The Comprehensive Aramaic Lexicon

101:01	ܬܒܥ ܣܘܢܩܢܐ܂ ܘܟܕ ܕܠܝܬ ܡܝ̈ܐ݂ ܒܨܠܘܬܐ ܡܬܝܗܒܝܢ܂ ܘܟܒܪ
101:02	ܐ݁ܡܪ ܐܢܫ܂ ܕܐܢ ܒܙܒܢ ܝܗܒܬ ܡܝ̈ܐ܃ ܘܕܥܝܕܗ݀ ܗܝ ܕܬܬܠ
101:03	ܐܝܟܐ ܕܠܝܬ ܡܝ̈ܐ݂܂ ܠܡܢܐ ܐܬܦܠܓ ܡܘܫܐ ܗܫܐ ܟܕ
101:04	ܥܡܗܘܢ ܗܝ܂ ܘܠܡܘܢ ܣܢܝܩ ܗܘܐ ܥܠ ܦܘܩܕܢܐ ܕܢܚܘܐ ܠܗ
101:05	ܕܢܦܩ ܡܝ̈ܐ ܡܢ ܟܐܦܐ܂ ܘܐܡܪܝܢܢ ܐܣܬܢܩ ܕܒܦܘܩܕܢܐ ܢܦܩ܃
101:06	ܚܕܐ ܕܠܘ ܕܨܒܝܢܗ ܗܝ ܕܡܘܫܐ܃ ܕܟܠ ܐܡܬܝ ܕܒ݁ܥܐ ܢܦܩ ܡܢܗ݀
101:07	ܡܝ̈ܐ܂ ܘܕܠܐ ܦܘܩܕܢܐ ܠܐ ܡܡܪܚ ܕܢܦܩ ܡܢܗ݀܂ ܘܕܬܪ̈ܬܝܢ܂

101:08	ܕܣܓܝ ܕܠܝܚ ܗܘܐ ܡܘܫܐ ܡܢ ܪܘܒܐ ܕܥܡܐ ܒܗܢܐ ܙܒܢܐ܂

101:09	ܘܐܦ ܒܙܒܢ ܝܗܝܒܘܬ ܣܠܘܝ܂ ܘܗܕܐ ܐܝܟ ܒܪܢܫܐ ܠܒܝܫ ܒܣܪܐ
101:10	ܘܕܡܐ ܓܕܫܬ ܠܗ ܕܢܬܦܠܓ܂ ܡܐ ܓܝܪ ܕܕܠܝܚ ܪܥܝܢܐ܃ ܐܦ
101:11	ܥܠ ܐܝܠܝܢ ܕܩܕܡܘܗܝ ܐܢܝܢ ܙܒܢ̈ܝܢ ܣܓܝ̈ܐܢ ܡܬܦܠܓ ܐܢܫ܂
101:12	ܐܦܠܐ ܓܝܪ ܗ݀ܢܘܢ ܐܡܪܘ ܠܗ܃ ܕܐܦܩ ܠܢ ܡܝ̈ܐ ܡܢ ܟܐܦܐ
101:13	ܗܕܐ܃ ܕܢܐܡܪ ܗܘܐ ܕܡܢ ܗܕܐ ܟܐܦܐ ܢܦܩ ܠܟܘܢ ܡܝ̈ܐ܂
101:14	ܐܠܐ ܝܕܝܥܐ ܕܡܢ ܕܠܝܚܘܬ ܪܥܝܢܐ ܐܡ݂ܪ ܘܟܕ ܦܠܝܓ܂ ܘܬܘܒ
101:15	ܐܬܟܣܣ ܕܠܐ ܐܕܟܪ ܫܡ ܐܕܘܢܝ ܐܝܟ ܕܒܟܠ ܐܬܘ̈ܢ ܕܣ݁ܥܪ
101:16	ܗܘܐ܂ ܬܘܒ ܕܠܘ ܐܝܟ ܥܝܕܐ ܚܕܐ ܙܒܢ ܡܚܗ݀ ܐܠܐ ܬܪ̈ܬܝܢ
101:17	ܙܒܢ̈ܝܢ ܠܐ ܘܠܝܐܝܬ܀
101:18	ܡܥܠܝ̈ܬܐ ‍<‍ܚܙܝ ܠܗܢ ܫܪܒܐ ܒܫܘܠܡ ܐܘܪܝܬܐ ܥܡ ܥ̈ܠܠܬܐ ܐܚܪ̈ܢܝܬܐ#2#‍>‍ ܓܝܪ ܕܠܥܠ ܡܢ ܡܠܬܐ ܣܥ݂ܪ ܐܠܗܐ ܒܐܝ̈ܕܝ ܡܘܫܐ܂
101:19	ܙܘܗܝܐ ܕܦܪܨܘܦܗ ܘܟܝ̈ܢܐ ܕܥܠܡܐ ܕܐܫܬܥܒܕ ܠܗ܂ ܘܕܫܪܟܐ܂
101:20	ܘܩܒܠ ܐܦ ܫܡܐ ܕܐܠܗܐ܂ ܕܠܐ ܗܟܝܠ ܒܬܪ ܡܘܬܗ܃ ܢܣܩܘܢ
101:21	ܥܡ̈ܡܐ ܠܬܕܡܪ̈ܬܐ ܕܣܥ݂ܪ ܥܠ ܩܢܘܡܗ ܘܠܘ ܥܠ ܐܠܗܐ܂
101:22	ܫܦܝܪ ܐܫܬܒܩ ܕܢܕܥ ܟܝܢܗ܃ ܘܢܐܡܪ ܠܥ‍<‍ܝ‍>‍ܢܝ̈ܗܘܢ ܡܠܬܐ ܕܦܘܠܓܐ
101:23	ܗܐ ܬܪ̈ܬܝܢ ܙܒܢ̈ܝܢ܂ ܘܬܘܒ ܕܬܗܘܐ ܗܕܐ ܐܝܟ ܥܠܬܐ ܠܟܠܝܢܗ
101:24	ܕܡܢ ܦܠܣܛܝܢܝ܂ ܗܐ ܓܝܪ ܐܦ ܕܘܝܕ ܒܛܠܝܘܬܗ܂ ܐܪܝܐ ܘܕܐܒܐ
101:25	ܩܛ݂ܠ܂ ܘܠܓܘܠܝܕ ܣܚ݂ܦ܂ ܘܒܟܠ ܩܪ̈ܒܝܢ ܐܬܢܨܚ܂ ܘܠܚܪܬܐ ܕܚ݂ܠ
101:26	ܡܢ ܓܢܒܪܐ ܦܠܫܬܝܐ܃ ܥܕܡܐ ܕܐܒܝܫܝ ܥܕܪܗ܂ ܘܐܠܝܐ ܕܠܫܡܝܐ
101:27	ܟܠ݂ܐ܂ ܘܠܢܒܝ̈ܝ ܒܥܠܐ ܢܟܣ܃ ܡܢ ܐܝܙܒܠ ܥ݂ܪܩ܂ ܬܘܒ ܗܕܐ ܕܗܘ݂ܬ
101:28	ܠܡܘܫܐ܂ ܕܚܠܬܐ ܡܪܡܝܐ ܗܘܬ ܒܥܡܐ܂ ܘܐܦ ܠܙܕܝ̈ܩܐ