܕܡ ܕܥܢܢܐ ܩ݁ܪܐ܃ ܕܙܩܝܦ
26:24	ܗܘܐ ܠܬܚܬ ܡܢܗ ܐܣܛܘܢܐ ܚܕ ܕܥܢܢܐ܃ ܕܠܗ ܩ݁ܪܐ ܥܡܘܕܐ܂
26:25	ܘܗ݂ܘ ܗܢܐ ܡܙܗܪ ܗܘܐ ܠܗܘܢ ܘܡܢܗܪ ܒܠܠܝܐ܂ ܘܡܢܗ ܡܡܠܠ
26:26	ܗܘܐ ܥܡܗܘܢ ܐܠܗܐ ܐܝܟ ܕܡܢ ܛܣܐ ܕܕܗܒܐ܂ ܘܥܢܢܐ
26:27	ܠܥܠ ܡܢ ܥܡܘܕܐ ܐܝܟ ܕܠܐ ܢܫܠܗܒ ܐܢܘܢ ܫܡܫܐ ܒܚܘܡܗ܂
26:28	ܘܡܢܗܪ ܗܘܐ ܠܝܣܪ̈ܠܝܐ ܘܡܚܫܟ ܠܡܨܪ̈ܝܐ܂
26:29	ܘܐܢܫܝ̈ܢ ܕܠܘ ܠܡ ܢܘܗܪܐ ܗܘܐ ܟܝܢܝܐ܂ ܐܠܐ ܐܝܟ ܗ݀ܘ ܗܘ