← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00107_48 ܘܲܒܪܸܥܝܵܢܸܗ ܢܝܼܚ ܘܲܡܡܲܟܲܟ ܘܲܡܠܸܐ ܚܲܫܸ̈ܐ܀
00107_49 ܦܩܲܕ ܠܲܒܪܝܼܬܵܐ ܘܸܐܫܬܲܡܥܲܬ̤ ܠܸܗ ܐܲܝܟ ܐܲܠܵܗܵܐ܃
00107_50 ܘܠܵܐ ܛܥܵܐ ܟܝܼܢܵܐ ܕܲܢܨܲܠܸܐ ܗܼܘܵܐ ܐܲܝܟ ܚܲܫܽܘܫܵܐ܀
00107_51 ܓܗܝܼܢ ܗܼܘܵܐ ܒܚܲܫܵܐ ܘܣܝܼ̈ܡܵܢ ܐܲܦ̈ܲܘܗܼܝ ܒܲܝܢܵܬ ܒܽܘܪ̈ܟܲܘܗܼܝ܃
00107_52 ܕܨܹܝܕ ܐܲܠܵܗܵܐ ܐܸܠܵܐ ܒܚܲܫܵܐ ܠܵܐ ܩܵܪܸܒ ܐܼܢܵܫ܀
00107_53 ܟܲܦ ܗܼܘܵܐ ܢܲܦܫܸܗ ܕܲܠܒܵܥܽܘܬܸܗ ܐܲܦܸ̈ܐ ܢܸܥܒܸܕ܃
00107_54 ܕܲܒܡܽܘܟܵܟܵܐ ܫܵܦܪܵܐ ܨܠܘܽܬܵܐ ܩܕܵܡ ܐܲܠܵܗܵܐ܀
00107_55 ܕܢܸܣܲܒ ܪ̈ܲܚܡܸܐ ܡܸܢ ܐܲܠܵܗܵܐ ܠܥܵܠܡܵܐ ܨܲܠܝܼ܃
00107_56 ܘܠܵܐ ܓܲܐܝܵܐܝܼܬ ܐܸܠܵܐ ܒܚܲܫܵܐ ܫ݂ܸܐܠ ܡܲܘܗܲܒܬܵܐ܀
00107_57 ܐܸܬܓܗܸܢ ܗܵܟܝܼܠ ܘܣܵܡ ܗܼܘܵܐ ܐܲܦ̈ܲܘܗܼܝ ܒܲܝܢܵܬ ܒܽܘܪ̈ܟܲܘܗܼܝ܃
00107_58 ܘܲܠܬܲܠܡܝܼܕܸܗ ܠܽܐܘܪܚܸܗ ܕܝܲܡܵܐ ܫܲܕܪܸܗ ܕܲܢܚܽܘܪ܀
00107_59 ܘܟܲܕ ܐܸܡܲܪ ܠܸܗ ܕܠܵܐ ܚܙܵܐ ܡܸܕܸܡ ܒܽܐܘܪܚܵܐ ܕܝܲܡܵܐ܃
00107_60 ܗܦܲܟ ܬܘܽܒ ܫܲܕܪܸܗ ܫܒ̈ܲܥ ܙܲܒܢ̈ܵܬܵܐ ܐܲܟܡܵܐ ܕܲܟܬܝܼܒ܀
00107_61 ܘܲܒܗܵܝ ܕܲܫܒܲܥ ܐܸܡܲܪ ܗܼܘܵܐ ܠܸܗ ܐܲܝܟܵܢ ܕܲܚܙܵܐ܃
00107_62 ܥܢܵܢܵܐ ܙܥܽܘܪܬܵܐ ܚܙܝܼܬ݂ ܟܲܕ ܣܵܠܩܵܐ ܒܽܐܘܪܚܵܐ ܕܝܲܡܵܐ܀
00107_63 ܘܕܵܡܝܵܐ ܠܦܲܣܲܬ ܐܝܼܕܵܐ ܕܓܲܒܪܵܐ ܒܲܙܥܽܘܪܽܘܬܵܗ݀܃
00107_64 ܘܡܸܚܕܵܐ ܫܠܲܚ ܠܸܗ ܠܵܐܚܵܒ ܡܲܠܟܵܐ ܕܠܵܐ ܢܸܫܬܲܘܚܲܪ܀
00107_65 ܐܝܼܕܵܐ ܕܪ̈ܲܚܡܸܐ ܐܲܘܫܸܛ ܡܵܪܝܵܐ ܠܲܐܪܥܵܐ ܕܲܬܩܽܘܡܝ܃
00107_66 ܡܸܢ ܡܲܦܽܘܠܬܵܐ ܕܣܲܚܦܵܗ݀ ܟܲܦܢܵܐ ܢܽܘܓܪܵܐ ܪܲܒܵܐ܀
00107_67 ܘܨܵܪ ܒܲܥܢܵܢܵܐ ܐܝܼܕܵܐ ܘܝܲܗܼܒ ܠܵܗ݀ ܕܲܢܚܲܘܸܐ ܠܵܗ݀܃
00107_68 ܕܸܐܬܪܥܝܼ ܠܵܗ݀ ܘܸܐܬܵܐ ܕܢܸܥܒܸܕ ܫܲܝܢܵܐ ܥܲܡܵܗ݀܃
00107_69 ܒܦܲܣܲܬ ܐܝܼܕܵܐ ܕܪ̈ܲܚܡܸܐ ܡܸܛܪܵܐ ܐܲܘܫܸܛ ܗܼܘܵܐ ܠܵܗ݀܃
00107_70 ܠܲܐܪܥܵܐ ܨܗܝܼܬܵܐ ܘܲܡܛܲܪܲܦܬܵܐ ܕܬܸܛܥܸܐ ܚܲܫܵܗ݀܀
00107_71 ܐܝܼܕܵܐ ܕܓܲܒܪܵܐ ܐܸܬܚܲܙܝܲܬ̤ ܗܼܘܵܬ̤ ܥܲܠ ܥܲܪܦܸܠܵܐ܃
00107_72 ܟܲܕ ܝܵܗܒܵܐ ܗܼܘܵܬ̤ ܠܼܐܝܙܒܸܠ ܥܵܝܵܐ ܘܠܲܐܪܥܵܐ ܡܸܛܪܵܐ܀
00107_73 ܐܸܬܚܲܙܝܲܬ ܗܼܘܵܬ ܐܝܼܕܵܐ ܪܲܒܬܵܐ ܕܲܛܥܝܼܢܵܐ ܗܼܘܵܬ܃
00107_74 ܙܸܒܕܵܐ ܛܵܒܵܐ ܠܚܲܩܠܵܐ ܕܒܵܪܲܬ̤ ܡܸܢ ܥ̈ܲܠܼܠܵܬܵܐ܀
00107_75 ܐܝܼܕܸܗ ܕܡܵܪܝܵܐ ܕܡܲܠܝܵܐ ܣܲܒܥܵܐ ܨܵܪ ܒܲܥܢܵܢܵܐ܃
00107_76 ܬܸܐܬܸܐ ܬܸܫܪܸܐ ܠܟܲܦܢܵܐ ܪܲܒܵܐ ܕܚܲܪܒ݂ܵܗ݀ ܠܲܐܪܥܵܐ܀
00107_77 ܚܙܵܗ݀ ܬܲܠܡܝܼܕܵܐ ܘܲܐܝܬܝܼ ܣܒܲܪܬܵܐ ܠܪܲܒܵܐ ܙܲܗܝܵܐ܃
00107_78 ܘܫܲܕܲܪ ܐܵܦ ܗܽܘ ܣܲܒܪܵܗ݀ ܠܡܲܠܟܵܐ ܕܲܢܫܲܢܸܐ ܗܼܘܵܐ܀
00107_79 ܘܩܲܕܡܽܘܗܼܝ ܪ̈ܲܚܡܸܐ ܕܸܐܫܬܲܕܲܪܘ ܗܼܘܲܘ ܩܲܠܝܼܠܵܐܝܼܬ܃
00107_80 ܘܲܢܦܲܩ ܣܲܥܪܵܗ݀ ܚܢܵܢܵܐ ܠܲܐܪܥܵܐ ܒܡܸܛܪܵܐ ܪܲܒܵܐ܀
00107_81 ܘܪ̈ܽܘܚܸܐ ܕܡܲܝ̈ܵܐ ܒܫܸܦ̈ܥܸܐ ܒܪ̈ܝܼܟܸܐ ܐܸܬܟܲܢܲܫܝ̈ ܗܘ̈ܲܝ܃
00107_82 ܘܲܐܓܝܼܚ ܐܵܐܲܪ ܫܸܩܝܵܐ ܪܲܒܵܐ ܠܨܲܗܝܵܐ ܪܲܒܵܐ܀
00107_83 ܘܙܸܠܚܲܬ̤ ܪܽܘܚܵܐ ܡܲܝ̈ܵܐ ܒܕܝܼܪܸ̈ܐ ܥܲܠ ܐܲܪܥ̈ܵܬܵܐ܃
00107_84 ܘܕܵܠ ܒܲܥܢ̈ܵܢܸܐ ܪܒܝܼܥܵܐ ܢܲܫܩܸܐ ܠܟܽܠܵܗ݀ ܬܼܐܒܸܝܠ܀
00107_85 ܪܸܡܙܵܐ ܟܲܣܝܵܐ ܦܩܲܕ ܠܸܗ ܠܵܐܐܲܪ ܘܸܐܬܪܲܓܝܼ ܗܼܘܵܐ܃
00107_86 ܘܲܢܦܲܚ ܟܽܠܸܗ ܡܲܝ̈ܵܐ ܒܲܐܪܥܵܐ ܕܝܲܒܝܼܫܵܐ ܗܼܘܵܬ܀
00107_87 ܬܗܽܘܡܵܐ ܪܲܒܵܐ ܫܸܩܠܲܬ̤ ܪܽܘܚܵܐ ܥܲܠ ܟܲܬܦ̈ܵܬܵܗ݀܃
00107_88 ܘܲܒܢܽܘ̈ܛܦܵܬܵܐ ܦܲܠܸܓܬܸܗ ܗܼܘܵܬ ܥܲܠ ܚܲܩ̈ܠܵܬܵܐ܀
00107_89 ܓܵܚܘ ܗܼܘܲܘ ܝܲܡܡܸ̈ܐ ܥܲܠ ܥܲܪ̈ܦܸܠܸܐ ܩܲܠ̈ܝܼܠܵܬܵܐ܃
00107_90 ܕܬܸܫܬܸܐ ܘܬܸܣܒܲܥܝ ܐܲܪܥܵܐ ܨܗܝܼܬܵܐ ܕܚܲܪܽܘܒܵܐ ܗܼܘܵܬ̤܀
00107_91 ܦܲܣܲܬ ܐܝܼܕܵܐ ܐܸܬܦܲܫܛܲܬ ܗܼܘܵܬ̤ ܥܲܠ ܐܪܥ̈ܵܬܵܐ܃
00107_92 ܘܲܡܠܵܬ̤ ܡܸܢܵܗ݀ ܟܽܠܵܗ݀ ܬܼܐܒܸܝܠ ܕܲܣܢܝܼܩܵܐ ܗܼܘܵܬ̤܀
00107_93 ܥܢܵܢܵܐ ܒܪܝܼܟܬܵܐ ܪܸܟܒܲܬ̤ ܪ̈ܽܘܚܸܐ ܩܲܠ̈ܝܼܠܵܬܵܐ܃
00107_94 ܬܸܦܽܘܩܝ ܬܸܣܥܽܘܪܝ ܠܲܐܪܥܵܐ ܟܽܠܵܗ݀ ܕܲܟܪܝܼܗܵܐ ܗܼܘܵܬ̤܀
00107_95 ܐܵܣܝܵܐ ܕܪܲܘܡܵܐ ܐܲܘܫܸܛ ܐܝܼܕܸܗ ܘܡܲܠܝܵܐ ܡܸܛܪܵܐ܃
00107_96 ܘܓܲܫ ܠܲܡܚܽܘܬܸܗ ܕܥܵܠܡܵܐ ܒܫܸ̈ܦܥܸܐ ܘܸܐܬܚܲܠܡܲܬ̤ ܗܼܘܵܬ܀
00107_97 ܚܙܲܘ ܐܲܟܵܪܸ̈ܐ ܥܢܵܢܵܐ ܠܢܽܘܓܪܵܐ ܘܲܣܘܲܚܘ ܗܼܘܲܘ ܠܵܗ݀܃
00107_98 ܘܲܦܨܝܼܚܵܐܝܼܬ ܡܲܠܸܠܘ ܥܲܡܵܗ݀ ܕܲܡܒܲܪܲܟܬܵܐ܀܀

▼ later lines