The Comprehensive Aramaic Lexicon

146:01	ܐܝܟ ܕܣܓܕܘ ܠܚܘܝܐ ܕܢܚܫܐ܂ ܘܕܐܪܒܥ܃ ܐܝܟ ܕܢܬܚܦܐ ܡܢ
146:02	ܥܡܡ̈ܐ ܒܥܠܕܒܒ̈ܐ ܩܒܪܗ܃ ܕܠܐ ܢܐܬܘܢ ܢܥܩܪܘܢ/ܢܩܒܘܢ#2#/ ܘܢܘܩܕܘܢ
146:03	ܓܪ̈ܡܘܗܝ܂ ܘܥܠ ܕܐܦ ܒܬܚܘܡ ܥܡܡ̈ܐ ܣܢܐܘ̈ܗܝ ܐܬܩܒܪ܂
146:04	ܘܙ݁ܕܩ ܠܡܕܥ ܕܗܠܝܢ ܩܘ̈ܠܣܐ ܕܝܠܗ܂ ܗ݀ܝ ܕܡܟܝܟ ܗܘܐ ܡܢ
146:05	ܟܠܢܫ܂ ܘܗ݀ܝ ܕܥܦܝܗ ܡܪܝܐ܂ ‍{‍ܘܕܠܐ‍}‍‍<‍ܘܠܐ‍>‍ ܐܢܫ ܝ݂ܕܥ ܩܒܪܗ܂ ܘܗ݀ܝ ܕܬܘܒ
146:06	ܠܡ ܠܐ ܩܡ ܢܒܝܐ ܐܝܟ ܡܘܫܐ ܘܕܫܪܟܐ܂ ܠܘ ܡܢ ܨܒܘܬ ܢܦܫܗ
146:07	ܟܬ݂ܒ܂ ܐܠܐ ܐܠܗܐ ܐܥܒܕ ܒܗ ܠܡܐܡܪ ܘܠܡܟܬܒ܃ ܠܝܘܬܪܢܐ
146:08	ܕܟܠܢܫ܃ ܕܐܝܟܢ ܟܠܠ ܘܗܕܪ ܡܪܝܐ ܠܒܪ ܒܝܬܗ ܒܗܠܝܢ ܩܘ̈ܠܣܐ
146:09	ܟܕ ܒܓܠܝܢܐ ܩܒܠ܂ ܗܠܝܢ ܕܐܣܬܥܪ ܒܥܘܢܕܢܗ܂ ܘܠܘ ܝܫܘܥܒܪܢܘܢ
146:10	ܟܬ݂ܒ ܐܢܝܢ܃ ܐܝܟ ܕܐܡܪܝܢ ܐܢܫ̈ܝܢ܂ ܕܐܦ ܕܘܝܕ ܡܢ ܪܘܚܐ
146:11	ܐܬܥܨܝ ܕܢܐܡܪ܃ ܘܓܒܐ ܠܡ ܠܕܘܝܕ ܥܒܕܗ܃ ܘܕܒܪܗ ܘܕܫܪܟܐ
146:12	ܕܐܝܟ ܗܠܝܢ܂
146:13	ܘܙ݁ܕܩ ܕܢܕܥ ܕܟܠܗ݀ ܡܕܒܪܢܘܬܐ ܕܐܣܬܥܪܬ ܨܝܕ ܝܣܪ̈ܠܝܐ܃ ܐܢ
146:14	ܒܐܝ̈ܕܝ ܡܘܫܐ ܘܐܢ ܒܐܝ̈ܕܝ ܢܒܝ̈ܐ ܕܒܬܪ ܒܬܪ܃ ܘܐܢ ܗ݀ܢܝܢ
146:15	ܕܨܝܕ ܒܠܥܡ ܘܕܫܪܟܐ܂ ܠܘ ܡܛܠ ܝܣܪܝܠ ܒܠܚܘܕ ܦܪܢܣ ܐܠܗܐ܃
146:16	ܐܠܐ ܐܦ ܕܢܬܪܕܘܢ ܥܡܡ̈ܐ܃ ܘܢܕܥܘܢ ܠܒܪܘܝܗܘܢ܂ ܘܢܣܢܘܢ
146:17	ܦܘܠܚܢ ܦܬܟܪ̈ܐ܂ ܐܝܟ ܕܐܡ݂ܪ ܠܦܪܥܘܢ܂ ܕܠܗ݀ ܠܗܕܐ ܐܩܝܡܬܟ
146:18	ܕܐܚܘܐ ܒܟ ܚܝܠܝ܂ ܘܕܢܬܟܪܙ ܫܡܝ ܒܐܪܥܐ ܟܠܗ݀ ܘܕܫܪܟܐ܂
146:19	ܒܕܘܟ ܕܝܢ ܐܚܪܝܢ ܐܡ݂ܪ ܐܠܗܐ܃ ܠܐ ܗܘܐ ܠܡ ܡܛܠܬܟܘܢ
146:20	ܥ݁ܒܕ ܐܢܐ ܗܠܝܢ ܒܢ̈ܝ ܝܣܪܝܠ܂ ܐܠܐ܂ ܘܝܕܝܥܐ ܕܗܟܢ ܗܝ܃ ܡܢ
146:21	ܗ݀ܝ ܕܐܢ ܬܒܥܐ ܒܒܝܬ ܐܪ̈ܟܐ ܕܡܠܟܘ̈ܬܐ ܕܥܠܡܐ܃ ܕܡܨܪ̈ܝܐ
146:22	ܘܕܦܪ̈ܣܝܐ ܘܕܫܪܟܐ܃ ܡܫܟܚ ܐܢܬ ܠܥܘܗܕܢܐ ܕܚܕܐ ܚܕܐ ܡܢ
146:23	ܬܗܝܪ̈ܬܐ ܕܗܘ̈ܝ ܨܝܕ ܥܡܐ ܒܟܠܕܪ܂
146:24	ܬܘܒ ܕܝܢ ܟܠܗܝܢ ܗ݀ܢܝܢ ܕܬܡܢ܃ ܐܢ ܓܒܝܬܗܘܢ ܘܐܢ
146:25	ܢܡܘܣ̈ܝܗܘܢ܂ ܘܐܢ ܬܕܡܪ̈ܬܐ ܕܨܐܕܝܗܘܢ ܐܬܦܪܢܣ܃ ܥܠ
146:26	ܗ݀ܢܝܢ ܕܒܡܫܝܚܐ ܡܛܦܣ̈ܢ ܗܘ̈ܝ܂ ܟܠܗܝܢ ܠܡ ܗܠܝܢ ܕܓ݂ܕܫ
146:27	ܠܗܘܢ ܠܛܘܦܣܢ ܗܘ̈ܝ܂ ܘܐܬܟܬܒ ܘܕܫܪܟܐ܂ ܘܢܡܘܣܐ ܠܡ
146:28	ܛܠܢܝܬܐ ܐܝܬܝܗ݀ ܘܕܫܪܟܐ܂ ܘܝܕܝܥܐ ܗܕܐ܃ ܡܢ ܗ݀ܝ ܕܟܕ
146:29	ܓܒܝܗܝ ܠܥܡܐ ܝܣܪܠܝܐ ܡܢ ܥܡ̈ܡܐ܃ ܦ݂ܪܫ ܡܢ ܫܒ̈ܛܐ