← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00220_0 ܡܥܲܪܬܵܐ ܬܸܗܘܸܐ ܠܡܼܐܢܵܐ ܠܢܲܘܚܸܗ ܘܢܸܬܝܲܩܲܪ ܒܵܗ݀܀
00220_1 ܕܬܸܬܢܲܨܲܪ ܗ̄ܘܵܬ ܡܥܲܪܬܸܗ ܕܲܒܪܵܐ ܒܗܵܝ ܕܲܢܒܝܼܸܗ܃
00220_2 ܘܢܸܪܓܲܫ ܥܵܠܡܵܐ ܕܟܽܠ ܒܸܗ ܘܡܸܢܸܗ ܘܡܸܛܽܠܵܬܸܗ܀
00220_3 ܒܵܬ ܒܲܡܥܲܪܬܵܐ ܙܲܗܝܵܐ ܘܪܲܒܵܐ ܘܲܡܠܸܐ ܛܽܘ̈ܒܸܐ܃
00220_4 ܘܕܵܠ ܓܸܠܝܵܢܵܐ ܥܠܲܘܗ̄ܝ ܕܲܐܠܵܗܵܐ ܟܲܕ ܐܵܡܲܪ ܠܸܗ܀
00220_5 ܡܵܢ ܥܵܒܸܕ ܐܲܢ̄ܬ ܗܵܪܟܵܐ ܒܚܽܘܪܒܵܐ ܐܵܘ ܐܸܠܝܼܵܐ܃
00220_6 ܐܵܡܲܪ ܠܸܗ ܗܽܘ ܡܸܛܲܢ ܛܸܢܸܬ ܠܡܵܪܝܵܐ ܐܲܠܵܗܝ܀
00220_7 ܫܽܘܐܵܠܵܐ ܗ̄ܘ ܟܲܝ ܗܲܘ ܕܸܐܡܲܪ ܠܸܗ ܕܡܵܢ ܥܵܒܸܕ ܐܲܢ̄ܬ܃
00220_8 ܐܲܘ ܫܽܘܪܵܝܵܐ ܥܒܲܕ ܗ̄ܘܵܐ ܠܫܲܪܒܵܐ ܕܲܢܡܲܠܸܠ ܠܸܗ܀
00220_9 ܗܲܘ ܝܵܕܲܥ ܟܽܠ ܠܲܘ ܕܲܢܫܲܐܸܠ ܡܸܬܬܲܚܬܸܐ ܗ̄ܘܵܐ܃
00221_0 ܐܸܠܵܐ ܥܸܠܬܵܐ ܠܗܲܘ ܓܸܠܝܵܢܵܐ ܣܵܡ ܢܸܫܬܲܡܲܫ܀
00221_1 ܡܵܢ ܥܵܒܸܕ ܐܲܢ̄ܬ ܟܲܕ ܝܵܕܲܥ ܗ̄ܘܵܐ ܕܡܵܢܵܐ ܥܵܒܸܕ܃
00221_2 ܬܲܪܥܵܐ ܦܬܲܚ ܗ̄ܘܵܐ ܢܡܲܠܸܠ ܥܲܒܕܸܗ ܒܚܽܘܒܵܐ ܥܲܡܸܗ܀
00221_3 ܘܫܲܪܝܼ ܢܒܝܼܵܐ ܕܲܢܡܲܠܸܠ ܗ̄ܘܵܐ ܒܓܲܠܝܽܘܬ ܐܲܦܸ̈ܐ܃
00221_4 ܥܲܡ ܐܲܠܵܗܵܐ ܟܲܕ ܠܵܐ ܒܣܝܼܪ ܗ̄ܘܵܐ ܒܲܥܒܝܼ̈ܕܵܬܸܗ܀
00221_5 ܡܵܪܝ ܙܲܢܝܲܬ ܠܵܗ݀ ܟܢܽܘܫܬܵܐ ܒܨܲܠܡܸ̈ܐ ܘܲܒܨܽܘܪ̈ܵܬܵܐ܃
00221_6 ܘܫܵܛܲܬ ܡܼܐܡܪܵܟ ܘܲܛܥܵܬ ܐܽܘܪܚܵܐ ܕܫܲܘܬܵܦܽܘܬܵܟ܀
00221_7 ܩܝܵܡܵܟ ܫܸܒܩܲܬ ܡܲܕܒܚܲܝ̈ܟ ܣܲܚܦܲܬ ܟܵܗܢܲܝ̈ܟ ܚܸܪܒܲܬ܃
00221_8 ܘܲܠܐܲܠܵܗܸ̈ܐ ܣܪ̈ܝܼܚܸܐ ܕܥܲܡ̈ܡܸܐ ܟܽܘܡܪܸ̈ܐ ܥܸܒܕܲܬ܀
00221_9 ܣܢܵܬܵܟ ܟܲܠܬܵܐ ܘܚܲܠܦܲܬ ܬܸܢܘܲܝ ܕܲܥܒܲܕܬ ܥܲܡܵܗ݀܃
00222_0 ܘܗܵܐ ܠܲܐ̄ܚܪ̈ܵܢܸܐ ܝܵܬܒܵܐ ܒܫܽܘܩܵܐ ܕܲܣܪ̈ܝܼܚܵܬܵܐ܀
00222_1 ܒܲܛܠܲܬ ܥܼܐܕܲܝ̈ܟ ܘܥܸܒܕܲܬ ܚܲܓܸ̈ܐ ܠܒܲܥܠܵܐ ܚܲܒܪܵܗ݀܃
00222_2 ܫܪܵܬ ܢܵܡܽܘܣܲܝ̈ܟ ܘܗܵܐ ܒܲܥܝܵܕܸ̈ܐ ܕܚܲܢ̈ܦܸܐ ܓܵܝܪܵܐ܀
00222_3 ܛܥܵܬܸܗ ܠܚܽܘܒܵܟ ܘܗܵܐ ܥܒܝܼܕܝܼܢ ܠܵܗ݀ ܪ̈ܵܚܡܸܐ ܥܸܓ̈ܠܸܐ܃
00222_4 ܟܸܦܪܲܬ ܒܲܫܡܵܟ ܘܲܩܢܵܬ ܚܲܒܪܸ̈ܐ ܦܬܲܟܪܸ̈ܐ ܚܲܪ̈ܒܸܐ܀
00222_5 ܒܬܲܘܫܵܐ ܕܨܲܠܡܸ̈ܐ ܗܵܐ ܢܲܦܝܼܩܵܐ ܒܲܪ̄ܬ ܐܲܒܪܵܗܵܡ܃
00222_6 ܘܠܵܐ ܡܸܨܛܲܒܝܵܐ ܕܒܽܐܘܪܚܵܐ ܕܩܽܘܫܬܵܐ ܬܸܪܕܸܐ ܝܲܘܡܵܢ܀
00222_7 ܠܟܽܠܗܽܘܢ ܢܒܝܼܲܝ̈ܟ ܩܲܛܠܲܬ ܐܸܢܽܘܢ ܘܸܐܢܵܐ ܗ̄ܘ ܦܸܠܛܸܬ܃
00222_8 ܘܗܵܐ ܠܚܝܼܡܵܐ ܠܝܼ ܕܬܸܣܲܒ ܢܲܦܫܝ ܡܸܢܝ ܐܲܝܟ ܕܲܟܢܲܘ̈ܵܬܝ܀
00222_9 ܝܵܐܸܐ ܗ̄ܘܵܐ ܠܸܗ ܠܗܲܘ ܛܲܢܵܢܵܐ ܟܲܕ ܡܲܘܕܲܥ ܗ̄ܘܵܐ܃

▼ later lines