← Back
The Comprehensive Aramaic Lexicon
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00204_3 ܠܟܽܠܸܗ ܟܸܢܫܵܐ ܕܲܒܢ̈ܲܝ ܐܵܕܵܡ ܚܛܝܼܬܵܐ ܚܸܪܒܲܬ܃
00204_4 ܘܸܐܠܵܐ ܡܵܪܲܢ ܠܵܐ ܐܸܬܦܲܠܲܛ ܟܲܕ ܙܲܟܵܝܵܐ ܗ̄ܘ܀
00204_5 ܠܟܽܠܵܗ݀ ܓܽܘܕܵܐ ܗܵܝ ܕܲܢܒܝܼܸ̈ܐ ܐܝܼܙܒܸܠ ܩܸܛܠܲܬ܃
00204_6 ܘܸܐܠܵܐ ܗܵܢܵܐ ܢܒܝܼܵܐ ܕܐ̄ܪ̈ܵܙܸܐ ܠܵܐ ܐܸܬܦܲܠܲܛ܀
00204_7 ܡܸܢ ܨܲܝܕܢܵܝܬܵܐ ܚܲܕ ܗ̄ܽܘ ܢܒܝܼܵܐ ܐܸܬܦܲܨܝܼ ܗ̄ܘܵܐ܃
00204_8 ܐܵܦ ܠܲܚܛܝܼܬܵܐ ܚܲܕ ܗ̄ܽܘ ܒܲܠܚܽܘܕ ܕܲܙܟܵܐ ܘܲܩܛܲܠ܀
00204_9 ܟܸܐܡܲܬ ܐܝܼܙܒܸܠ ܩܢܽܘܡܵܐ ܘܓܽܘܫܡܵܐ ܗܘܵܬ ܠܲܚܛܝܼܬܵܐ܃
00205_0 ܘܗܽܘ ܐܸܠܝܼܵܐ ܨܽܘܪܬܵܐ ܘܛܽܘܦܣܵܐ ܠܒܲܪ ܐܲܠܵܗܵܐ܀
00205_1 ܚܛܝܼܬܵܐ ܫܸܠܛܲܬ ܒܲܒܢܲܝܢܵܫܵܐ ܘܚܸܪܒܲܬ ܐܸܢܽܘܢ܃
00205_2 ܘܼܐܝܙܒܸܠ ܐܸܚܕܲܬ ܐܵܦ ܠܲܢܒܝܼܸ̈ܐ ܘܩܲܛܠܲܬ ܐܸܢܽܘܢ܀
00205_3 ܐܸܢܵܐ ܗ̄ܘ ܒܲܠܚܽܘܕ ܠܲܡ ܐܸܫܬܲܚܪܸܬ ܢܒܝܼܵܐ ܠܡܵܪܝܵܐ܃
00205_4 ܐܲܝܟ ܕܸܐܬܐܲܡܪܲܬ ܕܸܐܢܵܐ ܙܟܝܼܬܸܗ ܠܥܵܠܡܵܐ ܒܲܠܚܽܘܕ܀
00205_5 ܒܟܽܠܡܸܕܸܡ ܓܹܝܪ ܕܵܡܸܐ ܢܒܝܼܵܐ ܠܲܟܢܲܘ̈ܵܬܸܗ܃
00205_6 ܣܛܲܪ ܡܸܢ ܕܼܐܝܙܒܸܠ ܠܵܐ ܩܛܲܠܬܸܗ ܗ̄ܘܵܬ ܐܲܝܟ ܕܲܠܚܲܒܪ̈ܲܘܗ̄ܝ܀
00205_7 ܘܲܒܟܽܠܡܸܕܸܡ ܐܸܬܕܲܡܝܼ ܠܲܢ ܒܲܪ ܐܲܠܵܗܵܐ܃
00205_8 ܣܛܲܪ ܡܸܢ ܚܛܝܼܬܵܐ ܕܠܵܐ ܫܸܠܛܲܬ ܒܸܗ ܐܲܝܟ ܕܲܒܓܸܢܣܲܢ܀
00205_9 ܡܲܢ ܟܲܝ ܡܲܡܐܸܢ ܡܵܐ ܕܲܡܡܲܠܸܠ ܥܲܡ ܝܽܘܠܦܵܢܵܐ܃
00206_0 ܘܡܲܢܽܘ ܡܲܚܸܒ ܢܼܐܬܲܪ ܡܸܢܸܗ ܟܲܕ ܠܵܐ ܡܲܡܐܸܢ܀
00206_1 ܠܲܐܝܢܵܐ ܕܨܲܠܝܵܐ ܐܸܕܢܸܗ ܒܚܽܘܒܵܐ ܠܸܗ ܐܵܡܲܪ ܐ̄ܢܵܐ܃
00206_2 ܠܲܐ̄ܚܪܼܢܵܐ ܕܹܝܢ ܡܸܫܠܵܐ ܫܠܸܐ ܐ̄ܢܵܐ ܡܸܛܽܠ ܦܽܘܪܣܵܐ܀
00206_3 ܫܸܬܩܵܐ ܪܲܒܵܐ ܚܫܽܘܒܝܼܗ݀ ܠܡܸܠܲܬܝ ܐܲܘ ܕܠܵܐ ܡܲܚܸܒ܃
00206_4 ܒܲܠܚܽܘܕ ܡܼܐܩܲܪ ܠܵܐ ܬܼܐܩܲܪ ܠܵܟ ܡܵܐ ܕܡܸܬܐܲܡܪܵܐ܀
00206_5 ܐܝܼܬ ܗ̄ܽܘ ܐ̄ܚܪܼܢܵܐ ܘܲܐܠܝܼܨ ܢܸܫܡܲܥ ܚܲܒܝܼܒܵܐܝܼܬ܃
00206_6 ܘܠܸܗ ܐܵܡܲܪ ܐ̄ܢܵܐ ܘܲܫܠܸܐ ܐ̄ܢܵܐ ܠܵܟ ܟܲܕ ܡܲܚܸܒ ܐ̄ܢܵܐ܀
00206_7 ܥܠܲܝܟ ܠܵܐ ܐܼܩܲܪ ܕܠܲܘ ܠܵܟ ܐܸܡܪܸܬ ܐܲܘ ܐܵܡܲܪ ܐ̄ܢܵܐ܃

00206_8 ܕܲܠܝܽܘܠܦܵܢܵܐ ܘܲܥܕܵܐ ܐܝܼܬ ܠܸܗ ܐܵܦ ܐܲܘܵܢܵܐ܀

00206_9 ܡܲܬܩܲܢ ܗ̄ܽܘ ܠܸܗ ܨܹܝܕ ܚܲܒܝܼܒܲܘ̈ܗ̄ܝ ܢܸܫܪܸܐ ܬܲܡܵܢ܃
00207_0 ܘܲܕܠܵܐ ܦܬܝܼܚ ܠܸܗ ܬܲܪܥܵܐ ܕܸܐܕܢܵܟ ܠܵܐ ܢܵܩܸܫ ܒܸܗ܀
00207_1 ܝܽܘܠܦܵܢܵܐ ܓܹܝܪ ܡܲܟܝܼܟܵܐܝܼܬ ܪܵܕܸܐ ܒܽܐܘܪܚܸܗ܃
00207_2 ܘܸܐܠܵܐ ܐܲܚܕܸܗ ܐ̄ܢܵܫ ܒܲܦܝܵܣܵܐ ܠܵܐ ܫܪܵܐ ܨܸܐܕܲܘܗ̄ܝ܀
00207_3 ܡܸܢ ܡܲܫܡܲܥܬܵܐ ܕܠܵܐ ܦܬܝܼܚܵܐ ܠܸܗ ܡܸܥܪܲܩ ܥܵܪܸܩ܃
00207_4 ܐܲܝܟ ܐܸܠܝܼܵܐ ܡܸܢ ܨܲܝܕܢܵܝܬܵܐ ܟܲܕ ܓܸܙܡܲܬ ܠܸܗ܀
00207_5 ܥܪܲܩ ܐܸܠܝܼܵܐ ܠܵܐ ܗ̄ܘܵܐ ܕܢܸܥܪܽܘܩ ܐܲܝܟ ܕܸܐܣܬܲܒܪܲܬ܃
00207_6 ܐܸܠܵܐ ܕܢܸܗܘܸܐ ܨܽܘܪܬܵܐ ܘܛܽܘܦܣܵܐ ܠܒܲܪ ܐܲܠܵܗܵܐ܀
00207_7 ܚܛܝܼܬܵܐ ܒܼܐܝܙܒܸܠ ܐܸܬܚܲܙܝܲܬ ܠܵܗ݀ ܐܲܝܟ ܕܸܐܡܲܪܢܲܢ܃
00207_8 ܘܲܕܠܵܐ ܢܸܡܛܸܝܘܗ̄ܝ ܡܸܢ ܬܸܢܵܢܵܗ݀ ܐܲܪܦܝܼ ܘܲܥܪܲܩ܀
00207_9 ܢܩܲܕ ܗ̄ܘܵܐ ܢܒܝܼܵܐ ܕܢܸܗܘܸܐ ܕܲܦܵܐ ܠܨܲܠܡܸܗ ܕܲܒܪܵܐ܃
00208_0 ܘܥܲܠ ܗܵܝ ܢܲܦܫܸܗ ܨܵܪ ܒܸܗ ܡܵܪܲܢ ܐ̄ܪܵܙܵܢܵܐܝܼܬ܀
00208_1 ܐܵܦ ܫܵܘܝܵܐ ܗ̄ܘܵܬ ܗܵܝ ܒܲܪ̄ܬ ܚܲܢ̈ܦܸܐ ܕܬܸܗܘܸܐ ܐܵܦ ܗܝܼ܃
00208_2 ܚܛܝܼܬܵܐ ܒܛܽܘܦܣܵܐ ܘܨܲܠܡܵܐ ܪܲܒܵܐ ܠܟܽܠܵܗ݀ ܛܽܘܥܝܲܝ܀
00208_3 ܕܵܡܸܐ ܗ̄ܘܵܐ ܕܹܝܢ ܐܵܚܵܒ ܠܵܐܕܵܡ ܢܲܗܝܼܪܵܐܝܼܬ܃
00208_4 ܕܲܛܥܵܐ ܗܵܢܵܐ ܘܲܐܚܢܸܦ ܗܵܢܵܐ ܟܲܕ ܠܵܐ ܨܵܒܸܝܢ܀
00208_5 ܐܵܕܵܡ ܠܵܐ ܛܥܵܐ ܘܲܟܒܲܪ ܐܵܦܠܵܐ ܐܵܚܵܒ ܐܲܚܢܸܦ܃
00208_6 ܢܲܪܦܸܐ ܥܝܵܕܵܐ ܘܢܼܐܡܲܪ ܗܵܫܵܐ ܡܸܢ ܣܽܘܟܵܠܵܐ܀
00208_7 ܕܠܵܐ ܛܥܵܐ ܐܵܕܵܡ ܣܵܗܸܕ ܦܲܘܠܽܘܣ ܒܲܟܬܝܼ̈ܒܵܬܸܗ܃
00208_8 ܛܥܵܬ ܕܹܝܢ ܚܲܘܵܐ ܘܥܲܠ ܕܲܫܠܸܡ ܠܵܗ݀ ܢܦܲܠ ܐܲܟܘܵܬܵܗ݀܀
00208_9 ܚܛܝܼܬܵܐ ܒܚܲܘܵܐ ܠܸܒܟܲܬ ܢܽܘܡܼܐ ܓܽܘܫܡܵܢܵܐܝܼܬ܃
00209_0 ܘܢܸܓܕܲܬ ܒܵܬܪܵܗ݀ ܠܵܐܕܵܡ ܓܲܒܪܵܗ݀ ܕܲܢܡܽܘܬ ܐܵܦ ܗܽܘ܀
00209_1 ܘܗܵܕܸܐ ܕܡܽܘܬܵܐ ܒܵܐܚܵܒ ܘܼܐܝܙܒܸܠ ܡܸܬܚܲܙܝܵܐ ܠܲܢ܃
00209_2 ܕܥܲܡܵܗ݀ ܕܗܵܕܸܐ ܐܲܚܢܸܦ ܓܲܒܪܵܗ݀ ܡܸܛܽܠܵܬܵܗ݀܀
00209_3 ܐܝܼܙܒܸܠ ܕܵܐܚܵܒ ܠܵܐ ܡܸܢ ܥܲܡܸܗ ܘܠܵܐ ܡܸܢ ܓܸܢܣܸܗ܃

▼ later lines