← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00104_63 ܣܽܘܪܵܕܵܐ ܗܼܘܵܐ ܢܒܝܼܵܐ ܠܫܼ̈ܐܕܸܐ ܕܲܢܚܽܘܪܽܘܢ ܒܸܗ܃
00104_64 ܘܲܐܝܟܵܐ ܕܩܵܐܸܡ ܠܵܐ ܩܵܪܒܝܼܢ ܗܼܘܲܘ ܡܸܢ ܙܲܘܥܲܬܗܽܘܢ܀
00104_65 ܟܬܝܼ̈ܫܸܐ ܒܪ̈ܽܘܡܚܸܐ ܠܕܲܝ̈ܘܸܐ ܙܲܡܸܢܘ ܥܲܠ ܬܽܘܩܵܢܵܐ܃
00104_66 ܘܡܵܐ ܕܡܸܢ ܪܽܘܚܩܵܐ ܚܙܲܘ ܠܸܐܠܝܼܵܐ ܥܪܲܩܘ ܕܲܓ̈ܵܠܸܐ܀
00104_67 ܒܕܸܡܗܽܘܢ ܕܸܐܫܲܕ ܝܲܩܲܪܘ ܐܸܢܽܘܢ ܢܸܥܢܽܘܢ ܐܸܢܽܘܢ܃
00104_68 ܘܲܐܥܪܸܩ ܐܸܢܽܘܢ ܚܝܼܠ ܐܲܠܵܗܵܐ ܕܠܵܐ ܢܸܬܚܲܘܽܘܢ܀
00104_69 ܘܟܲܕ ܐܸܬܛܲܠܲܩ ܝܲܘܡܵܐ ܟܽܠܸܗ ܒܲܣܪܝܼܩܽܘܬܵܐ܃
00104_70 ܘܒܸܗܬܲܬ̤ ܟܽܠܵܗ݀ ܕܲܓܵܠܽܘܬܵܐ ܕܠܵܐ ܐܸܬܥܲܢܝܲܬ̤܀
00104_71 ܘܩܲܪ ܩܽܘܪܒܵܢܸܗ ܛܲܡܵܐܐ ܕܒܲܥܠܵܐ ܥܠܸܝܗ݀ ܕܲܥܠܵܬܵܐ܃
00104_72 ܘܒܵܪ ܗܼܘܵܐ ܥܠܲܝܗܽܘܢ ܕܲܡܩܲܪ̈ܒܵܢܸܐ ܕܸܒܚܵܐ ܕܲܐܣܸܩܘ܀
00104_73 ܘܦܵܫ ܬܘܽܩܵܢܵܐ ܩܲܪܝܼܪ ܘܲܣܪܸܐ ܘܠܵܐ ܡܸܬܩܲܒܲܠ܃
00104_74 ܘܲܒܗܸܬܘ ܟܽܘܡܪܸ̈ܐ ܕܠܵܐ ܥܢܵܐ ܒܲܥܠܵܐ ܐܲܝܟ ܕܲܩܪܲܘ ܠܸܗ܀
00104_75 ܘܲܐܗܸܠܘ ܥܲܡܵܐ ܒܗܵܠܸܝܢ ܩ̈ܵܠܸܐ ܟܡܵܐ ܐܸܬܦܲܟܲܗܘ܃
00104_76 ܘܓܲܒܵܗ݀ ܕܛܽܘܥܝܲܝ ܫܪܸܟ ܠܲܩܠܵܠܵܐ ܘܲܠܟܽܘܐܵܪܵܐ܀
00104_77 ܗܲܝܕܸܝܢ ܩܵܡ ܗܵܟܵܐ ܢܒܝܼܵܐ ܕܬܸܗܪܵܐ ܓܲܒܪܵܐ ܕܪܽܘܚܵܐ܃
00104_78 ܟܲܗܢܵܐ ܪܲܒܵܐ ܟܽܘܡܪܵܐ ܙܵܗܝܵܐ ܢܲܩܕܵܐ ܒܬܽܘܠܵܐ܀
00104_79 ܡܵܐܢܵܐ ܓܲܒܝܵܐ ܚܲܟܝܼܡ ܠܸܒܵܐ ܡܠܸܐ ܓܸܠܝ̈ܵܢܸܐ܃
00104_80 ܚܲܒܪܵܐ ܕܥܝܼܪܸ̈ܐ ܟܠܝܼܠܵܐ ܕܫܽܘܦܪܸ̈ܐ ܣܵܥܲܪ ܚܲܝ̈ܠܸܐ܀
00104_81 ܩܲܕܝܼܫ ܢܲܦܫܵܐ ܡܨܲܠܲܠ ܓܽܘܫܡܵܐ ܪܵܚܸܡ ܩܽܘܫܬܵܐ܃
00104_82 ܡܗܝܼܪ ܝܼܕܲܥܬܵܐ ܣܵܢܸܐ ܕܥܲܘܠܵܐ ܪܵܕܸܦ ܛܽܘܥܝܲܝ܀
00104_83 ܡܦܲܪܣܸܐ ܠܫܽܘܩܪܵܐ ܡܩܝܼܡ ܠܲܫܪܵܪܵܐ ܫܲܡܵܫ ܪ̈ܵܐܙܸܐ܃
00104_84 ܥܵܩܲܪ ܨܲܠ̈ܡܸܐ ܘܲܡܒܲܢܝܵܢܵܗ݀ ܕܗܲܝܡܵܢܽܘܬܵܐ܀
00104_85 ܩܵܡ ܐܸܠܝܼܵܐ ܐܲܝܟ ܪܲܒ ܒܲܝܬܵܐ ܕܒܸܝܬ ܝܲܡܝܼܢܵܐ܃
00104_86 ܕܲܒܙܲܟܽܘܬܵܐ ܢܸܢܨܲܚ ܓܲܒܸܗ ܗܽܘ ܒܲܠܚܽܘܕܲܘܗܝ܀
00104_87 ܓܥܲܪ ܗܼܘܵܐ ܒܣܸܕܪܸ̈ܐ ܕܒܸܝܬ ܣܸܡܵܠܵܐ ܘܲܐܥܪܸܩ ܐܸܢܽܘܢ܃
00104_88 ܟܲܕ ܒܲܗܝܼܬܝܼܢ ܡܸܛܽܠ ܕܸܒܚܵܐ ܕܠܵܐ ܐܸܬܩܲܒܲܠ܀
00104_89 ܩܵܡ ܒܲܠܚܽܘܕܲܘܗܝ ܢܒܝܼܵܐ ܣܵܪܓܸܗ ܕܟܲܪܡܵܐ ܕܲܚܪܸܒ܃
00104_90 ܘܲܐܝܟ ܟܲܫܝܼܪܵܐ ܢܣܽܘܓ ܬܘܽܪ̈ܥܵܬܸܗ ܕܥܲܡܵܐ ܕܚܲܢܸܦ܀
00104_91 ܩܵܡ ܐܲܪܕܸܟܠܵܐ ܕܢܸܒܢܸܐ ܫܽܘܪܵܐ ܕܗܲܝܡܵܢܽܘܬܵܐ܃
00104_92 ܘܲܢܣܲܬܲܪ ܒܸܗ ܥܲܡܸܗ ܕܡܵܪܝܵܐ ܡܸܢ ܫܲܒܵܝܸ̈ܐ܀
00104_93 ܩܪܵܐ ܠܵܗ݀ ܠܥܵܢܵܐ ܪܵܥܝܵܐ ܪܲܒܵܐ ܕܩܸܪܒܲܬ̤ ܨܸܝܕܲܘܗܝ܃
00104_94 ܕܢܸܒܢܸܐ ܛܝܵܪܵܐ ܕܡܸܬܢܲܛܪܵܐ ܒܸܗ ܡܸܢ ܓܲܝ̈ܵܣܸܐ܀
00104_95 ܬܲܪܣܝܼ ܢܒܝܼܵܐ ܡܲܕܒܚܸܗ ܕܡܵܪܝܵܐ ܕܲܡܣܲܚܲܦ ܗܼܘܵܐ܃
00104_96 ܕܲܢܚܲܕܸܬ ܗܼܘܵܐ ܕܸܒܚܸ̈ܐ ܕܲܐܗܪܽܘܢ ܘܸܐܠܝܼܥܵܙܵܪ܀
00104_97 ܩܪܸܒ ܗܼܘܵܐ ܕܲܢܩܝܼܡ ܗܵܝ ܟܽܘܡܪܽܘܬܵܐ ܕܲܒܢ̈ܲܝ ܠܸܘܝܼ܃
00104_98 ܕܸܐܣܬܲܚܦ݂ܲܬ̤ ܗܼܘܵܬ̤ ܢܽܘܓܪܵܐ ܪܲܒܵܐ ܒܥܲܡܵܐ ܕܲܐܚܢܸܦ܀
00104_99 ܫܩܲܠ ܬܲܪܬܲܥܣܪܸ̈ܐ ܟܼܐܦܝܼ̈ܢ ܘܲܒܢܵܐ ܡܲܕܒܲܚ ܩܽܘܕܫܵܐ܃
00105_00 ܐܲܝܟ ܡܸܢܝܵܢܐ ܕܫܲܒ̈ܛܸܐ ܝܲܥܩܽܘܒ ܪܵܐܙܵܢܵܐܝܼܬ܀
00105_01 ܫܲܒ̈ܛܸܐ ܕܥܲܡܵܐ ܐܸܬܦܲܠܲܓܘ ܗܼܘܲܘ ܥܲܠ ܕܸܚܠ̈ܵܬܵܐ܃
00105_02 ܘܲܠܒܸܢܝܵܢܵܐ ܚܲܕ ܕܲܫܪܵܪܵܐ ܟܲܢܸܫ ܐܸܢܽܘܢ܀
00105_03 ܒܟܼܐܦܸ̈ܐ ܕܲܢܦܲܠܝ̈ ܡܸܢ ܒܸܢܝܵܢܵܐ ܡܬܲܠ ܗܼܘܵܐ ܐܸܢܽܘܢ܃
00105_04 ܘܲܐܚܕܲܪ ܠܲܩܸܛ ܩܲܪܸܒ ܘܲܣܕܲܪ ܘܲܒܢܵܐ ܐܸܢܽܘܢ܀
00105_05 ܣܵܡ ܥܽܘܗܕܵܢܵܐ ܕܡܸܢܝܵܢܲܝ̈ܗܽܘܢ ܘܲܕܫܲܒܛܲܝ̈ܗܽܘܢ܃
00105_06 ܒܗܲܘ ܒܸܢܝܵܢܵܐ ܕܩܽܘܫܬܵܐ ܕܫܲܪܝܼ ܦܲܪܽܘܫܵܐܝܼܬ܀
00105_07 ܥܲܡܵܐ ܥܩܝܼܪ ܗܼܘܵܐ ܒܗܵܝ ܚܲܢܦܽܘܬܵܐ ܕܲܐܚܪܸܒܬܸܗ ܗܼܘܵܬ̤܃
00105_08 ܘܲܒܥܵܐ ܢܒܝܼܵܐ ܕܠܸܗ ܢܸܒܢܸܐ ܗܼܘܵܐ ܒܟܼ̈ܐܦܸܐ ܕܲܣܕܲܪ܀
00105_09 ܬܲܪܣܝܼ ܗܵܟܝܼܠ ܡܲܕܒܚܸܗ ܕܡܵܪܝܵܐ ܕܲܡܣܲܚܲܦ ܗܼܘܵܐ܃
00105_10 ܘܲܒܢܵܝܗܼܝ ܒܟܼ̈ܐܦܸܐ ܠܵܐ ܓܠܝܼ̈ܦܵܬܵܐ ܐܲܝܟܲܢ ܕܲܦܩܝܼܕ܀
00105_11 ܘܲܠܒܲܪ ܡܸܢܸܗ ܥܒܲܕ ܚܸܐܪܝܼܬܵܐ ܕܡܸܬܟܲܪܟܵܐ ܠܸܗ܃
00105_12 ܘܲܣܕܲܪ ܩܝܼ̈ܣܸܐ ܘܦܲܫܲܚ ܬܲܘܪܵܐ ܘܣܵܡ ܒܲܥܠܵܬܵܐ܀
00105_13 ܘܲܢܣܲܟ ܡܲܝ̈ܵܐ ܠܥܸܠ ܡܸܢ ܕܸܒܚܵܐ ܘܛܵܦ ܩܽܘܪܒܵܢܵܐ܃

▼ later lines