The Comprehensive Aramaic Lexicon

44:01	‍{‍11‍}‍ ܘܥܠ ܣ̈ܒܐ ܕܝܣܪܝܠ ܠܐ ܐܘܫܒ ܐܝܕܗ܂ ܗܢܘ܂ ܠܐ
44:02	ܐܘܫܛ ܐܝܕܗ ܐܝܟ ܕܠܢܟܝܢܐ܂ ܫܡܐ ܓܝܪ ܗܢܐ ܕܡܘܫܒܢܘܬܐ
44:03	ܒܟܠܕܘܟ܃ ܫܘܘܕܥܐ ܕܡܒܐܫܢܘܬܐ ܩܢܐ܂ ܐܝܟ ܗ݀ܝ ܕܓܒܪܐ ܚܕ
44:04	ܐܘܫܒ ܐܝ̈ܕܝܐ ܥܠ ܡܪܝ ܡܠܟܐ܂ ܡܛܠ ܫܡܘܥ܂ ܗܢܘ܂ ܣ݁ܥܐ
44:05	ܠܡܒܐܫܘ܂ ܘܗ݀ܝ ܕܠܐ ܐܘܫܒ ܐܝܕܗ ܒܥܒܝܕܬܐ ܕܚܒܪܗ܂ ܗܢܘ܂
44:06	ܠܐ ܣܓܦ ܐܘ ܐܟܝ܂ ܡܛܠ ܓܝܪ ܕܡܬܐܫܪܐ ܗܘܬ ܗ݀ܝ ܕܠܐ
44:07	ܚ݁ܙܐ ܠܝ ܒܪܢܫܐ ܘܚ݁ܝܐ܃ ܕܒܕܓܘܢ ܡܢܘܚ ܘܐܢܬܬܗ ܟܕ ܚܙܘ
44:08	ܠܡܠܐܟܐ ܐܡܪܘ܃ ܡܡܬ ܠܡ ܡܝܬܝܢ ܚܢܢ܂ ܡܛܠ܃ ܗܫܐ ܕܝܢ
44:09	ܣܒ̈ܐ ܣܒܪܘ ܕܚܙܘ ܠܐܠܗܐ܃ ܐܝܟ ܕܒܬܗܪܐ ܘܕܘܡܪܐ ܐ݁ܡܪ
44:10	ܟܬܒܐ܂ ܕܚܙܘ ܠܐܠܗܐ ܘܐܬܢܛܪ ܒܚܝ̈ܐ ܕܠܐ ܢܟܝܢ܂ ܠܘ ܓܝܪ
44:11	ܒܛܘܪܐ ܘܒܘܥܕܗ ܕܗ݀ܘ ܕܐܬܚܙܝ܃ ܡܫܟܚܝܢ ܗܘܘ ܠܡܐܟܠ
44:12	ܘܠܡܫܬܐ܂ ܐܠܐ ܠܡ ܕܟܕ ܠܐܠܗܐ ܚܙܘ܂ ܗܢܘ ܠܓܠܝܢܐ܃ ܠܐ
44:13	ܡܝܬܘ ܘܒܡܕܡ ܠܐ ܐܣܬܓܦܘ܂ ܐܠܐ ܒܟܠܗܝܢ ܗܠܝܢ ܕܥܝܕܐ
44:14	ܐܬܚܫܚܘ ܒܡܐܟܠܐ ܘܒܕܫܪܟܐ܂ ܘܐܢ ܒܣ̈ܒܐ ܡ̈ܟܐ ܠܐ
44:15	ܐܘܫܒ ܐܝܕܐ܂ ܚܕ ܟܡܐ ܥܠ ܡܘܫܐ ܘܐܗܪܘܢ ܕܣܓܝ ܡܝܬܪܝܢ
44:16	ܗܘܘ ܡܢܗܘܢ܂ ܐܢ ܓܝܪ ܚܙܐܘܗܝ ܠܐܠܗܐ܃ ܠܦܘܬ
44:17	ܡܣܒܪܢܘܬܗܘܢ܃ ܠܚܙܘܗ ܡܫܬܠܝܢ ܗܘܘ܂ ܠܘ ܥܠ ܓܘܢܐ ܕܬܚܘܬ
44:18	ܪ̈ܓܠܘܗܝ܃ ܘܐܝܟܢ ܡܕܝܢ ܡܘܫܐ ܐܡ݂ܪ܃ ܕܚܘܢܝ ܫܘܒܚܟ ܒܬܪܟܢ܂
44:19	ܘܗ݂ܘ ܐܠܗܐ ܕܠܐ ܠܡ ܚ݁ܙܐ ܠܝ ܒܪܢܫܐ ܘܚ݁ܝܐ܂ ܘܗ݀ܝ ܕܐܠܗܐ
44:20	ܠܡ ܠܐ ܚ݂ܙܐ ܐܢܫ ܡܢ ܡܬܘܡ܂ ܐܘ ܗ݀ܝ ܕܐܢܫ ܠܡ ܡܢ ܒܢܝܢܫܐ
44:21	ܠܐ ܘܕܫܪܟܐ܂ ܘܬܘܒ ܗ݀ܝ ܕܠܐ ܐܘܫܒ ܐܝܕܗ܃ ܡܛܠ ܬܚܘܡܐ
44:22	ܗ݀ܘ ܕܬܚܡ܃ ܕܡܢ ܕܩܪܒ ܢܬܪܓܡ܂ ܐܚܪ̈ܢܐ܃ ܠܐ ܠܡ ܐܘܫܒ
44:23	ܐܝܕܗ ܠܡܓܢܘ ܥܠܝܗܘܢ܂ ܠܚܙܬܐ ܗܘ ܓܝܪ ܐܣܩ ܐܢܘܢ܃ ܘܠܐ
44:24	ܠܢܒܝܘܬܐ ܕܒܬܪ ܙܒܢ ܡܬܝܗܒܐ ܗܘܬ ܠܗܘܢ܂

44:25	‍{‍1218‍}‍ ܬܠܬ ܙܒܢ̈ܝܢ ܡܫܡ̈ܗܬܐ ܢܕܥ ܡܢ ܟܬܒܐ ܕܣ݂ܠܩ ܠܛܘܪܐ

44:26	ܠܘܬ ܐܠܗܐ܂ ܚܕܐ ܟܕ ܙܗܪ ܠܥܡܐ ܡܢ ܙܘܘܓܐ ܘܕܫܪܟܐ܂
44:27	ܘܐܬܚܙܝ ܠܗ ܒܢܘܪܐ ܘܩ̈ܠܐ ܘܩܪ̈ܢܬܐ܂ ܕܬܪ̈ܬܝܢ܃ ܟܕ ܩܒܠ ܠܘܚ̈ܐ
44:28	ܕܕܝܬܩܐ܂ ܕܬܠܬ݂ ܒܬܪ ܕܕܩܗ ܠܥܓܠܐ܂ ܘܒܩܕܡܝܬܐ ܐܝܬ ܗܘܐ
44:29	ܥܡܗ ܐܗܪܘܢ ܘܒܢ̈ܘܗܝ ܘܚܘܪ ܘܫܒܥܝܢ ܣܒ̈ܐ܂ ܠܐ ܕܝܢ ܣ݂ܠܩ