The Comprehensive Aramaic Lexicon

137:01	ܣܓܝܐܬܐ ܕܐܝܬ ܠܝ ܥܠܝܗܘܢ ܟܠܗܘܢ ܓܐܪ̈ܝ ܐܣܦܩ ܒܗܘܢ܂
137:02	ܗܢܘ܂ ܓܐܪ̈ܐ ܕܒܒܠܝ̈ܐ܂
137:03	‍{‍24‍}‍ ܪ̈ܘܚܐ ܒܝ̈ܫܬܐ܂ ܩܛܪܝܐ܃ ܡܫܪ̈ܝܬܐ ܠܡ ܕܐܬܘܪ̈ܝܐ
137:04	ܘܕܒܒ̈ܠܝܐ܂ ܝܘܚܢܢ܃ ܠܫܐ̈ܕܐ ܕܡܕܝܒܝܢ ܠܗܘܢ ܐ݁ܡܪ܃
137:05	ܘܠܒܥ̈ܠܕܒܒܐ ܕܐܝܟ ܛܝܪܐ ܐܬܝܢ ܘܡܓܡܪܝܢ ܛܒ̈ܬܗܘܢ܂
137:06	ܘܚܝܘܬ ܫܢܐ܃ ܥܒܪܝܐ܃ ܥܘܩ̈ܣܐ ܠܡ ܡܪܝܪ̈ܐ ܘܫ̈ܢܐ ܕܚܝ̈ܘܬܐ܂
137:07	‍{‍25‍}‍ ܗ݀ܝ ܕܡܢ ܠܒܪ ܬܓܝܙ܂ ܐܝܟ ܗ݀ܘ ܕܥ݁ܪܩ ܡܢ ܐܪܝܐ ܘܥ݁ܐܠ
137:08	ܠܓܘ ܒܝܬܐ ܘܣ݁ܐܡ ܘܢ݁ܟܬ ܠܗ ܚܘܝܐ܂ ܗܢܘ܂ ܚܪܒܐ܂
137:09	‍{‍27‍}‍ ܘܟܕ ܡܚܘܐ ܡܪܚܡܢܘܬܐ ܕܥܬܝܕ ܕܢܫܦܥ ܥܠܝܗܘܢ
137:10	ܒܦܘܢܝܐ ܐ݁ܡܪ܂ ܐܠܘܠܐ ܪܘܓܙܐ ܕܒܥܠܕܒܒܐ܂ ܥܒܪܝܐ܃
137:11	ܓܘܕܦܐ ܠܡ܂ ܗܢܘ܂ ܐܢ ܠܟܠܗܘܢ ܡܘܒܕ ܐܢܐ܂ ܡܓܕܦܝܢ
137:12	ܒܥܠܕܒܒܝ̈ܗܘܢ ܘܐܡܪܝܢ܂ ܕܐܝܕܢ ܗܘ ܐܬܬܪܝܡܬ܃ ܘܠܘ
137:13	ܡܪܝܐ ܐܫܒܝ ܘܡܟܟ ܐܢܘܢ ܩܕܡܝܢ܃ ܐܝܟ ܫܘܒܗܪܗ
137:14	ܕܐܬܘܪܝܐ܃ ܟܕ ܬܢܐ ܢܨܚ̈ܢܐ ܕܝܠܗ ܘܕܐܒܗ̈ܘܗܝ܂
137:15	‍{‍28‍}‍ ܘܬܘܒ ܐ݁ܡܪ ܠܘܚܡܐ ܕܥܠ ܥܡܐ܂ ܡܛܠ ܕܥܡܐ ܗܘ
137:16	ܕܐܒܝܕܐ ܬܪܥܝܬܗ ܡܢ ܐܠܗܐ܃ ܘܫ݁ܘܐ ܠܐܒܕܢܐ܂ ܘܠܝܬ ܒܗ
137:17	ܣܘܟܠܐ ܕܘܠܝܬܐ܂ ܘܐܢܕܝܢ ܠܐ܃ ‍{‍30‍}‍ ܪܕܦ݁ ܗܘܐ ܚܕ ܠܐܠܦܐ܂
137:18	ܐܝܟ ܕܒܝ̈ܘܡܝ ܓܕܥܘܢ ܘܫܡܫܘܢ܂ ܘܬܪ̈ܝܢ ܡܥܪܩܝܢ܃ ܕܒܝܘ̈ܡܝ

137:19	ܝܘܢܬܢ܂ ܪܒܘܬܐ ܥܣܪܐ ܐ̈ܠܦܐ܂ ܐܚܪ̈ܢܐ݂ ܕܡܐܐ ܐܠܦ̈ܝܢ܂

137:20	‍{‍31‍}‍ ܡܛܠ ܕܠܐ ܗܘܐ ܐܝܟ ܬܘܩܦܢ܂ ܥܡܐ ܟܐܡܬ ܐ݁ܡܪ܂
137:21	ܗܐ ܠܡ ܣܗܕܝܢ ܕܠܐ ܡܬܦܚܡ ܬܘܩܦܐ ܕܠܘܐ ܠܢ܃ ܠܟܪܝܗܘܬ
137:22	ܬܘܟܠܢܐ ܕܥܡ̈ܡܐ܂ ܘܟܕ ܛܒ ܗܟܢ ‍<‍ܐܝܬܝܢ#2#‍>‍ ܕܠܩܘܒܠܐ ܓ݂ܕܫ ܠܢ܃
137:23	ܒܕܐܗܡܝ ܬܩܝܦܐ ܡܢ ܨܐܕ̈ܝܢ܂ ܘܐܬܘ ܒܥܠܕܒ̈ܒܐ ܘܐܫܬܠܛܘ ܒܢ
137:24	‍{‍ܘ‍}‍ܠܡܕܢܢ܂
137:25	‍{‍32‍}‍ ܘܥܠܬܐ ܕܗܕܐ ܒܝܫܘܬܐ ܗܘܬ ܕܥܡܐ܂ ܡܛܠ ܕܡܢ
137:26	ܓܦܬܐ ܕܣܕܘܡ ܓܦܬܗܘܢ܂ ܘܠܘ ܡܢ ܐܒܪܗܡ܂ ܘܫܒܫܬܗܘܢ
137:27	ܕܥܡܘܪܐ܂ ܘܠܘ ܡܢ ܐܝܣܚܩ܂ ܐܝܟ ܕܕܡܝ ܐܢܘܢ ܐܫܥܝܐ܃
137:28	ܫܡܥܘ ܠܡ ܦܬܓܡܗ ܕܡܪܝܐ܃ ܫܠܝ̈ܛܐ ܕܣܕܘܡ܃ ܘܨܘܬ