← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00102_37 ܝܼܠܸܦܘ ܚ̈ܲܢܦܸܐ ܕܡܲܢܽܘ ܝܼܡ݂ܵܐ ܘܲܟܠܵܐ ܡܸܛܪܵܐ܃
00102_38 ܘܲܐܪܦܝܼܘ ܐܝܼܕܵܐ ܕܠܵܐ ܢܸܩ݂ܪܽܘܢ ܗܼܘܲܘ ܠܲܐܠ̈ܵܗܲܝܗܽܘܢ܀
00102_39 ܝܼܠܦܽܘܗ݀ ܠܥ݂ܸܠܬܵܐ ܕܒܼܐܝ̈ܕܲܝ ܡܲܢܽܘ ܗܼܘܵܐ ܐܘܽܠܨܵܢܵܐ܃
00102_40 ܘܠܸܗ ܒܵܥܸܝܢ ܗܼܘܲܘ ܢܲܝܬܸܐ ܡܸܛܪܵܐ ܕܝܼܡܵܐ ܘܲܟܠܵܝܗܼܝ܀
00102_41 ܟܽܠܵܗ݀ ܐܲܪܥܵܐ ܝܼܠܦܲܬ̤ ܡܲܢܽܘ ܕܲܟܠܵܐ ܡܸܛܪܵܐ܃
00102_42 ܘܗܵܕܸܐ ܒܲܠܚܽܘܕ ܡܸܬܒܲܥܝܵܐ ܗܼܘܵܬ̤ ܡܸܢ ܫܽܘܪܵܝܵܐ܀
00102_43 ܠܵܐ ܠܲܡ ܫܒ݂ܲܩ ܡܵܪܝ ܥܲܡܐ ܒܲܐܪܥܵܐ ܐܲܘ݁ ܡܲܠܟܽܘܬܵܐ܃
00102_44 ܕܠܵܐ ܒܥ݂ܵܟ ܬܲܡܵܢ ܕܬܸܫܪܸܐ ܒܪܝܼܬܵܐ ܕܐܣܝܼܪܵܐ ܠܵܟ܀
00102_45 ܠܟܽܠܵܗ݀ ܐܲܪܥܵܐ ܕܠܵܐ ܪܓܝܼܫܵܐ ܗܼܘܵܬ̤ ܐܲܠܸܦ ܐܵܚܵܒ܃
00102_46 ܥܲܠ ܐܸܠܝܼܵܐ ܟܲܕ ܒܵܥܸܐ ܠܸܗ ܒܲܐܬܪ̈ܲܘܵܬܵܐ܀
00102_47 ܟܲܕ ܣܵܢܸܐ ܠܸܗ ܘܲܡܥܲܩܸܒ ܠܸܗ ܘܡܸܬܠܲܚܲܡ ܠܸܗ܃
00102_48 ܘܥܽܘܫܢܸܗ ܘܓܲܢܼܒܵܪܽܘܬܸܗ ܬܢܵܐ ܠܲܐܪ̈ܥܵܬܵܐ܀
00102_49 ܗܲܝܡܵܢܽܘܬܸܗ ܕܡܵܪܝܵܐ ܒܚܲܢ̈ܦܸܐ ܡܸܙܕܲܡܪܵܐ ܗܼܘܵܬ܃
00102_50 ܘܟܲܕ ܠܵܐ ܨ̇ܵܒܸܝܢ ܐܲܠܦܽܘܗ݀ ܠܲܐܪܥܵܐ ܕܡܲܢܽܘ ܡܵܪܵܗ݀܀
00102_51 ܗܵܝ݁ ܕܵܐ݁ܠܨܵܐ ܗܼܘܵܬ̤ ܢܲܪܓ݂ܸܫ ܥ̇ܵܠܡܵܐ ܐܲܪܓ݂ܸܫ ܗܼܘܵܐ ܠܸܗ܃
00102_52 ܕܡܲܢܽܘ ܡܲܚ݂ܸܬ ܡܸܛܪܵܐ ܘܛܲܐܠܵܐ ܥܲܠ ܒܸܪ̈ܝܵܬܵܐ܀
00102_53 ܘܸܐܬܵܐ ܢܒܝܼܵܐ ܟܲܕ ܪܸܓܫܲܬ̤ ܒܸܗ ܒܪܝܼܬܵܐ ܟܽܠܵܗ݀܃
00102_54 ܘܲܒܥܽܘܒܲܕܝܵܐ ܪܲܒܒܲܝܬܵܐ ܦܓܲܥ ܐܲܝܟ ܕܸܐܡܲܪܢܲܢ܀
00102_55 ܫܲܕܪܸܗ ܕܢܼܐܡܲܪ ܠܵܐܚܵܒ ܡܵܪܸܗ ܕܗܵܐ ܐܸܠܝܼܵܐ܃
00102_56 ܘܡܸܢ ܗܵܝ ܥܸܠܬܵܐ ܬܢ݂ܵܐ ܗܼܘܵܐ ܗܵܠܸܝܢ ܐܲܝܟ ܕܸܐܫܬܲܡ̈ܲܫܝ܀
00102_57 ܠܲܐ ܠܲܡ ܫܒܲܩ ܡܵܪܝ ܥܲܡܵܐ ܒܲܐܪܥܵܐ ܐܲܘ݁ ܡܲܠܟܽܘܬܵܐ܃
00102_58 ܕܠܵܐ ܒܥܵܟ ܬܲܡܵܢ ܘܟܸܦܪܲܬ̤ ܐܲܪܥܵܐ ܕܠܲܘ ܒܵܗ݀ ܐܝܼܬܲܝܟ܀
00102_59 ܘܸܐܢ ܐܵܡ݁ܲܪ ܐܼܢܵܐ ܕܗܵܐ ܐܸܠܝܼܵܐ ܘܡܸܬܓܲܢܙܲܬ ܠܵܟ܃
00102_60 ܦܵܣܸܩ ܠܸܗ ܪܝܼܫܝ ܐܵܚܵܒ ܡܲܠܟ̇ܵܐ ܕܒܵܥܸܐ ܢܸܚܙܸܝܟ܀
00102_61 ܐܵܡܲܪ ܓܲܒܝܵܐ ܕܚܲܝ ܗܼܽܘ ܡܵܪܝܵܐ ܕܝܲܘܡܵܢ ܐܸܚ݁ܙܸܝܘܗܼܝ܃
00102_62 ܘܸܐܬ݂ܵܐ ܥ݂ܲܒܕܵܐ ܘܚܲܘܝܼ ܠܡܲܠܟܵܐ ܕܗܵܐ ܐܸܠܝܼܵܐ܀
00102_63 ܘܸܐܬܬܙܝܼܥ ܚܲܢܦܵܐ ܘܸܐܬܸܐ ܠܽܐܘܪܥܸܗ ܕܗܲܘ ܛܲܢܵܢܵܐ܃
00102_64 ܘܲܚܙܵܝܗܼܝ ܘܲܓܥܲܪ ܗܵܘ݁ ܪܲܫܝܼܥܵܐ ܒܗܵܘ݁ ܙܲܕܝܼܩܵܐ܀
00102_65 ܐܲܢܼܬ݁ ܗܼܽܘ ܗܵܢܵܐ ܕܲܗܦܝܼܟܵܐ ܠܵܟ ܐܲܪܥܵܐ ܟܽܠܵܗ݀܃
00102_66 ܘܵܐܦ ܝܼܣܪܵܐܸܠ ܡܲܝܠܸܠ ܡܸܢܵܟ ܥܲܠ ܕܕܲܠܲܚܬ̇ܵܝܗܼܝ܃
00102_67 ܐܵܡܲܪ ܓܲܒܝܵܐ ܐܸܠܝܼܵܐ ܐܸܢܵܐ ܠܲܘ ܕܵܠܽܘܚܵܐ܃
00102_68 ܠܝܼܣܪܵܐܸܠ ܕܹܝܢ ܐܲܢܼܬ݁ ܕܲܠܲܚܬ̇ܵܝܗܼܝ ܐܵܦ ܒܸܝܬ ܐܲܒܽܘܟ܀
00102_69 ܠܡܵܪܝܵܐ ܫܒܲܩܬܘܽܢ ܘܲܒܦܽܘܩܕ̈ܵܢܲܘܗܼܝ ܠܵܐ ܗܲܠܸܟܬܘܽܢ܃
00102_70 ܒܲܥܠܵܐ ܪܚܸܡܬܘܽܢ ܘܲܒܚܲܢܦܽܘܬܵܐ ܐܸܬܟܲܫܲܪܬܽܘܢ܀
00102_71 ܐܝܼܙܒܸܠ ܕܲܠܚܲܬ̤ ܠܲܐܪܥܵܐ ܟܽܠܵܗ݀ ܒܲܥ̈ܠܲܘܵܬܵܐ܃
00102_72 ܗܝܼ ܗܘܵܬ̤ ܥܸܠܬܵܐ ܕܢܸܚܪܲܒ ܥܵܠܡܵܐ ܒܥܲܘܠܵܗ݀ ܪܲܒܵܐ܀
00102_73 ܒܵܟ ܗܼܽܘ ܗܵܫܵܐ ܕܠܝܼܚ ܝܼܣܪܵܐܸܠ ܘܲܒܒܝܼܫ̈ܵܬܵܟ܃
00102_74 ܘܲܒܚܲܢܦܽܘܬܵܟ ܕܵܐܦ ܠܲܫܡܲܝܵܐ ܡܛܵܐ ܬܸܢܵܢܵܗ݀܀
00102_75 ܒܨܲܠ̈ܡܸܐ ܕܲܐܩܝܼܡܬ݁ ܒܡܲܕܒ̈ܚܸܐ ܕܲܒܢܲܝܬ݁݁ ܒܕܸܒܚܸ̈ܐ ܕܲܐܣܸܩܬ݁܃
00102_76 ܒܪܽܘܫܥܵܐ ܕܲܦܠܲܚܬ݁ ܒܲܐܢܼܬܬܵܐ ܕܲܢܣܲܒܬ݁ ܒܟܽܠܗܸܝܢ ܕܲܣܥܲܪܬ݁܀
00102_77 ܒܲܥ̈ܠܲܘܵܬܵܐ ܕܕܲܝ̈ܘܸܐ ܕܬܲܪܣܝܼܬ݁ ܟܲܕ ܡܸܫ݂ܬܲܢܸܝܬ݁܃
00102_78 ܘܲܒܦܵܬܘܽܪܸ̈ܐ ܕܫܼ̈ܐܕܸܐ ܕܲܐܬܩܸܢܬ݁ ܥܲܡ ܒܲܪܼܬ ܙܽܘܓܵܟ܀
00102_79 ܕܵܠܘܽܚܵܐ ܐܲܢܼܬ݁ ܒܲܥܒܝܼ̈ܕܵܬܵܟ ܘܲܒܨܸܒܘ̈ܵܬܵܟ܃
00102_80 ܠܲܘ ܓܹܝܪ ܐܸܢܵܐ ܕܲܠܚܸܬ ܠܲܐܪܥܵܐ ܐܲܝܟ ܕܵܐܡܲܪ ܐܲܢܼܬ݁܀
00102_81 ܫܲܦ݁ܝܼܪ ܗܼܘܵܐ ܠܸܗ ܠܗܲܘ݁ ܫܲܪܝܼܪܵܐ ܕܲܡܡܲܠܸܠ ܗܼܘܵܐ܃
00102_82 ܒܓܲܠܝܽܘܬ ܐܲܦܸ̈ܐ ܩܕܵܡ ܗܲܘ݁ ܚܲܢܦܵܐ ܘܠܵܐ ܕܵܚܸܠ ܗܼܘܵܐ܀
00102_83 ܡܵܢܵܐ ܚܫܝܼܒ ܗܼܘܵܐ ܬܲܓܵܐ ܕܡܲܠܟܵܐ ܠܗܲܘ݁ ܥܲܙܝܼܙܵܐ܃
00102_84 ܕܬܲܓܸܗ ܕܝܼܠܸܗ ܐܲܠܵܗܵܐ ܗܼܘܵܐ ܘܠܵܐ ܢܵܦܸܠ ܗܼܘܵܐ܀
00102_85 ܓܲܒܪܵܐ ܕܣܝܼܡܝܼܢ ܚܲܝܸ̈ܐ ܕܥܵܠܡܵܐ ܒܪܝܼܫ ܠܸܫܵܢܸܗ܃
00102_86 ܠܡܽܘܢ ܢܸܕܚܲܠ ܗܼܘܵܐ ܡܸܢ ܫܽܘܠܛܵܢܵܐ ܕܲܐܝܟ ܛܸܠܵܠܲܐ ܗܼܘ܀
00102_87 ܠܵܐ ܕܵܚܸܠ ܗܼܘܵܐ ܕܲܡܡܲܠܸܠ ܗܼܘܵܐ ܒܙܲܕܝܼܩܽܘܬܵܐ܃

▼ later lines