The Comprehensive Aramaic Lexicon

126:01	ܒܥܠܡܐ܃ ܢܝܫܐ ܗܢܐ ܕܫܝܓܬ ܐܝ̈ܕܝܐ܃ ܚܠܦ ܕܟܝܘܬܐ ܕܡܢ
126:02	ܡܕܡ ܕܒ݁ܥܐ ܐܢܫ ܕܢܚܘܐ ܕܠܐ ܡܦܣ ܒܗ܂
126:03	‍{‍1213‍}‍ ܗ݀ܝ ܕܬܓܪܘܥ ܪܫܗ݀ ܫܒܝܬܐ ܘܬܒܟܐ ܝܪܚ ܝܘ̈ܡܝܢ܃
126:04	ܚܕܐ܃ ܕܠܐ ܒܝܘܡ ܚܠܘܠܗ݀ ܬܗܘܐ ܡܪܩܘܕܬܗ݀܂ ܕܬܪ̈ܬܝܢ܃
126:05	ܕܒܝܪܚ ܝܘܡ̈ܝܢ ܢܬܚܒܫ ܒܫܪܒܗ݀ ܕܡܣܒܗ݀܂ ܕܢܗܘܐ ܣܘܥܪܢܗ ܠܘ
126:06	ܒܚܐܦܐ ܕܪܓܬܐ ܐܠܐ ܒܒܘܚܢܐ܂ ܕܬܠܬ܃ ܕܡܐ ܕܐܬܓܪܥܬ
126:07	ܬܣܬܢܐ ܘܬܦܟܗ ܪܓܬܐ ܕܥܠܝܗ݀܂ ܘܒܒܟܝܐ ܕܬܠܬܝܢ ܬܬܛܥܐ
126:08	ܪܚܡܬܗ݀܂ ܢܡܘܣܐ ܓܝܪ ܕܦܩܝܕ܂ ܐܢ ܗ݂ܘ ܕܩܕܡ ܙܒܢܐ ܢܨܥܪܗ݀܂
126:09	‍{‍23‍}‍ ܗ݀ܝ ܕܠܐ ܬܒܘܬ ܫܠܕܗ܂ ܚܕܐ܃ ܕܠܐ ܢܨܛܥܪ ܟܝܢܐ
126:10	ܡܠܝܠܐ܂ ܕܬܪ̈ܬܝܢ܃ ܕܠܐ ܢܐܡܪܘܢ ܚܙ̈ܝܐ܃ ܕܗܢܘ ܦܠܢ ܕܨܚܝ
126:11	ܠܐܠܗܐ܂ ܗ݀ܝ ܕܡ݁ܢ ܕܡܨܚܐ ܠܐܠܗܐ ܢܙܕܩܦ܂ ܘܡܢ ܗܪܟܐ
126:12	ܫܩܠܗ݀ ܦܘܠܘܣ ܠܗ݀ܝ ܕܐܝܟ ܕܟܬܝܒ܃ ܕܠܝܛ ܗܘ ܟܠ ܡ݁ܢ
126:13	ܕܡܬܬܠܐ ܒܩܝܣܐ܂ ‍<‍ܥܒܪܝܐ#2#‍>‍ ܡܛܠ ܕܨܥܪܐ ܗܘ ܠܐܠܗܐ ܕܬܠܐ܂

126:14	ܘܡܬܕܢܐ ܠܬܪ̈ܝܢ ܣܘܟ̈ܠܝܢ܂ ܚܕ܃ ܨܥܪܐ ܗܘ ܠܡ ܠܐܠܗܐ

126:15	ܕܬܠܐ ܒܪܢܫܐ ܕܝܩܪܗ ܒܨܠܡܗ ܒܙܩܝܦܐ ܘܡܬܒܙܚ܂ ‍<‍ܕܬܪ̈ܬܝܢ܂ ܨܥܪܐ ܗܘ ܠܗ ܠܒܪܢܫܐ ܕܐܬܩܪܝ ܐܠܗܐ ܒܛܝܒܘ ܘܒܐܝܩܪܐ܂ ܐܝܟ ܗ݀ܝ ܕܐܢܐ ܐܡܪܬ ܕܐܠܗ̈ܝܢ ܐܢܬܘܢ܃ ܕܬܠܐ ܒܩܝܣܐ ܘܡܬܒܙܚ#2#‍>‍
126:16	‍{‍XXII܂ 5‍}‍ ܗ݀ܝ ܕܠܐ ܢܗܘܘܢ ܡܐ̈ܢܐ ܕܓܒܪܐ ܘܕܫܪܟܐ܂
126:17	ܕܢܣܛܘܢ ܡܢ ܥܝ̈ܕܐ ܕܚܢ̈ܦܐ ܕܡܫܚܛܝܢ ܛܟܣܐ ܕܒܪܘܝܘܬܐ܃
126:18	ܘܕܠܐ ܬܬܥܝܪ ܨܚܢܘܬܐ ܕܐܝܬܝܗ݀ ܢܝܚܐ ܕܫ̈ܐܕܐ܂
126:19	‍{‍9‍}‍ ܗ݀ܝ ܕܠܐ ܬܙܪܘܥ ܟܪܒܟ ܚܠܛܐ܃ ܕܠܐ ܬܬܩܕܫ܂
126:20	ܘܥܠܠܬܗ ܕܟܪܡܟ܂ ܗܢܘ܂ ܐܢܗ݂ܘ ܠܡ ܕܡܡܪܚ ܐܢܬ ܘܙܪܥ ܐܢܬ
126:21	ܐܪܥܟ ܚܠܛܐ܃ ܠܐ ܡܬܦܪܫ ܡܢܗ ܠܒܝܬܗ ܕܐܠܗܐ
126:22	ܩܛܪܝܐ܃ ܕܠܐ ܠܡ ܬܣܬܪܩ ܥܠܠܬܗ ܕܙܪܥܟ܂ ܗܢܘ܂ ܬܐܒܕ
126:23	ܟܠܗ݀ ܥܠܠܬܟ ܒܥܠܬ ܗܢܐ ܚܘܠܛܢܐ܂ ܕܟܐܡܬ ܗ݀ܝ ܕܬܬܩܕܫ
126:24	ܠܗ݀ܝ ܕܬܣܬܪܩ ܐ݁ܡܪ܂ ܐܝܟ ܗ݀ܝ ܕܐܬܪ ܕܠܝܬ ܠܡ ܬܘܪ̈ܐ ܕܟܝܢ
126:25	ܐܘܪ̈ܘܬܐ܂ ܗܢܘ܂ ܡܣܪܩܝܢ ܠܡ ܡܢ ܬܒܢܐ܂ ܡܠܦ ܕܝܢ ܒܗܕܐ܃
126:26	ܕܠܐ ܢܚܠܛܘܢ ܥܡ ܕܚܠܬ ܐܠܗܐ ܦܘܠܚܢܐ ܕܫܐ̈ܕܐ܂ ܐܚܪ̈ܢܐ܃
126:27	ܠܘ ܠܡ ܗܕܐ ܦܩܕ ܕܠܐ ܬܚܠܛܘܢ ܥܒܘܪܐ ܒܚ̈ܕܕܐ ܘܬܙܪܥܘܢ܂