The Comprehensive Aramaic Lexicon

61:01	ܐܣܬܠܝ ܕܝܢ ܟܠ ܚܡܝܪ ܘܟܠ ܕܒܫ ܠܕܒܚܐ܂ ܕܒܫܐ݂ ܥܠ ܕܡܢ
61:02	ܥܩܪ̈ܐ ܣܓܝ̈ܐܐ ܡܬܟܢܫ܂ ܘܬܘܒ ܡܢ ܗ݀ܝ ܕܠܐ ܡܬܡܠܚ ܘ݁ܐ܂
61:03	ܘܒܠܥܕ ܡܠܚܐ ܡܣܠܝ ܕܒܚܐ܂ ܘܡܢ ܗ݀ܝ ܕܫܟܢܐ ܕܒܘܪܝܬܐ ܥܠ
61:04	ܨܒܘ̈ܬܐ ܛܡ̈ܐܬܐ܂ ܘܐܦ ܗ݂ܝ ܕܒܘܪܝܬܐ ‍{‍ܛܡܬܐ‍}‍‍<‍ܛܡܐܬܐ‍>‍ ܗܝ܂ ܚܡܝܪܐ
61:05	ܕܝܢ܃ ܚܕܐ܃ ܠܐܬܐ ܕܚܛܝܬܗܘܢ ܕܒܡܨܪܝܢ܂ ܕܬܪ̈ܬܝܢ܃ ܠܐ
61:06	ܦܩܕ ܕܐܝܟ ܦܛܝܪܐ ܒܐܡܝܢܘ ܢܣܩ ܠܡܕܒܚܐ܃ ܕܢܘܕܥ ܐܢܘܢ
61:07	ܕܠܐ ܢܘܚܪܘܢ ܟܕ ܦܪܥܝܢ ܕܒܚܝ̈ܗܘܢ܂ ܕܬܠܬ܃ ܕܟܕ ܡܫܬܒܩ
61:08	ܥܕ ܚ݁ܡܥ܃ ܡܬܬܫܝܛ ܘܫܟܢܝܢ ܥܠܘܗܝ ܕܒ̈ܒܐ ܐܘ ܡܕܡ ܐܚܪܝܢ
61:09	ܘܡܙܕܗܡ܂ ܘܕܐܦ ܗܢܘܢ ܟܕ ܕܟܝܢ ܡܢ ܫܚܠܐ ܘܨܐܬܐ
61:10	ܢܩܪܒܘܢ܂ ܕܐܪܒܥ܃ ܒܗ݀ܝ ܕܚܡܝܪܐ ܛܘܦܣܐ ܐܝܬܘܗܝ ܕܥܒ̈ܕܐ
61:11	ܫܟܝܪ̈ܐ ܐܝܟ ܕܐܡ݂ܪ ܫܠܝܚܐ܂ ܕܟܘ ܠܡ ܡܢܟܘܢ ܚܡܝܪܐ
61:12	ܕܬܗܘܘܢ܂ ܘܠܐ ܒܚܡܝܪܐ ܕܒܝܫܘܬܐ܂ ܘܡܪܢ܃ ܐܙܕܗܪܘ ܡܢ
61:13	ܚܡܝܪܐ ܘܕܫܪܟܐ܂ ܘܕܐܦ ܗܢܘܢ ܙ݁ܕܩ ܕܢܬܪܚܩܘܢ ܡܢ ܝܘܠܦܢܐ
61:14	ܕܚܢܦܘܬܐ܂ ܕܚܡܫ܃ ܕܒܟܠܙܒܢ ܚ̈ܕܬܐ ܢܗܘܘܢ ܒܪ̈ܥܝܢܝܗܘܢ
61:15	ܟܕ/#2#/ ܡܬܕܟܪܝܢ ܚܘܕܬܐ ܕܗ݂ܘܐ ܠܗܘܢ܂
61:16	ܒܥܐܕܐ ܕܝܢ ܕܫܒܘ̈ܥܐ ܘܒܗ݀ܘ ܕܚܡܠܐ܂ ܦܩ݂ܕ ܐܢܘܢ
61:17	ܕܢܩܪܒܘܢ ܚܕܐ ܚܕܐ ܚܚܘܪܬܐ ܕܚܡܝܥܐ݂܂ ܚܕܐ܃ ܕܢܥܗܕ
61:18	ܐܢܘܢ ܚܛܗ̈ܐ ܕܥܒܕܘ ܒܡܨܪܝܢ܃ ܘܢܥܪܩܘܢ ܡܢ ܕܘܡܝܐ
61:19	ܕܒܡܨܪ̈ܝܐ܂ ܘܕܬܪ̈ܬܝܢ܃ ܕܢܚܘܐ ܐܢܘܢ ܕܠܘ ܒܝܫܐ ܗܘ ܚܡܝܪܐ܃
61:20	ܐܠܐ ܕܡܛܠ ܥ̈ܠܬܐ ܦܩ݂ܕ ܕܠܐ ܢܣܩ܂ ܒܗ݀ܘ ܕܫܒܘ̈ܥܐ܃ ܡܛܠ
61:21	ܕܒܟܪ̈ܐ ܐܝܬܘܗܝ܃ ܡܕܟܪ ܗܘܐ ܠܗܘܢ ܐܝܟ ܕܡܢ ܐܨܘܬܐ
61:22	ܥܬܝܩܬܐ܃ ܐܬܝܒܠܘ ܠܘܬܗܘܢ ܦܐܪ̈ܐ ܚ̈ܕܬܐ܂ ܒܗ݀ܘ ܕܝܢ
61:23	ܕܬܘܕܝܬܐ܃ ܚܠܦ ܩܘܒܠܛܝܒܘܬܐ ܕܐܝܠܝܢ ܕܥܒܪܘ ܘܕܩܝ̈ܡܢ
61:24	ܘܕܥܬܝ̈ܕܢ܂ ܬܘܒ܃ ܐܝܟ ܕܠܥܘܗܕܢܐ ܕܡܝܬܪܘܬܐ ܕܪ̈ܫܝ
61:25	ܐܒܗ̈ܬܐ܃ ܘܚܘܦܛܐ ܕܕܘܡܝܐ ܕܒܗܘܢ܂
61:26	‍{‍13‍}‍ ܗ݀ܝ ܕܠܐ ܬܒܛܠ ܡܠܚܐ ܕܩܝܡܗ ܕܐܠܗܟ ܡܢ ܩܘܪܒܢܟ܂
61:27	ܕܐܟܙܢܐ ܠܡ ܕܕܒܚ̈ܐ ܘܡܐܟ̈ܠܬܐ܃ ܕܠܐ ܚܫܚܘ ܐܢܘܢ ܒܠܥܕ

61:28	ܡܠܚܐ܃ ܗܟܢ ܘܗܢܘܢ ܐܢ ܠܐ ܡܠܚܝܢ ܢܦܫܗܘܢ ܒܗܝܡܢܘܬܐ

61:29	ܘܒܝܕܥܬܐ ܕܐܠܗܐ܃ ܠܐ ܚܫ̈ܚܐ ܗܘܝܢ ܠܒܝܬܝܘܬܗ ܕܐܠܗܐ܂