← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00216_1 ܐܲܪܒܥܝܼܢ ܝܲܘܡܝܼ̈ܢ ܗܲܠܸܟ ܬܲܡܵܢ ܐܲܝܟ ܡܵܐ ܕܲܟܬܝܼܒ܃
00216_2 ܒܚܲܝܠܵܗ݀ ܕܝܼܠܵܗ݀ ܕܗܵܝ ܡܸܐܟܽܘܠܬܵܐ ܕܸܐܬܝܲܗܒܲܬ ܠܸܗ܀
00216_3 ܥܽܘܕܪܵܢܵܐ ܗ̄ܘܵܐ ܕܲܐܠܵܗܽܘܬܵܐ ܕܠܸܗ ܐܸܫܬܲܕܲܪ܃
00216_4 ܥܲܡ ܡܸܐܟܽܘܠܬܵܐ ܒܸܗ ܐܸܬܚܲܝܲܠ ܘܲܪܕܵܐ ܒܽܐܘܪܚܸܗ܀
00216_5 ܒܝܲܕ ܚܵܚܽܘܪܬܵܐ ܘܡܲܝ̈ܵܐ ܕܩܲܒܸܠ ܡܸܢ ܡܲܠܲܐܟܵܐ܃
00216_6 ܢܲܩܦܸܗ ܚܲܝܠܵܐ ܕܓܲܢ̄ܒܵܪܽܘܬܵܐ ܘܲܪܕܵܐ ܥܲܡܸܗ܀
00216_7 ܕܠܵܐ ܥܽܘܕܪܵܢܵܐ ܦܵܫ ܚܲܕ ܝܲܘܡܵܐ ܘܸܐܬܛܲܪܲܦ ܠܸܗ܃
00216_8 ܘܟܲܕ ܠܼܐܝܵܠܸܗ ܐ̄ܬܵܬ ܛܲܝܒܽܘܬܵܐ ܥܪܲܩ ܛܽܘܪܵܦܸܗ܀
00216_9 ܒܗܲܘ ܡܲܣܝܽܘܢܵܐ ܕܲܡܓܲܙܲܝ ܗ̄ܘܵܐ ܡܸܢ ܥܽܘܕܪܵܢܵܐ܃
00217_0 ܡܲܘܬܵܐ ܫܐܸܠ ܗ̄ܘܵܐ ܕܲܐܡܚܸܠ ܘܲܕܚܸܠ ܘܲܠܐܝܼ ܘܲܐܘܦܝܼ܀
00217_1 ܘܟܲܕ ܛܲܝܒܽܘܬܵܐ ܕܸܢܚܲܬ ܨܸܐܕܲܘܗ̄ܝ ܥܲܡ ܡܸܐܟܽܘܠܬܵܐ܃
00217_2 ܬܡܵܢܼܐܝܢ ܗܲܠܸܟ ܪ̈ܲܡܫܸܐ ܘܨܲܦܪܸ̈ܐ ܘܠܵܐ ܡܸܐܢܲܬ ܠܸܗ܀
00217_3 ܠܽܘܩܒܲܠ ܛܽܘܪܸܗ ܕܡܵܪܝܵܐ ܠܚܽܘܪܝܼܒ ܣܵܡ ܗ̄ܘܵܐ ܐܲܦܲܘ̈ܗ̄ܝ܃
00217_4 ܘܗܵܠܸܟ ܐܲܪܒܥܝܼܢ ܨܵܡ ܗ̄ܘܵܐ ܕܡܽܘܫܸܐ ܕܢܸܡܛܸܐ ܠܲܐܬܪܸܗ܀
00217_5 ܛܸܠܵܢܝܼܬܵܐ ܕܨܲܘܡܸܗ ܕܡܵܪܲܢ ܫܸܟܢܲܬ ܥܠܲܘܗ̄ܝ܃
00217_6 ܘܥܲܠ ܗܵܝ ܐܲܪܒܥܝܼܢ ܡܸܬܥܲܫܲܢ ܗ̄ܘܵܐ ܕܠܵܐ ܡܸܐܟܽܘܠܬܵܐ܀
00217_7 ܡܲܕܒܪܵܐ ܒܡܲܕܒܪܵܐ ܐܸܬܦܲܚܲܡ ܗ̄ܘܵܐ ܐ̄ܪܵܙܵܢܵܐܝܼܬ܃
00217_8 ܘܨܲܘܡܵܐ ܒܨܲܘܡܵܐ ܘܟܽܠܸܗ ܒܬܽܘܠܵܐ ܒܝܼܚܝܼܕܵܝܵܐ܀
00217_9 ܘܥܲܠܘ ܩܵܡܘ ܝܲܘ̈ܡܸܐ ܚܠܵܦ ܝܲܘ̈ܡܵܬܵܐ ܢܨܽܘܪܽܘܢ ܐܸܢܽܘܢ܃
00218_0 ܗܲܘ ܡܸܢܝܵܢܵܐ ܠܗܲܘ ܚܽܘܫܒܵܢܵܐ ܕܲܡܛܲܝܲܒ ܗ̄ܘܵܐ܀
00218_1 ܠܗܵܠܸܝܢ ܐܲܪܒܥܝܼܢ ܕܲܒܪܵܐ ‍{‍ܢܚ̈‍}‍‍<‍ܙܲܝܲܚ‍>‍ ܟܲܕ ܪܵܕܸܐ ܗ̄ܘܵܐ܃
00218_2 ܕܵܐܦ ܗܽܘ ܡܽܘܫܵܐ ܠܗܽܘܢ ܪܵܫܸܡ ܗ̄ܘܵܐ ܟܲܕ ܨܵܐܸܡ ܗ̄ܘܵܐ܀
00218_3 ܠܲܘ ܗܽܘ ܡܵܪܲܢ ܒܵܬܲܪ ܥܸܩܒܵܐ ܪܕܵܐ ܕܲܢܒܝܼܲܘ̈ܗܝ܃
00218_4 ܗܸܢܽܘܢ ܚܵܪܘ ܒܸܗ ܘܨܵܪܘ ܕܸܡ̈ܘܵܬܸܗ ܒܣܽܘܥܪ̈ܵܢܲܝܗܽܘܢ܀
00218_5 ܒܵܬܪܸܗ ܕܝܼܠܸܗ ܗܲܠܸܟܘ ܗܸܢܽܘܢ ܘܥܲܠ ܕܲܚܙܲܐܽܘܗ̄ܝ܃
00218_6 ܕܲܡܛܲܝܲܒ ܗ̄ܘܵܐ ܕܢܸܠܒܽܘܟ ܨܲܘܡܵܐ ܨܵܡܘ ܐܵܦ ܗܸܢܽܘܢ܀
00218_7 ܨܵܡ ܓܹܝܪ ܡܵܪܲܢ ܠܲܘ ܕܲܢܡܲܪܸܐ ܒܗܲܘ ܛܲܢܵܢܵܐ܃
00218_8 ܐܸܠܵܐ ܡܸܛܽܠ ܨܲܘܡܸܗ ܕܝܼܠܸܗ ܨܵܡ ܐܸܠܝܼܵܐ܀
00218_9 ܢܒܝܼܵܐ ܐܲܚܨܸܦ ܢܸܬܕܲܡܸܐ ܠܸܗ ܟܲܕ ܨܵܐܲܪ ܠܸܗ܃
00219_0 ܘܨܵܡ ܗ̄ܘܵܐ ܐܲܪܒܥܝܼܢ ܐܲܝܟ ܗܵܝ ܕܵܐܦ ܗܽܘ ܥܬܝܼܕ ܗ̄ܘܵܐ ܢܸܥܒܸܕ܀
00219_1 ܘܡܸܛܽܠ ܗܵܕܸܐ ܠܚܽܘܪܒܵܐ ܢܦܲܩ ܗ̄ܘܵܐ ܟܲܕ ܨܵܐܸܡ ܗ̄ܘܵܐ܃
00219_2 ܕܲܠܡܲܕܒܪܵܐ ܗܲܘ ܕܸܐܬܢܲܣܝܼ ܒܸܗ ܡܫܝܼܚܵܐ ܢܸܪܫܽܘܡ܀
00219_3 ܗܲܠܸܟ ܗܵܟܝܼܠ ܢܒܝܼܵܐ ܒܡܲܕܒܪܵܐ ܐܲܪܒܥܝܼܢ ܝܲܘܡܝܼ̈ܢ܃
00219_4 ܘܲܡܛܵܐ ܠܛܽܘܪܸܗ ܕܡܵܪܝܵܐ ܠܚܽܘܪܝܼܒ ܘܲܫܪܵܐ ܬܲܡܵܢ܀
00219_5 ܪܲܗܛܵܗ݀ ܠܽܐܘܪܚܵܐ ܕܲܓܡܝܼܪܽܘܬܵܐ ܟܲܫܝܼܪܵܐܝܼܬ܃
00219_6 ܘܥܲܠ ܠܲܐܘܵܢܵܐ ܗܲܘ ܕܵܐܦ ܡܽܘܫܸܐ ܒܸܗ ܐܸܙܕܲܗܝܼ܀
00219_7 ܒܵܬ ܒܲܡܥܲܪܬܵܐ ܕܚܲܒܝܼܒ ܗ̄ܘܵܐ ܠܸܗ ܫܡܵܗ݀ ܘܲܥܒܵܕܵܗ݀܃
00219_8 ܕܡܸܢ ܐܵܦܲܕܢܵܐ ܕܡܲܠܟܸ̈ܐ ܓܲܒܝܵܐ ܗ̄ܝ ܠܲܕܫܵܪܸܐ ܒܵܗ݀܀
00219_9 ܐܵܦ ܙܵܕܸܩ ܗ̄ܘܵܐ ܕܲܒܫܽܘܠܵܡܵܐ ܕܨܲܘܡܸܗ ܓܲܒܝܵܐ܃