The Comprehensive Aramaic Lexicon

00109_14	ܘܸܐܟܠܲܬ̤ ܐܸܢܽܘܢ ܘܲܕܩܵܐܸܡ ܗܼܵܘܐ ܥܒܲܕܘ ܐܲܝܟ ܕܲܨܒ݂ܵܐ܀
00109_15	ܥܡܝܼܪܵܐ ܗܼܘܲܘ ܠܵܗ݀ ܡܲܝ̈ܵܐ ܠܢܽܘܪܵܐ ܘܒܸܠܥܲܬ̤ ܐܸܢܽܘܢ܃
00109_16	ܕܫܲܠܝܼܛ ܓܲܒܪܵܐ ܐܵܦ ܥܲܠ ܡܲܝ̈ܵܐ ܢܫܲܥܒܸܕ ܐܸܢܽܘܢ܀
00109_17	ܢܽܘܪܵܐ ܘܡܲܝ̈ܵܐ ܡܸܫܬܲܡܥܝܼܢ ܠܸܗ ܘܡܲܢ ܙܵܟܸܐ ܠܗܸ܃
00109_18	ܬܡܝܼܗ ܗܼܽܘ ܓܲܒܪܵܐ ܕܟܽܠ ܡܽܘܢ ܕܒܵܥܸܐ ܕܝܼܠܸܗ ܩܵܡܲܬ̤܀
00109_19	ܐܵܡܪܵܐ ܐܝܼܙܒܸܠ ܟܲܕܽܘ ܫܓܝܼܫ ܐܲܢܼܬ ܠܲܡܢܲܨܵܚܽܘ܃
00109_20	ܠܚܲܕ ܚܲܠܵܫܵܐ ܕܠܵܐ ܡܬܘܽܡ ܚܸܫܒܸܬ ܐܵܦܠܵܐ ܕܼܐܝܬܲܘܗܼܝ܀
00109_21	ܐܲܝܟܵܐ ܐܸܢܽܘܢ ܢܒܝܼܸ̈ܐ ܕܒܲܥܠܵܐ ܘܲܕܕܸܚܠ̈ܵܬܵܐ܃
00109_22	ܗܸܢܽܘܢ ܢܼܐܬܘܽܢ ܢܸܫܬܲܥܽܘܢ ܠܝܼ ܘܲܫܠܝܼ ܠܵܟ ܐܲܢ̄ܬ܀
00109_23	ܐܵܡܲܪ ܐܵܚܵܒ ܐܲܫܲܪܝ ܘܲܫܡܲܥܝ ܐܲܝܟ ܕܸܐܡܪܸܬ ܠܸܟܝ܃
00109_24	ܠܲܢܒܝܼܸ̈ܐ ܓܹܝܪ ܩܲܛܸܠ ܐܸܢܽܘܢ ܘܲܐܘܒܸܕ ܐܸܢܽܘܢ܀
00109_25	ܒܵܬܲܪ ܕܲܥܒܲܕ ܗܵܝ ܬܸܕܡܽܘܪܬܵܐ ܐܲܝܟܲܢ ܕܸܐܡܪܸܬ܃
00109_26	ܕܚܲܕ ܗܼܽܘ ܡܵܪܝܵܐ ܟܽܠܸܗ ܥܲܡܵܐ ܩܥܵܐ ܡܸܢ ܣܵܟܸܗ܀
00109_27	ܘܲܦܩܲܕ ܓܲܒܪܵܐ ܘܩܵܡܘ ܥܸܒܪ̈ܵܝܸܐ ܒܚܲܕ ܨܸܒܝܵܢܵܐ܃
00109_28	ܘܟܽܠܸܗ ܥܲܡܵܐ ܠܒܲܟܘ ܠܲܢܒܝܼܸ̈ܐ ܬܫܲܥܡܵܐܐ ܕܝܼܠܲܢ܀
00109_29	ܘܲܗܘܵܐ ܐܲܝܟ ܐܲܪܝܵܐ ܕܲܨܗܸܐ ܠܲܕܡܵܐ ܢܗܲܡ ܠܲܬܒܵܪܵܐ܃
00109_30	ܘܲܕܠܵܐ ܪܲܚ̈ܡܸܐ ܫܩܲܠ ܣܲܟܝܼܢܵܐ ܘܲܢܟܲܣ ܐܸܢܽܘܢ܀
00109_31	ܟܲܕ ܕܹܝܢ ܫܸܡܥܲܬ̤ ܐܝܼܙܒܸܠ ܗܵܠܸܝܢ ܕܸܐܫܬܲܡܲܫܝ̈ ܗܘ̈ܲܝ܃
00109_32	ܘܕܸܐܬܩܲܛܲܠܘ ܗܼܘܲܘ ܟܽܠܗܽܘܢ ܟܽܘܡܪܸ̈ܐ ܕܲܥܠܲܘܵ̈ܬܵܗ݀܀
00109_33	ܘܕܲܙ݂ܟܵܐ ܡܵܪܝܵܐ ܘܲܒܢܸܨܚ̈ܵܢܸܐ ܥܬܲܪ ܐܸܠܝܼܵܐ܃
00109_34	ܘܲܕܚܵܒ ܒܲܥܠܵܐ ܘܲܗܘܵܐ ܓܽܘܚܟܵܐ ܩܕܵܡ ܥܸܒܪ̈ܵܝܸܐ܀
00109_35	ܘܕܸܐܟܠܲܬ̤ ܚܲܪܒܵܐ ܠܟܽܠܗܽܘܢ ܢܒܝܼܸ̈ܝܗ݀ ܘܲܒܢ̈ܲܝ ܪܵܐܙܵܗ݀܃
00109_36	ܘܕܲܐܘܕܝܼ ܟܽܠܸܗ ܥܲܡܵܐ ܠܡܵܪܝܵܐ ܒܩܵܠܵܐ ܪܵܡܵܐ܀
00109_37	ܗܲܝܕܸܝܢ ܓܸܙܡܲܬ̤ ܨܸܗܝܲܬ̤ ܠܲܕܡܵܐ ܥܲܠ ܐܸܠܝܼܵܐ܃
00109_38	ܘܲܒܠܘܽܚܵܡܵܐ ܘܚܸܡܬܵܐ ܕܩܸܛܠܵܐ ܡܸܫܬܲܓܪܵܐ ܗܼܘܵܬ̤܀

00109_39	ܣܠܸܩ ܗܼܘܵܐ ܪܽܘܓܙܵܗ݀ ܐܲܝܟ ܬܸܢܵܢܵܐ ܥܠܲܘܗܼܝ ܕܲܒܬܘܽܠܵܐ܃

00109_40	ܘܸܐܬܬܥܝܼܪ ܗܼܘܵܐ ܒܵܗ݀ ܛܢܵܢܵܐ ܪܲܒܵܐ ܠܡܲܘܒܵܕܽܘܬܸܗ܀
00109_41	ܚܙܵܬ̤ ܪܲܫܝܼܥܬܵܐ ܕܦܲܪܣܝܼ ܓܲܒܵܐ ܠܕܲܓܵܠܘܽܬܵܗ݀܃
00109_42	ܘܸܐܬܛܲܝܒܲܬ̤ ܗܼܘܵܬ ܕܬܸܐܫܽܘܕܝ ܠܲܕܡܵܗ ܣܵܪܽܘܚܵܐܝܼܬ܀
00109_43	ܘܲܒܡܲܘܡܵܬܵܐ ܕܝܼܠܵܗ݀ ܪܲܒܬܵܐ ܫܸܠܚܲܬ̤ ܨܸܝܕܲܘܗܼܝ܃
00109_44	ܟܲܕ ܝܵܡܝܵܐ ܠܵܗ݀ ܒܕܲܓܵܠܘܽܬܵܐ ܕܫܲܪܝܼܪܵܐ ܠܵܗ݀܀
00109_45	ܗܵܟܲܢܵܐ ܠܲܡ ܐܸܗܘܸܐ ܣܢܝܼܬܵܐ ܡܸܢ ܐܲܠ̈ܵܗܸܐ܃
00109_46	ܘܠܵܐ ܢܚܽܘܪܽܘܢ ܒܝܼ ܚܲܒܝܼܒܵܐܝܼܬ ܡܸܟܵܐ ܘܲܠܗܲܠ܀
00109_47	ܘܲܡܥܝܼܩܝܼܢ ܠܝܼ ܟܲܕ ܪܵܓܙܝܼܢ ܥܠܲܝ ܘܡܸܬܢܲܟܪܝܼܢ ܡܸܢܝ܃
00109_48	ܘܠܵܐ ܡܩܲܒܠܝܼܢ ܬܘܽܒ ܕܸܒܚ̈ܲܝ ܘܢܸܕܪ̈ܲܝ ܐܲܝܟ ܕܲܡܥܵܕܝܼܢ܀
00109_49	ܘܣܵܥܪܝܼܢ ܨܸܝܕܲܝ ܟܽܠ ܒܝܼܫ̈ܵܬܵܐ ܐܸܠܵܐ ܠܲܡܚܵܪ܃
00109_50	ܒܗܵܢ ܥܸܕܵܢܵܐ ܐܸܥܒܕܸܝܗ݀ ܠܢܲܦܫܵܟ ܐܲܝܟ ܕܚܲܕ ܡܸܢܗܽܘܢ܀
00109_51	ܐܝܼܙܒܸܠ ܐܸܩܪܸܝܗ݀ ܠܗܵܕܸܐ ܕܓܸܙܡܲܬ̤ ܥܲܠ ܐܸܠܝܼܵܐ܃
00109_52	ܐܲܘ݁ ܨܸܗܝܽܘܢ ܟܲܝ ܨܝܼܪܵܐ ܗܼܘܵܬ̤ ܒܵܗ݀ ܒܡܲܣܲܒܬܵܐ܀
00109_53	ܐܲܝܕܵܐ ܡܸܢܗܸܝܢ ܕܵܡܝܵܐ ܠܲܐܝܕܵܐ ܕܲܢܕܲܡܝܵܗ݀ ܠܵܗ݀܃
00109_54	ܨܸܗܝܼܘܢ ܠܼܐܝܙܒܸܠ ܐܲܘ݁ ܗܝܼ ܠܨܸܗܝܽܘܢ ܩܵܛܠܲܬ̤ ܡܵܪܵܗ݀܀
00109_55	ܐܲܘ݁ ܐܸܡܵܗ݀ ܗܝܼ ܕܨܸܗܝܽܘܢ ܐܝܼܙܒܸܠ ܒܲܥܒܝܼܕ̈ܵܬܵܗ݀܃
00109_56	ܘܸܐܠܵܐ ܚܒܲܪܬܵܗ݀ ܐܲܘ݁ ܣܵܦܲܪܬܵܗ݀ ܘܒܲܪܼܬ ܪܸܥܝܵܢܵܗ݀܀
00109_57	ܥܒܵܕܗܸܝܢ ܚܲܕ ܗܼܽܘ ܘܡܲܪܵܚܽܘܬܵܐ ܘܛܵܠܘܽܡܽܘܬܵܐ܃
00109_58	ܘܲܫܡܵܐ ܒܝܼܫܵܐ ܘܥܲܘܠܵܐ ܘܪܽܘܫܥܵܐ ܘܕܲܓܵܠܘܽܬܵܐ܀
00109_59	ܒܵܬܲܪ ܚܲܝ̈ܠܸܐ ܕܚܲܘܝܼ ܢܒܝܼܵܐ ܘܲܬܡܝܼܗ̈ܵܬܵܐ܃
00109_60	ܘܟܽܠ ܢܸܨܚ̈ܵܢܸܐ ܕܓܲܢܼܒܵܪܽܘܬܵܐ ܘܲܕܚܝܼ̈ܠܵܬܵܐ܀
00109_61	ܒܵܬܲܪ ܕܲܦܩܲܕ ܘܲܟܠܵܐ ܡܸܛܪܵܐ ܡܸܢ ܒܸܪ̈ܝܵܬܵܐ܃
00109_62	ܘܸܐܡܲܪ ܡܸܠܬܵܐ ܘܠܵܐ ܢܚܸܬ ܛܲܐܠܵܐ ܥܲܠ ܐܲܪ̈ܥܵܬܵܐ܀
00109_63	ܘܲܩܪܵܐ ܠܢܽܘܪܵܐ ܘܦܵܚܲܬ̤ ܢܸܚܬܲܬ̤ ܥܲܠ ܩܽܘܪܒܵܢܸܗ܃
00109_64	ܘܚܲܘܝܼ ܒܛܘܽܪܵܐ ܚܙܵܬܵܐ ܪܲܒܬܵܐ ܕܡܲܠܝܵܐ ܬܸܗܪܵܐ܀