The Comprehensive Aramaic Lexicon

109:01	ܥܬܝ̈ܕܬܐ܂ ܬܢܢ ܕܝܢ ܐܩܪܚܗ݀܃ ܥܠ ܕܪܘܪ̈ܒܢ ܗ݀ܢܝܢ ܕܥܬܝܕ ܠܡܐܡܪ
109:02	ܡܢ ܗ݀ܢܝܢ ܩܕܡܝ̈ܬܐ܂ ܩܛܪܝܐ ܪܘܚܐ ܠܡ ܒܝܫܬܐ ܩܒܠ ܗܘܐ܂
109:03	ܗܐ ܠܡ ܟܬܒܐ ܐܦ ܠܪܘܚܐ ܒܝܫܬܐ ܕܠܫܐܘܠ ܡܕܝܒܐ ܗܘܬ܃
109:04	ܪܘܚܐ ܕܐܠܗܐ ܩ݁ܪܐ܂ ܘܐܝܟ ܕܠܫܐܘܠ ܚܒܛܐ ܗܘܬ܂ ܕܡ݁ܐ
109:05	ܗܘܐ ܓܝܪ ܠܗܠܝܢ ܡܨ̈ܠܝܢܐ ܕܟܕ ܡܬܚܒܛܝܢ ܡܢ ܪܘܚܐ ܒܝܫܬܐ܃
109:06	ܐܡܪܝܢ ܕܪܘܚܐ ܕܩܘܕܫܐ ܡܩܒܠܝܢ܂ ܘܕܐܦ ܗܢܐ ܡܢ ܡܚܒܘܛܝܬܗ
109:07	ܘܡܢ ܫܘܘ̈ܕܥܐ ܐܚܪ̈ܢܐ܃ ܝܕܝܥܐ ܕܪܘܚܐ ܒܝܫܬܐ ܗܘ݂ܬ ܠܗ܂
109:08	‍{‍4‍}‍ ܗ݀ܝ ܕܪܡܐ܂ ܗܢܘ܂ ܒܬܡܗܐ܂ ܐܘ ܟܕ ܣܓܝܕ ܘܢܦܝܠ ܥܠ
109:09	ܐܦܘ̈ܗܝ ܘܡܬܚܢܢ ܠܐܝܩܪܗ ܕܓܠܝܢܐ܃ ܐܝܟ ܗ݀ܝ ܕܐܡ݂ܪ ܥܒܪܝܐ
109:10	ܠܥܠ ܫܦܘܦܐܝܬ܂ ܗ݀ܝ ܕܦܬܝ̈ܚܢ ܥܝ̈ܢܘܗܝ܃ ܥܠ ܢܗܝܪܘܬ ܓܠܝܢܐ

109:11	ܕܥܝܢ ܒܓܠܐ ܚ݁ܙܐ ܗܘܐ܂ ܟܕܡܢ ܐܚܪ̈ܢܐ ܟܣܐ ܪܡ݁ܙ܂ ܩܛܪܝܐ

109:12	ܟܕ ܪܡܐ ܠܡ ܡܢ ܕܝܘܗ ܘܚܒܝܛ ܒܐܪܥܐ ܘܡܒܪ̈ܩܢ ܥܝ̈ܢܘܗܝ܂
109:13	ܐܝܟ ܕܝ̈ܘܢܐ܂
109:14	‍{‍XXIII܂ 23‍}‍ ܗ݀ܝ ܕܢܬܐܡܪ ܠܝܥܩܘܒ ܘܠܝܣܪܝܠ ܡܢܐ܂ ܗܢܘ܂
109:15	ܡܬܒܕܩ ܠܗ ܒܝܕ ܢܒܝ̈ܐ܂ ܗ݀ܝ ܐܝܬܝܗ݀܃ ܕܠܐ ܥ݁ܒܕ ܡܪ̈ܐ
109:16	ܡܪ̈ܘܬܐ ܡܕܡ ܐܠܐ ܐܢ ܘܕܫܪܟܐ܂
109:17	‍{‍XXIV܂ 3‍}‍ ܚܠܦ ܗ݀ܝ ܕܓܠܝܐ ܥܝܢܗ܃ ܥܒܪܝܐ ܕܟܣܝ̈ܬܐ ܓ̈ܠܝܢ
109:18	ܠܗ ܐܡ݁ܪ܂ ‍{‍4‍}‍ ܟܕ ܪܡܐ ܘܦܬܝ̈ܚܢ܂ ܗܢܘ܂ ܟܕ ܥܝܪ ܘܠܘ
109:19	ܒܚܠܡܐ܂
109:20	‍{‍6‍}‍ ܐܝܟ ܢܚ̈ܠܐ ܠܡ ܘܪ̈ܓܠܬܐ ܕܪܕܝܢ ܘܡܫܬܦܥܝܢ܃ ܗܟܢ
109:21	ܡܫܬܦܥܝܢ ܫܒܛܝ̈ܗܘܢ ܒܣܘܓܐܐ ܕܫܪ̈ܒܬܗܘܢ܂ ܘܐܝܟ
109:22	ܡܫܟܢܐ ܕܢܨܝܒ ܡܫܪܪܐܝܬ ܘܠܐ ܡܬܥܩܪ ܕܠܝܠܐܝܬ܂ ܗܟܢ
109:23	ܢܨ݂ܒ ܠܗܘܢ ܡܪܝܐ ܒܦܠܣܛܝ̈ܢܝ܂
109:24	‍{‍7‍}‍ ܗ݀ܝ ܕܢܦܘܩ ܓܒܪܐ ܡ݁ܢ܃ ܕܗ݂ܘ ܡܩܒܠ ܡܠܟܘܬܐ ܘܢܒܝܘܬܐ܂
109:25	ܗ݀ܝ ܕܗ݂ܝ ܫܪܝܐ ܠܩܨܡ̈ܝܢ ܘܡܒܛܠܐ ܠܢܚ̈ܫܝܢ܂ ܘܙܪܥܗ ܒܡܝ̈ܐ
109:26	ܣܓܝ̈ܐܐ܂ ܥܠ ܣܓܝܐܘܬ ܙܪܥܗ ܐܡ݁ܪ܂ ܐܝܟ ܗ݀ܝ ܕܢܫܬܦܥܘܢ
109:27	ܡܝ̈ܟ ܒܫܘ̈ܩܝܟ ܘܒܫܘ̈ܩܝܟ ܢܪܕܘܢ܂ ܘܐܝܟ ܗ݀ܝ ܕܪ̈ܫܝ ܡܝ̈ܐ
109:28	ܣܓܝ̈ܐܐ ܕܓܪܘ ܘܥܒܪܘ܂ ܘܢܬܬܪܝܡ ܡܢ ܐܓܓ܂ ܒܙܒܢܐ ܕܐܓܓ
109:29	ܫܐܘܠ ܗܘ݂ܐ܂ ܠܗ݀ܘ ܕܝܢ ܠܐ ܠܚܡܐ ܡܠܬܐ܃ ܐܦܢ ܐܚܪ̈ܢܐ