The Comprehensive Aramaic Lexicon

127:01	ܐܠܐ ܥܠ ܕܦܩ݂ܕ ܐܢܘܢ ܕܡܥܣܪ̈ܐ ܘܪ̈ܫܝܬܐ ܢܬܠܘܢ ܫܢܐ
127:02	ܒܫܢܐ ܠܟܗ̈ܢܐ܂ ܗܕܐ ܐ݁ܡܪ ܗܫܐ܂ ܕܠܐ ܬܦܘܫ ܪܫܝܬܐ
127:03	ܘܡܥܣܪ̈ܐ ܠܘܬܟܘܢ܂ ܕܕܠܡܐ ܟܕ ܦܝܫܐ ܪܫܝܬܐ ܕܐܝܬܝܗ݀
127:04	ܩܕܝܫܬܐ܃ ܠܫܢܬܐ ܐܚܪܬܐ܃ ܚ݁ܠܛ ܐܢܬ ܡܢܗ݀ ܒܪܙܪܥܐ
127:05	ܕܙ݁ܪܥ ܐܢܬ܂ ܘܐܝܟ ܗ݀ܘ ܕܟܠܗ݀ ܥܠܠܬܗ ܐܬܩܕܫܬ ܠܗ݀܃
127:06	ܘܬܗܘܐ ܟܠܗ݀ ܕܟܗ̈ܢܐ܂ ܘܝܕܝܥܐ ܕܗܟܢܐ ܗܝ܃ ܡܢ ܗ݀ܝ ܕܐܘܣܦ
127:07	ܕܠܐ ܬܬܩܕܫ ܥܠܠܬܗ ܕܟܪܡܟ܂ ܐܠܘ ܓܝܪ ܥܠ ܙܪܥܐ ܡܦܩܕ
127:08	ܗܘܐ ܠܗܘܢ܂ ܐܝܟܢܐ ܐ݁ܡܪ ܐܦ ܥܠ ܟܪܡܐ܂ ܕܠܡܐ ܐܦ
127:09	ܓܘܦܢ̈ܝ ܟܪܡܐ ܐܝܟ ܥܒܘܪܐ ܡܬܚ̈ܠܛܢ ܥܡ ܚ̈ܕܕܐ ܘܡܬܢܨܒ̈ܢ܂
127:10	ܐܠܐ ܝܕܝܥܐ ܕܥܠ ܡܥܣܪ̈ܐ ܘܪ̈ܫܝܬܐ ܦܩܕ ܕܠܐ ܢܦܘܫܘܢ܃
127:11	ܘܬܬܚܠܛ ܒܪܙܪܥܐ ܕܙܪܥܬ܂ ܐܝܟ ܡ݁ܢ ܕܐܦ ܡܢ ܚܡܪܐ܂ ܐܢ
127:12	ܡܢ ܡܥܨܪܬܐ ܠܐ ܡܬܦܪܫܐ ܪܫܝܬܐ܃ ܐܠܐ ܢܦܠܐ ܒܡ̈ܐܢܐ
127:13	ܥܡ ܟܠܗ ܚܡܪܐ܃ ܠܟܠܗ ܚܡܪܐ ܡܩܕܫܐ܂ ܬܘܒ ܡܛܠ

127:14	ܕܒܝܥܢܘܬܗܘܢ ܟܝܬ ܘܡܪܚܘܬܗܘܢ܃ ܙܪܥܝܢ ܗܘܘ ܚܩ̈ܠܬܗܘܢ

127:15	ܚܠܛܐ܂ ܗܢܘ܂ ܓܘ̈ܡܐ ܘܚܡ̈ܨܐ ܘܛܠܦ̈ܚܐ ܘܡܓܐ ܘܕܫܪܟܐ܂
127:16	ܐܝܟ ܕܠܐ ܢܬܠܘܢ ܡܥܣܪ̈ܐ ܘܪ̈ܫܝܬܐ ܡܐ ܕܠܐ ܦܪܝܫ ܚܕ/ܚܕܐ#2#/
127:17	ܐܕܫܐ ܒܕܡܬܓܢܒ ܗܘܐ ܚܘܫܒܢܐ ܘܝܕܝܥܘܬܐ ܕܡܥܣܪ̈ܐ ܡܢ
127:18	ܚܠܝܛܘܬܐ ܘܒܠܝܠܘܬܐ ܕܙܪ̈ܥܐ܂ ܥܠ ܗܕܐ ܙ݁ܗܪ ܐܠܗܐ ܒܢܒܝܐ
127:19	ܕܟܠܗ݀ ܗ݀ܝ ܥܠܠܬܐ ܬܬܦܪܫ ܠܐܠܗܐ ܘܠܟܗ̈ܢܐ܃ ܘܡܪܗ݀ ܠܐ
127:20	ܢܩܪܘܒ ܠܗ݀܂ ܐܚܪ̈ܢܐ܃ ܕܠܐ ܠܡ ܢܬܚܫܒ/ܢܬܚܒܫ#2#/ ܐܝܟ ܟܬܐ
127:21	ܕܡܫܬܒܩ ܠܒܝ̈ܫܐ ܘܡܣ̈ܟܢܐ܃ ܘܠܐ ܢܗܘܐ ܠܟ ܫܘܠܛܢܐ
127:22	ܥܠܘܗܝ܃ ܐܠܐ ܐܢ ܠܐܠܗܐ ‍{‍XXII܂ 8‍}‍ ^ܕܥܒܕܘ ܬܝ̈ܟܐ ܠܐܓܪܐ܂ ܕܠܐ ܐܢ ܢܦܠ ܫܒܪܐ݂ ܢܬܥܕܠܘܢ ܣܟ̈ܠܐ ܒܐܠܗܐ ܕܠܐ ܝ݁ܨܦ ܕܝܠܗܘܢ܂ ܘܐܢ ܚܛܗ̈ܐ ܣܥܪܝܢ ܐܒܗ̈ܐ ܘܢ݁ܦܠ ܫܒܪܐ݂ ܢܕܥܘܢ ܕܚܛܗ̈ܐ ܗܘܘ ܥܠܬܐ ܘܠܐ ܐܠܗܐ܂^
127:23	‍{‍10‍}‍ ܠܐ ܬܕܒܪ ܒܬܘܪܐ ܘܒܚܡܪܐ܂ ܡܛܠ ܠܡ ܕܡܚܝܠ
127:24	ܚܡܪܐ ܡܢ ܬܘܪܐ܃ ܠܐ ܬܟܕܘܢ ܐܢܘܢ ܒܦܕܢܐ ܫܘܬ܂
127:25	ܒܕܡܬܥܠܒ ܡܚܝܠܐ ܒܩܛܝܪܐ ܕܚܝܠܬܢܐ܂ ܬܘܒ ܘܐܦ ܬܘܪܐ
127:26	ܠ݁ܐܐ ܡܐ ܕܠܝܬ ܕܫܘܐ ܥܡܗ ܒܕܒܪܐ܂ ܒܝܕ ܗܕܐ ܡܠܦ܂