← Back
The Comprehensive Aramaic Lexicon
← Return to the Text Browser
click on the file description for more information

63107: IshLev p. 82

Click on a word for lexical analysis
Click on a red-colored coordinate for comments and/or translations of the line

previous chapter


82:01 ‍{‍29‍}‍ ܗ݀ܝ ܕܠܐ ܬܦܣ ܠܒܪܬܟ ܕܬܙܢܐ܂ ܗܢܘ܂ ܐܝܟ ܥܝܕܐ
82:02 ܕܚܢ̈ܦܐ ܕܠܘܩܕܡ ܡܫܬܚ̈ܛܢ ܒܢܬ̈ܗܘܢ ܥܡ ܟܘܡܪ̈ܐ܃ ܘܟܢ ܐܬ̈ܝܢ
82:03 ܗܘ̈ܝ ܠܫܘܬܦܘܬܐ܂
82:04 ‍{‍26‍}‍ ܗ݀ܝ ܕܠܐ ܬܢܚܫܘܢ ܒܚܝܘܬ ܟܢܦܐ܂ ܗܢܘ܂ ܠܐ ܒܚܝܘܬܐ
82:05 ܘܠܐ ܒܦܪܚܬܐ ܐܦܠܐ ܒܫ̈ܥܐ ܘܒܪ̈ܦܦܐ ܕܣܦܘ̈ܬܐ ܘܕܥܝ̈ܢܐ܂
82:06 ܗܢܘ ‍<‍ܕܝܢ#2#‍>‍܂ ܠܐ ܐܢܫ ܢܫܪ ܠܩܠܐ ܕܦܪܚܬܐ ܕܩܪܝܐ ܟܐܡܬ ܐܝܬ ܒܗ
82:07 ܢܚܫܐ ܛܒܐ ܐܘ ܒܝܫܐ܂ ܘܢܚܙܘܩ ܐܘ ܢܥܛܘܦ܂ ܐܘ ܢܐܡܪ ܥܠ
82:08 ܫܘܚܠܦܐ ܕܐܐܪ ܘܕܡܛܪܐ܂ ܘܒܝ̈ܫܬܐ܂ ܥܠ ܕܒܡܥܒܕܢܘܬܐ
82:09 ܕܫܐ̈ܕܐ ܗܘܝܢ܂
82:10 ‍{‍27‍}‍ ܘܠܐ ܬܪܒܘܢ ܣܥܪܐ܂ ܗܢܘ܂ ܕܠܐ ܢܥܒܕܘܢ ܓܕܘ̈ܠܐ
82:11 ܐܝܟ ܢܫ̈ܐ ܐܘ ܩܘ̈ܨܬܐ ܐܝܟ ܛܝ̈ܝܐ܂ ܦܐܬܐ ܕܕܩܢܐ ܗ݀ܘ
82:12 ܕܬܚܝܬ ܣܦܬܐ ܕܬܚܬܝܬܐ ܘܠܥܠ ܡܢ ܟܠܙܘܙܐ܂ ܐܘܟܝܬ ܠܟܠܗ
82:13 ܕܩܢܐ ܐ݁ܡܪ܂ ܐܝܟ ܡ݁ܢ ܕܦܐܬܐ ܠܟܠܗ ܦܪܨܘܦܐ ܩ݁ܪܐ܂
82:14 ‍{‍28‍}‍ ܚܘܪ̈ܛܬܐ܂ ܨܪ̈ܘܬܐ ܕܒܛܦܪ̈ܐ ܐܘ ܒܦܪܙܠܐ ܥܒܕܝܢ
82:15 ܒܒܣܪܗܘܢ ܥܠ ܡܝܬܐ ܐܘ ܠܐܝܩܪܐ ܕܫܐܕܐ܂ ܢܘܩ̈ܕܬܐ܃
82:16 ܗ݀ܢܝܢ ܕܥܒܕܝܢ ܚܢܦ̈ܐ܃ ܕܟܬܒܝܢ ܥܠ ܐܝܕܝܗ̈ܘܢ ܐܘ ܥܠ
82:17 ܕܪ̈ܥܝܗܘܢ ܐܘ ܒܝܬ ܥܝܢ̈ܝܗܘܢ ܫܡ ܫܐ̈ܕܐ܃ ܘܟܢ ܢܩܪܝܢ
82:18 ܒܡܚܛܐ ܘܡܦܩܝܢ ܕܡܐ܃ ܘܪܡܝܢ ܒܗܘܢ ܕܝܘܬܐ ܐܘ ܓܘܢܐ

82:19 ܐܚܪܢܐ ܘܟ݁ܬܡ ܓܘܢܐ܂ ܩܘܕܚ̈ܬܐ܃ ܢܘܬܫܐ ܘܡܠܝܓܘܬܐ

82:20 ܕܣܥܪܐ܂
82:21 ‍{‍31‍}‍ ܙܟܘܪ̈ܐ ܩ݁ܪܐ݂ ܡܛܠ ܡܚܝܠܘܬܗܘܢ܂ ܝ̈ܕܘܥܐ݂܂ ܕܡܫܬܘܕܝܢ
82:22 ܕܓܠܝܢ ܟܣܝ̈ܬܐ ܠܕܫܐܠܝܢ ܠܗܘܢ܂ ܕܢܨܪܝܢ ܘܡܫܡܥܝܢ ܡܢ ܐܪܥܐ
82:23 ܒܢܬ ܩ̈ܠܐ ܡܚܝ̈ܠܬܐ܂ ܝܘܢܝܐ ܚܠܦ ܙܟܘܪܐ ܡܡܠܠܝܢ ܡܢ ܟܪܣܐ
82:24 ܐ݁ܡܪ܂ ܗܢܘ܂ ܕܥܐܠܝܢ ܫܐ̈ܕܐ ܠܟܪ̈ܣܬܐ ܕܢܫ̈ܐ ܘܡܡܠܠܝܢ ܡܢ
82:25 ܟܘܢܫܪܐ ܐܘ ܡܢ ܗܕܡ̈ܐ ܬܚܬܝ̈ܐ ܘܓܠܝܢ ܣܬܝܪ̈ܬܐ܀
82:26 ‍{‍21܂ 8‍}‍ ‍{‍ܩܕܝܫܝܗܝ‍}‍‍<‍ܩܕܫܝܗܝ‍>‍ ܠܟܗܢܐ ܡܛܠ ܕܠܚܡܐ ܕܐܠܗܟ ܗ݂ܘ
82:27 ܡܩܪܒ܂ ܗܢܘ܂ ܦܪܘܫ ܠܗ ܐܝܩܪܐ ܘܩܕܝܫܐ ܚܫܘܒܝܗܝ ܥܠ
82:28 ܕܦܬܘܪܐ ܕܡܠܟܘܬܐ ܡܫܡܫ܂ ܘܟܕ ܥܠ ܙܢܝ̈ܬܐ ܠܐ ܦܩܝܕ ܡܘܬܐ

next chapter