The Comprehensive Aramaic Lexicon

2.234:000	ܕܥܠ ܐܒܪܗܡ
2.234:001	‍[‍1‍]‍ ܢܘܗܪܗ ܕܫܡܫܐ ܡܬܦܟܗ ܗܘܐ܂ ܘܚܘܒܗ ܕܐܒܪܗܡ
2.234:002	ܝܬܝܪ ܡܬܥܙܙ ܗܘܐ܂ ܗܐ ܓܝܪ ܠܠܝܐ ܕܡܚܦܐ ܠܗ ܠܫܡܫܐ
2.234:003	ܒܥܡܛܢܗ ܠܐ ܐܫܟܚ ܕܢܚܦܐ ܚܘܒܗ ܕܙܕܝܩܐ ܒܥܡܛܢܗ ܂܂܂
2.234:004	‍[‍2‍]‍ ܩܕܡ ܗܟܝܠ ܐܒܪܗܡ ܕܢܐܙܠ ܒܥܕܢܐ ܕܨܦܪܐ ܡܣܪܗܒܝܬ ܗܘ݁
2.234:005	ܕܝܬ݁ܒ ܗܘܐ ܥܠ ܬܪܥܐ ܕܡܫܟܢܐ ܒܥܕܢܐ ܕܛܗܪܐ ܡܬܝܢܐܝܬ܂
2.234:006	ܘܡܛܘܠ ܡܢܐ ܗܕܐ܃ ܐܠܐ ܡܛܠ ܕܐܟܘܬܗܘܢ ܕܥܕܢ̈ܐ ܡܬܕܒܪ
2.234:007	ܗܘܐ ܦܪܘܫܐ ܘܐܟܘܬܗܘܢ ܕܝܘ̈ܡܬܐ ܘܐܦ ܣ݁ܥ‍[‍ܪ‍]‍ ܗܘܐ܂
2.234:008	ܐܓܪ ܓܝܪ ܪܘܚܗ ܥܕܡܐ ܠܛܗܪܐ ܟܕ ܚܐܪ ܗܘܐ ܠܗܘܢ
2.234:009	ܠܡܣ̈ܟܐܢܐ ܕܐܡܬܝ ܢܐܬܘܢ܂ ܕܕܠܡܐ ܬܣܬܒܪ ܕܫܚܝܡܐܝܬ
2.234:010	ܝܬ݁ܒ ܗܘܐ܂ ܘܠܐ ܗܘܐ ܠܡܐܬܝܬܗܘܢ ܕܡܣܟ̈ܢܐ ܡܣܟܐ ܗܘܐ
2.234:011	ܐܣܬܪܗܒ ܕܝܢ ܒܥܕܢܐ ܕܨܦܪܐ ܟܕ ܠܐܝܚܝܕܝܗ ܠܢܟܣܬܐ ܡܘܒܠ
2.234:012	ܗܘܐ܂ ܕܕܠܡܐ ܬܘܒ ܬܣܬܒܪ ܕܡܬܦܠܓܘ ܐܬܦܠܓ ܥܠ ܩܠܐ܂
2.234:013	ܡܛܘܠ ܗܘ ܐܗܡܝ ܡܢܗ ܕܣܘܥܪܢܐ܂
2.234:014	‍[‍3‍]‍ ܙܕܩ ܗܘܐ ܗܟܝܠ ܕܒܢܓܝܪܘܬ ܪܘܚܐ ܢܣܟܐ ܥܠ ܬܪܥܐ
2.234:015	ܕܡܫܟܢܐ܂ ܠܗܢܘܢ ܕܠܘܬܗ ܡܬܚܦܛܝܢ ܗܘܘ ܕܢܐܬܘܢ܂ ܘܬܘܒ
2.234:016	ܦܐܝܐ ܗܘܬ ܕܢܩܕܡ ܒܨܦܪܐ ܐܝܟ ܚܙܘܩܐ܃ ܡܛܠ ܕܗܘ ܠܘܬ
2.234:017	ܐܠܗܗ ܡܪܐ ܟܠ ܕܘܟ ܕܢܐܙܠ ܡܣܬܪܗܒ ܗܘܐ܂
2.234:018	‍[‍4‍]‍ ܩܕܡ ܗܟܝܠ ܐܒܪܗܡ ܒܨܦܪܐ܂ ܕܒܪܗ ܟܗܢܐ ܠܩܘܪܒܢܗ݂
2.234:019	ܕܢܐܙܠ ܢܩܪܒܝܘܗܝ ܒܐܬܪܐ ܪܚܝܩܐ܂ ܠܐ ܓܝܪ ܐܡܪ ܠܗ ܕܝܘܡܢܐ
2.234:020	ܩܪܒܝܗܝ܂ ܘܐܦܠܐ ܕܩܛܘܠܝܗܝ ܠܝ ܒܐܬܪܐ ܩܪܝܒܐ܂ ܐܠܐ ܡܩܕܡ
2.234:021	ܐܡ݁ܪ ܠܗ ܩܕܡ ܬܠܬ̈ܐ ܝܘܡܝܢ܂ ܕܠܐ ܐܢܫ ܢܐܡܪ ܕܡܛܠ ܕܠܐ ܬܟܝܠ
2.234:022	ܗܘܐ ܥܠܘܗܝ ܠܐ ܐܬܟܪܟ ܠܗ܂ ܐܠܘ ܓܝܪ ܐܡ݂ܪ ܗܘܐ ܠܗ
2.234:023	ܕܩܛܘܠܝܗܝ ܠܒܪܟ ܒܗ ܒܥܕܢܐ܂ ܡܣܬܒܪܐ ܗܘܬ ܕܐܠܘ ܐܬܟܪܟ
2.234:024	ܐܒܪܗܡ ܐܦܢ ܩܠܝܠ ܥܕܢܐ܃ ܡܬܥܝܩ ܗܘܐ ܠܗ ܥܠ ܗܕܐ܂ ܘܫܐܛ
2.234:025	ܗܘܐ ܠܗ ܠܦܘܩܕܢܐ ܕܐܠܗܗ܂ ܐܠܐ ܝܗ݂ܒ ܠܗ ܬܠܬܐ ܝܘܡ̈ܝܢ܂ ܐܝܟ
2.234:026	ܕܠܡܘܠܟܢܐ ܘܡܘܒܠ ܠܗ ܒܐܘܪܚܐ ܢܓܝܪܬܐ ܐܝܟ ܕܠܚܘܫܒܐ
2.234:027	ܕܟܠ ܐܢܫ ܢܕܥ ܕܠܐ ܝܘܡ̈ܬܐ ܬܠܬܐ ܡܪܦܝܢ ܠܗ܂ ܘܐܦܠܐ ܐܘܪܚܐ
2.234:028	ܢܓܝܪܬܐ ܡܕܘܕܐ ܠܗ܂
2.235:001	‍[‍5‍]‍ ܝ݁ܕܥ ܗܘܐ ܓܝܪ ܐܒܪܗܡ܃ ܕܐܟܘܬܗ݀ ܦܘܪܥܢܗ݀܂
2.235:002	ܘܐܟܘܬܗ ܕܙܪܥܐ ܘܐܦ ܚܨܕܗ܂ ܟܕ ܠܐ ܡܕܡ ܪܒܐ ܗܘܬ ܚܕܘܬܐ
2.235:003	ܕܝܘܡ ܡܘܠܕܗ ܕܐܝܣܚܩ ܒܥܝ̈ܢܝ ܐܒܪܗܡ ܐܝܟ ܕܪܒܐ ܗܘܬ ܗܝ݁
2.235:004	ܚܕܘܬܐ ܕܝܘܡ ܢܟܣܬܗ ܕܝܚܝܕܝܐ܂ ܠܐ ܗܘܐ ܡܛܠ ܕܠܒܪܗ ܣܢ݁ܐ
2.235:005	ܗܘܐ܂ ܐܠܐ ܡܛܠ ܕܓܡܝܪܐܝܬ ܠܡܪܗ ܡܚܒ ܗܘܐ܂ ܟܕ ܓܝܪ ܐܬܝܠܕ
2.235:006	ܐܝܣܚܩ܃ ܐܦܢ ܚ݁ܕܐ ܗܘܐ ܡܛܠ ܕܐܬܝܗܒ ܠܗ܂ ܐܠܐ ܡܬܩܢܛ
2.235:007	ܗܘܐ ܕܕܡ ܢܗܘܐ ܡܘܡܐ ܕܚܛܗ̈ܐ܃ ܒܗܘ ܦܐܪܐ ܪܓܝܓܐ
2.235:008	ܒܪ ܡܘܠܟܢܐ܂ ܟܕ ܕܝܢ ܣܠܩ ܕܢܩܪܒܝܘܗܝ ܩܘܪܒܢܐ ܠܐܠܗܐ݂ ܚ݁ܕܐ
2.235:009	ܗܘܐ܂ ܡܛܠ ܕܐܬܬܟܠ ܕܡܟܝܠ ܐܬܢܛܪܬ ܠܗ݀ ܡܪܓܢܝܬܗ ܒܝܬ ܓܙܐ
2.235:010	ܕܡ݁ܠܟܐ ܕܠܐ ܡܬܚܠܨ܂
2.235:011	‍[‍6‍]‍ ܗܐ ܓܝܪ ܐܦ ܐܟܪ̈ܐ ܡܝܬܪܐ ܗܝ ܚܕܘܬܗܘܢ ܒܝܘܡܐ
2.235:012	ܕܚܨܕܐ ܕܡܟܢܫܝܢ ܙܪ̈ܥܝܗܘܢ܃ ܝܬܝܪ ܡܢ ܕܒܗܘ ܝܘܡܐ ܕܡܫܪܐ
2.235:013	ܕܢܦܘܩ ܙܪܥܗܘܢ ܡܢ ܥܘܒܗ݀ ܕܐܪܥܐ܂ ܒܝܘܡܐ ܓܝܪ ܫܪܘܝܐ
2.235:014	ܕܒܗ ܢܦܩ܂ ܐܦܢ ܚܕܝܢ ܡܛܠ ܕܝܥܐ܂ ܐܠܐ ܩܢܝܛܝܢ ܥܕܡܐ
2.235:015	ܕܡܫܬܟܠܠ܂ ܒܝܘܡܐ ܕܝܢ ܕܡܟܢܫܝܢ ܚܡܠܝܢ ܠܗ܃ ܘܠܐܘܨܪܐ ܢܛܘܪܗ
2.235:016	ܡܓܥܠܝܢ ܠܗ݂ ܗܝܕܝܢ ܐܦ ܚܕܘܬܗܘܢ ܡܬܓܡܪܐ܂ ܕܐܬܬܟܠܘ ܥܠ
2.235:017	ܙܪܥܗܘܢ ܕܙܟ݂ܐ ܠܢܟܝ̈ܢܐ ܂܂܂
2.235:018	‍[‍7‍]‍ ܥܡ ܡܘܥܝܬܗ ܗܘ ܓܝܪ ܕܙܪܥܐ ܡܫܪܝܐ ܐܦ ܚܕܘܬܗܘܢ
2.235:019	ܕܐܟܪ̈ܐ܂ ܘܠܩܘܒܠܗ ܕܙܪܥܐ ܚ݁ܕܐ ܪܥܝܢܗܘܢ܂ ܟܠ ܟܡܐ ܓܝܪ
2.235:020	ܕܩܢܝܗ݀ ܕܚܛܬܐ ܡܬܪܒܐ ܒܓܘ ܚܩܠܐ݂ ܘܐܦ ܚܕܘܬܐ ܕܙܪܘܥܗ݀
2.235:021	ܫܘܚܐ ܒܓܘ ܠܒܐ܂ ܘܟܡܐ ܕܗܝ ܡܟܢܫܐ ܚܠܦܬܐ܂ ܘܐܦ ܐܟܪܗ݀
2.235:022	ܡܣܓܐ ܚܕܘܬܐ܂ ܐܝܟܢܐ ܗܟܝܠ ܕܡܝܬܪ ܗܘ ܘܣܓܝ ܙܪܥܐ ܒܝܘܡܐ
2.235:023	ܕܚܨܕܗ܃ ܝܬܝܪ ܡܢ ܕܒܝܘܡܐ ܕܡܘܥܝܬܗ܃ ܗܟܢܐ ܡܝܬܪܐ ܗܝ
2.235:024	ܕܒܝܘܡܐ ܕܡܩܒܠܝܢ ܠܗ ܂܂܂
2.235:025	‍[‍8‍]‍ ܐܒܪܗܡ ܗܟܝܠ ܐܟܪܐ ܠܐܝܐ ܕܚ݂ܙܐ ܙܪܥܐ ܫܪܘܝܐ ܕܢܦܩ ܡܢ
2.235:026	ܥܘܒܐ ܕܐܪܥܗ ܥܩܪܬܐ܃ ܕܡܢ ܡܬܘܡ ܦܐܪܐ ܠܐ ܝܥ݂ܐ ܒܗ݀܂
2.235:027	ܚܕܝ ܪܥܝܢܗ ܒܫܘܪܝ ܡܘܥܝܬܗ܂ ܡܛܠ ܕܢܘܓܪܐ ܗܘܐ ܠܗ
2.235:028	ܕܡܣܟܐ ܠܗ܃ ܩܢܝܛ ܗܘܐ ܕܝܢ ܡܛܠ ܬܪܒܝܬܗ܃ ܕܕܠܡܐ
2.235:029	ܢܟܝܘܗܝ ܒܪܕܐ ܕܚܛܝܬܐ ݁݁
2.235:030	‍[‍9‍]‍ ܟܕ ܕܝܢ ܐܡܪ ܠܗ ܐܠܗܐ܃ ܕܕܒܪ ܠܒܪܟ ܠܝܚܝܕܟ ܕܪܚ݁ܡ ܐܢܬ
2.236:001	ܠܐܝܣܚܩ܃ ܘܐܣܩܝܗܝ ܠܝ ܩܘܪܒܢܐ܃ ܐܬܥܦܦܬ ܝܬܝܪܐܝܬ
2.236:002	ܚܕܘܬܗ ܕܐܟܪܐ܂ ܡܛܠ ܕܡܛܐ ܙܒܢܐ ܕܚܨܕܐ܃ ܕܢܬܚܨܕ

2.236:003	ܐܝܣܚܩ ܒܣܟܝܢܐ ܐܝܟ ܙܪܥܐ ܒܡܓܠܐ܂ ܘܢܣܩ ܬܡܝܡܐ

2.236:004	ܠܡܕܒܚܐ ܐܝܟ ܙܪܥܐ ܕܡܬܟܢܫ ܠܐܘܨܪܐ܂ ܘܢܬܬܟܠ ܡܟܝܠ
2.236:005	ܐܒܪܗܡ ܥܠ ܐܝܣܚܩ ܕܠܐ ܡܬܢܟܐ ܡܢ ܥܘܠܐ܃ ܐܝܟ ܕܡܬܬܟܠ
2.236:006	ܐܟܪܐ ܥܠ ܙܪܥܗ ܕܠܐ ܡܬܚܒܛ ܡܢ ܒܪܕܐ ݁݁
2.236:007	‍[‍1‍]‍ ܩܕܡ ܗܟܝܠ ܐܒܪܗܡ ܕܒܪܗ ܠܝܚܝܕܗ ܕܢܐܙܠ ܠܐܝܟܐ ܕܠܐ
2.236:008	ܝܕܥ ܟܕ ܐܪܙܐ ܡܢ ܣܪܐ ܫܘܬܦܬܗ ܡܛܫܐ ܗܘܐ܂ ܘܡܛܠ ܡܢܐ
2.236:009	ܟܣܝ ܡܢܗ݀ ܐܠܐ ܡܛܠ ܕܚܙܐ ܕܐܠܗܐ ܕܐܡܪ ܠܗ ܠܐ ܐܡܪ ܠܗ݀܃
2.236:010	ܐܬܒܝܢ ܗܟܝܠ ܐܝܟ ܦܪܘܫܐ܃ ܕܡܕܡ ܕܐܠܗܐ ܟܣܝ ܡܢܗ݀܂ ܐܢܐ
2.236:011	ܕܐܓܠܐ ܠܗ݀ ܠܐ ܙܕܩ ܠܝ܂ ܕܕܠܡܐ ܐܗܘܐ ܠܝ ܡܦܪܣܐ ܐܪܙ ܡܪܗ܂
2.236:012	ܐܠܘ ܠܡ ܓܝܪ ܝܕ݂ܥ ܗܘܐ ܐܠܗܐ ܕܡܬܥܕܪܐ ܗܘܬ ܟܕ ܫܡܥܐ
2.236:013	ܗܘܬ ܐܝܟ ܕܐܡܪ ܠܝ ܘܐܦ ܠܗ݀ ܐܟܘܬܝ ܐܡ݁ܪ ܗܘܐ܂ ܗܘ ܓܝܪ
2.236:014	ܕܓܠܐ ܠܗ݀ ܟܕ ܡܬܝܗܒ ܠܢ ܐܝܣܚܩ܂ ܝ݁ܕܥ ܗܘܐ ܕܢܐܡܪ ܠܗ݀ ܘܐܦ
2.236:015	ܗܫܐ ܕܡܬܕܒܪ ܡܢܢ܂ ܐܢ ܕܝܢ ܗܘ ܐܗܡܝ ܠܗ ܡܢܗ݀ ܘܐܦܠܐ ܐܢܐ
2.236:016	ܐܪܡܐ ܫܚܩ݂ܐ ܠܪܥܝܢܗ݀܂ ܐܢ ܓܝܪ ܟܕ ܡܪܝ ܡܟܣܐ ܐܢܐ ܓܠܐ
2.236:017	ܐܢܐ܂ ܗܘ݁ܐ ܐܢܐ ܠܝ ܣܩܘܒܠܐ ܕܨܒܝܢܗ ݁݁
2.236:018	‍[‍11‍]‍ ܐܘ ܠܡܗܝܡܢܐ ܕܠܐ ܓܠܐ ܠܗ݀ ܠܣܪܐ ܥܠ ܩܛܠܗ ܕܐܝܣܚܩ܂
2.236:019	ܐܘ ܠܫܝܠܘܡܝܬܐ ܡܗܝܡܢܬܐ ܕܠܐ ܓܠܬ ܠܗ ܠܒܥܠܗ݀ ܥܠ ܡܘܬܗ
2.236:020	ܕܝܚܝܕܝܗ݀܂ ܟܣܝ ܓܝܪ ܓܒܪܐ ܡܗܝܡܢܐ ܡܢ ܐܢܬܬܗ ܟܕ ܕܒܪ
2.236:021	ܡܣܩ ܠܒܪܗ݀ ܠܥܠܬܐ܃ ܘܟܣܝܬ ܐܦ ܐܢܬܬܐ ܡܗܝܡܢܬܐ ܡܢ
2.236:022	ܫܘܬܦܗ݀ ܟܕ ܛܥܢܐ ܡܣܩܐ ܠܒܪܗ ܠܥܠܝܬܐ܂ ܐܣܩ ܕܝܢ ܐܒܪܗܡ
2.236:023	ܠܒܪܗ ܠܥܠܬܐ ܟܕ ܦܟܝܪ܂ ܘܐܚܬܗ ܩܠܐ ܕܐܠܗܐ ܟܕ ܫܪܐ܂ ܘܐܣܩܬ
2.236:024	ܐܦ ܫܝܠܘܡܝܬܐ ܠܒܪܗ݀ ܟܕ ܡܝܝܬ܃ ܘܐܚܝܗ ܘܝܗܒܗ ܠܗ݀ ܢܒܝܗ
2.236:025	ܕܐܠܗܐ܂
2.236:026	‍[‍12‍]‍ ܒܡ݁ܢ ܗܟܝܠ ܢܬܕܡܪ܂ ܒܪܫܐ ܕܠܐ ܓܠ݂ܐ ܠܒܪܬ
2.230:626	ܕܐܒ̈ܗܬܐ
2.236:027	ܙܘܓܗ ܐܪܙܐ ܕܝܚܝܕܝܗ܂ ܐܘ ܒܗ݀ܝ ܒܪܬܐ ܕܢܟ̈ܦܬܐ ܕܠܐ ܓܠܬ ܠܗ
2.236:028	ܠܫܘܬܦܗ݀ ܐܪܙܐ ܕܚܒܝܒܗ݀܂
2.236:029	‍[‍13‍]‍ ܐܘ ܒܗܠܝܢ ܒܨܘ̈ܝܐ ܡܪ̈ܚܐ ܕܗܐ ܡܫܬܥܠܝܢ ܕܢܓܠܘܢ ܐܪܙܗ
2.236:030	ܕܐܒܐ ܘܕܒܪܐ ܕܠܐ ܡܬܒܕܩ܂ ܢܬܗܪ ܕܝܢ ܒܗܝܡܢܘܬܗܘܢ
2.237:001	ܕܩܕܡ̈ܝܐ ܕܠܐ ܐܡܪܚܘ ܕܢܓܠܘܢ ܐܪܙܐ ܕܒܢܝܗܘܢ܂ ܘܢܬܕܡܪ
2.237:002	ܒܡܪܚܘܬܗܘܢ ܕܐܚܪ̈ܝܐ܂ ܕܗܐ ܓܙܡܝܢ ܐܝܟ ܕܢܒܕܩܘܢ ܐܪ̈ܙܘܗܝ
2.237:003	ܕܐܠܗܐ ݁݁
2.237:004	‍[‍14‍]‍ ܚܙܩ ܗܟܝܠ ܐܒܪܗܡ ܕܢܐܙܠ ܟܕ ܕܒܝܪ ܥܡܗ ܠܝܚܝܕܗ܂ ܠܐ
2.237:005	ܐܒܪܗܡ ܝ݁ܕܥ ܠܗ ܠܐܬܪܐ ܘܐܦ ܠܐ ܐܝܣܚܩ ܝ݁ܕܥ ܠܗ݀ ܠܥܠܬܐ܂
2.237:006	ܐܝܬ ܗܘܐ ܕܝܢ ܥܡܗܘܢ ܘܐܦ ܢܘܪܐ݂ ܘܣܟܝܢܐ܂ ܝܐܐ ܠܗ ܓܝܪ
2.237:007	ܠܐܟܪܐ ܕܥܡܗ ܬܦܘܩ ܦܕܢܗ܂ ܐܘ ܐܟܪܐ ܕܟܡܐ ܡܛܝܒ ܗܘܐ܃
2.237:008	ܐܘ ܦܕܢܐ ܕܟܡܐ ܟܫܝܪܐ ܗܘܬ܂ ܐܘ ܙܪܥܐ ܕܟܡܐ ܡܝܬܪ ܗܘܐ܂
2.237:009	ܐܘ ܚܨܕܐ ܕܟܡܐ ܡܣܪܗܒ ܗܘܐ
2.237:010	‍[‍15‍]‍ ܐܙܠ ܐܒܪܗܡ ܟܘܠܗ ܝܘܡܐ݂ ܘܠܐ ܡܬܩܛܥܐ݂ ܠܗ܂ ܫ݁ܠܡ
2.237:011	ܫܡܫܐ ܪܗܛܐ ܕܡܪܕܝܬܗ܃ ܘܐܒܪܗܡ ܠܐ ܒ݂ܛܠ ܡܢ ܪܗܛܗ܂ ܚܦܝ
2.237:012	ܚܫܘܟܐ ܠܒܪ̈̈ܝܬܐ ܘܠܐ ܚܦܝܬ ܥܩܬܐ ܠܪܥܝܢܗ ܕܙܕܝܩܐ܂ ܗܘܐ
2.237:013	ܬܘܒ ܝܘܡܐ ܬܪܝܢܐ ܘܠܐ ܡܬܬܝܟ ܚܘܒܗ ܕܫܪܝܪܐ܂ ܡ݁ܛܝ ܝܘܡܐ
2.237:014	ܕܬܠܬܐ ܕܒܗ ܫܩ݁ܠ ܐܬܠܝܛܐ ܙܟܘܬܐ ݁݁
2.237:015	‍[‍16‍]‍ ܐܘ ܐܒܪܗܡ݂ ܡܢܘ ܢܫܬܥܝܟ܂ ܘܐܝܢܘ ܦܘܡܐ ܕܝ݁ܕܥ
2.237:016	ܕܢܬܢܝܟ܂ ܟܡܐ ܗܘ ܟܝ ܐܫܟܚܬ ܣܝܒܘܬܟ ܕܬܣܝܒܪ܂ ܘܟܡܐ
2.237:017	ܗܘ ܐܫܟܚ ܠܒܟ ܕܢܚܡܣܢ܂ ܐܝܟܢܐ ܥܨܐ ܚܘܒܟ ܠܟܝܢܟ܂ ܘܙܟܬ
2.237:018	ܗܝܡܢܘܬܟ ܠܚܙܬܟ܂ ܐܝܟܢ ܣܝܒܪ ܒܒ̈ܬܟ ܟܕ ܚܝܪ̈ܢ ܗܘܝ ܒܗ
2.237:019	ܒܚܒܝܒܟ ܕܠܐ ܢܪ̈ܕܝܢ ܕܡ̈ܥܐ ܟܡܝܪ̈ܬܐ܂ ܐܝܟܢ ܐܬܝܒܫܘ ܪ̈ܚܡ݂ܐ
2.237:020	ܡܪ̈ܒܝܢܐ ܕܢܗܘܘܢ ܐܝܟ ܫܘܥܐ ܕܠܐ ܡܬܪܟܟ܂ ܐܝܟܢ ܗܢܝܐ
2.237:021	ܗܘܬ ܠܗ ܡܐܟܘܠܬܐ ܠܣܒܐ ܕܐܟܠ ܥܡ ܛܠܝܐ݁܂ ܟܕ ܐܙ݁ܠ ܕܢܗܘܐ
2.237:022	ܩܛܘܠܗ܂ ܐܝܟܢ ܠܐ ܐܙܕܟܝ ܪܥܝܢܐ ܕܢܘܠܕ ܕܪܫܐ ܠܘܩܒܠ ܐܠܗܐ܂
2.237:023	‍[‍17‍]‍ ܐܝܬ ܗܘܐ ܒܗ݀ ܓܝܪ ܐܬܪܐ ܒܡܠܬܐ܂ ܘܡܫܟܚ ܗܘܐ
2.237:024	ܡܬܝܒ ܦܬܓܡܐ ܕܠܐ ܝܗܒܬ ܠܝ ܬܪ̈ܝܢ ܒ̈ܢܝܐ܃ ܕܐܩܛܘܠ ܚܕ
2.237:025	ܕܐܡ݂ܪܬ ܠܝ܂ ܘܢܦܘܫ ܠܝ ܚܕ ܝܪܘܬܐ܂ ܐܡܬܝ ܓܝܪ ܕܚܕܐ ܡܢ ܒܒ̈ܬܐ
2.237:026	ܬܬܥܘܪ܂ ܚ݁ܙܐ ܐܢܫ ܢܘܗܪܐ ܒܐܚܪܬܐ ܕܦܝܫܐ܂ ܐܢ ܕܝܢ ܚܕܐ ܗܝ݂
2.237:027	ܥܝܢܐ ܒܠܚܘܕܝܗ݀̈ ܐܢܗܘ ܕܬܚܫܟ ܠܗ݀ ܐܒܠܐ ܗܘ ܪܒܐ ܠܒܪܢܫܐ
2.237:028	ܘܐܦ ܐܢܐ ܗܫܐ܂ ܠܝܬ ܠܝ ܬܪ̈ܬܝܢ ܥܝ̈ܢܝܢ ܕܡܐ ܕܐܬܥܘܪܬ ܚܕܐ
2.237:029	ܐܚܙܐ ܒܐܚܪܬܐ܂ ܗܢܘ ܕܝܢ܃ ܠܐ ܝܗܒܬ ܠܝ ܬܪ̈ܝܢ ܒ̈ܢܝܢ܂ ܕܐܢ ܠܚܕ
2.237:030	ܐܩܛܘܠ ܒܐܚܘܗܝ ܐܬܒܝܐ܂
2.237:031	‍[‍18‍]‍ ܐܘ ܐܡܬܝ ܗܘ ܓܝܪ ܫܐܠܬ ܒܢܝܢܫܐ ܕܢܬܩܛܠܘܢ ܠܟ܂
2.238:001	ܘܢܦܠܢ ܫܠܕܝ̈ܗܘܢ ܥܠ ܡܕܒܚܟ܂ ܐܘ ܡܢܝ ܗܘ ܕܝܠܝ ܒܥ݁ܐ ܐܢܬ
2.238:002	ܕܬܥܒܕ ܚܕܬܐ܃ ܕܝܚܝܕܝ ܕܝܠܝ ܢܗܘܐ ܫܘܪܝܗܘܢ ܕܩ̈ܛܝܠܐ܂ ܦܩܚ
2.238:003	ܗܘܐ ܠܝ ܒܙܒܢܐ ܕܥܩܪܘܬܐ݂܂ ܕܪܚܝܩ ܗܘܝܬ ܡܢ ܚܫܗܘܢ ܕܒ̈ܢܝܐ
2.238:004	ܘܠܐ ܗܫܐ ܕܚܕܝܬܢܝ ܝܘܡ̈ܬܐ ܙܥܘܪ̈ܐ܃ ܘܐܩܢܝܬܢܝ ܐܒܠܐ ܕܠܐ
2.238:005	ܡܬܒܝܐ܂ ܘܠܘܝ ܕܝܢ ܟܕ ܐܬܬܘܝܬ ܠܟ ܥܠ ܡܘܗܒܬܟ܂ ܕܒܪܬܝܗܝ ܕܝܢ
2.238:006	ܒܡܘܬܐ ܐܝܟ ܫܪܟܐ ܕܐܚܪ̈ܢܐ܂ ܘܠܐ ܕܗܐ ܐܢܬ ܐܡܪܬ ܠܝ
2.238:007	ܕܐܗܘܐ ܩܛܘܠܐ ܠܝܚܝܕܝ܂ ܘܐܟܘܣ ܐܢܐ ܒܐܝ̈ܕܝ ܠܒܪܗ݀ ܕܣܝܒܘܬܝ܂
2.238:008	ܥܝܢܝ ܥܘܪܢܐ݂ ܘܗܕܐ ܠܐ ܥܒܕܢܐ܂ ܡܛܠ ܕܠܐ ܡܫܟܚܢܐ ܕܐܣܝܒܪ܂
2.238:009	‍[‍19‍]‍ ܠܡܢܐ ܐܬܩܢܬ ܦܬܘܪܐ ܠܟܦܢܘܬܝ܂ ܘܚܘܝܬܢܝ ܘܠܐ
2.238:010	ܣܒܥܬܢܝ܂ ܠܡܢܐ ܐܪܕܝܬ ܡܒܘܥܐ ܠܨܗܝܘܬܝ ܘܐܛܥܡܬܢܝ ܘܠܐ
2.238:011	ܣܒܥܬܢܝ܂ ܠܡܢܐ ܝܗܒܬ ܠܝ ܚܘܛܪܐ ܠܣܝܒܘܬܝ ܘܥܕ ܒܥ݁ܐ ܐܢܐ
2.238:012	ܕܐܣܬܡܟ ܥܠܘܗܝ݂ ܐܪܥܠܬܝܗܝ܂ ܠܡܢܐ ܐܕܠܩܬ ܫܪܓܐ ܒܥܡܛܢܝ
2.238:013	ܘܥܕ ܒܥܢܐ ܕܐܚܙܐ݂ ܐܕܥܟܬܝܗܝ܂ ܥܠ ܡܢ ܐܩܝܡܬܢܝ ܥܠ ܬܪܥܟ
2.238:014	ܘܠܡܐܐ ܫ̈ܢܝܢ ܐܟܢ ܝܗܒܬ ܠܝ ܘܚܠܦ ܕܗܕܐ ܠܐ ܐܡܪܬ ܠܟ܃
2.238:015	ܕܩܫܝܐ ܡܢܗ݂݀ ܗܐ ܡܝܬܐ ܐܢܬ ܥܠܝ܂ ܠܐ ܓܝܪ ܩܫܝܐ ܗܘܬ ܗܝ
2.238:016	ܕܐܬܟܠܬܢܝ ܢܘܓܪܐ ܣܓܝܐܐ ܘܐܟܢ ܝܗܒܬ ܠܝ܃ ܐܝܟ ܡܐ ܕܩܫܝܐ
2.238:017	ܠܝ ܗܕܐ܂ ܕܚܕܝܬܢܝ ܒܡܘܠܕܗ݂ ܐܚܫܬܢܝ ܒܩܛܠܗ܂
2.238:018	‍[‍2‍]‍ ܡ݁ܢ ܐܡܪ ܠܗ݀ ܠܥܩܪܬܐ ܕܝܠܕܬ ܘܐܝܟܢ ܐܦܝܣܗ݀ ܠܣܒܬܐ
2.238:019	ܥܠ ܛܠܝܐ܂ ܡ݁ܢ ܐܡܪ ܠܥܒ̈ܕܐ ܕܪ̈ܚܡܝܢ ܠܗ܂ ܘܠܐܡܗ̈ܬܐ ܟܘܠܗܝܢ
2.238:020	ܕܡܚܒܒܢ ܠܗ܂ ܐܝܟܢ ܐܦܝܣ ܠܫܒ̈ܒܝ ܥܠ ܩܛܠܗ܂ ܘܐܡܪ ܠܝܕܘ̈ܥܝ ܥܠ
2.238:021	ܢܟܣܬܗ܂ ܘܐܢܗܘ ܕܥܠܝ ܠܐ ܚܐ݁ܣ ܐܢܬ܂ ܚܘܣ ܥܠ ܫܘܘܕܝܟ ܕܠܐ
2.238:022	ܢܬܒܛܠ܂ ܘܥܠ ܡܘܠܟܢܟ ܕܠܐ ܢܬܓܕܠ܂ ܠܘ ܐܢܬ܃ ܐܩܝܡܬ ܠܝ
2.238:023	ܩܝܡܐ ܘܐܡܪܬ܂ ܕܠܙܪܥܟ ܐܬܠܝܗ݀ ܐܪܥܐ ܗܕܐ܃ ܠܘ ܐܢܬ܃
2.238:024	ܐܫܪܬ ܠܝ ܡܠܬܐ܃ ܕܒܐܝܣܚܩ ܢܬܩܪܐ ܠܟ ܙܪܥܐ܂ ܐܝܟܐ ܗܝ
2.238:025	ܡܠܬܟ܂ ܐܝܟܘ ܫܘܘܕܝܟ܂ ܐܝܟܘ ܡܘܠܟܢܟ܂ ܠܡܢܐ ܕܓܠܬ ܒܝ
2.238:026	ܘܫܪܝܬ ܬܢܘܝ ܕܗܘܬ ܒܝܢܬܢ܂܂
2.238:027	‍[‍21‍]‍ ܗܠܝܢ ܐܢܐ ܕܪܫܬ ܐܡܪܬ ܐܢܝܢ܂ ܕܐܚܘܐ ܟܡܐ ܣܝܒܪ
2.238:028	ܙܕܝܩܐ܂ ܕܐܢ ܐܢܐ ܕܠܐ ܚܙܐ ܠܝ ܐܒܪܗܡ܃ ܗܢܐ ܟܘܠܗ ܕܪܫܐ
2.238:029	ܐܥܝܪܬ܃ ܟܡܐ ܝܬܝܪ ܡܢܝ ܗܘ ܝ݁ܕܥ ܗܘܐ ܕܢܐܡܪ܂ ܘܒܚܘܒܗ
2.238:030	ܠܦܘܪܫܢܗ ܡܚܦܐ ܗܘܐ܂ ܠܐ ܗܘ݂ܐ ܓܝܪ ܐܝܟ ܠܐ ܝܕܥ ܕܢܐܡܪ
2.238:031	ܠܐ ܐܡ݂ܪ ܗܘܐ܂ ܐܠܐ ܡܗܝܡܢܐ݂ ܠܦܘܩܕܢܐ ܕܡܪܗ݂ ܠܐ ܕܐܢ
2.239:001	ܗܘ݂ܐ܂ ܠܐ ܒܛܝܠ ܗܘܐ ܠܗ ܠܐܒܪܗܡ ܕܡܢܐ ܢܐܡܪ ܗܘ݂ܐ܂ ܐܠܐ
2.239:002	ܡܬܚܦܛ ܗܘܐ ܙܕܝܩܐ ܕܒܥܓܠ ܢܥܒܕ ܡܕܡ ܕܐܬܦܩܕ ܠܗ܂
2.239:003	‍[‍22‍]‍ ܠܐ ܓܝܪ ܐܡ݂ܪ ܠܗ ܠܐܠܗܐ܃ ܕܐܢ ܩܛܠ ܐܢܬ ܠܗ
2.239:004	ܠܐܝܣܚܩ܃ ܒܡܢܐ ܡܬܩܪܐ ܠܝ ܙܪܥܐ ܐܝܟ ܕܐܡ݂ܪܬ ܡܛܠ
2.239:005	ܕܡܗܝܡܢ ܗܘ݂ܐ ܫܪܝܪܐ ܕܡ݁ܛܐ ܒܐܝܕܘ̈ܗܝ ܕܐܠܗܐ ܘܐܦ ܡܝ̈ܬܐ
2.239:006	ܠܡܩܡܘ܂ ܗܘ ܠܡ ܓܝܪ ܐܡ݂ܪ ܠܝ ܕܐܬܠ ܠܟ ܒܪܐ܂ ܘܝܗ݂ܒ ܠܝ݂ ܘܠܐ
2.239:007	ܕܓܠ ܫܘܘܕܝܗ܂ ܗܫܐ ܕܝܢ ܕܒܥ݂ܐ ܕܢܣܒܝܘܗܝ ܠܗܘ݁ ܕܝܗ݂ܒ ܠܝ܃ ܠܐ
2.239:008	ܙܕܩ ܠܝ ܕܐܡܪ ܠܗ܃ ܕܡܐ ܕܩܛܠܬܝܗܝ ܐܝܟܢ ܗܘ݁ܐ ܐܒܐ ܠܣܓܝ̈ܐܐ܂
2.239:009	ܝܕ݁ܥ ܠܗ ܓܝܪ ܕܐܢ ܦܩ݁ܕ ܠܡ̈ܝܬܐ ܡܘܠܕܝܢ܂ ܘܐܢ ܨܒ݁ܐ ܘܐܦ
2.239:010	ܠܡܫܘ̈ܬܦܐ ܡܓܙܐ܂
2.239:011	‍[‍23‍]‍ ܗܐ ܓܝܪ ܐܦ ܠܗ ܠܗܢܐ ܐܝܣܚܩ ܝܚܝܕܝܐ܃ ܡܢ ܓܘ
2.239:012	ܣܝܒܘܬܐ ܘܥܩܪܘܬܐ ܡܝܬܘܬܐ ܝܗܒܗ ܠܝ܂ ܠܐ ܓܝܪ ܝܗܒܗ ܠܝ
2.239:013	ܒܙܒܢ ܥܘܙܗ݀ ܕܥܠܝܡܘܬܐ܂ ܕܕܠܡܐ ܐܣܬܒܪ ܠܝ ܕܟܝܢܐ ܐܘܠܕܗ
2.239:014	ܘܠܐ ܡܘܠܟܢܐ܂ ܝܗܒܗ ܠܝ ܕܝܢ ܒܙܒܢ ܣܝܒܘܬܐ܂ ܘܟܕ ܩܫܬ ܣܪܐ
2.239:015	ܡܢ ܝܠܕܐ܂ ܟܕ ܐܠܘܠܐ ܝܕ݂ܥ ܕܥܩܪܬܐ ܗܘܬ܂ ܣܓܝ ܥܣܩܐ ܗܘܬ
2.239:016	ܕܠܒܪܬ ܫܢܝ̈ܐ ܬܫܥܝܢ ܢܬܝܠܕ ܒܪܐ܂ ܟܡܐ ܝܬܝܪܐܝܬ ܥܣܩܐ ܗܘܬ
2.239:017	ܠܝ܃ ܕܐܦ ܥܩܪܬܐ ܗܘܬ ܒܟܝܢܗ݀܃ ܘܐܦ ܥܬܝܩܬܐ ܗܘܬ
2.239:018	ܒܝܘ̈ܡܬܗ݀܂ ܟܕ ܕܝܢ ܫܦ݂ܪ ܠܗ݂ ܥܩܪܬܐ ܝܠܕܬ ܘܣܝܒܘܬܐ ܐܦܪܝܬ܂
2.239:019	ܘܡܝܬܘܬܐ ܐܚܝܬ܂
2.239:020	‍[‍24‍]‍ ܐܦ ܗܫܐ ܐܢܗܘ ܕܨܒ݁ܐ ܡܫܟܚ ܗܘ ܕܢܢܚܡܝܘܗܝ
2.239:021	ܠܐܝܣܚܩ ܡܢ ܒܬܪ ܩܛܠܗ܂ ܗܘ ܓܝܪ ܕܐܘܠܕܗ ܡܢ ܓܘ ܥܩܪܘܬܐ
2.239:022	ܚܢܩܬ ܙܪܥܐ ܚܝܐ ܒܓܘ ܥܘܒܗ݂݀ ܡܫܟܚ ܗܘ ܬܘܒ ܕܢܚܝܘܗܝ ܡܢ
2.239:023	ܥܠܬܐ ܩܛܠܬ ܐܡܪ̈ܐ ܚܝ̈ܐ ܠܥܠ ܡܢܗ݀܂ ܘܗܘ݁ ܕܐܦܪܝܗ ܡܢ ܓܘ
2.239:024	ܣܝܒܘܬܐ ܡܣܢܝܬ ܗܕܡ̈ܐ܂ ܡܫܟܚ ܗܘ ܕܢܦܩܝܘܗܝ ܡܢ ܓܘ
2.239:025	ܢܘܪܐ ܡܚܒܠܬ ܨܘܪ̈ܬܐ܂ ܘܗܘ ܕܐܚܝܗ ܒܫܘܪܝܐ ܡܢ ܓܘ
2.239:026	ܡܝܬܘܬܐ ܕܐܘܠܕܬܗ݂܂ ܡܫܟܚ ܗܘ ܕܢܦܢܝܘܗܝ ܒܫܘܠܡܐ ܡܢ ܒܬܪ
2.239:027	ܡܘܬܗ݀ ܕܣܟܝܢܐ܂ ܐܢܗܘ ܗܟܝܠ ܕܡܦܢܐ ܠܗ ܠܝ ܡܢ ܒܬܪ ܕܡܬܕܒܚ
2.239:028	ܫܠܝܛ܂ ܠܐ ܓܝܪ ܥܣܩܐ ܠܗ ܗܕܐ܂ ܐܢ ܕܝܢ ‍[‍܂܂܂݁݁‍]‍ ܠܗ ܠܐ
2.239:029	ܡܢܚܡ ‍[‍܂܂܂܂܂܂܂܂܂‍]‍ ܥܒܕ܂ ܡܛܘܠ ܕܠܘ ‍[‍܂܂܂݁݁‍]‍ܛܪ ܓܡܝܪܐܝܬ ܡܢ ܟܠ
2.239:030	‍[‍܂܂܂‍]‍ ܐܘ ܡܢܚܡ ܠܗ ܐܘ ܠܐ ܡܢܚܡ ܠܗ܃ ܕܐܥܒܕ ܨܒܝܢܗ
2.239:031	ܡܬܒܥܐ ܠܝ܂
2.240:001	‍[‍25‍]‍ ܕܣܓܝܐܢ ܘܛܥܝܡܢ ܡܢ ܗܠܝܢ ܡܬܚܫܒ ܗܘ݂ܐ ܙܕܝܩܐ
2.240:002	ܥܒ݁ܕܐ ܓܝܪ ܕܐܝܕ̈ܘܗܝ ܣܗ݀ܕ ܥܠ ܡܪܢܝܬܐ ܕܪܥܝܢܗ܂ ܐܠܘ ܓܝܪ ܕܪܫ
2.240:003	ܗܘ݂ܐ݂ ܠܐ ܩ݁ܛܠ ܗܘ݂ܐ܂ ܘܐܠܘ ܒ݂ܨܐ ܗܘ݂ܐ݂ ܠܐ ܢܟ݁ܣ ܗܘ݂ܐ܂ ܡܛܠ
2.240:004	ܕܝܢ ܕܗܝܡܢ ܘܠܐ ܕܪܫ݂ ܚܦܝܛܐܝܬ ܡܢ ܒܝܬܗ ܢܦ݂ܩ ܗܘ݂ܐ܂ ܘܡܛܘܠ
2.240:005	ܕܐܚܒ ܘܠܐ ܒ݂ܨܐ܃ ܡܣܪܗܒܐܝܬ ܥܡ ܚܒܝܒܗ ܠܝܘܡܐ ܕܬܠܬܐ
2.240:006	ܠܘܬ ܛܘܪܐ ܡܬܡܢܥ ܗܘܐ܀
2.240:007	‍[‍26‍]‍ ܐܪܝܡ ܠܡ ܓܝܪ ܐܒܪܗܡ ܥܝܢܘ̈ܗܝ ܘܚܙܝܗܝ ܠܐܬܪܐ ܡܢ
2.240:008	ܪܘܚܩܐ܂ ܒܗ ܒܥܕܢܐ ܐܘܕܝ ܡܠܚܐ ܠܡܥܕܪܢܐ܂ ܕܡܛܬ ܐܠܦܗ
2.240:009	ܠܠܡܐܢܐ܂
2.240:010	‍[‍27‍]‍ ܘܐܡ݂ܪ ܠܡ ܐܒܪܗܡ ܠܥܠܝ̈ܡܘܗܝ܂ ܩܘܘ ܗܪܟܐ ܒܫ̈ܦܘܠܝ
2.240:011	ܛܘܪܐ܃ ܘܐܢܐ ܘܛܠܝܐ ܢܣܩ ܢܨܠܐ ܘܢܗܦܘܟ ܠܘܬܟܘܢ܂ ܠܐ
2.240:012	ܓܝܪ ܡܫܟܚܐ ‍[‍ܠܥܠܝM̈ܐ‍]‍ ܕܥܡܗ ܢܣܩܘܢ ‍[‍ܠܛܘܪܐ ܡܛܠ‍]‍ ܕܠܐ
2.240:013	ܡܨܝܢ ܗܘܘ ‍[‍ܕܢܣܝܒܪ‍]‍ܘܢ ܟܕ ܡܬܢܟܣ ܩܕ‍[‍ܡܝܗܘܢ‍]‍ ܒܪ
2.240:014	ܡܪ̈ܝܗܘܢ܂
2.240:015	‍[‍28‍]‍ ܠܝܬ ܗܘܐ ‍[‍݁݁‍]‍ ܥܠܬܐ ܐܚܪܬܐ ܕܡܥܠܝܐ ܩܢܛܐ
2.240:016	ܕܪ̈ܥܝܢܝܗܘܢ܃ ܐܠܐ ܐܢ ܒܠܚܘܕ ܗܕܐ ܕܨܠܘܬܐ܂ ܚܙܝܢ ܗܘܘ ܓܝܪ
2.240:017	ܕܡܣܩ ܥܡܗ ܢܘܪܐ ܕܐܟܠܐ ܘܩܝ̈ܣܐ ܕܡܘܩܕܝܢ܂ ܘܣܟܝܢܐ
2.240:018	ܘܕܚܠܝܢ ܕܢܐܡܪܘܢ ܓܠܝܐܝܬ܂
2.240:019	‍[‍29‍]‍ ܐܒܪܗܡ ܕܝܢ ܐܝܟ ܚܟܝܡܐ܂ ܡܛܠ ܕܝܕܥ ܕܒܥܬܐ ܐܝܬ
2.240:020	ܥܠܝܗ݀ ܕܨܒܘܬܐ܃ ܕܡܛܠ ܡܢܐ ܟܠ ܡܕܡ ܡܛܝܒ ܘܐܡܪܐ ܕܩܪܝܒ
2.240:021	ܬܡܢ ܠܝܬ܂ ܩܕܡ ܐܢܝܚ ܐܢܘܢ ܠܥܠܝܡ̈ܘܗܝ ܒܗ݀ܝ ܒܪܬ ܩܠܐ܂ ܕܐܣܩ
2.240:022	ܐܢܐ ܘܛܠܝܐ ܢܨܠܐ ܘܢܗܦܘܟ ‍[‍ܠܘܬܟܘܢ‍]‍܂
2.240:023	‍[‍3‍]‍ ܐܢ ܕܝܢ ܐܢܫ ܢܐܡܪ ܕ‍[‍ܠܘ ܫ‍]‍ܚܝܩܝܢ ܗܘܘ ܒܪ̈ܥܝܢܝܗܘܢ ܥܠ
2.240:024	ܗܕܐ܂ ܗܐ ܐܦ ܐܝܣܚܩ ܕܝܠܘܕܐ ܗܘܐ ܝܕܥ ܕܢܫܐܠ ܘܐܝܟܢ
2.240:025	ܥܠܝܡ̈ܐ ܕܐܝܬ ܥܡܗ ܥ݂ܠ݂ ܗܕܐ ܠܐ ܪܢܝܢ ܗܘܘ܂ ܐܠܐ ܐܪܢܘ
2.240:026	ܟܣܝܝܬ ܘܐܬܬܢܝܚܘ ܓܠܝܐܝܬ܂ ܡܛܠ ܕܫܪܐ ܐܢܘܢ ܒܥܠܬܗ݀
2.240:027	ܕܨܠܘܬܐ܂܂
2.240:028	‍[‍31‍]‍ ܘܕܒܪ ܗܟܝܠ ܐܒܪܗܡ ܠܝܚܝܕܝܗ܃ ܘܫܪܝܘ ܕܢܣܩܘܢ ܠܪܫܗ
2.240:029	ܕܛܘܪܐ܂ ܫܩܠ ܡܢ ܩܝ̈ܣܐ ܕܥܠܬܐ݂ ܘܣܡ ܠܥܠ ܡܢ ܟܬܦܗ
2.240:030	ܕܐܝܣܚܩ܂
2.241:001	‍[‍32‍]‍ ܡܛܠ ܕܒܟܠܙܒܢ ܕܡܘܬܐ ܩܕܡ ܫܪܪܐ ܡܗܠܟܐ܂ ܐܝܣܚܩ
2.241:002	ܓܝܪ݂ ܕܡܘܬܗ ܗܘ ܕܡܫܝܚܐ܂ ܘܩܝܣܘ̈ܗܝ ܐܪܙܐ ܕܨܠܝܒܐ܂ ܥܒ̈ܕܝ
2.241:003	ܐܒܪܗܡ ܦܠܐܬܐ ܕܥܒ݂̈ܕܐ܃ ܘܐܬܢܐ ܬܚܘܝܬܗ݀ ܕܐܘܪܫܠܡ܂ ܫܩܠ
2.241:004	ܓܝܪ ܐܝܣܚܩ ܩܝ̈ܣܘܗܝ ܥܠ ܟܬܦܗ݂ ܘܣܠ݂ܩ ܠܛܘܪܐ ܩܕܡ ܙܒܢܐ
2.241:005	ܐܝܟ ܡܪܢ ܕܛܥܢ ܙܩܝܦܗ ܥܠ ܩܕܠܗ܂ ܘܣܠܩ ܠܓܓܘܠܬܐ ܒܬܪ
2.241:006	ܙܒܢܐ܂ ܩܘܝܘ ܕܝܢ ܥܒ̈ܕܐ ܘܐܬܢܐ ܒܫ̈ܦܘܠܝ ܛܘܪܐ ܘܠܐ ܐܬܥܠܝܘ
2.241:007	ܠܪܘܡܐ ܥܡ ܐܝܣܚܩ ܐܝܟ ܕܡܩܘܝܢ ܙܩܘ̈ܦܐ ܘܐܘܪܫܠܡ
2.241:008	ܒܚܫܘܟܐ܂ ܘܠܐ ܡܬܚܠܛܝܢ ܒܢܘܗܪܐ ܕܩܕ̈ܝܫܐ܂܂
2.241:009	‍[‍33‍]‍ ܛܥܝܢ ܗܘܐ ܗܟܝܠ ܐܝܣܚܩ ܠܩܝܣܐ ܥܠ ܟܬܦܗ܂ ܘܐܝܟ ܒܪ
2.241:010	ܐܝ̈ܠܐ ܠܪܫ ܛܘܪܐ ܣ݁ܒܟ ܣ݁ܠܩ ܗܘܐ ܐܒܪܗܡ ܕܝܢ ܒܗ̈ܠܟܬܗ
2.241:011	ܕܛܠܝܐ ܘܒܛܥܢܗ ܛܒ ܡܬܕܡܪ ܗܘܐ܂ ܕܚܝܠܐ ܩܢܬ ܡܢ ܫܠܝ
2.241:012	ܛܠܝܘܬܗ܂ ܝܕܥ ܕܝܢ ܐܒܪܗܡ ܕܗܘ݁ ܕܚܝܠ ܠܣܝܒܘܬܗ ܕܝܠܗ ܐܝܟ
2.241:013	ܕܢܛܥܢ ܠܥܓܠܐ܃ ܗܘ ܬܘܒ ܫܪܪ ܠܛܠܝܘܬܗ ܕܒܪܗ ܐܝܟ ܕܢܛܥܢ
2.241:014	ܩܝ̈ܣܐ܂
2.241:015	‍[‍34‍]‍ ܘܐܡ݂ܪ ܠܡ ܐܝܣܚܩ ܠܐܒܪܗܡ܂ ܐܒܝ܂ ܘܐܡ݂ܪ ܗܐ ܐܢܐ ܒܪܝ܂
2.241:016	ܝܐܐ ܗܘܐ ܠܗ ܕܝܢ ܠܐܝܣܚܩ܃ ܟܕ ܠܐܒܪܗܡ ܐܒܘܗܝ ܩ݁ܪܐ
2.241:017	ܗܘܐ܂ ܐܝܟ ܡܐ ܕܦܐܐ ܗܘܐ ܠܗ ܠܡܪܢ ܡܪܗ ܕܐܝܣܚܩ܂ ܕܟܕ
2.241:018	ܠܒܫ ܦܓܪܐ ܡܢܢ܃ ܠܐ ܒܐܝ݁ܠܘܕܗ ܩ݁ܪܐ ܗܘ݂ܐ܂ ܘܫܪܝܪ ܗܘ݂ܐ ܬܘܒ
2.241:019	ܐܒܪܗܡ ܟܕ ܠܐܝܣܚܩ܂ ܒܪܗ ܥܢ݁ܐ ܗܘܐ܂ ܐܟܡܐ ܕܡܗܝܡܢ
2.241:020	ܘܐܦ ܐܒܐ܃ ܟܕ ܒܐܝܠܝܕܘܬܗ ܓܢܝܙܬܐ ܕܒܪܗ ܡܘܕܐ ܗܘܐ܂
2.241:021	‍[‍35‍]‍ ܠܐ ܓܝܪ ܬܪܢܐ ܠܟ ܕܗܘܐ ܬܡܢ ܡܕܡ ܒܛܠܐܝܬ܂ ܡܛܠ
2.241:022	ܕܐܝܟ ܥܒ̈ܕܐ ܡܗܝܡ̈ܢܐ܃ ܩܕܡܘ ܨܪܘ ܐܪܙܗ݀ ܕܐܠܗܘܬܐ
2.241:023	ܟܣܝܬܐ܂
2.241:024	‍[‍36‍]‍ ܘܐܡܪ ܠܡ ܐܝܣܚܩ ܠܐܒܪܗܡ܂ ܗܐ ܢܘܪܐ ܘܩܝ̈ܣܐ܃
2.241:025	ܐܝܟܐ ܗܘ ܐܡܪܐ ܠܥܠܬܐ܂ ܘܐܡܪ ܐܒܪܗܡ ܠܒܪܗ܂ ܡܪܝܐ ܢܚܙܐ
2.241:026	ܠܗ ܐܡܪܐ ܠܥܠܬܐ ܒܪܝ܂ ܫܡܥ ܛܠܝܐ ܫܡܗ ܕܡܪܝܐ܃ ܘܐܬܢܝܚ
2.241:027	ܪܥܝܢܗ ܥܠ ܦܘܢܝ ܦܬܓܡܐ܂ ܡܟܝܠ ܕܠܡܪܝܐ ܝܗ݂ܒ ܠܝ ܥܪܒܐ܂
2.241:028	ܐܬܬܟܠ ܠܗ ܪܥܝܢܝ ܥܠ ܐܡܪܐ܂ ܥܡܢ ܓܝܪ ܐܠܘ ܐܣܩܢܝܗܝ
2.241:029	ܠܐܡܪܐ܃ ܠܐ ܡܬܟܠ ܗܘܝܬ ܥܠܘܗܝ ܥܕܡܐ ܕܡܬܢܟܣ ܗܘ݂ܐ܂
2.241:030	ܡܟܝܠ ܕܝܢ ܕܐܠܗܐ ܗ݂ܘ ܢܛܘܪܗ ܐܬܬܢܝܚ ܠܗ ܪܥܝܢܝ ܥܠ ܫܘܐܠܝ܂
2.242:001	‍[‍37‍]‍ ܐܢ ܕܝܢ ܐܢܫ ܢܐܡܪ ܕܡܢ ܐܝܟܐ ܝܕ݁ܥ ܗܘܐ ܐܝܣܚܩ
2.242:002	ܫܒܪܐ ܗܠܝܢ ܕܢܐܡܪ ܗܘܐ܂ ܢܫܡܥ ܡܢܢ܂ ܕܡܢ ܐܝܟܐ ܓܝܪ ܡܫܟܚ
2.242:003	ܕܢܛܥܢ ܩܝ̈ܣܐ ܥܕ ܛܠܝܐ ܗܘܐ܂ ܗܘ݁ ܕܝܢ ܕܚܝܠ ܠܫܪ̈ܝܢܘܗܝ ܡܚܝ̈ܠܐ
2.242:004	ܕܢܫܟܚ ܢܛܥܢ ܩܝ̈ܣܐ ܠܥܠܬܐ܃ ܗܘ ܬܘܒ ܚܟܡ ܘܐܦ ܡܕܥܗ
2.242:005	ܙܥܘܪܐ ܐܝܟ ܕܢܒܥ ܘܢܡܠܠ ܡ̈ܠܐ ܪܘܪ̈ܒܬܐ܂
2.242:006	‍[‍38‍]‍ ܐܒܪܗܡ ܕܝܢ ܡܠܘ̈ܗܝ ܕܒܪܗ ܢܛ݁ܪ ܗܘ݂ܐ ܘܒܦܬ̈ܓܡܘܗܝ
2.242:007	ܕܝܚܝܕܗ ܣܓܝ ܬܗܪ ܗܘܐ܂
2.242:008	‍[‍39‍]‍ ܫܪܝܘ ܕܝܢ ܐܪ̈ܕܟܠܐ ܚܟ̈ܝܡܐ ܕܢܒܢܘܢ ܡܕܒܚܐ ܓܒܝܐ
2.242:009	ܠܩܘܪܒܢܐ ܛܪܩܐ܂ ܟܕ ܐܝܣܚܩ ܟܐ̈ܦܐ ܡܟܢܫ ܗܘ݂ܐ܃ ܘܐܒܪܗܡ
2.242:010	ܡܢ ܚܒܝܒܗ ܡܩܒܠ ܗܘ݂ܐ܃ ܟܕ ܕܝܢ ܡܕܒܚܐ ܐܫܬܟܠܠ܃ ܘܩܝ̈ܣܐ
2.242:011	ܠܥܠ ܡܢܗ ܐܣܬܕܪܘ܂ ܪܬܚ ܐܒܪܗܡ ܒܚܘܒܐ ܕܐܠܗܗ܂
2.242:012	ܘܐܬܓܘܙܠ ܒܪܚܡܬܐ ܕܒܪܗ܃ ܘܚܪ ܒܒܪܗ ܙܥܝܦܐܝܬ܂ ܘܠܒܟܗ
2.242:013	ܟܫܝܪܐܝܬ܂ ܘܦܟܪܗ ܚܝܨܐܝܬ݂ ܘܛܥܢܗ ܚܝܠܬܢܐܝܬ܂ ܘܣܡܗ ܥܠ
2.242:014	ܡܕܒܚܐ ܠܥܠ ܡܢ ܩܝ̈ܣܐ܂ ܘܐܘܫܛ ܐܝܕܗ ܩܠܝܠܐܝܬ܃ ܘܫܡܛ
2.242:015	ܣܟܝܢܐ ܠܒܝܒܐܝܬ܂
2.242:016	‍[‍4‍]‍ ܘܠܐ ܪܬܬ ܐܝܕܗ ܕܣܒܐ ܟܕ ܫܡܛ ܣܟܝܢܐ ܕܢܟܣܗ
2.242:017	ܠܒܪܗ܂ ܘܠܐ ܪܥܠ ܒܘܪ̈ܟܘܗܝ ܕܥܡܘܕܐ݁܂ ܟܕ ܦܫܝܛ ܩܕܡܘܗܝ
2.242:018	ܨܘܪܐ ܕܚܒܝܒܗ܃ ܘܬܗܪܘ ܐܟܚܕܐ ܥܝܪ̈ܝ ܪܘܡܐ݂ ܘܐܬܕܡܪܘ ܒܗ
2.242:019	ܟܠܗܘܢ ܟܢܫ̈ܐ ܥ̈ܠܝܐ܃ ܘܙܕܩܘ ܐܟܚܕܐ ܠܟܐܢܘܬܗ ܕܐܠܗܐ܃
2.242:020	ܕܫܦܝܪ ܥܒܕܗ ܠܐܒܪܗܡ ܪܚܡܗ܂
2.242:021	‍[‍41‍]‍ ܘܓܠܘ ܪ̈ܚܡܝܗ݀ ܕܐܠܗܘܬܐ܂ ܘܚܕܝ ܘܩܒܠܗ ܠܩܘܪܒܢܗ
2.242:022	ܕܡܗܝܡܢܐ܃ ܘܟܕ ܐܒܪܗܡ ܐܪܝܡ ܝܡܝܢܗ ܕܢܚܬ ܣܟܝܢܐ ܠܥܠ
2.242:023	ܡܢ ܨܘܪܗ܂ ܓܚܟ ܠܗ ܐܝܣܚܩ ܒܚܕܘܬ ܠܒܗ܃ ܕܩ݁ܕܡ ܘܚܙܝܗܝ
2.242:024	ܠܐܡܪܐ ܒܐܝܠܢܐ܂
2.242:025	‍[‍42‍]‍ ܬܗܪ ܠܗ ܕܝܢ ܣܒܐ ܒܓܘܚܟܗ ܕܛܠܝܐ ܘܐܬܕܡܪ
2.242:026	ܒܦܨܝܚܘܬܗ ܕܒܪ ܥܩܪܬܐ܂ ܒܪܝ܃ ܡ݁ܢܘ ܓܘܚܟܟ ܕܠܐ ܒܙܒܢܗ܂
2.242:027	ܘܠܡܢ ܡܬܦܨܚܬ ܕܠܐ ܒܥܕܢܟ܂ ܣܟܝܢܐ ܫܡܝܛܐ ܠܥܠ ܡܢ ܨܘܪܟ
2.242:028	ܘܓܘܚܟܐ ܡܬܕܒܩ ܒܝܬ ܣܦܘ̈ܬܟ܂ ܐܡܪ ܠܗ ܡܟܝܠ ܛܠܝܐ
2.242:029	ܠܣܒܐ܂ ܙܒܢܐ ܗܘ ܡܟܝܠ ܕܐܓܚܟ ܘܐܬܦܨܚ܂ ܕܥܪܒܐ ܓܝܪ
2.242:030	ܕܝܗ݂ܒܬ ܠܝ ܩܕܡ ܥܕܢܐ܂ ܗܐ ܐܝܬܝܗ݀ ܚܘܒܬܗ ܒܗ ܒܥܕܢܐ܂
2.242:031	ܐܡܪܬ ܗܘܝܬ ܠܟ ܓܝܪ ܟܕ ܣܠܩܝܢ ܐܢܚܢܢ܂ ܕܗܐ ܢܘܪܐ ܘܩܝ̈ܣܐ܂
2.243:001	ܐܝܟܘ ܐܡܪܐ ܠܥܠܬܐ܂ ܘܫܕܝܬܝܗܝ ܛܥܢܐ ܥܠ ܐܠܗܐ ܘܐܡܪܬ ܠܝ܂
2.243:002	ܕܡܪܝܐ ܢܚܙܐ ܐܡܪܐ ܠܥܠܬܗ܂ ܕܗܐ ܦܫܝܛ ܐܡܪܐ ܘܬ݂ܠܐ ܥܠ
2.243:003	ܩܝܣܐ܂
2.243:004	‍[‍43‍]‍ ܐܒܪܗܡ ܕܝܢ ܡܢ ܡܠܘ̈ܗܝ ܕܛܠܝܐ ܠܐ ܡܬܛܦܝܣ ܗܘܐ܂
2.243:005	ܘܐܦܠܐ ܡܢ ܫܘܓܫ̈ܘܗܝ ܡܬܟܚܕ ܗܘܐ܂ ܐܣܬܪܗܒ ܕܝܢ ܢܚܬ
2.243:006	ܣܟܝܢܐ ܥܠ ܨܘܪܐ ܕܒܪܗ܂ ܘܟܠܝܗܝ ܩܠܐ ܡܢ ܪܘܡܐ܂ ܐܒܪܗܡ
2.243:007	ܐܒܪܗܡ܂ ܓܕ ܐܝܕܟ ܡܢ ܛܠܝܐ܂ ܡܛܠ ܕܗܫܐ ܐܘܕܥܬ݂ ܕܕܚܠܗ
2.243:008	ܐܢܬ ܕܐܠܗܐ܂ ܠܘ ܠܝ ܐܘܕܥܬ܃ ܕܝܕ݁ܥ ܗܘܝܬ ܠܟ܂ ܐܠܐ ܐܘܕܥܬ
2.243:009	ܠܥ̈ܠܝܐ ܘܠܬܚ̈ܬܝܐ܂ ܘܠܟܠܗܝܢ ܒܪ̈ܝܬܐ ܕܠܐ ܝܕܥܢ ܗܘ̈ܝ ܠܟ܂ ܓܕ
2.243:010	ܐܝܕܟ ܡܢ ܛܠܝܐ܂ ܡܛܠ ܕܠܐ ܗܘ݂ܐ ܕܐܟܘܠ ܒܣܪܗ ܒܥ݁ܐ ܗܘܝܬ
2.243:011	ܐܠܐ ܕܐܘܕܥ ܢܨܚܢܟ ܒܐܪܒܥ ܦܢܝ̈ܬܐ܂ ܓܕ ܐܝܕܟ ܡܢ ܛܠܝܐ܂
2.243:012	ܡܛܠ ܕܠܐ ܗܘܐ ܕܐܫܬܐ ܕܡܗ ܕܚܒܝܒܟ ܨܗܐ ܗܘܝܬ܂ ܐܠܐ
2.243:013	ܕܐܘܕܥ ܫܪܪܟ ܠܪ̈ܘܚܢܐ ܘܠܦܓܪ̈ܢܐ ܒܥ݁ܐ ܐܢܐ܂ ܡܢܘ ܓܝܪ ܕܐܝܬ
2.243:014	ܠܗ ܩܢܝܢܐ ܛܒܐ ܘܠܐ ܡܫܬܒܗܪ ܒܗ܂ ܐܘ ܡܢܘ ܕܐܝܬ ܠܗ ܥܒ݂ܕܐ
2.243:015	ܟܫܝܪܐ ܘܠܐ ܡܚܘܐ ܥܒܕܗ ܩܕܡ ܪ̈ܚܡܘܗܝ܂ ܘܐܦ ܐܢܐ ܟܠܗ
2.243:016	ܕܐܠܐܝܬ ܐܝܬܝܬܟ܃ ܡܛܠ ܕܒܥܡܠܟ ܢܣܓܐ ܝܘܬܪܢܟ܂ ܘܕܐܡܪܬ
2.243:017	ܠܟ ܕܬܩܛܘܠ ܠܝܚܝܕܟ ܘܬܬܓܙܐ ܡܢܗ܃ ܡܛܠ ܕܐܬܓܠܝܬ ܠܗ݀
2.243:018	ܪܚܡܬܟ ܕܠܐ ܡܬܬܟܝܠܐ܂ ܬܕܥܟ ܢܘܪܐ ܡܢ ܛܠܝܐ ܡܛܘܠ
2.243:019	ܕܐܬܓܘܙܠ ܠܗ ܚܘܒܟ ܒܡܪܘܡܐ܂ ܚܣ ܠܝ ܐܒܪܗܡ ܕܐܥܒܕܟ
2.243:020	ܕܓܠܐ ܩܕܡ ܥܒ̈ܕܝܟ܂ ܐܝܟ ܕܠܐ ܐܫܝܛܬ ܐܢܬ ܦܘܩ̈ܕܢܝ ܩܕܡ
2.243:021	ܟܠܗܘܢ ܥܠܘ̈ܠܘܗܝ ܕܥܠܡܐ ܐܡܪܬ ܠܥܠܝ̈ܡܐ܂ ܕܢܣܩ ܐܢܐ
2.243:022	ܘܛܠܝܐ ܢܨܠܐ ܘܢܗܦܘܟ ܠܘܬܟܘܢ܂ ܫ݁ܠܡ ܥܒ݁ܕܟ ܘܗܦܘܟ ܐܢܬ
2.243:023	ܘܒܪܟ܂ ܘܗܘܝ ܫܪܝܪܐ ܠܘܬ ܥܒ݂̈ܕܝܟ܂܂܂
2.243:024	‍[‍44‍]‍ ܐܒܪܗܡ ܕܝܢ ܥܕܟܝܠ ܒܚܘܨܦܐ ܕܚܘܒܗ ܩܐܡ ܗܘܐ܂
2.243:025	ܘܦܟܪ̈ܐ ܡܢ ܛܠܝܐ ܠܐ ܫܪܐ ܗܘܐ܂ ܡܩܢܛ ܗܘ݂ܐ ܠܗ ܓܝܪ
2.243:026	ܪܥܝܢܗ܃ ܕܕܠܡܐ ܡܣܬܠܝܘ ܐܣܬܠܝ ܩܘܪܒܢܗ܂ ܫܪܝ ܒ݁ܥܐ ܡܢ
2.243:027	ܡܪܗ ܘܬܢܐ ܩܕܡܘܗܝ݂ ܟܕ ܐܡ݁ܪ܂ ܕܠܡܐ ܡܪܝ ܡܘܡܐ ܐܝܬ ܒܗ
2.243:028	ܒܩܘܪܒܢܐ܂ ܐܘ ܕܠܡܐ ܟܘ̈ܬܡܬܐ ܒܡܩܪܒܢܗ܂ ܠܐ ܗܐ ܦܩܕܬ ܠܝ
2.243:029	ܘܐܫܬܡܥܬ܃ ܘܥܡ ܫܘܠܡܐ ܕܡܠܬܟ ܫܪܝܬ ܒܥܒ݁ܕܐ܂ ܠܐ ܗܐ
2.243:030	ܟܣܝܬܗ ܠܪܙܐ ܕܐܦܠܐ ܠܣܪܐ ܫܘܬܦܬܝ ܓܠܝܬܗ܂ ܠܐ ܗܐ ܛܫ݁ܝܬ
2.243:031	ܡܢ ܝܕܘ̈ܥܝ܃ ܘܟܣܝܬ ܘܐܦ ܡܢ ܠܘܝܬܐ ܕܐܬܬ ܥܡܝ܂ ܠܐ ܗܐ ܬܠܬܐ
2.244:001	ܠܝ ܝܘ̈ܡܝܢ ܕܡܬܬܩܠܢܐ ܘܠܐ ܐܬܪܥܡܬ ܥܠ ܡܪܘܬܟ܃ ܠܐ ܗܐ
2.244:002	ܒܢܝܬ ܥܠܬܐ ܠܨܒܝܢܟ ܘܝܐܐ ܡܕܒܚܐ ܕܐܝܩܪܟ܂ ܠܐ ܗܐ ܚܝܨܝܢ
2.244:003	ܦܟܪ̈ܝ ܛܠܝܐ܃ ܘܚܪܝܦܐ ܣܟܝܢܐ ܫܡܝܛܬܐ܃ ܠܐ ܗܐ
2.244:004	ܡܬܓܘܙܠܐ ܢܘܪܐ ܘܡܛܝܒ ܨܒܝܢܐ ܠܡܕܒܚܗ܂ ܠܡܢܐ ܡܥܛܦܬ
2.244:005	ܠܗ ܥܠܝ ܠܩܘܪܒܢܝ ܘܛܪܦܬ ܠܗ ܠܐܝܩܪܝ ܒܐ̈ܦܝ܂ ܚܕܘܬܐ ܕܪܒܐ ܡܢ
2.244:006	ܗܕܐ݂ ܠܝܬ ܠܝ܂ ܕܐܫܘܝܬܢܝ ܕܐܩܪܒ ܠܟ ܒܘܟܪܗ݀ ܕܥܩܪܬܐ܂܂܂
2.244:007	‍[‍45‍]‍ ܗܝܕܝܢ ܩܪܐ ܡܠܐܟܗ ܕܡܪܝܐ ܕܬܪ̈ܬܝܢ ܙܒ̈ܢܝܢ ܡܢ ܫܡܝܐ܃
2.244:008	ܘܐܡܪ܂ ܒܝ ܝܡܝܬ ܐܡ݁ܪ ܡܪܝܐ܂ ܚܠܦ ܕܫܡܥܬ ܒܩܠܝ܂ ܘܠܐ ܚܣܟܬ
2.244:009	ܠܒܪܟ ܠܝܚܝܕܟ ܡܢܝ܃ ܡܒܪܟܘ ܐܒܪܟܟ ܘܡܣܓܝܘ ܐܣܓܐ ܙܪܥܟ
2.244:010	ܐܝܟ ܟܘܟܒܝ ܫܡܝܐ܂ ܘܐܝܟ ܚ݁ܠܐ ܕܥܠ ܣܦܬܗ ܕܝܡܐ܂ ܠܐ ܗܐ
2.244:011	ܓܝܪ ܡܣܠܝܘ ܐܣܠܝܬܗ ܠܩܘܪܒܢܟ܂ ܐܠܐ ܡܒܪܟܘ ܒܪܟܬܗ
2.244:012	ܠܝܚܝܕܟ܂ ܘܕܐܡܪܬ ܡܛܘܠ ܡܘܡܐ܃ ܠܝܬ ܡܘܡܐ ܒܩܘܪܒܢܐ܂
2.244:013	ܫܦܝܪ ܒܢܐ ܡܕܒܚܐ܂ ܘܝܬܝܪ ܡܢܗ ܡܫܟܠܠ ܪܥܝܢܟ܂ ܘܕܐܡܪܬ
2.244:014	ܐܦ ܠܐ ܟܘܬ̈ܡܬܐ ܒܡܩܪܒܢܗ܂܂܂ ܘܕܐܡܪܬ ܡܛܘܠ ܡܕܒܚܐ݂
2.244:015	ܡܛܘܠ ܣܟܝܢܐ܂ ܚܪܝܦܐ ܣܟܝܢܐ܂ ܘܝܬܝܪ ܡܢ ܣܟܝܢܐ ܬܪܥܝܬܟ܂
2.244:016	ܘܕܐܡܪܬ ܡܛܠ ܢܘܪܐ܃ ܡܬܓܘܙܠܐ ܢܘܪܟ܂ ܘܝܬܝܪ ܡܢ ܢܘܪܐ
2.244:017	ܗܝܡܢܘܬܟ܂