← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00110_00 ܠܡܵܪܵܟ ܛܲܪܝܼܗ݀ ܕܼܐܝܬ ܒܸܗ ܚܲܝܠܵܐ ܕܢܗܲܠܸܟ ܒܵܗ݀܀
00110_01 ܩܲܫܝܵܐ ܗܼܝ ܡܸܢܵܟ ܗܸܪܬܵܐ ܕܩܸܛܠܵܐ ܕܲܠܚܝܼܡܵܐ ܠܵܟ܃
00110_02 ܥܪܽܘܩ ܘܲܐܪܦܸܐ ܠܵܗ݀ ܡܵܪܵܟ ܐܵܬܸܐ ܘܒܸܗ ܡܸܫܬܲܪܝܵܐ܀
00110_03 ܐܝܼܙܒܸܠ ܨܸܗܝܽܘܢ ܫܽܘܦܪܵܐ ܚܙܵܬ̤ ܒܵܟ ܡܸܢ ܕܲܡܫܝܼܚܵܐ܃
00110_04 ܘܸܐܢ ܠܵܒܟܵܐ ܠܵܟ ܡܽܘܢ ܕܲܢܛܝܼܪ ܠܸܗ ܠܵܟ ܫܵܚܸܩ ܠܵܟ܀
00110_05 ܚܲܪܒܵܗ݀ ܠܸܛܫܲܬ̤ ܥܲܠ ܝܼܚܝܼܕܵܐ ܘܗܵܐ ܣܝܼܡܵܐ ܠܵܗ݀܃
00110_06 ܘܸܐܢ ܐܵܚܕܵܐ ܠܵܟ ܒܵܟ ܒܵܩܝܵܐ ܠܵܗ݀ ܐܸܢ ܚܲܪܝܼܦܵܐ܀
00110_07 ܪܽܘܡܚܵܐ ܛܥܝܼܢܵܐ ܘܠܵܐ ܣܝܼܡܵܐ ܠܵܗ݀ ܐܸܠܵܐ ܩܸܛܠܲܬ܃
00110_08 ܫܲܢܵܐ ܠܵܟ ܐܲܢܼܬ ܕܲܡܚܝܼܠ ܓܲܒܵܟ ܠܲܡܣܲܝܒܵܪܽܘ܀
00110_09 ܐܸܢ ܡܵܐܸܬ ܐܲܢܼܬ ܥܵܠܡܵܐ ܡܸܕܸܡ ܠܵܐ ܡܸܬܥܲܕܲܪ܃
00110_10 ܥܪܽܘܩ ܡܸܢ ܡܲܘܬܲܐ ܠܡܵܪܵܟ ܝܵܐܸܐ ܕܗܽܘ ܢܸܦܓܲܥ ܒܸܗ܀
00110_11 ܗܲܘ ܓܲܢܼܒܵܪܵܐ ܕܡܵܨܸܐ ܕܢܸܛܥܲܢ ܚܲܫ̈ܲܘܗܼܝ ܕܵܐܕܵܡ܃
00110_12 ܘܼܐܝܬ ܒܸܗ ܚܲܝܠܵܐ ܢܸܒܪܽܘܟ ܘܲܢܩܽܘܡ ܡܸܢ ܡܲܦܽܘܠܬܵܐ܀
00110_13 ܘܪܽܘܡܚܵܐ ܕܚܲܪܒܵܐ ܩܲܗܝܵܐ ܒܣܸܛܪܸܗ ܘܗܽܘ ܠܵܐ ܚܵܐܸܒ܃
00110_14 ܘܲܡܫܲܗܸܐ ܠܸܗ ܠܩܼܐܪܣܵܐ ܕܲܕܡܵܐ ܘܗܽܘ ܡܸܬܓܲܢܼܒܲܪ܀
00110_15 ܘܼܐܝܬ ܒܸܗ ܚܲܝܠܵܐ ܕܢܸܥܽܘܠ ܢܸܥܩܽܘܪ ܫܽܘܪܸ̈ܝܗ݀ ܕܲܫܝܽܘܠ܃
00110_16 ܘܡܵܐ ܕܦܵܟܪܝܼܢ ܠܸܗ ܫܵܪܸܐ ܐܣܝܼܪܸ̈ܐ ܘܡܲܦܸܩ ܥܲܡܸܗ܀
00110_17 ܘܩܵܪܸܐ ܒܗܵܡܵܢ ܪܲܒܬܵܐ ܕܡܝܼ̈ܬܸܐ ܘܪܵܥܠܵܐ ܡܸܢܸܗ܃
00110_18 ܘܢܵܦܠܝܼܢ ܩܽܘܕܡܲܘܗܼܝ ܬܲܪ̈ܥܸܝܗ݀ ܪ̈ܵܡܸܐ ܡܵܐ ܕܥܵܐܸܠ ܠܵܗ݀܀
00110_19 ܘܡܲܚܪܸܒ ܓܲܙܸ̈ܝܗ݀ ܘܲܚܒܽܘܫ̈ܵܬܵܗ݀ ܘܲܡܣܲܪܸܩ ܠܵܗ݀܃
00110_20 ܘܲܕܠܵܐ ܚܒܵܠܵܐ ܢܵܦܸܩ ܡܸܢܗ݀ ܥܲܡ ܣܲܓܝܼܸ̈ܐܐ܀
00110_21 ܐܲܢܼܬ ܐܸܠܝܼܵܐ ܥܪܽܘܩ ܡܸܢ ܡܲܘܬܵܐ ܕܸܐܢ ܡܵܐܸܬ ܐܲܢܼܬ܃
00110_22 ܬܲܘܬܲܪ ܡܸܕܸܡ ܠܲܒܢܲܝܢܵܫܵܐ ܠܵܐ ܡܸܫܟܲܚ ܐܲܢܼܬ܀
00110_23 ܠܒܲܪ ܐܲܠܵܗܵܐ ܢܛܝܼܪܵܐ ܐܘܽܪܚܸܗ ܕܢܼܐܬܸܐ ܘܲܢܡܽܘܬ܃
00110_24 ܘܢܸܬܸܠ ܚܲܝܸ̈ܐ ܠܥܵܠܡܵܐ ܟܽܠܸܗ ܒܡܲܘܬܸܗ ܪܲܒܵܐ܀
00110_25 ܫܲܦܝܼܪ ܡܵܕܸܝܢ ܘܦܵܐܸܐ ܗܼܘܵܐ ܠܸܗ ܟܲܕ ܥܵܪܸܩ ܗܼܘܵܐ܃
00110_26 ܢܒܝܼܵܐ ܡܸܢܵܗ݀ ܕܲܡܣܲܝܲܒܬܵܐ ܟܲܕ ܓܸܙܡܲܬ̤ ܠܸܗ܀
00110_27 ܚܲܫܵܐ ܕܡܵܪܸܗ ܛܪܵܝܗܼܝ ܗܼܘܵܐ ܕܢܸܚܲܫ ܘܲܢܫܲܢܸܐ ܠܸܗ܃
00110_28 ܢܸܛܥܲܡ ܐܵܦ ܗܽܘ ܩܲܠܝܼܠ ܡܸܢܸܗ ܟܲܕ ܥܵܪܸܩ ܗܼܘܵܐ܀
00110_29 ܛܸܒܵܐ ܕܡܲܘܬܵܐ ܫܡܲܥ ܡܸܢ ܪܽܘܚܩܵܐ ܘܙܵܥ ܘܲܥܪܲܩ ܗܼܘܵܐ܃
00110_30 ܠܡܵܪܸܗ ܫܽܘܒܚܵܐ ܕܣܲܝܒܲܪ ܩܸܛܠܵܐ ܚܠܵܦ ܚܲܛ̈ܵܝܸܐ܀