← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00107_95 ܐܵܣܝܵܐ ܕܪܲܘܡܵܐ ܐܲܘܫܸܛ ܐܝܼܕܸܗ ܘܡܲܠܝܵܐ ܡܸܛܪܵܐ܃
00107_96 ܘܓܲܫ ܠܲܡܚܽܘܬܸܗ ܕܥܵܠܡܵܐ ܒܫܸ̈ܦܥܸܐ ܘܸܐܬܚܲܠܡܲܬ̤ ܗܼܘܵܬ܀
00107_97 ܚܙܲܘ ܐܲܟܵܪܸ̈ܐ ܥܢܵܢܵܐ ܠܢܽܘܓܪܵܐ ܘܲܣܘܲܚܘ ܗܼܘܲܘ ܠܵܗ݀܃
00107_98 ܘܲܦܨܝܼܚܵܐܝܼܬ ܡܲܠܸܠܘ ܥܲܡܵܗ݀ ܕܲܡܒܲܪܲܟܬܵܐ܀܀
00107_99 ܬܵܝ ܒܲܫܠܵܡܵܐ ܒܲܪܼܬ ܚܲܕ̈ܘܵܬܵܐ ܕܪܸܓܙܲܬ̤ ܡܸܢܲܢ܃
00108_00 ܣܲܒܪܵܗ݀ ܕܲܐܪܥܲܢ ܒܸܟܝ ܬܸܬܒܲܝܲܐܐ ܕܲܐܒܝܼܠܵܐ ܗܼܘܵܬ܀
00108_01 ܬܵܝ ܠܸܟܝ ܕܲܐܝܬܝܼܬ݁ܝ ܐܸܕܪܵܐ ܘܟܲܪܝܵܐ ܘܣܲܒܥܵܐ ܪܲܒܵܐ܃
00108_02 ܕܡܸܢ ܕܲܐܪܦܝܼܬ݁ܝܼܢ ܐܵܦ ܗܽܘ ܠܲܚܡܵܐ ܥܪܲܩ ܠܸܗ ܡܸܢܲܢ܀
00108_03 ܬܵܝ ܦܽܘܩܝ ܘܲܒܢܵܝ ܓܕܝܼܫܸ̈ܐ ܪ̈ܵܡܸܐ ܒܓܲܘ ܚܲܩܠ̈ܵܬܲܢ܃
00108_04 ܕܡܸܢ ܟܸܕ ܫܲܢܝܼܬ݁ܝ ܐܵܦܠܵܐ ܚܨܵܕܵܐ ܚܙܵܐ ܠܵܗ݀ ܠܲܐܪܥܲܢ܀
00108_05 ܚܙܵܬ̤ ܐܲܪܡܲܠܬܵܐ ܡܸܛܪܵܐ ܘܕܵܨܲܬ̤ ܕܲܟܡܝܼܪܵܐ ܗܼܘܵܬ̤܃
00108_06 ܟܲܕ ܐܵܡܪܵܐ ܠܸܗ ܬܵܐ ܒܲܫܠܵܡܵܐ ܓܲܒܪܵܐ ܕܲܒܢ̈ܲܝ܀
00108_07 ܒܵܟ ܢܸܫܬܲܪܬܲܚ ܠܲܚܡܵܐ ܠܝ̈ܲܬܡܸܐ ܕܲܐܠܝܼܨܝܼܢ ܗܼܘܲܘ܃
00108_08 ܕܲܡܢܵܬ ܐܒܽܘܗܽܘܢ ܒܵܟ ܢܸܬܒܲܝܽܐܘܢ ܡܸܢ ܥܵܩ̈ܵܬܵܐ܀
00108_09 ܒܡܸܐܬܝܵܟ ܢܸܡܠܸܐ ܦܵܬܘܽܪܝ ܠܲܚܡܵܐ ܘܸܐܚܙܸܐ ܠܲܒ̈ܢܲܝ܃
00108_10 ܕܸܐܟܲܠܘ ܘܲܐܘܬܲܪܘ ܘܲܛܥܲܘ ܟܲܦܢܵܐ ܕܫܲܢܸܩ ܐܸܢܽܘܢ܀
00108_11 ܕܩܵ݁ܒܪܲܬ ܓܲܒܪܵܐ ܒܵܟ ܢܸܚܕܸܐ ܠܸܟܝ ܟܲܕ ܬܡܲܠܸܐ ܠܝܼ܃
00108_12 ܒܲܝܬܵܐ ܣܲܒܥܵܐ ܘܢܼܐܚܽܘܢ ܝܲܬܡܸ̈ܐ ܕܠܵܐ ܛܘܽܪܵܦܵܐ܀
00108_13 ܐܲܦܨܲܚ ܡܸܛܪܵܐ ܠܲܒܬܘ̈ܽܠܵܬܵܐ ܕܲܟܡܝܼܪ̈ܵܢ ܗܘ̈ܲܝ܃
00108_14 ܘܲܐܝܟ ܕܲܠܒܸܣܡܵܐ ܡܩܲܒ̈ܠܵܢ ܗܼܘ̈ܲܝ ܠܸܗ ܒܲܓܕܽܘ̈ܠܲܝܗܸܝܢ܀
00108_15 ܬܵܐ ܒܲܫܠܵܡܵܐ ܙܸܒܕܲܐ ܕܚܲܬ̈ܢܸܐ ܘܲܕܟܲܠܵܬܵܐ܃
00108_16 ܘܲܡܪܲܥܝܵܢܵܐ ܕܲܒܬܘ̈ܽܠܵܬܵܐ ܠܲܡܟܝܼܪ̈ܲܝܗܸܝܢ܀
00108_17 ܒܵܟ ܢܲܛܥܽܘܢܵܗ݀ ܥ̈ܵܠܡܸܐ ܠܟܽܠܵܗ݀ ܡܸܣܟܼܢܽܘܬܵܐ܃
00108_18 ܕܟ݂ܸܪܟܲܬ̤ ܐܸܢܽܘܢ ܡܸܢ ܟܽܠ ܓܲܒ̈ܝܼܢ ܥܲܕܠܵܐ ܬܼܐܬܸܐ܀
00108_19 ܬܲܣܓܸܐ ܒܲܐܪܥܵܐ ܚ̈ܠܘܽܠܸܐ ܘܫܲܝܢܵܐ ܘܟܽܠ ܚܲܕ̈ܘܵܬܵܐ܃
00108_20 ܘܬܸܛܥܸܐ ܒܪܝܼܬܵܐ ܚܲܫܵܗ݀ ܪܲܒܵܐ ܡܸܟܵܐ ܘܲܠܗܲܠ܀
00108_21 ܦܫܲܛܘ ܩܽܘܡ̈ܵܬܗܽܘܢ ܣ̈ܵܒܸܐ ܒܫܽܘ̈ܩܸܐ ܠܘܽܩܒܲܠ ܡܸܛܪܵܐ܃
00108_22 ܘܲܐܝܟ ܕܲܥ̈ܠܲܝܡܸܐ ܪ̈ܘܲܙܝ ܐܲܦܲܝ̈ܗܽܘܢ ܘܸܐܡܲܪܘ ܗܼܘܲܘ ܠܸܗ܀
00108_23 ܬܵܐ ܒܲܫܠܵܡܵܐ ܚܽܘܛܪܵܐ ܕܣ̈ܵܒܸܐ ܘܲܕܣ̈ܵܒܵܬܵܐ܃
00108_24 ܕܡܸܣܬܲܡܟܝܼܢ ܒܵܟ ܕܲܣܚܲܦ ܐܸܢܽܘܢ ܟܲܦܢܵܐ ܘܲܢܦܲܠܘ܀
00108_25 ܢ݁ܲܡܽܘܬ ܡܸܟܝܼܠ ܘܲܕܠܵܐ ܥܵܩܬܵܐ ܗ̄ܘ ܠܲܢ ܥܘܢܕܵܢܵܐ܃
00108_26 ܕܼܐܝܬ ܐܝܼܩܵܪܵܐ ܒܣܲܒܥܵܐ ܠܣ̈ܵܒܸܐ ܡܵܐ ܕܡܸܬܠܲܘܸܝܢ܀
00108_27 ܐܲܢܼܬ ܥܲܦܵܐ ܠܲܢ ܘܲܙܠܘܽܚ ܒܽܐܘܪܚܵܐ ܕܩܲܒܪܵܐ ܫܸܦܥ̈ܲܝܟ܃
00108_28 ܘܢܸܗܘܸܐ ܒܵܐܬܪܲܢ ܣܲܒܥܵܐ ܠܝܵܪ̈ܬܸܐ ܘܠܲܢ ܒܽܘܝܵܐܵܐ܀
00108_29 ܕܵܨܝ̈ ܟܽܠ ܡܽܘܫܚ̈ܵܢ ܠܘܽܩܒܲܠ ܡܸܛܪܵܐ ܕܲܐܦܨܲܚ ܐܸܢܝܼ̈ܢ܃
00108_30 ܘܲܪܒܵܬ̤ ܐܲܪܥܵܐ ܒܣܲܒܥܵܐ ܪܲܒܵܐ ܕܸܐܫܬܲܕܲܪ ܠܵܗ݀܀
00108_31 ܐܲܝܟ ܒܲܟܵܪܬܵܐ ܚܙܲܘ ܠܲܥܢܵܢܵܐ ܕܬܲܠܝܵܐ ܒܵܐܐܲܪ܃
00108_32 ܘܟܽܠܸܗ ܥܵܠܡܵܐ ܩܛܲܦ ܢܽܘܛܦ̈ܵܬܵܐ ܠܲܡܢܲܫܵܩܽܘ܀
00108_33 ܓܵܚ ܗܼܘܵܐ ܗܵܟܝܼܠ ܡܸܛܪܵܐ ܪܲܒܵܐ ܥܲܠ ܲܐܪ̈ܥܵܬܵܐ܃
00108_34 ܘܲܪܟܲܒ ܐܵܚܵܒ ܠܲܡܫܲܢܵܝܽܘ ܩܲܠܝܼܠܵܐܝܼܬ܀
00108_35 ܘܼܐܝܕܸܗ ܕܡܵܪܝܵܐ ܗܼܘܵܬ̤ ܐܲܝܟ ܕܲܟܬܝܼܒ ܥܲܠ ܐܸܠܝܼܵܐ܃
00108_36 ܘܸܐܣܲܪ ܚܲܨ̈ܲܘܗܼܝ ܘܲܪܗܸܛ ܒܽܐܘܪܚܵܐ ܩܕܵܡ ܥܲܘܵܠܵܐ܀
00108_37 ܠܡܸܛܪܵܐ ܪܲܒܵܐ ܚܙܵܐ ܗܼܘܵܐ ܡܲܠܟܵܐ ܪܲܦܝܵܐ ܘܲܕܚܸܠ܃
00108_38 ܘܲܕܠܵܐ ܢܸܕܚܲܠ ܫܲܕܲܪ ܡܵܪܝܵܐ ܢܒܝܼܸܗ ܥܲܡܸܗ܀
00108_39 ܕܵܚܽܘܠܬܵܢܵܐ ܥܢܵܢܵܐ ܪܲܒܬܵܐ ܚܙܵܐ ܘܸܐܣܬܲܪܲܕ܃
00108_40 ܘܚܵܝܽܘܣܬܵܢܵܐ ܦܩܲܕ ܗܼܵܘܐ ܠܥܲܒܕܸܗ ܕܢܸܥܒܲܪ ܥܲܡܸܗ܀
00108_41 ܚܙܵܝܗܼܝ ܠܲܪܒܝܼܥܵܐ ܘܲܐܝܟ ܡܸܢ ܝܲܡܵܐ ܕܚܸܠ ܗܼܘܵܐ ܡܸܢܸܗ܃
00108_42 ܘܚܲܕ ܡܲܠܵܚܵܐ ܬܡܝܼܗܵܐ ܢܲܩܦܸܗ ܕܢܼܐܙܲܠ ܥܲܡܸܗ܀
00108_43 ܠܸܘܝܵܐ ܛܵܒܵܐ ܗ݂ܘܵܐ ܗܼܘܵܐ ܢܒܝܼܵܐ ܠܡܲܠܟܵܐ ܕܲܕܚܸܠ܃
00108_44 ܘܒܲܝܢܵܬ ܫܸܦ̈ܥܸܐ ܡܲܥܒܲܪ ܗܼܘܵܐ ܠܸܗ ܕܢܼܐܬܸܐ ܠܲܐܬܪܸܗ܀
00108_45 ܚܽܘܪܘ ܒܡܽܘܟܵܟܸܗ ܕܓܲܒܪܵܐ ܪܲܒܵܐ ܘܲܐܠܵܗܵܝܵܐ܃

▼ later lines