The Comprehensive Aramaic Lexicon

141:01	ܙܗܝܪܘܬܐ ܝܬܝܪܬܐ ܕܙܕܝܩ̈ܐ ܘܕܚ̈ܛܝܐ܂ ܕܙܕܝܩ̈ܐ ܡ݁ܢ܃ ܕܠܐ
141:02	ܡܢ ܦܪܗܣܝܐ ܢܬܬܟܠܘܢ ܘܢܬܪܦܘܢ ܐܝܟܢ ܕܗ݂ܘ ܡܢ
141:03	ܡܝܬܪܘܬܐ܂ ܐܢ ܐܪܐ ܘܡܘܫܐ ܗ݀ܘ ܪܒܐ܃ ܕܐܝܟܢ ܕܗ݂ܘ
141:04	ܐܬܦܠܓ ܘܡܠܠ ܒܣܦܘ̈ܬܗ܃ ܐܬܚܢܓ ܠܐܠܗܐ ܕܢܥܘܠ ܘܠܐ
141:05	ܐܬܪܟܢ ܠܒܥܘܬܗ܂ ܚܛ̈ܝܐ ܕܝܢ ܝܬܪܝܢ ܡܢ ܗܕܐ܂ ܕܐܢ ܠܡ ܙܕܝܩܐ
141:06	ܠܡܚܣܢ ܚ݁ܝܐ܃ ܚܛܝܐ܂ ܘܐܢ ܒܐ̈ܦܝ ܙܕܝܩܐ ܠܐ ܢ݁ܣܒ܂ ܚܕ ܟܡܐ
141:07	ܒܐܦ̈ܝ ܒܝܫܐ܂ ܘܐܦ ܥܡܐ ܟܕ ܡܬܥܗܕܝܢ ܗܘܘ ܕܡܛܠ ܥܠܬܐ
141:08	ܗܕܐ ܐܬܟܠܝ ܡܘܫܐ ܕܢܥܘܠ܃ ܡܙܕܗܪܝܢ ܗܘܘ ܡܢ ܦܩܪܘܬܐ
141:09	ܘܓܘܕܦܐ܃ ܕܕܡ ܐܦ ܗܢܘܢ ܢܬܟܠܘܢ ܡܢ ܕܠܡܥܠ ܘܕܫܪܟܐ܂
141:10	ܕܐܪܒܥ܃ ܠܒܗܬܬ ܐ̈ܦܐ ܕܝܗ̈ܘܕܝܐ܃ ܕܣܒܪܝܢ ܕܐܪܥ ܡܘܠܟܢܐ
141:11	ܠܚܘܕ ܝܪܬܝܢ ܘܠܘ ܫܡܝܐ܂ ܕܗܐ ܡܘܫܐ ܚܠܦ ܐܪܥܐ ܫܡܝܐ
141:12	ܝܪܬ ܘܕܫܪܟܐ܂
141:13	ܥܠܬܢܐܝܬ ܓܝܪ ܣܝܡܐ܃ ܐܝܟ ܗ݀ܝ ܕܨܝܕ ܐܕܡ܃ ܕܐܢ
141:14	ܬܐܟܘܠ ܡܢ ܐܝܠܢܐ ܬܡܘܬ܃ ܟܕ ܡܝܘܬܐ ܗܘ ܟܝܢܐܝܬ܂

141:15	‍{‍XXXIII‍}‍ ܘܡܬܒܥܝܐ ܕܠܡܘܢ ܠܘ ܣܕܝܪܐܝܬ ܒܪܟ ܡܘܫܐ

141:16	ܠܫܒ̈ܛܐ ܠܦܘܬ ܬܘܠܕܬ̈ܗܘܢ ܐܝܟ ܝܥܩܘܒ܂ ܥܠ ܕܝܥܩܘܒ ܐܒܐ
141:17	ܗܘܐ ܘܐܝܟ ܛܟܣܗ ܕܟܝܢܐ ܒܪܟ܂ ܡܘܫܐ ܕܝܢ܃ ܐܘ ܐܝܟ
141:18	ܕܫܪܝܢ ܗܘܘ ܚܕܪ ܡܫܟܢܐ܃ ܐܘ ܐܝܟ ܛܟܣܐ ܕܐܝܩܪܗܘܢ܂
141:19	ܠܫܡܥܘܢ ܕܝܢ ܠܐ ܒܪܟܗ܂ ܐܝܟ ܐܢܫ̈ܝܢ ܡ݁ܢ ܕܛܥܘܢܐ ܗܘ ܠܡ
141:20	ܕܟܬܘܒܐ܂ ܐܚܪ̈ܢܐ܃ ܥܠ ܕܗ݂ܘ ܠܒܒܗ/ܠܠܒܒܗ#2# ܘܐܥܝܪܗ ܠܠܘܝ ܥܠ ܩܛܠܐ
141:21	ܕܫܟܝܡܝ̈ܐ܂ ܐܚܪ̈ܢܐ܃ ܥܠ ܕܗ݂ܘ ܠܡ ܝܬܝܪ ܡܢ ܐܚܘ̈ܗܝ ܣܥ݂ܐ
141:22	ܕܢܩܛܠܗ ܠܝܘܣܦ܂ ܘܥܠ ܗܕܐ ܐܦ ܝܘܣܦ ܐܣܪܗ ܒܡܨܪܝܢ ܠܥܝܢ
141:23	ܐܚܘ̈ܗܝ܂ ܐܚܪ̈ܢܐ܂ ܕܡܛܠ ܕܟܕ ܐܬܬܠܝܛ ܡܢ ܝܥܩܘܒ܃ ܠܐ ܬܒ
141:24	ܡܢ ܡܪܚܘܬܗ܃ ‍{‍ܠܐ‍}‍‍<‍ܐܠܐ#2#‍>‍ ܐܘܣܦ ܥܠ ܚܪܒܗ܂ ܐܚܪ̈ܢܐ܃ ܥܠ ܕܗܘ݂ܐ
141:25	ܡܢܗ ܙܡܪܝ ܒܪ ܣܠܘ܃ ܕܙܢܝ ‍{‍ܒܫܡ‍}‍‍<‍ܒܥܝܢ‍>‍ ܡܘܫܐ ܥܡ/#2#/ ܟܘܣܒܝ ܒܪܬ
141:26	ܪ̈ܫܢܐ ܕܡܕܝܢ܃ ܘܒܥܠܬܗ ܡܝܬ ܡܢ ܥܡܐ ܥܣܪܝܢ ܘܐܪܒܥܐ
141:27	ܐܠܦ̈ܝܢ܃ ܕܒܗ ܐܬܕܡܝܘ܂ ܙܡܪܝ ܕܝܢ ܪܫ ܫܒܛܐ ܗܘܐ ܕܫܡܥܘܢ܂
141:28	ܘܐܦܢ ܠܐ ܚܝܒ ܗܘܐ ܟܠܗ ܫܒܛܐ ܡܛܠ ܚܕ ܓܒܪܐ܂ ܐܠܐ
141:29	ܠܕܘܚܠܐ ܕܟܠܢܫ ܥܒ݂ܕ ܡܘܫܐ ܗܟܢܐ܂