← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00230_1 ܗܲܘܢܸܗ ܘܠܸܒܸܗ ܘܡܲܕܥܸܗ ܘܚܽܘܒܸܗ ܕܲܣܪܵܦܵܐ ܗ̄ܘܵܐ܃
00230_2 ܘܲܐܝܟ ܕܲܡܚܲܦܲܝ ܗܲܘ ܐܸܬܚܲܦܝܼ ܩܕܵܡ ܐܲܠܵܗܵܐ܀
00230_3 ܒܡܲܥܦܪܸܗ ܡܲܠܝܼ ܕܽܘܟܲܬ ܓܸܦܸ̈ܐ ܘܲܟܪܲܟ ܐܲܦܲܘ̈ܗ̄ܝ܃
00230_4 ܘܲܟܡܵܐ ܕܝܲܗ̄ܒ ܠܸܗ ܟܝܵܢܵܐ ܐܝܼܕܵܐ ܢܛܲܪ ܐܝܼܩܵܪܵܐ܀
00230_5 ܠܵܐ ܚܲܣܝܼܪ ܗ̄ܘܵܐ ܡܸܢ ܪܸܥܝܵܢܵܐ ܕܒܸܝܬ ܡܝܼܟܵܐܸܝܠ܃
00230_6 ܕܢܸܛܽܘܪ ܛܸܟܣܸܐ ܕܢܵܛܪܝܼܢ ܗܸܢܽܘܢ ܠܲܐܠܵܗܽܘܬܵܐ܀
00230_7 ܝܵܕܲܥ ܗ̄ܘܵܐ ܓܹܝܪ ܕܙܝܼܘܸܗ ܕܡܵܪܝܵܐ ܠܢܽܘܪܵܐ ܡܲܓܗܲܪ܃
00230_8 ܘܸܐܢ ܚܵܐܲܪ ܐ̄ܢܵܫ ܟܲܕ ܠܵܐ ܡܚܲܦܲܝ ܠܵܐ ܡܣܲܝܒܲܪ ܠܸܗ܀
00230_9 ܘܡܸܛܽܠ ܗܵܕܸܐ ܟܪܲܟ ܗ̄ܘܵܐ ܐܲܦܲܘ̈ܗ̄ܝ ܟܲܕ ܢܵܦܸܩ ܗ̄ܘܵܐ܃
00231_0 ܘܩܵܡ ܠܸܗ ܒܬܲܪܥܵܐ ܠܒܲܪ ܕܲܡܥܲܪܬܵܐ ܩܕܵܡ ܐܲܠܵܗܵܐ܀
00231_1 ܘܫܲܪܝܼ ܡܵܪܝܵܐ ܒܩܵܠܵܐ ܕܡܲܡܠܠܵܐ ܗܲܘ ܪܲܟܝܼܟܵܐ܃
00231_2 ܕܲܢܡܲܠܸܠ ܗ̄ܘܵܐ ܥܲܡ ܐܸܠܝܼܵܐ ܚܲܒܝܼܒܵܐܝܼܬ܀
00231_3 ܒܢܽܘܪܵܐ ܘܪܽܘܚܵܐ ܘܙܲܘܥܵܐ ܕܲܥܒܲܪ ܠܵܐ ܡܲܠܸܠ ܗ̄ܘܵܐ܃
00231_4 ܠܵܐ ܓܹܝܪ ܐܝܼܬ ܗ̄ܘܵܐ ܡܵܪܝܵܐ ܒܗܵܠܸܝܢ ܕܲܫܓܝܼ̈ܫܵܢ ܗ̄ܘ̈ܲܝ܀
00231_5 ܩܵܠܵܐ ܕܡܲܡܠܠܵܐ ܗܲܘ ܕܲܫܡܲܥ ܗ̄ܘܵܐ ܒܓܽܘܕܵܐ ܕܲܐܪܒܲܥ܃
00231_6 ܗܲܘ ܗ̄ܽܘ ܕܦܽܘܡܵܐ ܥܠܲܘܗ̄ܝ ܠܵܐ ܫܲܠܝܼܛ ܕܲܢܡܲܠܸܠ ܒܸܗ܀
00231_7 ܗܵܠܸܝܢ ܡܸ̈ܠܸܐ ܕܠܵܐ ܡܸܬܡ̈ܲܠܠܵܢ ܗܸܢܸܝ̈ܢ ܐܸܢܸܝܢ܃
00231_8 ܕܵܐܦ ܐܸܠܝܼܵܐ ܠܪܲܘܡܸܗ ܕܦܲܘܠܽܘܣ ܐܸܬܥܲܠܝܼ ܗ̄ܘܵܐ܀
00231_9 ܘܲܫܡܲܥ ܩܵܠܵܐ ܕܡܲܡܠܠܵܐ ܬܲܡܵܢ ܗܲܘ ܪܲܟܝܼܟܵܐ܃
00232_0 ܘܡܵܢ ܗ̄ܘܵܐ ܡܲܡܠܠܵܐ ܐ̄ܢܵܫ ܠܵܐ ܫܲܠܝܼܛ ܠܲܡܡܲܠܵܠܽܘ܀
00232_1 ܠܵܐ ܡܸܬܡ̈ܲܠܠܵܢ ܗܵܠܸܝܢ ܡܸ̈ܠܸܐ ܕܲܗܘ̈ܲܝ ܬܲܡܵܢ܃
00232_2 ܘܥܲܠ ܗܵܝ ܠܵܐ ܟܬܝܼܒ ܗܸܢܸܝܢ ܡܸ̈ܠܸܐ ܐܸܠܵܐ ܡܲܡܠܠܵܐ܀
00232_3 ܐܲܝܟ ܓܸܠܝܵܢܸܗ ܕܦܲܘܠܽܘܣ ܪܲܒܵܐ ܕܢܲܚ ܠܸܐܠܝܼܵܐ܃
00232_4 ܘܕܲܡܕܲܪܲܫ ܗ̄ܘܵܐ ܢܛܲܪ ܗ̄ܘܵܐ ܢܲܦܫܸܗ ܒܗܵܝ ܕܸܐܬܚܲܦܝܼ܀
00232_5 ܬܠܵܬ ܡܽܘ̈ܫܚܵܬܵܐ ܣܠܸܩ ܗ̄ܘܵܐ ܫܠܝܼܚܵܐ ܒܪܽܘܚܵܢܽܘܬܵܐ܃
00232_6 ܘܟܸܢ ܐܸܬܡܲܛܝܼ ܕܢܸܫܡܲܥ ܡܸ̈ܠܸܐ ܕܠܵܐ ܡܸܬܡ̈ܲܠܠܵܢ܀
00232_7 ܘܗܵܢܵܐ ܢܒܝܼܵܐ ܒܕܲܪ̈ܓܸܐ ܬܠܵܬܵܐ ܕܗܲܘ ܓܸܠܝܵܢܵܐ܃
00232_8 ܐܸܣܬܲܠܲܩ ܗ̄ܘܵܐ ܘܟܸܢ ܗܲܘ ܡܲܡܠܠܵܐ ܫܡܲܥ ܪܲܟܝܼܟܵܐ܀
00232_9 ܠܪܽܘܚܵܐ ܘܙܲܘܥܵܐ ܘܢܽܘܪܵܐ ܥܒܲܪ ܗ̄ܘܵܐ ܘܟܸܢ ܐܸܬܡܲܛܝܼ܃
00233_0 ܨܹܝܕ ܗܲܘ ܡܲܡܠܠܵܐ ܕܡܸܠܲܘ̈ܗ̄ܝ ܡܸܢܲܢ ܟܲܣ̈ܝܵܢ ܐܸܢܸܝܢ܀
00233_1 ܫܟܝܼܢܬܸܗ ܕܡܵܪܝܵܐ ܒܓܽܘܕܵܐ ܕܲܐܪܒܲܥ ܐܸܬܚܲܙܝܲܬ ܗ̄ܘܵܬ܃
00233_2 ܘܒܵܗ݀ ܒܗܵܝ ܐܝܼܬ ܗ̄ܘܵܐ ܩܵܠܵܐ ܕܡܲܡܠܠܵܐ ܕܲܟܣܸܐ ܟܽܠܸܗ܀
00233_3 ܘܡܸܢܵܗ݀ ܕܗܵܕܸܐ ܐܸܬܡܲܠܲܠ ܗ̄ܘܵܐ ܥܲܡ ܐܸܠܝܼܵܐ܃
00233_4 ܕܡܵܢ ܥܵܒܸܕ ܐܲܢ̄ܬ ܗܵܪܟܵܐ ܘܸܐܡܲܪ ܡܸܛܲܢ ܛܸܢܸܬ܀
00233_5 ܕܲܫܒܲܩܘ ܩܝܵܡܵܟ ܒܢ̈ܲܝ ܝܼܣܪܵܝܸܠ ܘܡܲܕܒܚܲܝ̈ܟ ܣܲܚܸܦܘ܃
00233_6 ܚܪܲܒܘ ܠܲܢܒܝܼܲܝ̈ܟ ܘܸܐܢܵܐ ܦܸܠܛܸܬ ܡܸܢ ܐܝܼ̈ܕܲܝܗܽܘܢ܀
00233_7 ܐܵܡܲܪ ܡܵܪܝܵܐ ܗܦܽܘܟ ܠܵܟ ܠܽܐܘܪܚܵܟ ܠܡܲܕܒܪܵܐ ܕܕܲܪܡܣܽܘܩ܃
00233_8 ܡܫܽܘܚ ܠܲܚܙܵܐܸܝܠ ܕܢܸܗܘܸܐ ܡܲܠܟܵܐ ܠܲܐܕܽܘܡܵܝܸ̈ܐ܀
00233_9 ܘܲܡܫܽܘܚ ܠܝܵܗܽܘ ܕܢܸܗܘܸܐ ܡܲܠܟܵܐ ܥܲܠ ܝܼܣܪܵܝܸܠ܃
00234_0 ܐܵܦ ܠܸܐܠܝܼܫܲܥ ܡܫܽܘܚ ܠܝܼ ܕܢܸܗܘܸܐ ܢܒܝܼܵܐ ܚܠܵܦܲܝܟ܀
00234_1 ܕܡܲܢܽܘ ܘܡܲܢܽܘ ܢܸܗܘܸܐ ܡܲܠܟܵܐ ܦܫܝܼܩ ܗ̄ܘܵܐ ܕܢܸܫܡܲܥ܃
00234_2 ܟܲܕ ܗܽܘ ܒܲܝܗܽܘܕ ܥܲܕܠܵܐ ܢܼܐܬܸܐ ܘܢܸܡܛܸܐ ܣܝܼܢܲܝ܀
00234_3 ܘܲܠܡܵܢܵܐ ܟܲܝ ܗܵܕܸܐ ܟܽܠܵܗ݀ ܐܽܘܪܚܵܐ ܪܲܒܬܵܐ܃
00234_4 ܕܲܐܪܒܥܝܼܢ ܝܲܘܡܝܼ̈ܢ ܢܲܓܕܸܗ ܒܚܽܘܪܒܵܐ ܘܟܸܢ ܡܲܠܸܠ ܠܸܗ܀
00234_5 ܡܸܛܪܲܕ ܛܲܪܕܸܗ ܡܸܢ ܓܲܘ ܫܲܝܢܵܐ ܒܥܸ̈ܠܠܵܢ ܥܸ̈ܠܠܵܢ܃
00234_6 ܕܣܲܓܝܼ ܡܲܚܣܲܪ ܫܲܝܢܵܐ ܕܐ̄ܢܵܫܵܐ ܠܝܼܚܝܼܕܵܝܵܐ܀
00234_7 ܐܲܚܸܬ ܢܽܘܪܵܐ ܘܸܐܟܠܲܬ ܕܸܒ̈ܚܸܐ ܩܕܵܡ ܥܸܒܪ̈ܵܝܸܐ܃
00234_8 ܘܪܵܒܲܬ ܐܲܪܥܵܐ ܒܵܐܬܵܐ ܬܡܝܼܗܬܵܐ ܕܲܗܘܵܬ ܬܲܡܵܢ܀
00234_9 ܘܡܸܚܕܵܐ ܕܝܲܩܪܸܗ ܒܗܵܝ ܬܸܕܡܽܘܪܬܵܐ ܕܚܲܘܝܼ ܒܼܐܝܕܲܘ̈ܗ̄ܝ܃
00235_0 ܕܠܵܐ ܢܸܬܬܪܝܼܡ ܗ̄ܘܵܐ ܐܲܪܦܝܼ ܘܫܲܒܩܸܗ ܢܸܨܛܲܥܲܪ ܗ̄ܘܵܐ܀
00235_1 ܘܲܗܘܵܬ ܐܝܼܙܒܸܠ ܫܦܵܝܵܐ ܘܓܸܙܡܲܬ ܘܲܕܚܸܠ ܡܸܢܵܗ݀܃

▼ later lines