← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00104_83 ܡܦܲܪܣܸܐ ܠܫܽܘܩܪܵܐ ܡܩܝܼܡ ܠܲܫܪܵܪܵܐ ܫܲܡܵܫ ܪ̈ܵܐܙܸܐ܃
00104_84 ܥܵܩܲܪ ܨܲܠ̈ܡܸܐ ܘܲܡܒܲܢܝܵܢܵܗ݀ ܕܗܲܝܡܵܢܽܘܬܵܐ܀
00104_85 ܩܵܡ ܐܸܠܝܼܵܐ ܐܲܝܟ ܪܲܒ ܒܲܝܬܵܐ ܕܒܸܝܬ ܝܲܡܝܼܢܵܐ܃
00104_86 ܕܲܒܙܲܟܽܘܬܵܐ ܢܸܢܨܲܚ ܓܲܒܸܗ ܗܽܘ ܒܲܠܚܽܘܕܲܘܗܝ܀
00104_87 ܓܥܲܪ ܗܼܘܵܐ ܒܣܸܕܪܸ̈ܐ ܕܒܸܝܬ ܣܸܡܵܠܵܐ ܘܲܐܥܪܸܩ ܐܸܢܽܘܢ܃
00104_88 ܟܲܕ ܒܲܗܝܼܬܝܼܢ ܡܸܛܽܠ ܕܸܒܚܵܐ ܕܠܵܐ ܐܸܬܩܲܒܲܠ܀
00104_89 ܩܵܡ ܒܲܠܚܽܘܕܲܘܗܝ ܢܒܝܼܵܐ ܣܵܪܓܸܗ ܕܟܲܪܡܵܐ ܕܲܚܪܸܒ܃
00104_90 ܘܲܐܝܟ ܟܲܫܝܼܪܵܐ ܢܣܽܘܓ ܬܘܽܪ̈ܥܵܬܸܗ ܕܥܲܡܵܐ ܕܚܲܢܸܦ܀
00104_91 ܩܵܡ ܐܲܪܕܸܟܠܵܐ ܕܢܸܒܢܸܐ ܫܽܘܪܵܐ ܕܗܲܝܡܵܢܽܘܬܵܐ܃
00104_92 ܘܲܢܣܲܬܲܪ ܒܸܗ ܥܲܡܸܗ ܕܡܵܪܝܵܐ ܡܸܢ ܫܲܒܵܝܸ̈ܐ܀
00104_93 ܩܪܵܐ ܠܵܗ݀ ܠܥܵܢܵܐ ܪܵܥܝܵܐ ܪܲܒܵܐ ܕܩܸܪܒܲܬ̤ ܨܸܝܕܲܘܗܝ܃
00104_94 ܕܢܸܒܢܸܐ ܛܝܵܪܵܐ ܕܡܸܬܢܲܛܪܵܐ ܒܸܗ ܡܸܢ ܓܲܝ̈ܵܣܸܐ܀
00104_95 ܬܲܪܣܝܼ ܢܒܝܼܵܐ ܡܲܕܒܚܸܗ ܕܡܵܪܝܵܐ ܕܲܡܣܲܚܲܦ ܗܼܘܵܐ܃
00104_96 ܕܲܢܚܲܕܸܬ ܗܼܘܵܐ ܕܸܒܚܸ̈ܐ ܕܲܐܗܪܽܘܢ ܘܸܐܠܝܼܥܵܙܵܪ܀
00104_97 ܩܪܸܒ ܗܼܘܵܐ ܕܲܢܩܝܼܡ ܗܵܝ ܟܽܘܡܪܽܘܬܵܐ ܕܲܒܢ̈ܲܝ ܠܸܘܝܼ܃
00104_98 ܕܸܐܣܬܲܚܦ݂ܲܬ̤ ܗܼܘܵܬ̤ ܢܽܘܓܪܵܐ ܪܲܒܵܐ ܒܥܲܡܵܐ ܕܲܐܚܢܸܦ܀
00104_99 ܫܩܲܠ ܬܲܪܬܲܥܣܪܸ̈ܐ ܟܼܐܦܝܼ̈ܢ ܘܲܒܢܵܐ ܡܲܕܒܲܚ ܩܽܘܕܫܵܐ܃
00105_00 ܐܲܝܟ ܡܸܢܝܵܢܐ ܕܫܲܒ̈ܛܸܐ ܝܲܥܩܽܘܒ ܪܵܐܙܵܢܵܐܝܼܬ܀
00105_01 ܫܲܒ̈ܛܸܐ ܕܥܲܡܵܐ ܐܸܬܦܲܠܲܓܘ ܗܼܘܲܘ ܥܲܠ ܕܸܚܠ̈ܵܬܵܐ܃
00105_02 ܘܲܠܒܸܢܝܵܢܵܐ ܚܲܕ ܕܲܫܪܵܪܵܐ ܟܲܢܸܫ ܐܸܢܽܘܢ܀
00105_03 ܒܟܼܐܦܸ̈ܐ ܕܲܢܦܲܠܝ̈ ܡܸܢ ܒܸܢܝܵܢܵܐ ܡܬܲܠ ܗܼܘܵܐ ܐܸܢܽܘܢ܃
00105_04 ܘܲܐܚܕܲܪ ܠܲܩܸܛ ܩܲܪܸܒ ܘܲܣܕܲܪ ܘܲܒܢܵܐ ܐܸܢܽܘܢ܀
00105_05 ܣܵܡ ܥܽܘܗܕܵܢܵܐ ܕܡܸܢܝܵܢܲܝ̈ܗܽܘܢ ܘܲܕܫܲܒܛܲܝ̈ܗܽܘܢ܃
00105_06 ܒܗܲܘ ܒܸܢܝܵܢܵܐ ܕܩܽܘܫܬܵܐ ܕܫܲܪܝܼ ܦܲܪܽܘܫܵܐܝܼܬ܀
00105_07 ܥܲܡܵܐ ܥܩܝܼܪ ܗܼܘܵܐ ܒܗܵܝ ܚܲܢܦܽܘܬܵܐ ܕܲܐܚܪܸܒܬܸܗ ܗܼܘܵܬ̤܃
00105_08 ܘܲܒܥܵܐ ܢܒܝܼܵܐ ܕܠܸܗ ܢܸܒܢܸܐ ܗܼܘܵܐ ܒܟܼ̈ܐܦܸܐ ܕܲܣܕܲܪ܀
00105_09 ܬܲܪܣܝܼ ܗܵܟܝܼܠ ܡܲܕܒܚܸܗ ܕܡܵܪܝܵܐ ܕܲܡܣܲܚܲܦ ܗܼܘܵܐ܃
00105_10 ܘܲܒܢܵܝܗܼܝ ܒܟܼ̈ܐܦܸܐ ܠܵܐ ܓܠܝܼ̈ܦܵܬܵܐ ܐܲܝܟܲܢ ܕܲܦܩܝܼܕ܀
00105_11 ܘܲܠܒܲܪ ܡܸܢܸܗ ܥܒܲܕ ܚܸܐܪܝܼܬܵܐ ܕܡܸܬܟܲܪܟܵܐ ܠܸܗ܃
00105_12 ܘܲܣܕܲܪ ܩܝܼ̈ܣܸܐ ܘܦܲܫܲܚ ܬܲܘܪܵܐ ܘܣܵܡ ܒܲܥܠܵܬܵܐ܀
00105_13 ܘܲܢܣܲܟ ܡܲܝ̈ܵܐ ܠܥܸܠ ܡܸܢ ܕܸܒܚܵܐ ܘܛܵܦ ܩܽܘܪܒܵܢܵܐ܃
00105_14 ܘܠܵܗ݀ ܠܚܸܐܪܝܼܬܵܐ ܡܠܵܗ݀ ܗܼܘܵܐ ܡܲܝ̈ܵܐ ܐܲܟܡܵܐ ܕܲܟܬܝܼܒ܀
00105_15 ܠܡܽܘܢ ܟܲܝ ܡܲܝ̈ܵܐ ܠܥܸܠ ܡܸܢ ܕܸܒܚܵܐ ܢܣܲܟ ܐܠܝܵܐ܃
00105_16 ܟܲܕ ܢܵܡܽܘܣܵܐ ܠܵܐ ܡܲܠܸܦ ܗܼܘܵܐ ܕܗܵܕܸܐ ܢܸܥܒܸܕ܀
00105_17 ܘܲܕܠܵܐ ܟܬܝܼܒܵܐ ܠܡܽܘܢ ܐܸܣܬܲܥܪܲܬ̤ ܡܸܢ ܚܲܟܝܼܡܵܐ܃
00105_18 ܗܵܕܸܐ ܕܲܚܠܲܛ ܡܲܝ̈ܵܐ ܒܕܸܒܚܸܗ ܕܠܵܐ ܦܽܘܩܕܵܢܵܐ܀
00105_19 ܠܡܵܢܵܐ ܠܵܐ ܕܚܸܠ ܡܸܢ ܨܽܘܚܝܼܬܵܐ ܕܠܵܐ ܢܸܪܢܸܐ ܐܼܢܵܫ܃
00105_20 ܕܲܕܠܵܐ ܢܵܡܽܘܣ ܐܸܬܕܲܒܲܪ ܗܼܘܵܐ ܒܕܸܒܚܵܐ ܕܲܐܣܸܩ܀
00105_21 ܠܲܘ ܢܵܡܽܘܣܵܐ ܦܩܲܕ ܠܸܗ ܕܲܢܣܽܘܟ ܡܲܝ̈ܵܐ ܕܲܢܣܲܟ܃
00105_22 ܠܥܸܠ ܡܸܢ ܕܸܒܚܵܐ ܗܽܘ ܡܸܢ ܕܝܼܠܸܗ ܕܠܵܐ ܢܵܡܽܘܣܵܐ܀
00105_23 ܡܸܢ ܡܽܘܢ ܕܲܦܩܝܼܕ ܠܵܐ ܒܲܨܲܪ ܗܼܘܵܐ ܠܲܡܩܲܪܵܒܽܘ܃
00105_24 ܗܵܝܕܸܝܢ ܕܲܐܘܣܸܦ ܘܲܢܣܲܟ ܡܲܝ̈ܵܐ ܕܠܵܐ ܥܸܕܠܵܝܵܐ ܗܼܝܼ܀
00105_25 ܐܸܠܽܘ ܒܲܨܲܪ ܘܲܟܠܵܐ ܡܸܕܸܡ ܡܸܢ ܡܵܐ ܕܲܟܬܝܼܒ܃
00105_26 ܐܝܼܬ ܗܼܘܵܐ ܠܡܼܐܡܪ ܡܸܢ ܢܵܡܽܘܣܵܐ ܕܠܵܐ ܐܸܫܬܲܡܠܝܼ܀
00105_27 ܬܲܘܣܸܦܬܵܐ ܕܹܝܢ ܗܵܝ ܕܲܥܒܲܕ ܗܼܘܵܐ ܗܽܘ ܡܸܢ ܕܝܼܠܸܗ܃
00105_28 ܒܵܬܲܪ ܕܲܓܡܲܪ ܟܽܠܡܵܐ ܕܲܟܬܝܼܒ ܬܘܽܒ ܫܲܦܝܼܪܵܐ܀
00105_29 ܒܢܵܐ ܗܼܘܵܐ ܡܲܕܒܚܵܐ ܐܲܝܟܲܢ ܕܝܼܠܸܦ ܡܸܢ ܢܵܡܽܘܣܵܐ܃
00105_30 ܘܲܕܠܵܐ ܓܠܝܼ̈ܦܵܢ ܣܵܡ ܒܸܗ ܟܼܐܦܸ̈ܐ ܐܲܝܟ ܕܸܐܬܦܲܩܲܕ܀
00105_31 ܘܲܣܕܲܪ ܩܲܝ̈ܣܸܐ ܒܸܗ ܒܸܐܣܟܝܼܡܵܐ ܕܲܒܢܲܝ ܠܸܘܝܼ܃
00105_32 ܘܲܕܒܲܚ ܬܲܘܪܵܐ ܐܲܟܡܵܐ ܕܡܽܘܫܸܐ ܦܩܲܕ ܒܲܟܬܵܒܸܗ܀
00105_33 ܘܢܲܛܪܸܗ ܠܕܸܒܚܵܐ ܠܥܸܕܵܢ ܪܲܡܫܵܐ ܘܟܸܢ ܩܲܪܸܒ ܗܼܘܵܐ܃

▼ later lines