The Comprehensive Aramaic Lexicon

59:01	ܕܢܬܩܪܒܘܢ ܠܗ܃ ܠܘ ܐܝܟ ܡ݁ܢ ܕܗ݂ܘ ܣܢܝܩ ܥܠܝܗܘܢ܂ ܐܠܐ
59:02	ܚܕܐ ܡ݁ܢ܃ ܕܐܦ ܒܓܫܝ̈ܡܬܐ ܢܐܣܘܪ ܠܒܢܝܢܫܐ ܒܒܝܬܝܘܬܗ
59:03	ܘܒܚܘܒܐ ܕܠܘܬܗ܂ ܐܝܟܢܐ ܕܡܟܐ ‍{‍ܚܪܪ‍}‍‍<‍ܢܚܪܪ‍>‍ ܐܢܘܢ ܡܢ ܟܠ ܒܝ̈ܫܢ܃
59:04	ܘܢܫܦܥ ܥܠܝܗܘܢ ܒܘܣܡܐ ܕܛܒ̈ܬܗ܂ ܕܬܪ̈ܬܝܢ ܕܢܠܦ ܕܚܝ̈ܘܬܐ
59:05	ܠܘ ܟܝܢ ܢܦܫ̈ܬܐ ܐܝܬ ܒܗܝܢ ܐܝܟ ܕܐܪܫܥܘ ܣܓܝ̈ܐܐ܂ ܘܕܬܠܬ܃
59:06	ܠܟܘܐܪܗ ܕܣܛܢܐ܃ ܕܐܨܛܢܥ ܠܡܚܬܚܬܘ ܠܒܢܝܢܫܐ ܠܣܓܕܬܗ܂
59:07	ܕܟܕ ܚܛܝܢ ܗܘܘ ܘܚܝܒܝܢ ܗܘܘ ܕܢܬܩܛܠܘܢ܃ ܠܩܛܠܐ ܕܚܝ̈ܘܬܐ
59:08	ܚܠܦܝܗܘܢ ܡܩܒܠ ܗܘܐ ܐܠܗܐ܃ ܘܡܣܪܚ ܫܘܒܩܢܐ܂ ܘܕܐܪܒܥ܃
59:09	ܕܐܦ ܠܥܒܘܬܗܘܢ ܡܬܡܠܝܐ܂ ܒܝܕ ܩܘܪܒܐ ܕܡܐܟ̈ܠܬܐ܂

59:10	ܕܚܡܫ ܕܝܢ܃ ܒܗ݀ܝ ܕܛܘܦܣܐ ܘܛܠܠܐ ܐܝܬܝܗܘܢ ܗܘܘ ܕܒ̈ܚܐ

59:11	ܕܗܝܕܝܟ܃ ܕܗ݀ܘ ܕܒܚܐ ܪܫ ܛܘܦܣܐ ܘܓܘܫܡܐ܂ ܕܒܚܪܬܐ
59:12	ܐܬܕܒܚ ܚܠܦ ܦܘܪܩܢܐ ܕܟܠ܃ ܗ݀ܘ ܕܒܩܢܘܡܗ ܒܛܠ ܟܠ ܕܒܚ̈ܝܢ
59:13	ܕܚܝ̈ܘܬܐ܂
59:14	ܦ݂ܪܫ ܕܝܢ ܡܐܟ̈ܠܬܐ܃ ܠܘ ܕܐܝܬ ܒܚܝ̈ܘܬܐ ܕܕܟ̈ܝܢ ܘܐܝܬ
59:15	ܕܛܡ̈ܐܢ܂ ܗܐ ܓܝܪ ܨܝܕ ܢܘܚ ܐܡ݂ܪ܂ ܕܟܠܗܝܢ ܝܗܒܬ ܠܟ
59:16	ܐܝܟ ܝܘܪܩܐ ܕܥܣܒܐ܂ ܘܦܘܠܘܣ܃ ܕܟܠܡܕܡ ܠܡ ܕܟܐ ܗܘ
59:17	ܠܕܟܝ̈ܐ܂ ܘܠܝܬ ܡܕܡ ܕܡܣܠܝ ܘܕܫܪܟܐ܂ ܘܡܪܢ܃ ܠܘ ܠܡ
59:18	ܟܠܡܕܡ ܕܥ݁ܐܠ ܠܦܘܡܐ ܡܣܝܒ ܘܕܫܪܟܐ܂ ܐܠܐ ܡܛܠ ܕܣܛܢܐ
59:19	ܐܛܥܝ ܐܢܘܢ ܠܒܢܝܢܫܐ ܠܡܣܓܕ ܠܟܠ ܨܠܡ ܘܠܟܠ ܕܡܘ܃ ܫܦܝܪ
59:20	ܦ݂ܪܫ ܐܠܗܐ ܠܚܝ̈ܘܬܐ܃ ܘܡܢܗܝܢ ܒܫܡ ܕܟܝܘܬܐ ܠܡܐܟܘܠܬܐ
59:21	ܝܗ݂ܒ܃ ܘܡܢܗܝܢ ܒܫܡ ܛܢܦܘܬܐ ܟܠ݂ܐ ܡܢܗܘܢ܂ ܐܝܟ ܕܠܐ
59:22	ܢܫܪܟ ܠܣܓ̈ܕܝ ܕܝܘ̈ܐ ܐܬܪܐ ܠܛܘܥܝܝ܂ ܠܐܝܠܝܢ ܕܝܢ ܕܡܣܬܓ̈ܕܢ
59:23	ܗܘ̈ܝ ܒܝܬ ܥܡ̈ܡܐ܃ ܐܦܣ ܠܗܘܢ ܕܢܬܐܟ̈ܠܢ ܘܐܦ ܕܢܬܕܒ̈ܚܢ܂
59:24	ܘܠܐܝܠܝܢ ܕܡܬܐܟ̈ܠܢ ܡܢܗܘܢ ܘܡܬܕܒܚ̈ܢ܃ ܛܡܐ ܐܢܝܢ܂
59:25	ܒܕܘܟ ܕܝܢ ܐܚܪܝܢ܃ ܣܦܩܐܝܬ ܪܡ݁ܙ ܥܠ ܕܟܝܘܬܗܝܢ܂ ܕܕܟܐ ܠܡ
59:26	ܘܕܛܡܐ ܐܟܚܕܐ ܬܐܟܠܘܢܗ܂ ܐܝܟ ܛܒܝܐ ܘܐܝܟ ܐܝܠܐ܂
59:27	ܐܦܢ ܗ݂ܢܘܢ ܝܗ̈ܘܕܝܐ ܐܚܪܢܝܐܝܬ ܡܦܫܩܝܢ ܠܗ݀ ܠܗܕܐ܂ ܠܐ
59:28	ܓܝܪ ܛܥܝܐ ܠܢ܃ ܕܠܐ ܩܘܝܘ ܫܐ̈ܕܐ ܒܚܕܐ܂ ܐܠܐ ܠܚܝ̈ܘܬܐ
59:29	ܗ݀ܢܝܢ ܕܡܢ ܩܕܝܡ ܐܥܒܕܘ ܕܢܣܓܕܘܢ ܠܗܝܢ܃ ܗܦܟܘ ܬܒܥܘ