← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00100_81 ܫܡܲܥ ܠܲܐܵܠܗܵܐ ܟܽܠ݁ܡܽܘܢ ܕܲܦܩܲܕ ܘܲܕܦܵܛܽܘܢܲܐ ܗܼܽܘ܃
00100_82 ܐܵܦ ܐܲܠܵܗܵܐ ܫܲܡܥܸܗ ܐܵܦ ܠܸܗ ܟܽܠ ܡܽܘܢ ܕܸܐܡܲܪ܀
00100_83 ܐܸܣ݂ܲܪ ܠܲܫܡܲܝܵܐ ܘܩܲܒܸܠ ܡܵܪܝܵܐ ܘܲܥܨܵܐ ܡܸܠ̈ܲܘܗܼܝ܃
00100_84 ܢܲܓܸ݁ܕ ܠܲܐܪܥܵܐ ܘܲܐܝܟ ܡܵܪܵܗ݀ ܗܘܵܐ ܟܲܕ ܥܲܒ݂ܕܵܐ ܗܼܘܵܐ܀
00100_85 ܒܚܲܝܲܬ ܡܝܼ̈ܬܸܐ ܒܥܵܐ ܘܸܐܬܚܲܫܲܚ ܐܵܝܟ ܥܵܒܽܘܕܵܐ܃
00100_86 ܕܵܐܪܵܐ ܠܡܲܘܬܵܐ ܢܚ݂ܸܬ ܓܲܢܒܵܪܵܐ ܘܲܙܟܵܐ ܘܲܣܠܸܩ܀
00100_87 ܐܲܒܲܥ ܩܲܡܚܵܐ ܘܲܐܣܓܝܼ ܡܸܫܚܵܐ ܕܠܵܐ ܒܲܟܝܵܢܵܐ܃
00100_88 ܒܡܸܠܬܸܗ ܥ݂ܒܵܕܵܐ ܘܲܒܦܽܘܩܕܵܢܸܗ ܒܪܝܼܬܵܐ ܚܲܘܝܼ܀
00100_89 ܣܥܲܪ ܚܲܕ̈ܬܵܬ݂ܵܐ ܘܲܬܡܝܼܗ̈ܵܬܵܐ ܒܸܝܬ ܐܲܪܡܲܠܬ݂ܵܐ܃
00100_90 ܘܫܲܡܠܝܼ ܪ̈ܵܐܙܸܐ ܕܥܲܬܝܼ̈ܕܵܬܵܐ ܢܲܗܝܼܪܵܐܝܼܬ܀
00100_91 ܚܪܝܼܒܵܐ ܒܪܝܼܬܵܐ ܘܫܲܕܝܵܐ ܠܟܲܦܢܵܐ ܘܗܽܘ ܡܸܬܥܲܙܲܙ܃
00100_92 ܫܓܝܼܪ ܒܲܛܢܵܢܵܐ ܘܲܡ݁ܠܸܐ ܚܸܡ݂ܬܵܐ ܥܲܠ ܪ̈ܲܫܝܼܥܸܐ܀
00100_93 ܗܲܝܕܸܝܢ ܡܵܪܝܵܐ ܕܲܡ݁ܠܸܐ ܪ̈ܲܚܡܸܐ ܥܲܠ ܐܼܢܵܫܽܘܬܵܐ܃
00100_94 ܕܵܠ ܒܸܗ ܚܢܵܢܵܐ ܕܢܲܪܘܲܚ ܠܲܐܪܥܵܐ ܕܲܐܠܝܼܨܵܐ ܗܼܘܵܬ̤܀
00100_95 ܥ݂ܨܵܐܘܽܗܼܝ ܪܲܚܡܲܘܗܼܝ ܕܲܡܬܘܽܡܵܐܝܼܬ ܐܝܼܬܲܝܗܽܘܢ ܒܸܗ܃
00100_96 ܕܢܲܚ݂ܸܐ ܠܒܝܼ̈ܫܸܐ ܘܲܠܟܵܦܽܘܪܸ̈ܐ ܟܲܕ ܠܵܐ ܫܵܘܸܝܢ܀
00100_97 ܠܥܲܒܕܸܗ ܛܵܒܵܐ ܕܢܸܥ݂ܨܸܐ ܒܡܸܕܸܡ ܠܵܐ ܨܵܒܸܐ ܗܼܘܵܐ܃
00100_98 ܘܲܕܢܸܬܸܠ ܗܼܘܵܐ ܡܸܛܪܵܐ ܘܛܲܐܠܵܐ ܬܘܽܒ ܒܵܥܸܐ ܗܼܘܵܐ܀
00100_99 ܢܒܝܼܵܐ ܝܲܩܝܼܪ ܥܲܠ ܐܲܠܵܗܵ ܘܠܐ ܥܵܨܸܐ ܠܸܗ
00101_00 ܘܟܲܦܢܵܐ ܪܲܒܵܐ ܚܲܪܒܵܗ݀ ܠܲܐܪܥܵܐ ܘܲܐܝܟܲܢ ܬܸܗܘܸܐ܀
00101_01 ܘܲܨܒܵܐ ܡܵܪܝܵܐ ܕܟܲܕ ܠܵܐ ܥܵܨܸܐ ܠܗܲܘ ܛܲܢܵܢܵܐ܃
00101_02 ܢܸܬܸܠ ܡܸܛܪܵܐ ܒܚܽܘܒܸܗ ܕܲܪܘܝܼܚ ܨܹܝܕ ܐܼܢܵܫܽܘܬܵܐ܀
00101_03 ܘܲܐܝܟ ܡܸܫܟܵܢܵܐ ܕܒܲܪ ܗܼܘܵܐ ܠܛܲܠܝܵܐ ܒܪܵܗ݀ ܕܲܐ݂ܪܡܲܠܬܵܐ܃
00101_04 ܕܡܵܐ ܕܫܵܩܸܠ ܠܸܗ ܢܸܬܸܠ ܐܵܦ ܗܽܘ ܩ̈ܠܝܼܕܸܐ ܕܲܢܣܲܒ܀
00101_05 ܐܲܪܡܝܼ ܫܠܲܕܵܐ ܥܲܡܸܗ ܒܒܲܝܬܵܐ ܕܡܵܐ ܕܫܵܡܲܥ ܗܼܘܵܐ܃
00101_06 ܩܵܠ ܝ̈ܲܠܠܵܬܵܐ ܬܸܪܥ݂ܲܡܝ ܢܲܦܫܸܗ ܥܲܠ ܐ̄ܢܵܫܽܘܬܵܐ
00101_07 ܥ݂ܲܒܕܸܗ ܐܵܦ ܠܸܗ ܡܵܪܸܐ ܐܸܒܠܵܐ ܕܼܐܝܬ ܠܸܗ ܡܝܼܬܵܐ܃
00101_08 ܘܲܛܥ݂ܸܡ ܟܸܐܒܵܐ ܒܗܲܘ݁ ܚܲܕ ܛܲܠܝܵܐ ܘܢܵܚ݂ ܥܲܙܝܼܙܵܐ܀
00101_09 ܟܲܕ ܫܵܐܸܠ ܗܼܘܵܐ ܢܲܦܫܸܗ ܕܡܝܼܬܵܐ ܡܸܢ ܐܲܠܵܗܵܐ܃
00101_10 ܐܸܬܪܲܟ݁ܲܟ ܗܼܘܵܐ ܕܵܐܦ ܗܽܘ ܢܲܪܚ݂ܸܡ ܥܲܠ ܫ̇ܵܐܘ̈ܽܠܸܐ܀
00101_11 ܠܟܽܠܵܗ݀ ܒܪܝܼܬܵܐ ܨܵܪ ܠܸܗ ܡܵܪܝܵܐ ܒܗܵܝ݁ ܐܲܪܡܲܠܬܵܐ܃
00101_12 ܘܟܲܕ ܒܵܟܝܵܐ ܗܼܘܵܬ̤ ܐܸܫܬܲܗܝܼ ܗܼܘܵܐ ܛܢܵܢܸܗ ܕܲܢܢܽܘܚ܀
00101_13 ܘܟܲܕ ܒܲܩܝܵܡܬܸܗ ܕܡܝܼܬܵܐ ܚܕܝܼ ܗܼܘܵܐ ܘܢܵܚ ܪܸܥܝܵܢܸܗ܃
00101_14 ܦܩܲܕ ܠܸܗ ܡܵܪܝܵܐ ܕܢܼܐܙ݂ܲܠ ܢܸܫܪܸܐ ܠܥܵܠܡܵܐ ܕܲܐܣܝܼܪ܀
00101_15 ܥ݂ܲܒܕܸܗ ܡܵܪܝܵܐ ܕܲܢܚܽܘܒ ܣܲܓ݁ܝܼ ܒܡܝܼܬܵܐ ܕܲܐܚܝܼ܃
00101_16 ܘܟܸܢ ܐܸܡܲܪ ܠܸܗ ܫܲܪܒܸܗ ܕܡܸܛܪܵܐ ܕܢܸܗ݂ܘܸܐ ܒܲܐܪܥܵܐ܀
00101_17 ܝܲܗܼܒ ܠܸܗ ܢܲܦܫܵܐ ܘܚܵܒ ܛܲܝܒܽܘܬܵܐ ܕܠܵܐ ܡܸܬܦܲܪܥܵܐ܃
00101_18 ܕܡܵܐ ܕܦܵܩܸܕ ܠܸܗ ܢܸܫܠܸܐ ܘܢܸܫܡܲܥ ܐܲܝܟ ܚܲܝܵܒܵܐ܀
00101_19 ܘܟܲܕ ܡܲܘܗܲܒܬܵܐ ܪܲܒܬܵܐ ܫܩܲܠ ܗܼܘܵܐ ܘܚܵܒ ܠܲܐܠܵܗܵܐ܃
00101_20 ܦܩܲܕ ܠܸܗ ܕܢܼܐܙܲܠ ܢܸܚܙܸܐ ܠܲܐܚܵܒ ܘܢܸܗܘܸܐ ܡܸܛܪܵܐ܀
00101_21 ܕܵܠ ܓܸܠܝܵܢܵܐ ܥܠܲܘܗܝ ܕܲܢܒܝܼܵܐ ܡܸܢ ܐܲܠܵܗܵܐ܃
00101_22 ܘܣܵܡ ܦܲܪܨܽܘܦܸ݁ܗ ܕܢܼܐܙܲܠ ܢܸܫ݂ܪܸܐ ܩܸܛܪܵܐ ܕܲܩܛܲܪ܀
00101_23 ܢܦܲܩ ܡܸܢ ܨܵܪܦܵܬ ܟܲܕ ܠ݂ܲܘܝܵܐ ܠܸܗ ܓܲܢܼܒܵܪܽܘܬܵܐ܃
00101_24 ܘܡܲܠܝܵܐ ܢܲܦܫܸܗ ܚܲܝܠܵܐ ܪܲܒܵܐ ܕܥܵܒܽܘܕܽܘܬܵܐ܀
00101_25 ܘܪܵܕܸܐ ܥܲܡܸܗ ܟܽܠܸܗ ܥܽܘܫܢܵܐ ܕܲܢܒܝܼܽܘܬܵܐ܃
00101_26 ܘܥܲܬܝܼܪ ܓܲܒܪܵܐ ܒܓܲܙܵܐ ܕܪܽܘܚܵܗ݀ ܕܲܐܠܵܗܽܘܬܵܐ܀
00101_27 ܘܡܸܬܩܲܠܣܵܐ ܒܸܗ ܚܲܝܲܬ ܡܝܼ̈ܬܸܐ ܕܚܲܘܝܼ ܫܽܘܦܪܵܗ݀܃
00101_28 ܘܪܵܡ ܒܸܗ ܘܲܫܒܝܼܚ ܗܲܘ݁ ܢܽܘܚܵܡܵܐ ܚܲܕܬܵܐ ܕܲܐܕܢܲܚ܀
00101_29 ܘܲܪܥܸܠ ܡܸܢܸܗ ܡܲܘܬܵܐ ܕܲܚ݂ܙܵܐ ܥܒܵܕܵܐ ܕܲܥܒܵܕ܃
00101_30 ܘܲܡܩܲܪܒܝܼܢ ܠܸܗ ܚܲܝܸ̈ܐ ܟܠܝܼܠܵܐ ܕܙܲܟ̇ܵܝܽܘܬܵܐ܀
00101_31 ܘܥܲܠ ܓܸܠܝܵܢܵܐ ܕܒܸܝܬ ܐܲܠܵܗܵܐ ܣܡܝܼܟ ܘܲܡܗܲܠܸܟ܃

▼ later lines