← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00237_8 ܐܵܦ ܠܸܐܠܝܼܵܐ ܬܲܡܵܢ ܫܲܡܠܝܼ ܟܲܕ ܐܸܫܬܲܡܠܝܼ܀
00237_9 ܡܥܲܪܬܸܗ ܕܡܽܘܫܸܐ ܝܲܗ̄ܒ ܠܸܐܠܝܼܵܐ ܕܢܸܫܬܲܡܠܸܐ ܒܵܗ݀܃
00238_0 ܘܲܒܓܸܠܝܵܢܵܐ ܪܲܒܵܐ ܓܲܡܪܸܗ ܘܫܲܕܪܸܗ ܠܽܐܘܪܚܸܗ܀
00238_1 ܐܸܬܝܲܬܲܪ ܗ̄ܘܵܐ ܒܩܲܪܝܼܒܽܘܬܵܐ ܕܨܹܝܕ ܐܲܠܵܗܵܐ܃
00238_2 ܥܕܲܡܵܐ ܕܥܵܠܡܵܐ ܠܵܐ ܢܸܫܘܸܐ ܠܸܗ ܕܲܢܩܲܘܸܐ ܒܸܗ܀
00238_3 ܘܟܲܕ ܥܸܒܪܲܬ ܠܵܗ݀ ܡܫܽܘܚܬܸܗ ܪܵܡܬܵܐ ܐܵܦ ܠܲܓܡܝܼܪܸ̈ܐ܃
00238_4 ܢܒܝܼܵܐ ܐ̄ܚܪܼܢܵܐ ܕܢܸܗܘܸܐ ܚܠܵܦܲܘܗ̄ܝ ܐܸܬܛܲܝܲܒ ܗ̄ܘܵܐ܀
00238_5 ܡܫܽܘܚ ܠܸܐܠܝܼܫܲܥ ܕܢܸܗܘܸܐ ܚܠܵܦܲܝܟ ܐܵܡܲܪ ܗ̄ܘܵܐ ܠܸܗ܃
00238_6 ܕܝܸܪܒܲܬ ܗ̄ܘܵܬ ܠܵܗ݀ ܡܫܽܘܚܬܸܗ ܕܝܼܠܸܗ ܡܸܢ ܕܲܢܒܝܼܸ̈ܐ܀
00238_7 ܐܲܝܟ ܒܲܝܬܵܝܵܐ ܘܝܵܕܲܥ ܐ̄ܪܵܙܵܐ ܫܲܕܪܸܗ ܕܲܢܩܝܼܡ܃
00238_8 ܢܒܝܼܸ̈ܐ ܘܡܲܠܟܸ̈ܐ ܠܥܲܡ̈ܡܸܐ ܘܥܲܡܵܐ ܕܢܸܡܫܽܘܚ ܐܸܢܽܘܢ܀
00238_9 ܥܲܠ ܕܲܡܠܸܐ ܗ̄ܘܵܐ ܠܸܒܸܗ ܛܢܵܢܵܐ ܥܲܠ ܪ̈ܲܫܝܼܥܸܐ܃
00239_0 ܓܒܵܐ ܠܛܲܢܵܢܸ̈ܐ ܢܥܝܼܪܽܘܢ ܚܲܪܒܵܐ ܥܲܠ ܡܵܪ̈ܽܘܕܸܐ܀
00239_1 ܘܲܕܢܸܕܲܥ ܬܽܘܒ ܕܼܐܝܬ ܗ̄ܽܘ ܠܡܵܪܝܵܐ ܥܲܡܵܐ ܟܲܣܝܵܐ܃
00239_2 ܓܠܵܐ ܠܸܗ ܕܼܐܝܬ ܠܸܗ ܐܲܠܦܸ̈ܐ ܫܲܒܥܵܐ ܕܠܵܐ ܡܸܬܚܲܪܒܝܼܢ܀
00239_3 ܐܝܼܬ ܗ̄ܽܘ ܛܵܒܸ̈ܐ ܒܲܝܢܵܬ ܒܝܼ̈ܫܸܐ ܕܥܵܠܡܵܐ ܟܽܠܸܗ܃
00239_4 ܘܡܵܪܝܵܐ ܗ̄ܘ ܝܵܕܲܥ ܡܸܢܝܵܢܲܝ̈ܗܽܘܢ ܘܲܫܡܵܗܲܝ̈ܗܽܘܢ܀
00239_5 ܒܩܽܘܛܢܵܐ ܒܨܝܼܪܵܐ ܘܲܒܡܽܘ̈ܫܚܵܬܵܐ ܕܠܵܐ ܝܼܕܝܼ̈ܥܵܢ܃
00239_6 ܐܝܼܬ ܠܲܐܠܵܗܵܐ ܪ̈ܲܚܡܸܐ ܘܲܟܣܸܝܢ ܡܸܢ ܐ̄ܢܵܫܽܘܬܵܐ܀
00239_7 ܫܚܝܼ̈ܡܸܐ ܘܫܝܼ̈ܛܸܐ ܘܠܵܐ ܝܼܕܝܼ̈ܥܸܐ ܐܵܦ ܡܲܣ̈ܠܲܝܵܐ܃
00239_8 ܐܝܼܬ ܕܩܲܪܝܼܒܝܼܢ ܨܹܝܕ ܐܲܠܵܗܵܐ ܘܠܵܐ ܐ̄ܢܵܫ ܝܵܕܲܥ܀
00239_9 ܒܡܲܟܝܼܟܽܘܬܵܐ ܘܠܸܒܵܐ ܕܲܫܦܸܐ ܡܸܢ ܒܝܼ̈ܫܵܬܵܐ܃