The Comprehensive Aramaic Lexicon

114:01	ܡܚܘܐ ܡܝܬܪܘܬܗ ܕܟܗܢܐ ܡܢ ܕܡܕܒܪܢܐ ܐ݁ܡܪ܂ ܒܡܠܬ
114:02	ܦܘܡܗ ܢܗܘܘܢ ܢܦܩܝܢ ܘܕܫܪܟܐ܂
114:03	‍{‍XXXI܂ 1‍}‍ ܗ݀ܝ ܕܐܬܬܒܥ ܥܝܕܬܐ ܕܒܢ̈ܝ ܝܣܪܝܠ ܡܢ ܡܕܝ̈ܢܝܐ܀
114:04	ܟܕ ܛܒ ܡܘܐܒ̈ܝܐ ܚܛܘ ܒܗ ܒܥܡܐ ܝܬܝܪ ܡܢ ܡܕܝ̈ܢܝܐ܃ ܐܠܐ
114:05	ܠܡܘܐܒܝ̈ܐ܃ ܡܛܠ ܕܒܢ̈ܝ ܠܘܛ ܐܢܘܢ݂ ܠܐ ܦܩ݂ܕ ܕܢܘܒܕܘܢ
114:06	ܐܢܘܢ܂ ܟܕ ܡܠܦ ܒܗܕܐ܂ ܕܐܢ ܠܐܚܝ̈ܗܘܢ ܡܛܠܬܗܘܢ
114:07	ܘܡܛܠ ܐܒܗܝ̈ܗܘܢ ܡܝܩܪ ܘܛ݁ܥܢ ܠܗܘܢ܃ ܟܡܐ ܝܬܝܪ ܠܗܘܢ
114:08	ܡܘܪܒ ܡܛܠ ܐܒܗ̈ܝܗܘܢ܃ ܐܢ ܡܬܕܡܝܢ ܒܕܘܒܪ̈ܝܗܘܢ܂
114:09	‍{‍56‍}‍ ܐܫܬܕܪܘ ܥܠ ܡܕܝ̈ܢܝܐ ܬܪܥܣܪ ܐܠܦ̈ܐ ܥܡ ܡܐܢ̈ܝ
114:10	ܩܘܕܫܐ܂ ܗܢܘ܂ ܩܒܘܬܐ܂ ‍{‍8‍}‍ ܘܩܛ݂ܠ ܐܦ ܠܒܠܥܡ ܥܡ ܡܐܢ̈ܝ
114:11	ܕܝܢ ܕܦܠ݂ܚ ܠܗܘܢ܃ ܨܝܒܘܗܝ ܠܡܕܝܢ ܕܥܡܗܘܢ ܢܬܩܛܠ܂ ܥܠ
114:12	ܕܗ݂ܘ ܗܘ݂ܐ ܥܠܬ ܒܝܫܬܐ ܠܡܕܝ̈ܢܝܐ ܘܠܝܣܪ̈ܠܝܐ܀
114:13	‍{‍XXX܂ 3‍}‍ ܐܣܪܐ ܐܝܬܘܗܝ܂ ܕܐܢܫ ܕܐܣ݁ܪ ܥܠ ܢܦܫܗ ܕܨ݁ܐܡ
114:14	ܐܘ ܓܪܥ ܪܫܗ ܘܕܫܪܟܐ܂
114:15	‍{‍XXXI܂ 50‍}‍ ܐܩ̈ܠܢܐ܃ ܗܠܝܢ ܕܡܬܬܪܡܝܢ ܒܕܪ̈ܥܐ܂
114:16	‍{‍XXXII‍}‍ ܐܬܟܣܝ ܓܝܪ ܪܥܝܢܗܘܢ ܕܒܝܬ ܪܘܒܝܠ ܘܓܕ ܡܢ
114:17	ܡܘܫܐ܃ ܘܥܠ ܗܕܐ ܙܥܝܦܐܝܬ ܦܓ݁ܥ ܒܗܘܢ܃ ܕܢܠܦ ܠܢ ܟܬܒܐ
114:18	ܒܝܕ ܗܕܐ܃ ܕܠܘ ܡܛܠ ܕܡܬܓܒܝܢ ܩܕܝ̈ܫܐ ܠܢܒܝܘܬܐ ܡܢ ܟܕܘ
114:19	ܟܠ ܡܕܡ ܝܕܥܝܢ ܐܝܟ ܐܠܗܐ܂ ܐܠܐ ܐܝܠܝܢ ܕܡܬܓ̈ܠܝܢ ܠܗܘܢ
114:20	ܠܚܘܕ ܝܕܥܝܢ܂ ܗܐ ܓܝܪ ܐܬܟܣܝܬ ܡܢ ܝܫܘܥܒܪܢܘܢ ܨܒܘܬܐ
114:21	ܕܓܒܥܘܢܝ̈ܐ ܘܨܢܥܬܗܘܢ܂ ܘܡܢ ܝܥܩܘܒ ܙܘܒܢܗ ܕܝܘܣܦ܂ ܘܡܢ
114:22	ܕܘܝܕ ܡܪܘܕܘܬܗ ܕܐܒܫܠܘܡ ܘܫܪܒܗ ܕܡܦܝܒܫܬ܂ ܘܡܢ ܫܡܘܐܝܠ
114:23	ܫܐܘܠ ܕܡܛܫܝ ܗܘܐ܂ ܘܡܢ ܐܠܝܐ ܫܒܥܐ ܐܠܦ̈ܐ ܕܚ̈ܠܝ
114:24	ܐܠܗܐ܂ ܘܡܢ ܐܠܝܫܥ ܡܘܬܗ ܕܛܠܝܐ܂ ܗܟܢ ܘܡܘܫܐ ܣܒ݂ܪ
114:25	ܕܠܡܡܪܕ ܒܥܝܢ ܕܠܐ ܢܐܬܘܢ ܠܩܪܒܐ ܕܐܚܝ̈ܗܘܢ܂ ܘܟܕ ܝ݂ܕܥ
114:26	ܕܡܛܝܒܝܢ ܪܒܬ ܩܠܣ ܐܢܘܢ ܘܕܫܪܟܐ܂
114:27	‍{‍38‍}‍ ܗ݀ܝ ܕܢܣ̈ܝܒܢ ܗܘ̈ܝ ܫܡܐ܂ ܗܢܘ܂ ܡܫܡܗ̈ܬܐ ܘܛܒܝ̈ܒܬܐ
114:28	ܡܢ ܫܪܟܐ ܕܡܕܝ̈ܢܬܐ ܩܕܡ ܕܢܚܪ̈ܒܢ܂

114:29	‍{‍XXXV܂ 2‍}‍ ܐܓܘܪ̈ܣܐ݂ ܩܘܪ̈ܝܣ܂ ܟܦܪ̈ܘܢܐ݂ ܩܘܪ̈ܝܐ ܕܩܕܩ̈ܬܐ܂