The Comprehensive Aramaic Lexicon

102:01	ܕܒܬܪܟܢ܃ ܡܙܗܪܐ ܗܘܬ܂ ܕܐܢ ܒܐܦ̈ܝ ܡܘܫܐ ܠܐ ܢܣ݂ܒ܂
102:02	ܒܐܦ̈ܝ ܡ݁ܢܘ ܢ݁ܣܒ܂ ܘܐܦ ܝܗܘ̈ܕܝܐ ܢܬܩܦܚܘܢ܂ ܕܐܢ ܐܪܥܐ
102:03	ܕܡܘܠܟܢܐ ܡܕܡ ܗܝ ܪܒ ܐܝܟ ܨܒܪܗܘܢ܃ ܩܕܡܝܬ ܠܡܘܫܐ
102:04	ܘܠܐܗܪܘܢ ܡܥܠ ܗܘܐ ܠܗ݀ ܕܚܫܘ ܥܠ ܐܦܝ̈ܗ݀܂ ܘܣܓܝ ܡܝܬܪܝܢ
102:05	ܗܘܘ ܡܢ ܟܠܗ݀ ܟܢܘܫܬܐ ܕܥܠܬ܂ ܘܐܠܘ ܚܛ݂ܐ ܡܘܫܐ ܬܢܢ܃
102:06	ܠܡܘܢ ܟܕ ܡܦܝܣ ܒܚܪܬܐ ܕܢܥܘܠ ܠܗ݀܃ ܠܐ ܚܣܝ ܚܛܗܗ܂
102:07	ܩܛܪܝܐ܃ ܕܗܕܐ ܟܐܦܐ ܠܘ ܗ݀ܝ ܗܝ ܕܒܛܘܪܣܝܢܝ܂ ܘܐܦܠܐ
102:08	ܡܫܩܠ ܫܩܠܝܢ ܗܘܘ ܠܗ݀ ܥܠ ܟܬܦ̈ܬܗܘܢ ܐܝܟ ܕܐܡ݂ܪ ܝܘܚܢܢ܂
102:09	ܘܐܚܪ̈ܢܐ܃ ܐܠܐ ܛܘܪܐ ܗܘܐ ܠܡ ܕܡܢܬܗ ܡܚ݂ܐ ܡܢܗ݀
102:10	ܡܘܫܐ܂ ܟܕ ܠܐ ܦܣܝܩܐ ܡܢ ܛܘܪܐ܂ ܘܝܕܝܥܐ ܡܢ ܗ݀ܝ ܕܐܡ݂ܪ
102:11	ܠܗ܃ ܕܡܠܠ ܠܡ ܥܠ ܟܐܦܐ܂ ܠܐ ܓܝܪ ܐܡ݂ܪ ܠܗ ܥܡ ܟܐܦܐ
102:12	ܗܕܐ܂ ܐܠܐ ܥܠ ܟܐܦܐ ܗܕܐ܂ ܗܢܘ ܕܩܝܡ ܐܢܬ ܥܠܝܗ݀܂ ܘܐܠܘ
102:13	ܠܡ ܟܐܦܐ ܗܘܬ ܙܥܘܪܬܐ܃ ܐܝܟܢ ܡܘܫܐ ܘܐܗܪܘܢ ܘܪܘܪ̈ܒܢܐ
102:14	ܟܠܗܘܢ ܩܝܡܝܢ ܥܠܝܗ݀܂ ܐܠܐ ܢܕܥ ܩܛܪܝܐ܂ ܕܠܘ ܥܠܝܗ ܐܡܝܪܐ
102:15	ܕܩܝܡܝܢ ܗܘܘ܂ ܢܫܡܥ ܕܝܢ ܘܡܢ ܛܘܒܢܐ ܦܘܠܘܣ܃ ܘܡܢ ܡܦܫܩܢܐ
102:16	ܬܐܒܠܝܐ܃ ܟܕ ܡܦܫܩ ܠܗ݀ܝ ܕܫܬܝܢ ܗܘܘ ܓܝܪ ܡܢ ܘܕܫܪܟܐ܂
102:17	ܕܐܦܠܐ ܠܡ ܡܝ̈ܐ ܪ̈ܕܝܢ ܗܘܘ ܥܡ ܥܡܐ ܒܠܥܕ ܡܢ ܟܐܦܐ܂
102:18	ܐܠܐ ܟܐܦܐ ܗܘܬ ܥܡܗܘܢ܂ ܐܢܫ̈ܝܢ܂ ܕܬܪܥܣܪ ܬܦ̈ܐ ܡܒܥܐ
102:19	ܗܘܬ ܟܐܦܐ ܡܝ̈ܐ܂
102:20	‍{‍13‍}‍ ܗ݀ܝ ܕܢܨܘ ܒܢ̈ܝ ܝܣܪܝܠ ܩܕܡ ܡܪܝܐ ܘܐܬܩܕܫܘ ܒܗܘܢ܂
102:21	ܗܢܘ܂ ܐܬܦܪܫܘ ܘܐܬܝܕܥܘ ܕܚܪ̈ܝܝܐ ܐܢܘܢ ܘܛܠܘ̈ܡܐ ܒܟܠܙܒܢ܂
102:22	ܩܕܝܫܐ ܥܒܪܐܝܬ܃ ܥܠ ܦܘܪܫܢܐ ܡܕܡ ܡܫܘܕܥ܂
102:23	‍{‍XXI ‍}‍ ܗ݀ܝ ܕܒܐܘܪܚܐ ܕܓܫܘ̈ܫܐ܃ ܐܘ ܗ݀ܢܘܢ ܕܐܙܠܘ
102:24	ܓܫܘ ܐܪܥܐ܃ ܐܘ ܗ݂ܘ ܝܣܪܝܠ ܟܠܗ܂ ܐ݂ܙܠܘ ܒܐܘܪܚܐ ܕܠܘ
102:25	ܕܡܠܟܐ ܗܘܬ܂ ‍{‍3‍}‍ ܗ݀ܝ ܕܩܪܘ ܚܪܡܐ܂ ܗܢܘ܂ ܓܙܪܐ ܘܡܘܗܒܬܐ
102:26	ܕܐܠܗܐ ܕܝܗܒܗ݀ ܠܗܘܢ ܠܙܟܘܬܐ܂
102:27	‍{‍9‍}‍ ܕܢܚܫܐ ܓܝܪ ܥܒ݂ܕ ܠܚܘܝܐ܂ ܚܕܐ܃ ܐܝܟ ܡ݁ܢ ܕܣܓܝ ܡܒܪܩ

102:28	ܐܦ ܡܢ ܪܘܚܩܐ܂ ܕܬܪ̈ܬܝܢ܃ ܥܠ ܕܙܗܘܡ ܟܝܢܗ܂ ܕܘܡܝܐ ܕܒܢ̈ܝ

102:29	ܝܣܪܝܠ ܒܫܟܝܪ̈ܬܗܘܢ܂ ܕܬܠܬ܃ ܕܡܫܘܕܥ ܥܠ ܩܫܝܘܬ ܩܕܠܗܘܢ܂