The Comprehensive Aramaic Lexicon

69:01	ܒܡܫܚܐ܃ ܐܠܐ ܐܦ ܒܕܡܐ ܕܥܠ ܟܪ̈ܘܬܗܘܢ ܘܛܪ̈ܦܝ
69:02	ܐܕܢܝ̈ܗܘܢ܂ ܕܡܢ ܡܢܘ̈ܬܐ ܝܕܝܥ̈ܬܐ ܕܓܒܐ ܕܝܡܝܢܐ ܟܠܗ
69:03	ܓܘܫܡܐ ܡܬܡܫܚ ܗܘܐ܂ ܠܘ̈ܝܐ ܕܝܢ ܪܘܪ̈ܒܢܝ ܥܡܐ ܣܝܡܝܢ
69:04	ܗܘܘ ܐܝ̈ܕܝܗܘܢ ܥܠ ܪ̈ܫܝܗܘܢ܃ ܐܝܟ ܡ݁ܢ ܕܚܠܦܝܗܘܢ
69:05	ܡܫܡܫܝܢ܂ ܕܒܝܬ ܩܘܪܚ ܕܝܢ ܘܒܢ̈ܝ ܪܘܒܝܠ܂ ܟܕ ܚܙܘ ܗܕܪܗ݀
69:06	ܕܟܗܢܘܬܐ܃ ܚܣܡܘ ܒܡܘܫܐ ܘܒܐܗܪܘܢ܃ ܐܟܡܢ ܕܗܢܘܢ
69:07	ܢܟܪܝܘ ܐܢܘܢ ܡܢ ܟܗܢܘܬܐ܂ ܘܐܝܟ ܕܬܫܬܪܪ ܟܗܢܘܬܐ݂ ܚܘܝ
69:08	ܒܗܘܢ ܐܠܗܐ ܐܬܐ܂ ܘܠܡܐܬܝܢ ܘܚܡܫܝܢ ܢܘܪܐ ܐܟܠܬ܂
69:09	ܘܠܫܪܟܐ ܒܠܥܬ ܐܪܥܐ܂ ܘܝܩܕܘ ܪ̈ܓܝ ܟܗܢܘܬܐ ܒܢܘܪܐ ܕܪܓܘ
69:10	ܕܢܩܪܒܘܢ ܥܠܝܗ݀܂ ܘܐܬܒܠܥܘ ܪ̈ܓܝ ܐܪ̈ܥܬܐ ܘܩܢܝ̈ܢܐ݂܂ ܒܐܪܥܐ/ܒܢܘܪܐ#2#/
69:11	ܕܪܓܘ ܡܛܠܬܗ݀ ܪܛܢܘ܂ ܓܒܝܬܐ ܕܝܢ ܕܟܗ̈ܢܐ ܘܡܫܚܗܘܢ
69:12	ܘܬܫܡܫܬܗܘܢ ܘܕܫܪܟܐ܃ ܦܠܐܬܐ ܐܢܝܢ ܕܗܠܝܢ ܕܒܥܕܬܐ
69:13	ܩܕܝܫܬܐ܀
69:14	‍{‍XI‍}‍ ܘܡܟܝܠ ܩ݁ܪܒ ܠܘܬ ܦܘܪܫ ܡܐܟ̈ܠܬܐ܂ ܦܩܕ ܐܠܗܐ
69:15	ܕܢܩܪܒܘܢ ܕܒ̈ܚܐ܃ ܕܠܐ ܢܕܒܚܘܢ ܠܫܐ̈ܕܐ܂ ܬܘܒ ܦܩ݁ܕ
69:16	ܕܢܕܒܚܘܢ܂ ܥܠ ܕܐܦ ܐܒ̈ܗܬܐ ܩܕܡ̈ܝܐ ܕܒܚܘ ܘܕܫܪܟܐ܂
69:17	ܘܡܩܒܠ ܥܠܘܗܝ ܣܘܬܐ ܕܕܒ̈ܚܐ܂ ܕܠܐ ܢܛܥܘܢ ܒܦܬܟܪ̈ܐ܂
69:18	ܘܠܡܢܗܝܢ ܡܕܟܐ݂ ܘܠܡܢܗܝܢ ܡܣܠܐ܂ ܘܓܒܐ ܠܕܟܝ̈ܬܐ
69:19	ܕܢܬܕܒܚܢ܃ ܕܠܐ ܢܬܦܢܘܢ ܠܘܬ ܫܐ̈ܕܐ܃ ܟܕ ܚܙܝܢ ܕܡܬܓܒܝܢ
69:20	ܕܒܚ̈ܐ ܙܟܝ̈ܐ ܠܫܐ̈ܕܐ܂ ܘܐܦ ܗ݂ܘ ܟܝܢܗܘܢ ܓܥܨ ܗܘܐ ܡܢ
69:21	ܕܒܚ̈ܐ܂ ܒܗ݀ܝ ܕܐܦ ܥܡ̈ܡܐ ܕܟ̈ܝܐ ܡܩܪܒܝܢ܂ ܘܣܟܐ܂ ܡܢܗܝܢ
69:22	ܓܒܐ ܘܡܢܗܝܢ ܡܣܠܐ܃ ܠܘ ܡܛܠ ܕܛܡܐ ܠܗ ܡܕܡ܂ ܐܠܐ
69:23	ܡܛܠ ܬܪ̈ܬܝܢ ܥ̈ܠܠܢ܂ ܟܠܗܝܢ ܐܝܠܝܢ ܕܒܡܨܪܝܢ ܣܓܕܘ ܠܗܝܢ܂ ܐܟܙܢ
69:24	ܬܘܪܐ ܘܥܪܒܐ ܘܕܫܪܟܐ܂ ܦܩܕ ܕܢܬܐܟ̈ܠܢ܂ ܕܟܕ ܢܬܐܟ̈ܠܢ ܒܐܡܝܢܘ܃

69:25	ܢܬܬܫ̈ܝܛܢ ܘܠܐ ܢܣܬܒܪ̈ܢ ܐܠܗ̈ܐ܂ ܘܐܝܠܝܢ ܕܒܡܨܪܝܢ ܐܟܠܝܢ

69:26	ܗܘܘ ܝܥܢܐܝܬ ܐܟܙܢ ܚܙܝܪܐ܃ ܐܣܠܝ ܐܢܝܢ܂ ܗ݀ܘ ܕܐܦ ܫܐܠܘܗܝ
69:27	ܒܡܕܒܪܐ܂ ܬܘܒ ܥܠ ܕܩܕܡ ܐܦ ܗ݀ܘ ܟܝܢܐ ܘܠܡܢܗܝܢ ܕܚܝ̈ܘܬܐ
69:28	ܐܣܠܝ܃ ܐܘ ܥܠ ܕܪܒܐ ܣܓܝ܃ ܐܘ ܥܠ ܕܡܫܟܪܐ ܚܙܬܗ݀܃ ܐܘ ܥܠ
69:29	ܕܐܟܠܐ ܡܝܬܐ ܘܕܫܪܟܐ܂ ܘܟܠ ܕܐܫܠܡ ܥܝܕܐ ܡܢ ܫܘܪܝܐ܃ ܠܐ