The Comprehensive Aramaic Lexicon

094:01	ܠܨܦܘܪܐ ܘܫܡܗܘܗ݀ ܟܘܫܝܬܐ܂ ܥܠ ܕܡܕܝܢ ܙܥܘܪܬܐ܃ ܡܢ ܟܘܫ
094:02	ܡܬܚܫܒܐ܂ ܐܘ ܟܒܪ ܗ݂ܘ ܝܬܪܘܢ ܡܢ ܟܘܫ ܐ݂ܬܐ ܘܥܡ݂ܪ
094:03	ܒܡܕܝܢ܂ ܘܥܠ ܕܚܬܝܪܝܢ ܗܘܘ ܗ݂ܢܘܢ ܒܓܢܣܐ ܕܐܒܪܗܡ܃
094:04	ܘܡܪܝܡ ܠܚܘܪ ܕܡܢ ܫܒܛܐ ܕܝܗܘܕܐ ܢܩܦܬ܃ ܚܘܪ ܕܝܢ ܗ݀ܘ
094:05	ܕܐܬܩܛܠ ܡܢ ܥܡܐ ܥܠ ܕܥ݂ܨܐ ܕܢܥܒܕ ܥܓܠܐ܃ ܘܐܗܪܘܢ
094:06	ܬܘܒ ܠܝܣܪܠܝܬܐ ܢܣ݂ܒ܃ ܚܣܕܘܗܝ ܠܡܘܫܐ ܕܡܕܝܢܝܬܐ ܢܣ݂ܒ܂
094:07	ܘܒܗܕܐ ܠܡ ܒܨܝܪ ܗܘ ܡܢܢ܂ ܘܐܢ ܒܗܕܐ ܣ݁ܒܪ ܕܡܡܠܠ ܥܡܗ
094:08	ܐܠܗܐ ܥܠ ܕܠܐ ܩ݁ܪܒ ܠܐܢܬܬܐ܃ ܗܐ ܘܥܡܢ ܕܡܫܬܘܬܦܝܢܢ
094:09	ܡܠܠ܂ ܘܡܢܐ ܝܬܝܪ ܡܢܢ ܕܥܒܝܕ ܥܠܝܢ ܪܫܐ܂
094:10	ܩܛܪܝܐ܃ ܡܛܠ ܠܡ ܕܚܙܘ ܕܡܘܫܐ ܡܢ ܩܕܝܡ ܥܠ ܟܠܗ ܥܡܐ
094:11	ܡܡܠܟ ܗܘܐ܃ ܘܒܠܚܘܕ ܕܬܓܐ ܠܐ ܩܛܝܪ ܗܘܐ܃ ܐܠܐ ܐܝܟ
094:12	ܡܠܟܐ ܡܝܩܪ ܗܘܐ ܡܢ ܟܠܗ ܥܡܐ܃ ܟܕ ܚܙܘ ܐܗܪܘܢ ܘܡܪܝܡ܃
094:13	ܕܦܠܓ ܫܘܠܛܢܗ ܥܠ ܫܒܥܝܢ ܘܬܪ̈ܝܢ ܕܢܗܘܘܢ ܠܗ ܡܥܕܪ̈ܢܐ܂
094:14	ܐܣܒܪܘ ܟܐܡܬ ܕܐܬܒܨܪ ‍<‍ܠܗ#2#‍>‍ ܐܝܩܪܗ܂ ܘܒܗ݀ܝ ܕܚܬܝܪܝܢ ܗܘܘ
094:15	ܒܗ݀܃ ܕܐܝܟ ܗ݀ܘ ܕܕܝܠܗܘܢ ܗܝ ܡܠܟܘܬܐ܂ ܕܟܐܡܬ ܐܚ̈ܐ
094:16	ܐܢܘܢ ܕܡܘܫܐ܃ ܗܫܐ ܡܛܠ ܫܒܥܝܢ ‍<‍ܘܬܪ̈ܝܢ#2#‍>‍ ܥܕܠܝܢ ܠܗ܂ ܕܬܗܘܐ
094:17	ܠܡ ܗܕܐ ܥܒܝܕܬܐ܂ ܐܝܟ ܗ݀ܝ ܕܐܦ ܐܢܬܬܐ ܟܘܫܝܬܐ ܢܣ݂ܒ܂
094:18	ܘܒܢ ܐܫܦ ܨܥܪܐ ܘܨܘܚܝܬܐ܂ ܐܢܫܝ̈ܢ܃ ܕܡܕܝܢ ܟܘܫ ܓܘܝܬܐ
094:19	ܐܝܬܝܗ݀܂ ܒܪܡ ܗܢܘܢ ܒܟܬܒܐ ܩܝ̈ܢܝܐ ܘܡܕܝ̈ܢܝܐ ܡܬܩܪܝܢ܂ ܐܠܐ
094:20	ܡܕܝܢ ܥܠ ܫܡܐ ܕܡܕܝܢ ܒܪܐ ܪܒܝܥܝܐ ܕܩܢܛܘܪܐ ܐܬܒܢܝܬ܂
094:21	ܕܢܝܐܝܠ ܕܝܢ ܘܝܫܘܥܒܪܢܘܢ ܐܝܟ ܡܘܫܐ ܡܝܩܪ ܗܘܐ܂
094:22	ܚܣܡܐ ܪܛܢܘ ܒܗ܂ ܒܗ݀ܝ ܕܐܗܪܘܢ ܐܝܟ ܡܘܫܐ ܡܝܩܪ ܗܘܐ܂
094:23	ܠܡܪܝܡ ܕܝܢ ܡܢܐ ܡܕܝܠ ܗܘܐ ܠܗ݀ ܕܬܚܣܡ ܒܐܚܘܗ݀܂ ܠܡܐ
094:24	ܡܕܒܪܢܝܬܐ ܨܒܝܐ ܗܘܬ ܕܬܗܘܐ܂ ܬܘܒ ܐܢ ܟܘܫܝܬܐ ܗܝ
094:25	ܐܢܬܬܐ ܘܐܢ ܡܕܡ ܐܚܪܝܢ܃ ܗܐ ܡܢ ܟܕܘ ܫܒܝܩܐ ܗܘܬ ܠܗ܂
094:26	ܐܦ ܠܐ ܬܘܒ ܡܢ ܫܘܪܝܐ ܐܝܟ ܕܒܥܒܪ ܢܡܘܣܐ ܫܩܠܗ݀܂ ܠܐ

094:27	ܗܘ݂ܐ ܕܝܢ ܥܕܟܝܠ ܢܡܘܣܐ܃ ܕܡܢ ܕܐܝܟ ܗܠܝܢ ܡܦܪܓܠ܂ ܒܪܡ ܠܘ

094:28	ܡܛܠ ܐܢܬܬܐ ܐܠܐ ܚܠܦ ܐܢܬܬܐ ܪܛܢܐ ܗܢܐ ܐܬܬܙܝܥ