← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00109_58 ܘܲܫܡܵܐ ܒܝܼܫܵܐ ܘܥܲܘܠܵܐ ܘܪܽܘܫܥܵܐ ܘܕܲܓܵܠܘܽܬܵܐ܀
00109_59 ܒܵܬܲܪ ܚܲܝ̈ܠܸܐ ܕܚܲܘܝܼ ܢܒܝܼܵܐ ܘܲܬܡܝܼܗ̈ܵܬܵܐ܃
00109_60 ܘܟܽܠ ܢܸܨܚ̈ܵܢܸܐ ܕܓܲܢܼܒܵܪܽܘܬܵܐ ܘܲܕܚܝܼ̈ܠܵܬܵܐ܀
00109_61 ܒܵܬܲܪ ܕܲܦܩܲܕ ܘܲܟܠܵܐ ܡܸܛܪܵܐ ܡܸܢ ܒܸܪ̈ܝܵܬܵܐ܃
00109_62 ܘܸܐܡܲܪ ܡܸܠܬܵܐ ܘܠܵܐ ܢܚܸܬ ܛܲܐܠܵܐ ܥܲܠ ܐܲܪ̈ܥܵܬܵܐ܀
00109_63 ܘܲܩܪܵܐ ܠܢܽܘܪܵܐ ܘܦܵܚܲܬ̤ ܢܸܚܬܲܬ̤ ܥܲܠ ܩܽܘܪܒܵܢܸܗ܃
00109_64 ܘܚܲܘܝܼ ܒܛܘܽܪܵܐ ܚܙܵܬܵܐ ܪܲܒܬܵܐ ܕܡܲܠܝܵܐ ܬܸܗܪܵܐ܀
00109_65 ܘܟܽܠܗܸܝܢ ܕܲܥܒܲܕ ܝܸܠܦܲܬ̤ ܐܝܼܙܒܸܠ ܫܲܪܝܼܪܵܐܝܼܬ܃
00109_66 ܘܒܵܬܲܪ ܟܽܠܗܸܝܢ ܬܸܩܛܘܽܠܝ ܓܸܙܡܲܬ̤ ܥܲܙܝܼܙܵܐܝܼܬ܀
00109_67 ܗܵܟܲܢܵܐ ܬܘܽܒ ܗܵܝ ܡܲܪܲܚܬܵܐ ܒܲܪܼܬ ܝܽܘܠܦܵܢܵܗ݀܃
00109_68 ܕܸܐܬܵܐ ܨܸܝܕܸܝܗ݀ ܡܵܪܸܐ ܢܒܝܼܸ̈ܐ ܡܲܟܝܼܟܵܐܝܼܬ܀
00109_69 ܘܲܣܥܲܪ ܚܲܝ̈ܠܸܐ ܘܕܲܟܝܼ ܓܲܪ̈ܒܸܐ ܘܲܐܫܡܲܥ ܕܽܘ̈ܓܸܐ܃
00109_70 ܘܫܲܚܠܸܦ ܡܲܝ̈ܵܐ ܘܲܐܣܓܝܼ ܠܲܚܡܵܐ ܘܣܲܒܲܥ ܐܲܠ̈ܦܸܐ܀
00109_71 ܘܲܐܣܝܼ ܟܪܝܼ̈ܗܸܐ ܘܲܐܚܝܼ ܡܝܼ̈ܬܸܐ ܘܒܵܬܲܪ ܟܽܠܗܸܝܢ܃
00109_72 ܠܲܘ ܓܸܙܡܲܬ̤ ܠܸܗ ܐܸܠܵܐ ܩܛܲܠܬܸ݂ܗ ܕܼܐܒܬܵܐ ܨܸܗܝܽܘܢ܀
00109_73 ܐܝܼܙܒܸܠ ܡܸܓܙܲܡ ܓܸܙܡܲܬ̤ ܒܲܠܚܽܘܕ ܥܲܠ ܐܸܠܝܼܵܐ܃
00109_74 ܙܟܵܬ݂ܵܗ݀ ܨܸܗܝܽܘܢ ܕܲܚܠܵܦ ܡܸ̈ܠܸܐ ܥܒܵܕܵܐ ܓܸܡܪܲܬ̤܀
00109_75 ܢܸܚܙܸܐ ܗܵܫܵܐ ܐܲܝܕܵܐ ܩܲܫܝܵܐ ܒܡܲܪܲܚܽܘܬܵܐ܃
00109_76 ܕܗܵܐ ܚܕܵܐ ܓܵܙܡܵܐ ܘܲܚܕܵܐ ܩܵܛܠܵܐ ܥܲܘܵܠܵܐܝܼܬ܀
00109_77 ܐܝܼܙܒܸܠ ܚܵܒܲܬ ܕܲܒܠܘܽܚܵܡܵܐ ܫܪܵܐ ܣܽܘܥܪܵܢܵܗ݀܃
00109_78 ܘܢܸܨܚܲܬ̤ ܒܲܕܡܵܐ ܗܵܝ ܩܵܛܘܽܠܬܵܐ ܡܗܝܼܪܬܵܐ ܨܸܗܝܽܘܢ܀
00109_79 ܡܸܢ ܨܲܝܕܢܵܝܬܵܐ ܕܓܸܙܡܲܬ̤ ܒܲܠܚܽܘܕ ܗܵܐ ܫܵܡܲܥ ܐܲܢܼܬ܃
00109_80 ܥܸܒܪܵܝܬܵܐ ܕܹܝܢ ܙܸܩܦܲܬ̤ ܩܸܛܠܬ̤ܲ ܘܲܙܥܽܘܪ ܗܼܽܘ ܠܵܗ݀܀
00109_81 ܐܵܦܠܵܐ ܐܝܼܙܒܸܠ ܗܝܼ ܐܸܬܬܲܟܣܲܬ̤ ܡܸܢ ܣܽܘܪܚܵܢܵܐ܃
00109_82 ܗܽܘ ܐܸܠܝܼܵܐ ܠܵܐ ܩܲܘܝܼ ܠܵܗ݀ ܕܲܥܪܲܩ ܗܼܘܵܐ ܠܸܗ܀
00109_83 ܘܲܠܡܵܢܵܐ ܟܲܝ ܕܚܸܠ ܐܸܠܝܼܵܐ ܡܸܢ ܫܵܛܝܼܬܵܐ܃
00109_84 ܟܲܕ ܓܸܙܡܲܬ̤ ܠܸܗ ܘܚܲܠܸܦ ܐܲܬܪܵܐ ܒܙܲܘܥܵܐ ܡܸܢܵܗ݀܀
00109_85 ܓܲܒܪܵܐ ܕܲܙܟܵܐ ܠܟܽܠܸܗ ܥܵܠܡܵܐ ܒܚܲܝ̈ܠܸܐ ܕܲܣܥܲܪ܃
00109_86 ܘܚܵܒܲܬ̤ ܡܸܢܸܗ ܟܽܠܵܗ݀ ܒܪܝܼܬܵܐ ܒܓܽܘܢܚܸ̈ܐ ܕܲܥܒܲܕ܃
00109_87 ܘܸܐܫܬܲܥܒܲܕܘ ܠܗ ܟܝ̈ܵܢܸܐ ܚܲܪ̈ܫܸܐ ܘܕܽܘܒܵܪ̈ܲܝܗܽܘܢ܃
00109_88 ܘܸܐܠܵܐ ܡܸܪܡܲܙ ܠܵܐ ܪܵܡܸܙ ܗܼܘܵܐ ܘܗܵܘܸܐ ܡܸܕܸܡ܃
00109_89 ܘܣܝܼܡܝܼܢ ܗܼܘܲܘ ܠܸܗ ܦܟܵܪܸ̈ܐ ܕܥܵܠܡܵܐ ܒܪܝܼܫ ܠܸܫܵܢܸܗ܀
00109_90 ܘܸܐܢ ܦܵܩܸܕ ܗܼܘܵܐ ܠܟܽܠܵܗ݀ ܒܪܝܼܬܵܐ ܡܸܬܡܲܣܝܵܐ ܗܼܘܵܬ܃
00109_91 ܘܢܲܩܝܵܐ ܘܩܵܝܡܵܐ ܢܽܘܪܵܐ ܕܬܸܫܡܲܥܝ ܟܽܠ ܕܵܐܡܲܪ ܠܵܗ݀܃
00109_92 ܘܡܸܬܥܲܢܝܵܐ ܠܸܗ ܕܸܐܢ ܦܵܩܸܕ ܠܵܗ݀ ܘܡܲܝ̈ܵܐ ܬܲܘܩܸܕܝ܀
00109_93 ܘܗܵܢܵܐ ܓܲܒܪܵܐ ܕܗܵܢܵܐ ܚܲܝܠܵܐ ܩܢܵܐ ܗܼܘܵܐ ܟܽܠ ܝܽܘܡ܃
00109_94 ܠܡܵܢܵܐ ܕܚܸܠ ܟܲܝ ܡܸܢ ܙܲܠܝܼܠܬܵܐ ܟܲܕ ܓܸܙܡܲܬ̤ ܠܸܗ܀
00109_95 ܪܵܐܙܵܐ ܕܡܵܪܸܗ ܙܲܩܬܸܗ ܒܚܲܫܵܐ ܕܲܢܫܲܢܸܐ ܗܼܘܵܐ܃
00109_96 ܟܲܕ ܐܵܡܲܪ ܠܸܗ ܚܲܠܸܦ ܐܲܬܪܵܐ ܩܲܠܝܼܠܵܐܝܼܬ܀
00109_97 ܐܝܼܙܒܸܠ ܓܸܙܡܲܬ̤ ܚܵܬܵܗ݀ ܕܨܸܗܝܽܘܢ ܨܲܗܝܲܬ̤ ܠܲܕܡܵܐ܃
00109_98 ܐܲܫܲܪ ܘܲܕܚܲܠ ܘܲܥܪܽܘܩ ܡܸܢܵܗ݀ ܕܠܵܐ ܬܸܦܓܲܥܝ ܒܵܟ܀
00109_99 ܐܽܘܪܚܵܐ ܕܲܕܡܵܐ ܣܲܓܝܼ ܪܲܒܵܐ ܘܠܲܘ ܕܝܼܠܵܟ ܗܝܼ܃