The Comprehensive Aramaic Lexicon

099:01	ܚܘܪܐ ܠܫܘܘܕܥܐ ܕܐܢܫܘܬܐ ܕܡܬܩܪܝܐ ܢܩܒܐܝܬ܂ ܣܘܡܩܬܐ܂
099:02	ܐܪܙ ܕܡܐ ܕܪܕܐ ܡܢ ܕܦܢܗ܂ ܬܘܪܬܐ ܕܝܢ ܘܠܐ ܡܕܡ ܐܚܪܝܢ܂
099:03	ܥܠ ܕܡܣܒܥܐ ܠܣܓܝ̈ܐܐ܂ ܚܕܐ ܙܒܢ ܐܬܢܟܣܬ܂ ܥܠ ܕܐܦ
099:04	ܡܫܝܚܐ ܕܝܢ ܚܕܐ ܙܒܢ ܐܬܢܟܣ܂ ܠܒܪ ܡܢ ܡܫܪܝܬܐ ܕܝܢ܃ ܥܠ
099:05	ܕܐܦ ܡܪܢ ܕܝܢ ܠܒܪ ܡܢ ܐܘܪܫܠܡ ܐܙܕܩܦ܂ ܗ݀ܝ ܕܟܠܗ݀܂ ܗܢܘ܂
099:06	ܡܫܟܗ݀ ܘܦܪܬܗ݀ ܕܬܐܩܕ܂ ܐܪܙܐ ܕܐܬܩܒܠܬ ܟܠܗ݀ ܘܠܝܬ ܒܗ݀
099:07	ܡܕܡ ܕܛܡܐ܂ ܐܝܟ ܡܫܝܚܐ ܕܟܠܗ ܒܟܠܗ ܐܬܩܪܒ ܠܐܠܗܐ
099:08	ܘܐܬܩܒܠ܂ ܘܠܝܬ ܒܗ ܡܘܡܐ ܘܕܫܪܟܐ܂ ܟܗܢܐ ܕܩܪܒ ܠܡܝ̈ܐ
099:09	ܕܪܣܣܐ ܕܩܛܡܗ݀ ܗܘ݂ܐ ܛܡܐ ܥܕܡܐ/ܥܕܬܐ#2#/ ܠܪܡܫܐ܂ ܘܐܝܠܝܢ
099:10	ܕܢ݁ܦܠ ܥܠܝܗܘܢ ܡܝ̈ܐ ܕܪܣܣܗ݀ ܡܬܩܕܫܝܢ܂ ܗ݀ܝ ܕܝܢ/ܡ݁ܢ#2#/ ܡܪܕܐ
099:11	ܕܐܬܛܡܐܘ ܒܩܛܠܗ ܕܡܪܢ ܟܗ̈ܢܐ ܕܥܘܠܐ܂ ܚܢܢ ܘܩܝܦܐ
099:12	ܘܕܫܪܟܐ܂ ܕܗܢܘܢ ܠܘܩܕܡ ܫܪܝܘ ܒܩܛܠܗ܂ ܗܕܐ ܕܝܢ ܐܪܙ
099:13	ܚܘܣܝܐ ܕܗ݀ܘܐ ܠܡܗܝ̈ܡܢܐ ܡܢ ܦܓܪܗ ܘܕܡܗ ܕܡܫܝܚܐ܂ ܕܐܢ
099:14	ܩܛܡܐ ܕܬܘܪܬܐ ܠܚܛܗܐ ܡܚܣܐ ܘܡܩܕܫ܂ ܟܡܐ ܡܠܘܢ
099:15	ܕܡܗ ܕܡܫܝܚܐ ܕܡܡܠܠ ܛܒ ܡܢ ܕܗܒܝܠ܂ ܘܕܐܝܠܝܢ ܡܠܠ܂ ܫܐܠ
099:16	ܠܓܓܘܠܬܐ ܘܬܠܦܟ ܐܪܥܐ ܕܡܬܬܪܥܐ ܘܕܫܪܟܐ܂
099:17	ܬܘܒ ܡܛܠ ܕܒܕܡܐ ܕܕܒܚ̈ܐ ܡܬܕܟܝܢ ܗܘܘ ܒܪ̈ܣܣܐ܂ ܙ݁ܕܩ
099:18	ܗܘܐ ܕܐܦ ܩܛܡܐ ܕܬܘܪܬܐ ܢܗܘܐ܂ ܕܡܟܪܙܐ ܥܠ ܕܡܐ
099:19	ܒܣܘܡܩܘܬܗ܂ ܐܝܬ ܕܝܢ ܬܘܒ ܬܘܪܝܐ ܒܣܘܡܩܘܬܗ܃ ܕܒܕܡܗ
099:20	ܕܝܫܘܥ ܡܫܝܚܐ ܡܬܪܕܦܐ ܚܛܝܬܐ ܣܘܡܩܬܐ ܡܢܢ܂ ܒܗ݀ܝ
099:21	ܕܟܠܗܝܢ ܕܬܡܢ ܛܘܦܣܐ ܗܘ̈ܝ ܕܗܠܝܢ ܕܝܠܢ ܐܝܟ ܕܐܡܝܪܐ܂ ܕܐܢ
099:22	ܠܡ ܕܡܐ ܕܨܦܪ̈ܝܐ ܘܕܫܪܟܐ܂ ܚܕ ܕܝܢ ܩܢܘܡܐ ܐܬܕܒܚ ܚܠܦ
099:23	ܚܛܗ̈ܐ ܕܣܓܝ̈ܐܐ܂ ܘܚܕܐ ܪܫܝܬܐ ܐܫܬܩܠܬ܃ ܚܠܦ ܟܠܗ݀

099:24	ܓܒܝܠܬܐ ܕܒܪܝܬܐ܂ ܘܚܕ ܒܘܟܪܐ ܐܬܓܒܝ܃ ܚܠܦ ܟܠܗܘܢ ܝ̈ܠܕܐ܂

099:25	ܘܚܕ ܬܘܪܐ ܕܠܐ ܡܘܡ ܐܬܩܛܠ܃ ܚܠܦ ܟܠܗ݀ ܟܢܘܫܬܗ
099:26	ܕܥܠܡܐ܂ ܘܚܕ ܐܡܪܐ ܚܣܝܐ ܚܛܝܬܗ ܕܥܠܡܐ ܫܩ݂ܠ܂ ܘܚܕ
099:27	ܠܚܡܐ ܡܚܝܢܐ ܚܠܦ ܟܠܢܫ ܢܚ݂ܬ ܡܢ ܫܡܝܐ܂ ܘܚܕ ܕܡܐ
099:28	ܐܬܪܣܣ ܚܠܦ ܣܓܝ̈ܐܐ܂ ܘܗܢܐ ܣܓܝ ܫܡܗ̈ܐ܃ ܗܘ݂ܐ ܚܠܦܝܢ
099:29	ܚܛܝܬܐ ܘܠܘܛܬܐ܃ ܘܐܪܝܡ ܡܢܢ ܠܬܪ̈ܬܝܗܝܢ܂ ܐܢ ܢܣܡܩܘܢ
099:30	ܠܡ ܐܝܟ ܬܘܠܥܬܐ ܘܕܫܪܟܐ܂