The Comprehensive Aramaic Lexicon

123:01	ܣܓܝܐܘܬ ܢܫ̈ܐ ܘܣܓܝܐܘܬ ܟܣܦܐ ܒܗ ܒܫܠܝܡܘܢ ܐܫܬܡܠܝܬ
123:02	ܡܛܠ ܬܐܓܪ̈ܬܗ܂ ‍{‍18‍}‍ ܦܪܫܓܢܐ݂ ܐܨܚܬܐ܂
123:03	ܒܙܒܢܐ ܓܝܪ ܕܒܥܘ ܡܠܟܐ ܥ݂ܕܠ ܐܢܘܢ ܫܡܘܐܝܠ ܟܕ ܛܒ
123:04	ܗܪܟܐ ܐܦܣ ܠܗܘܢ܃ ܚܕܐ ܡܛܠ ܕܟܕ ܓܒܪܐ ܙܕܝܩܐ ܐܝܟ
123:05	ܫܡܘܐܝܠ ܐܝܬܘܗܝ ܗܘܐ ܡܕܒܪܢܗܘܢ݂ ܐܣܠܝܘܗܝ ܘܒܥܘ
123:06	ܡܠܟܐ܂ ܘܟܕ ܒܥܠܝ ܘܒܒ̈ܢܘܗܝ ܒܛܝ̈ܠܐ ܪܕܘ܃ ܒܗܢܐ ܙܕܝܩܐ ܠܐ
123:07	ܫܠܡܘ܂ ܕܬܪ̈ܬܝܢ܃ ܠܥ̈ܡܐ ܡ̈ܠܟܐ ܡܕܒܪܝܢ܂ ܠܝܣܪܝܠ ܕܝܢ ܒܢܡ̈ܘܣܐ
123:08	ܐܠܗ̈ܝܐ ܙ݁ܕܩ ܕܢܬܕܒܪܘܢ܂ ܘܡܪܝܐ ܗܘ ܡܠܟܗܘܢ ܐܝܟ
123:09	ܕܐܡܝܪܐ܂ ܒܪܡ ܐܠܗܐ ܕܝ݁ܕܥ ܕܒܚܫܘ̈ܒܐ܃ ܕܠܐ ܢܗܘܐ ܠܗܘܢ
123:10	ܐܬܪܐ ܠܒܘܓܢܐ ܐܝܟ ܕܒܝ̈ܘܡܝ ܝܘܪܒܥܡ ܕܐܪܚܩ ܡܢ ܐܠܗܐ܃
123:11	ܦܩ݂ܕ ܠܫܡܘܐܝܠ ܕܢܩܝܡ ܠܗܘܢ ܡܠܟܐ܀
123:12	‍{‍XVIII܂ 3‍}‍ ܕܪܥܐ݂ ܪܦܫܐ ܗܘ܂ ܘܐܦ ܐܝܕܐ ܡܬܩܪܐ܂ ܦܟܐ݂
123:13	ܦܠܓܗ ܕܪܫܐ܂ ܗܢܘ܂ ܠܘܓܡܐ܂ ܥܢܘܝܬܐ܃ ܦܝܣܘܪܐ ܕܡܩܒܠ
123:14	ܡܐܟܘܠܬܐ ܐܘܟܝܬ ܟܪܣܐ܂ ܡܝܟܐܝܠ܃ ܦܪܩܬܐ ܠܡ ܕܗܘܝܐ
123:15	ܒܝܢܐ ܥܛܡ̈ܬܐ܂ ܩܛܪܝܐ܃ ܗ݀ܝ ܠܡ ܕܡܫܬܩܠܐ ܡܢ ܒܝܢܬ

123:16	ܡܬ̈ܢܬܐ܂ ܗ݀ܝ ܕܠܥܠ ܡܢ ܐܠܝܬܐ ܩܝܡܐ ܩܠܝܠ܂

123:17	‍{‍10‍}‍ ܗ݀ܝ ܕܡܥܒܪ ܒܪܗ ܒܢܘܪܐ܂ ܗܢܘ ܒܐܪܙܐ ܕܫܐ̈ܕܐ܂ ܠܘ ܟܕ
123:18	ܡܘܩܕ ܠܗ܂ ܐܠܐ ܕܡܕܟܝܘ ܟܐܡܬ ܡܕܟܐ ܠܗ܃ ܘܨ݁ܪܦ ܠܗ
123:19	ܡܢ ܫܘܚܬܐ ܘܝܬܝܪܘܬܐ ܕܟܘܪ̈ܗܢܐ܃ ܟܕ ܡܥܒܪ ܠܗ ܠܥܠ ܡܢ
123:20	ܢܘܪܐ ܩܠܝܠ ܫܒܥ ܙܒ̈ܢܝܢ܂
123:21	‍{‍11‍}‍ ܐܫܘܦܐ܃ ܕܟܠܐ ܚܘܘ̈ܬܐ ܐܘ ܟܠ ܪ̈ܚܫܐ ܕܠܐ ܢܟܘܢ
123:22	ܒܚܝܠܐ ܕܫܐ̈ܕܐ܂ ܘܒܙܒܢ ܠܒܟܝܢ ܒܐܝ̈ܕܝܗܘܢ ܘܡܦܪܓܝܢ ܒܗܘܢ܂
123:23	ܫܡܐ ܕܙܟܘܪ̈ܐ ܡܘܕܥ ܥܠ ܙܢܐ ܡܚܝܠܐ ܕܡܡܠܠܐ ܕܒܢܘܨܪ̈ܬܐ܂
123:24	ܒܗ݀ܝ ܕܒܕܡܘܬ ܟܪ̈ܝܗܐ ܐܘ ܡܝ̈ܬܐ܂ ܡܚܘܝܢ ܕܝ̈ܘܐ ܕܡܘ̈ܬܐ
123:25	ܘܩ̈ܠܐ ܩܛܝ̈ܢܐ ܡܢ ܡܝ̈ܬܝܗܘܢ ܕܐܝܠܝܢ ܕܫܐܠܝܢ ܠܗܘܢ܂ ܘܒܗ
123:26	ܒܐܣܟܝܡܐ ܕܡܝܬܐ ܟܕ ܪܡܝܢ ܥܠ ܚܨܝ̈ܗܘܢ ܡܣܬܒܪܝܢ܂
123:27	ܕܐܝܟ ܗ݀ܘ ܕܡܬܥܠܝܢ ܥܕܡܐ ܠܦܘܡܗ݀ ܕܐܪܥܐ܃ ܒܫܪ̈ܓܪܓܝܬܐ
123:28	ܕܡܢ ܕܝܘ̈ܐ܂ ܝܕܘ̈ܥܐ܃ ܕܡܫܬܘܕܝܢ ܠܡܓܠܐ ܐܝܠܝܢ ܕܠܐ ܝܕܥ̈ܢ
123:29	ܠܒܢܝܢܫܐ܃ ܘܢܨܪܝܢ ܘܢܗܡܝܢ ܡܢ ܓܘ ܟܪܣܗܘܢ܂