The Comprehensive Aramaic Lexicon

00222_1	ܒܲܛܠܲܬ ܥܼܐܕܲܝ̈ܟ ܘܥܸܒܕܲܬ ܚܲܓܸ̈ܐ ܠܒܲܥܠܵܐ ܚܲܒܪܵܗ݀܃
00222_2	ܫܪܵܬ ܢܵܡܽܘܣܲܝ̈ܟ ܘܗܵܐ ܒܲܥܝܵܕܸ̈ܐ ܕܚܲܢ̈ܦܸܐ ܓܵܝܪܵܐ܀
00222_3	ܛܥܵܬܸܗ ܠܚܽܘܒܵܟ ܘܗܵܐ ܥܒܝܼܕܝܼܢ ܠܵܗ݀ ܪ̈ܵܚܡܸܐ ܥܸܓ̈ܠܸܐ܃
00222_4	ܟܸܦܪܲܬ ܒܲܫܡܵܟ ܘܲܩܢܵܬ ܚܲܒܪܸ̈ܐ ܦܬܲܟܪܸ̈ܐ ܚܲܪ̈ܒܸܐ܀
00222_5	ܒܬܲܘܫܵܐ ܕܨܲܠܡܸ̈ܐ ܗܵܐ ܢܲܦܝܼܩܵܐ ܒܲܪ̄ܬ ܐܲܒܪܵܗܵܡ܃
00222_6	ܘܠܵܐ ܡܸܨܛܲܒܝܵܐ ܕܒܽܐܘܪܚܵܐ ܕܩܽܘܫܬܵܐ ܬܸܪܕܸܐ ܝܲܘܡܵܢ܀
00222_7	ܠܟܽܠܗܽܘܢ ܢܒܝܼܲܝ̈ܟ ܩܲܛܠܲܬ ܐܸܢܽܘܢ ܘܸܐܢܵܐ ܗ̄ܘ ܦܸܠܛܸܬ܃
00222_8	ܘܗܵܐ ܠܚܝܼܡܵܐ ܠܝܼ ܕܬܸܣܲܒ ܢܲܦܫܝ ܡܸܢܝ ܐܲܝܟ ܕܲܟܢܲܘ̈ܵܬܝ܀
00222_9	ܝܵܐܸܐ ܗ̄ܘܵܐ ܠܸܗ ܠܗܲܘ ܛܲܢܵܢܵܐ ܟܲܕ ܡܲܘܕܲܥ ܗ̄ܘܵܐ܃
00223_0	ܓܲܘܪܵܗ݀ ܕܟܲܠܬܵܐ ܠܚܲܬܢܵܐ ܕܫܲܕܪܸܗ ܡܸܛܽܠܵܬܵܗ݀܀
00223_1	ܪܽܘܚܵܐ ܘܚܲܝܠܵܐ ܕܗܵܢܵܐ ܢܒܝܼܵܐ ܡܠܸܐ ܢܸܨ̈ܚܵܢܸܐ܃
00223_2	ܠܒܸܫ ܝܽܘܚܲܢܵܢ ܟܲܕ ܡܲܟܸܣ ܗ̄ܘܵܐ ܠܟܲܠܬܵܐ ܐܵܦ ܗܽܘ܀
00223_3	ܐܵܦ ܝܽܘܚܲܢܵܢ ܟܲܕ ܗܽܘ ܒܚܽܘܪܒܵܐ ܘܢܸܦܩܲܬ ܨܸܐܕܲܘܗ̄ܝ܃
00223_4	ܒܲܪ݂̄ܬ ܐܵܟܸܕܢܸ̈ܐ ܩܵܪܸܐ ܗ̄ܘܵܐ ܠܵܗ݀ ܠܚܲܒܪܲܬ ܨܲܠܡܸ̈ܐ܀
00223_5	ܒܪܽܘܚܸܗ ܕܗܵܢܵܐ ܢܒܝܼܵܐ ܪܬܲܚ ܗ̄ܘܵܐ ܐܵܦ ܝܽܘܚܲܢܵܢ܃
00223_6	ܕܡܲܟܣܵܢܽܘܬܵܐ ܒܓܸܠܝܵܐ ܢܲܘܫܸܛ ܠܲܡܓܲܢܲܒܬܵܐ܀
00223_7	ܐܵܦ ܛܲܢܵܢܵܐ ܗܵܢܵܐ ܕܫܲܪܒܸܗ ܡܸܬܡܲܠܲܠ ܒܝܼ܃
00223_8	ܓܲܘܪܵܗ݀ ܘܩܸܛܠܵܗ݀ ܐܵܦ ܒܝܼ̈ܫܵܬܵܗ݀ ܬܢܵܐ ܠܲܐܠܵܗܵܐ܀
00223_9	ܐ̄ܡܲܪ ܗ̄ܘܵܐ ܠܸܗ ܓܹܝܪ ܕܲܫܒܲܩܘ ܩܝܵܡܵܟ ܒܢܲܝ ܝܼܣܪܵܝܸܠ܃
00224_0	ܘܡܲܕܒܚܲܝ̈ܟ ܣܲܚܸܦܘ ܐܵܦ ܠܲܢܒܝܼܲܝ̈ܟ ܒܚܲܪܒܵܐ ܩܲܛܸܠܘ܀
00224_1	ܘܸܐܢܵܐ ܗ̄ܘ ܒܲܠܚܽܘܕ ܐܸܬܦܲܠܛܸܬ ܡܵܪܝ ܡܸܢ ܐܝܼܕܲܝ̈ܗܽܘܢ܃
00224_2	ܘܗܵܐ ܪܵܕܦܝܼܢ ܠܝܼ ܠܡܸܣܲܒ ܢܲܦܫܝ ܡܸܢܝ ܡܸܛܽܠܵܬܵܟ܀
00224_3	ܚܙܵܝܗ̄ܝ ܐܲܠܵܗܵܐ ܕܲܡܠܸܐ ܛܢܵܢܵܐ ܥܲܠ ܪ̈ܲܫܝܼܥܸܐ܃
00224_4	ܘܲܒܥܵܐ ܢܚܲܘܝܼܘܗ̄ܝ ܓܲܢ̄ܒܵܪܽܘܬܸܗ ܘܬܽܘܩܦܸܗ ܪܲܒܵܐ܀
00224_5	ܨܒܵܐ ܢܚܲܘܸܐ ܠܸܗ ܕܠܲܘ ܥܲܠ ܕܲܡܚܝܼܠ ܡܲܓܲܪ ܪܽܘܚܸܗ܃

00224_6	ܐܸܠܵܐ ܕܒܲܣܝܼܡ ܝܵܗܸܒ ܐܲܬܪܵܐ ܠܲܬܝܵܒܽܘܬܵܐ܀

00224_7	ܘܲܦܩܲܕ ܗ̄ܘܵܐ ܠܸܗ ܕܢܸܦܽܘܩ ܢܸܚܙܸܐ ܕܲܟܡܵܐ ܥܲܙܝܼܙ܃
00224_8	ܘܲܣܕܲܪ ܚܲܝܠܸܗ ܒܪܽܘܚܵܐ ܘܙܲܘܥܵܐ ܓܲܢ̄ܒܵܪܵܐܝܼܬ܀
00224_9	ܘܲܥܒܲܕ ܡܵܪܝܵܐ ܪܽܘܚܵܐ ܪܲܒܬܵܐ ܩܕܵܡ ܐܸܠܝܼܵܐ܃
00225_0	ܕܢܵܫܒܵܐ ܘܢܵܝܕܝܼܢ ܛܽܘܪܸ̈ܐ ܡܸܢܵܗ݀ ܐܲܝܟ ܥܲܪ̈ܙܵܠܸܐ܀
00225_1	ܡܬܲܒܪܵܐ ܫܽܘ̈ܥܸܐ ܘܗܵܓܡܵܐ ܫܩܝܼ̈ܦܸܐ ܘܫܵܩܠܵܐ ܟܼܐܦܸ̈ܐ܃
00225_2	ܡܦܲܪܩܵܐ ܛܽܘܪܸ̈ܐ ܒܥܲܙܝܼܙܽܘܬܵܗ݀ ܘܲܒܩܲܫܝܽܘܬܵܗ݀܀
00225_3	ܩܲܠܝܼܠ ܚܼܐܦܵܗ݀ ܘܲܩܫܸܐ ܚܲܝܠܵܗ݀ ܘܲܕܚܝܼܠ ܩܵܠܵܗ݀܃
00225_4	ܘܵܐܬܸܐ ܠܪܸܓܠܵܗ݀ ܙܲܘܥܵܐ ܕܲܡܢܝܼܕ ܠܲܐܪܥܵܐ ܟܽܠܵܗ݀܀
00225_5	ܥܸܒܪܲܬ ܪܽܘܚܵܐ ܘܸܐܬܵܐ ܙܲܘܥܵܐ ܒܚܲܝܠܵܐ ܪܲܒܵܐ܃
00225_6	ܕܲܡܙܝܼܥ ܠܲܐܪܥܵܐ ܡܸܢ ܫܲܬܐܸܣܸ̈ܝܗ݀ ܘܪܵܥܠܵܐ ܟܽܠܵܗ݀܀
00225_7	ܙܲܘܥܵܐ ܕܚܝܼܠܵܐ ܒܫܸܪ̈ܫܸܐ ܕܛܽܘܪܸ̈ܐ ܛܪܵܐ ܗ̄ܘܵܐ ܘܲܪܥܸܠܘ܃
00225_8	ܘܢܵܕܘ ܥܲܡܽܘ̈ܕܲܝ ܥܵܠܡܵܐ ܠܡܸܦܲܠ ܩܲܠܝܼܠܵܐܝܼܬ܀
00225_9	ܪܸܬܲܬ ܬܼܒܸܝܠ ܘܲܪܥܸܠ ܐܸܣܸ̈ܝܗ݀ ܟܲܗܝܼ̈ܢܵܬܵܐ܃
00226_0	ܒܙܲܘܥܵܐ ܪܲܒܵܐ ܕܲܥܒܲܕ ܡܵܪܝܵܐ ܩܕܵܡ ܐܸܠܝܼܵܐ܀
00226_1	ܘܒܵܬܲܪ ܙܲܘܥܵܐ ܕܸܠܩܲܬ ܢܽܘܪܵܐ ܥܲܙܝܼܙܵܐܝܼܬ܃
00226_2	ܕܢܸܚܙܸܐ ܢܒܝܼܵܐ ܫܲܠܗܸܒܝܼܬܵܐ ܒܬܸܗܪܵܐ ܪܲܒܵܐ܀
00226_3	ܥܒܲܕ ܗ̄ܘܵܐ ܡܵܪܝܵܐ ܓܽܘܢܚܵܐ ܬܲܡܵܢ ܘܲܕܚܝܼ̈ܠܵܬܵܐ܃
00226_4	ܕܲܒܣܽܘܪܵܕܵܐ ܬܽܘܒ ܢܸܙܕܲܗܸܐ ܢܒܝܼܵܐ ܪܲܒܵܐ܀
00226_5	ܢܽܘܪܵܐ ܕܚܝܼܠܬܵܐ ܘܙܲܘܥܵܐ ܪܗܝܼܒܵܐ ܘܪܽܘܚܵܐ ܪܲܒܬܵܐ܃
00226_6	ܣܕܲܪ ܗ̄ܘܵܐ ܒܛܽܘܪܵܐ ܚܲܕ ܒܵܬܲܪ ܚܲܕ ܠܲܡܗܲܠܵܟܽܘ܀
00226_7	ܙܲܘܚܵܐ ܪܲܒܵܐ ܩܕܵܡ ܓܸܠܝܵܢܵܗ݀ ܕܲܐܠܵܗܽܘܬܵܐ܃
00226_8	ܐܸܫܬܲܕܲܪ ܗ̄ܘܵܐ ܕܢܸܣܕܽܘܪ ܢܸܥܒܲܪ ܬܲܩܝܼܦܵܐܝܼܬ܀
00226_9	ܢܦܲܩ ܠܸܓܝܽܘ̈ܢܸܐ ܠܼܐܝܩܵܪ ܡܲܠܟܵܐ ܬܠܵܬ ܙܲܗ̈ܝܵܬܵܐ܃
00227_0	ܕܲܢܙܲܝܚܵܢܵܝ̈ܗ̄ܝ ܟܲܕ ܐܵܬܸܐ ܗ̄ܘܵܐ ܨܹܝܕ ܐܸܠܝܼܵܐ܀
00227_1	ܢܽܘܪܵܐ ܘܙܲܘܥܵܐ ܘܪܽܘܚܵܐ ܪܲܒܬܵܐ ܓܽܘ̈ܕܝܼܢ ܓܽܘ̈ܕܝܼܢ܃