The Comprehensive Aramaic Lexicon

00103_37	ܚܲܕ ܚܸܙܘܵܢܵܐ ܬܡܝܼܗܵܐ ܢܸܗܘܸܐ ܗܵܪܟܵܐ ܝܲܘܡܵܢ܃
00103_38	ܘܡܲܢ ܕܲܐܠܵܗܲܐ ܗܼܼܘ ܢܸܓ݂ܠܸܐ ܢܲܦܫܸܗ ܒܓܲܢܼܒܵܪܽܘܬܵܐ܀
00103_39	ܟܢܽܘܫܬܵܐ ܒܣܝܼܪܬܵܐ ܘܪܵܚܡܲܬ ܓܲܘܪܵܐ ܫܸܡܥܲܬ̤ ܘܲܫܠ݂ܵܬ܀
00103_40	ܕܠܵܐ ܡܲܨܝܵܐ ܗܼܘܵܬ̤ ܬܸܦܽܘܩܝ ܪܽܘܚܵܐ ܥܲܠ ܣܽܘܪܚܵܢܵܗ݀܀
00103_41	ܠܚܲܕ ܒܲܠܚܽܘܕܲܘܗܼܝ ܠܵܐ ܐܸܨܛܲܒ݂ܝܲܬ̤ ܬܸܪܚܲܡܝ ܡܸܡܬܘܽܡ܃
00103_42	ܕܥܲܠ ܣܲܓܝܼܸ̈ܐܐ ܫܲܕܝܵܐ ܥܲܝܢܵܗ݀ ܕܚܲܒܪܲܬ̤ ܨܲܠܡܸ̈ܐ܀
00103_43	ܘܥܲܠ ܕܸܐܡܲܪ ܠܵܗ݀ ܢܒܝܼܵܐ ܕܬܸܓܒܸܐ ܠܚܲܕ ܫܲܪܝܼܪܵܐ܃
00103_44	ܠܵܐ ܐܸܨܛܲܒ݂ܝܲܬ̤ ܬܡܲܠܸܠܝ ܥܲܡܸܗ ܕܲܒܣܝܼܪܵܐ ܗܼܘܵܬ܀
00103_45	ܨܹܝܕ ܣܲܓ̈ܝܼܸܐܐ ܨ݁ܠܸܐ ܗܼܘܵܐ ܚܝܵܪܵܗ݀ ܘܠܵܐ ܪܵܥܝܵܐ ܗܼܘܵܬ܃
00103_46	ܕܚܲܕ ܒܲܠܚܽܘܕܲܘܗܼܝ ܢܸܫܬܲܡܲܗ ܠܵܗ݀ ܘܬܸܗܘܸܐ ܕܝܼܠܸܗ܀
00103_47	ܡܸܛܽܠܗܵܢܵܐ ܐܵܦܠܵܐ ܡܸܠܬܵܐ ܥܢ݂ܵܬ̤ ܠܸܐܠܝܼܵܐ܃
00103_48	ܟܲܕ ܐܸܡܲܪ ܠܵܗ݀ ܓܒܲܝ ܠܸܟܝ ܡܵܪܝܵܐ ܚܠܵܦ ܡܵܪ̈ܲܝܵܐ܀
00103_49	ܐܵܡܲܪ ܙܲܗܝܵܐ ܐܸܢܲܐ ܗܼܘ ܦܵܫܸܬ ܢܒܝܼܵܐ ܠܡܵܪܝܵܐ܃
00103_50	ܘܗܵܐ ܐܲܪ̈ܒܲܥܡܵܐܐ ܘܚܲܡ̈ܫܝܼܢ ܢܒ̈ܝܼܸܐ ܕܒܲܥܠܵܐ ܗܵܪܟܵܐ܀
00103_51	ܐܸܢܵܐ ܘܗܸܢܽܘܢ ܢܸܕܒܲܚ ܗܵܫܵܐ ܐܼܢܵܫ ܠܲܐܠܵܗܸܗ܃
00103_52	ܢܲܝܬܘܽܢ ܬܲܘܪܸ̈ܐ ܘܢܲܣܩܽܘܢ ܕܸܒܚܵܐ ܠܒܲܥܠܵܐ ܗܸܢܽܘܢ܀
00103_53	ܘܲܢܦܲܫܚܽܘܢܵܝܗܼܝ ܘܲܢܣܝܼܡܽܘܢܵܝܗܼܝ ܠܥܸܠ ܡܸܢ ܩܲܝ̈ܣܸܐ܃
00103_54	ܘܒܲܫܡܸܗ ܕܒܲܥܠܵܐ ܟܲܕ ܠܵܐ ܣܵܝܡܝܼܢ ܢܽܘܪܵܐ ܢܸܩܪܽܘܢ܀
00103_55	ܘܸܐܢܵܐ ܗܵܟܲܢ ܐܸܥܒܸܕ ܬܲܘܪܵܐ ܐܲܝܟ ܕܵܐܦ ܗ݂ܸܢܽܘܢ܃
00103_56	ܘܲܐܣܸܩ ܕܸܒܚܵܐ ܠܡܵܪܝܵܐ ܐܲܠܵܗܝ ܦܵܪܽܘܫܵܐܝܼܬ܀
00103_57	ܘܲܐܣܝܼܡ ܬܲܘܪܵܐ ܠܥܸܠ ܡܸܢ ܩܲܝ̈ܣܸܐ ܬܘܽܒ ܗܵܟܲܢܲܐ܃
00103_58	ܘܸܐܩܪܸܐ ܐܸܢܵܐ ܠܡܵܪܝܵܐ ܐܲܠܵܗܝ ܥܲܠ ܩܽܘܪܒܵܢܵܐ܀
00103_59	ܘܢܸܩܪܽܘܢ ܗܸܢܘܽܢ ܒܲܫܡܵܐ ܕܟܽܠܗܽܘܢ ܐܲܠܵܗܲܝ̈ܗܽܘܢ܃
00103_60	ܘܲܐܝܢܵܐ ܡܵܪܝܵܐ ܕܥܵܢܸܐ ܒܢܽܘܪܵܐ ܗܽܘܝܽܘ ܫܲܪܝܼܪ܀
00103_61	ܘܦܲܢܝܼ ܥܲܡܵܐ ܠܗܲܘ݁ ܛܲܢܵܢܵܐ ܕܫܲܦܝܼܪ ܐܸܡܲܪܬ܃
00103_62	ܒܗܵܝ݁ ܕܲܣܦܝܼܩܝܼܢ ܐܵܦ ܡܸܢ ܚܽܘܒܵܐ ܘܗܲܝܡܵܢܽܘܬܵܐ܀
00103_63	ܗܵܐ ܟܡܵܐ ܚܸܫܟܲܬ̤ ܒܲܪܼܬ ܥܸܒܪ̈ܵܝܸܐ ܕܲܢܗܝܼܪܵܐ ܗܼܘܵܬ܃
00103_64	ܕܲܫܘܸܝܢ ܗܼܘܲܘ ܠܵܗ݀ ܡܵܪܝܵܐ ܘܒܲܥܠܵܐ ܬܢܲܣܸܐ ܐܸܢܽܘܢ܀
00103_65	ܩܪܲܘ ܠܵܗ݀ ܠܟܲܠܬܵܐ ܕܬܸܦܪܽܘܫܝ ܠܚܲܬܢܵܐ ܡܸܢ ܓܲܝܵܪܵܐ܃
00103_66	ܘܲܕܠܵܐ ܐܵܬܸܐ ܠܵܐ ܝܕܲܥܬܸܗ ܡܲܢ ܠܵܐ ܢܸܓܚܲܟ܀
00103_67	ܕܲܙܢܝܼܬܵܐ ܓܹܝܪ ܟܽܠܗܽܘܢ ܓܲܒܪܸ̈ܐ ܓܲܒܪܸ̈ܝܗ݀ ܐܸܢܽܘܢ܃
00103_68	ܘܠܲܘ ܐܲܝܟ ܚܸܐܪܬܵܐ ܝܵܕܥܵܐ ܠܓܲܒܪܵܗ݀ ܕܡܲܢܽܘ ܘܲܐܝܢܲܘ܀
00103_69	ܡܵܪܝܵܐ ܘܒܲܥܠܵܐ ܣܵܡ ܐܸܠܝܼܵܐ ܩܕܵܡ ܒܲܪܼܬ ܝܲܥܩܽܘܒ܃
00103_70	ܘܲܕܠܵܐ ܢܽܘܪܵܐ ܠܵܐ ܝܕܲܥܬܸܗ ܕܓܲܒܪܵܗ݀ ܐܲܝܢܲܘ܀
00103_71	ܥܲܠ ܕܸܐܫܬܲܛܝܲܬ ܥܲܡ ܣܲܓܝܼܸ̈ܐܐ ܒܙܲܠܝܼܠܽܘܬܵܗ݀܃
00103_72	ܥܲܡ ܚܲܕ ܚܲܠܛܸܗ ܢܒܝܼܵܐ ܠܓܲܒܪܵܗ݀ ܘܠܵܐ ܦܲܪܸܫܬܸܗ܀
00103_73	ܐܲܩܝܼܡ ܩܽܘܕܡܸܝܗ݀ ܚܲܬܢܵܐ ܕܩܽܘܫܬܵܐ ܘܚܲܕ ܢܽܘܟܪܵܝܵܐ܃
00103_74	ܘܬܲܒܥܵܗ݀ ܕܬܸܕܲܥܝ ܐܲܝܢܲܘ ܚܲܬܢܵܐ ܘܠܵܐ ܝܕܲܥܬܸܗ܀
00103_75	ܟܽܠ ܐܲܝܢܵܐ ܕܥܲܠ ܨܹܝܕ ܙܲܢܝܼܬܵܐ ܐܵܦ ܗܽܘ ܚܲܬܢܲܐ ܗܼܘ܃
00103_76	ܘܚܲܕ ܫܲܪܝܼܪܵܐ ܠܲܝܬܲܘܗܝ ܬܸܕܥܸܗ ܐܸܢ ܡܸܬܬܲܒܥܵܐ܀
00103_77	ܗܲܝ ܒܲܪܼܬ ܥܲܡܵܐ ܩܢܵܬ ܐܲܠ̈ܵܗܸܐ ܥܲܡ ܐܲܠܵܗܵܐ܃
00103_78	ܘܥܲܠ ܕܸܐܬܪܲܚܡܵܬ̤ ܥܲܡ ܣܲܓܝܼܸ̈ܐܐ ܛܥܵܬܸܗ ܐܲܝܢܲܘ܀
00103_79	ܕܲܒܪܵܗ݀ ܘܲܢܦܲܩ ܡܸܢ ܓܲܘ ܡܸܨܪܸܝܢ ܓܲܢܼܒܵܪܵܐܝܼܬ܃
00103_80	ܬܪܲܥ ܗܼܘܵܐ ܝܲܡܵܐ ܘܢܲܓܕܵܗ݀ ܘܲܥܒܲܪ ܥܲܙܝܼܙܵܐܝܼܬ܀
00103_81	ܡܚܵܐ ܠܛܲܪܵܢܵܐ ܘܝܲܗܼܒ ܠܵܗ݀ ܡܲܝ̈ܵܐ ܒܬܸܗܪܵܐ ܪܲܒܵܐ܃
00103_82	ܦܩܲܕ ܠܸܗ ܠܵܐܐܲܪ ܘܲܐܝܬܝܼ ܡܲܢܼܢܵܐ ܒܪܸܡܙܵܐ ܟܲܣܝܵܐ܀
00103_83	ܒܡܸܨܪܸܝܢ ܡܲܟܪܵܗ݀ ܘܲܒܓܲܘ ܕܲܒܪܵܐ ܥܒܲܕ ܡܸܫܬܘܽܬܵܗ݀܃
00103_84	ܓܢܽܘܢܵܗ݀ ܒܣܝܼܢܲܝ ܘܲܒܐܸܫܝܼܡܽܘܢ ܣܲܝܒܲܪ̈ܵܬܵܗ݀܀
00103_85	ܒܝܽܘܪܕܢܵܢ ܥܲܡܵܗ݀ ܘܨܹܝܕ ܐܝܼܪܝܼܚܽܘ ܠܪܸܓܠܸܗ ܪܸܗܛܲܬ̤܃
00103_86	ܙܟܵܬ̤ ܒܸܗ ܡܲܠ̈ܟܸܐ ܘܥܸܠܲܬ̤ ܩܲܡܲܬ̤ ܒܲܬܚܽܘܡܲܝ̈ܗܽܘܢ܀
00103_87	ܘܒܵܬܲܪ ܟܽܠܗܸܝܢ ܕܲܣܥܲܪ ܨܸܝܕܸܝܗ݀ ܚܲܬܢܵܐ ܡܲܠܟܵܐ܃