← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00107_78 ܘܫܲܕܲܪ ܐܵܦ ܗܽܘ ܣܲܒܪܵܗ݀ ܠܡܲܠܟܵܐ ܕܲܢܫܲܢܸܐ ܗܼܘܵܐ܀
00107_79 ܘܩܲܕܡܽܘܗܼܝ ܪ̈ܲܚܡܸܐ ܕܸܐܫܬܲܕܲܪܘ ܗܼܘܲܘ ܩܲܠܝܼܠܵܐܝܼܬ܃
00107_80 ܘܲܢܦܲܩ ܣܲܥܪܵܗ݀ ܚܢܵܢܵܐ ܠܲܐܪܥܵܐ ܒܡܸܛܪܵܐ ܪܲܒܵܐ܀
00107_81 ܘܪ̈ܽܘܚܸܐ ܕܡܲܝ̈ܵܐ ܒܫܸܦ̈ܥܸܐ ܒܪ̈ܝܼܟܸܐ ܐܸܬܟܲܢܲܫܝ̈ ܗܘ̈ܲܝ܃
00107_82 ܘܲܐܓܝܼܚ ܐܵܐܲܪ ܫܸܩܝܵܐ ܪܲܒܵܐ ܠܨܲܗܝܵܐ ܪܲܒܵܐ܀
00107_83 ܘܙܸܠܚܲܬ̤ ܪܽܘܚܵܐ ܡܲܝ̈ܵܐ ܒܕܝܼܪܸ̈ܐ ܥܲܠ ܐܲܪܥ̈ܵܬܵܐ܃
00107_84 ܘܕܵܠ ܒܲܥܢ̈ܵܢܸܐ ܪܒܝܼܥܵܐ ܢܲܫܩܸܐ ܠܟܽܠܵܗ݀ ܬܼܐܒܸܝܠ܀
00107_85 ܪܸܡܙܵܐ ܟܲܣܝܵܐ ܦܩܲܕ ܠܸܗ ܠܵܐܐܲܪ ܘܸܐܬܪܲܓܝܼ ܗܼܘܵܐ܃
00107_86 ܘܲܢܦܲܚ ܟܽܠܸܗ ܡܲܝ̈ܵܐ ܒܲܐܪܥܵܐ ܕܝܲܒܝܼܫܵܐ ܗܼܘܵܬ܀
00107_87 ܬܗܽܘܡܵܐ ܪܲܒܵܐ ܫܸܩܠܲܬ̤ ܪܽܘܚܵܐ ܥܲܠ ܟܲܬܦ̈ܵܬܵܗ݀܃
00107_88 ܘܲܒܢܽܘ̈ܛܦܵܬܵܐ ܦܲܠܸܓܬܸܗ ܗܼܘܵܬ ܥܲܠ ܚܲܩ̈ܠܵܬܵܐ܀
00107_89 ܓܵܚܘ ܗܼܘܲܘ ܝܲܡܡܸ̈ܐ ܥܲܠ ܥܲܪ̈ܦܸܠܸܐ ܩܲܠ̈ܝܼܠܵܬܵܐ܃
00107_90 ܕܬܸܫܬܸܐ ܘܬܸܣܒܲܥܝ ܐܲܪܥܵܐ ܨܗܝܼܬܵܐ ܕܚܲܪܽܘܒܵܐ ܗܼܘܵܬ̤܀
00107_91 ܦܲܣܲܬ ܐܝܼܕܵܐ ܐܸܬܦܲܫܛܲܬ ܗܼܘܵܬ̤ ܥܲܠ ܐܪܥ̈ܵܬܵܐ܃
00107_92 ܘܲܡܠܵܬ̤ ܡܸܢܵܗ݀ ܟܽܠܵܗ݀ ܬܼܐܒܸܝܠ ܕܲܣܢܝܼܩܵܐ ܗܼܘܵܬ̤܀
00107_93 ܥܢܵܢܵܐ ܒܪܝܼܟܬܵܐ ܪܸܟܒܲܬ̤ ܪ̈ܽܘܚܸܐ ܩܲܠ̈ܝܼܠܵܬܵܐ܃
00107_94 ܬܸܦܽܘܩܝ ܬܸܣܥܽܘܪܝ ܠܲܐܪܥܵܐ ܟܽܠܵܗ݀ ܕܲܟܪܝܼܗܵܐ ܗܼܘܵܬ̤܀
00107_95 ܐܵܣܝܵܐ ܕܪܲܘܡܵܐ ܐܲܘܫܸܛ ܐܝܼܕܸܗ ܘܡܲܠܝܵܐ ܡܸܛܪܵܐ܃
00107_96 ܘܓܲܫ ܠܲܡܚܽܘܬܸܗ ܕܥܵܠܡܵܐ ܒܫܸ̈ܦܥܸܐ ܘܸܐܬܚܲܠܡܲܬ̤ ܗܼܘܵܬ܀
00107_97 ܚܙܲܘ ܐܲܟܵܪܸ̈ܐ ܥܢܵܢܵܐ ܠܢܽܘܓܪܵܐ ܘܲܣܘܲܚܘ ܗܼܘܲܘ ܠܵܗ݀܃
00107_98 ܘܲܦܨܝܼܚܵܐܝܼܬ ܡܲܠܸܠܘ ܥܲܡܵܗ݀ ܕܲܡܒܲܪܲܟܬܵܐ܀܀
00107_99 ܬܵܝ ܒܲܫܠܵܡܵܐ ܒܲܪܼܬ ܚܲܕ̈ܘܵܬܵܐ ܕܪܸܓܙܲܬ̤ ܡܸܢܲܢ܃
00108_00 ܣܲܒܪܵܗ݀ ܕܲܐܪܥܲܢ ܒܸܟܝ ܬܸܬܒܲܝܲܐܐ ܕܲܐܒܝܼܠܵܐ ܗܼܘܵܬ܀
00108_01 ܬܵܝ ܠܸܟܝ ܕܲܐܝܬܝܼܬ݁ܝ ܐܸܕܪܵܐ ܘܟܲܪܝܵܐ ܘܣܲܒܥܵܐ ܪܲܒܵܐ܃
00108_02 ܕܡܸܢ ܕܲܐܪܦܝܼܬ݁ܝܼܢ ܐܵܦ ܗܽܘ ܠܲܚܡܵܐ ܥܪܲܩ ܠܸܗ ܡܸܢܲܢ܀
00108_03 ܬܵܝ ܦܽܘܩܝ ܘܲܒܢܵܝ ܓܕܝܼܫܸ̈ܐ ܪ̈ܵܡܸܐ ܒܓܲܘ ܚܲܩܠ̈ܵܬܲܢ܃
00108_04 ܕܡܸܢ ܟܸܕ ܫܲܢܝܼܬ݁ܝ ܐܵܦܠܵܐ ܚܨܵܕܵܐ ܚܙܵܐ ܠܵܗ݀ ܠܲܐܪܥܲܢ܀
00108_05 ܚܙܵܬ̤ ܐܲܪܡܲܠܬܵܐ ܡܸܛܪܵܐ ܘܕܵܨܲܬ̤ ܕܲܟܡܝܼܪܵܐ ܗܼܘܵܬ̤܃
00108_06 ܟܲܕ ܐܵܡܪܵܐ ܠܸܗ ܬܵܐ ܒܲܫܠܵܡܵܐ ܓܲܒܪܵܐ ܕܲܒܢ̈ܲܝ܀
00108_07 ܒܵܟ ܢܸܫܬܲܪܬܲܚ ܠܲܚܡܵܐ ܠܝ̈ܲܬܡܸܐ ܕܲܐܠܝܼܨܝܼܢ ܗܼܘܲܘ܃
00108_08 ܕܲܡܢܵܬ ܐܒܽܘܗܽܘܢ ܒܵܟ ܢܸܬܒܲܝܽܐܘܢ ܡܸܢ ܥܵܩ̈ܵܬܵܐ܀
00108_09 ܒܡܸܐܬܝܵܟ ܢܸܡܠܸܐ ܦܵܬܘܽܪܝ ܠܲܚܡܵܐ ܘܸܐܚܙܸܐ ܠܲܒ̈ܢܲܝ܃
00108_10 ܕܸܐܟܲܠܘ ܘܲܐܘܬܲܪܘ ܘܲܛܥܲܘ ܟܲܦܢܵܐ ܕܫܲܢܸܩ ܐܸܢܽܘܢ܀
00108_11 ܕܩܵ݁ܒܪܲܬ ܓܲܒܪܵܐ ܒܵܟ ܢܸܚܕܸܐ ܠܸܟܝ ܟܲܕ ܬܡܲܠܸܐ ܠܝܼ܃
00108_12 ܒܲܝܬܵܐ ܣܲܒܥܵܐ ܘܢܼܐܚܽܘܢ ܝܲܬܡܸ̈ܐ ܕܠܵܐ ܛܘܽܪܵܦܵܐ܀
00108_13 ܐܲܦܨܲܚ ܡܸܛܪܵܐ ܠܲܒܬܘ̈ܽܠܵܬܵܐ ܕܲܟܡܝܼܪ̈ܵܢ ܗܘ̈ܲܝ܃
00108_14 ܘܲܐܝܟ ܕܲܠܒܸܣܡܵܐ ܡܩܲܒ̈ܠܵܢ ܗܼܘ̈ܲܝ ܠܸܗ ܒܲܓܕܽܘ̈ܠܲܝܗܸܝܢ܀
00108_15 ܬܵܐ ܒܲܫܠܵܡܵܐ ܙܸܒܕܲܐ ܕܚܲܬ̈ܢܸܐ ܘܲܕܟܲܠܵܬܵܐ܃
00108_16 ܘܲܡܪܲܥܝܵܢܵܐ ܕܲܒܬܘ̈ܽܠܵܬܵܐ ܠܲܡܟܝܼܪ̈ܲܝܗܸܝܢ܀
00108_17 ܒܵܟ ܢܲܛܥܽܘܢܵܗ݀ ܥ̈ܵܠܡܸܐ ܠܟܽܠܵܗ݀ ܡܸܣܟܼܢܽܘܬܵܐ܃
00108_18 ܕܟ݂ܸܪܟܲܬ̤ ܐܸܢܽܘܢ ܡܸܢ ܟܽܠ ܓܲܒ̈ܝܼܢ ܥܲܕܠܵܐ ܬܼܐܬܸܐ܀
00108_19 ܬܲܣܓܸܐ ܒܲܐܪܥܵܐ ܚ̈ܠܘܽܠܸܐ ܘܫܲܝܢܵܐ ܘܟܽܠ ܚܲܕ̈ܘܵܬܵܐ܃
00108_20 ܘܬܸܛܥܸܐ ܒܪܝܼܬܵܐ ܚܲܫܵܗ݀ ܪܲܒܵܐ ܡܸܟܵܐ ܘܲܠܗܲܠ܀
00108_21 ܦܫܲܛܘ ܩܽܘܡ̈ܵܬܗܽܘܢ ܣ̈ܵܒܸܐ ܒܫܽܘ̈ܩܸܐ ܠܘܽܩܒܲܠ ܡܸܛܪܵܐ܃
00108_22 ܘܲܐܝܟ ܕܲܥ̈ܠܲܝܡܸܐ ܪ̈ܘܲܙܝ ܐܲܦܲܝ̈ܗܽܘܢ ܘܸܐܡܲܪܘ ܗܼܘܲܘ ܠܸܗ܀
00108_23 ܬܵܐ ܒܲܫܠܵܡܵܐ ܚܽܘܛܪܵܐ ܕܣ̈ܵܒܸܐ ܘܲܕܣ̈ܵܒܵܬܵܐ܃
00108_24 ܕܡܸܣܬܲܡܟܝܼܢ ܒܵܟ ܕܲܣܚܲܦ ܐܸܢܽܘܢ ܟܲܦܢܵܐ ܘܲܢܦܲܠܘ܀
00108_25 ܢ݁ܲܡܽܘܬ ܡܸܟܝܼܠ ܘܲܕܠܵܐ ܥܵܩܬܵܐ ܗ̄ܘ ܠܲܢ ܥܘܢܕܵܢܵܐ܃
00108_26 ܕܼܐܝܬ ܐܝܼܩܵܪܵܐ ܒܣܲܒܥܵܐ ܠܣ̈ܵܒܸܐ ܡܵܐ ܕܡܸܬܠܲܘܸܝܢ܀
00108_27 ܐܲܢܼܬ ܥܲܦܵܐ ܠܲܢ ܘܲܙܠܘܽܚ ܒܽܐܘܪܚܵܐ ܕܩܲܒܪܵܐ ܫܸܦܥ̈ܲܝܟ܃
00108_28 ܘܢܸܗܘܸܐ ܒܵܐܬܪܲܢ ܣܲܒܥܵܐ ܠܝܵܪ̈ܬܸܐ ܘܠܲܢ ܒܽܘܝܵܐܵܐ܀

▼ later lines