← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00240_0 ܡܸܬܩܲܪܒܝܼܢ ܠܸܗ ܕܠܵܐ ܐܸܣܟܼܡܸ̈ܐ ܕܝܲܩܝܼܪܽܘܬܵܐ܀
00240_1 ܘܡܵܪܝܵܐ ܕܡܸܫܟܲܚ ܢܸܒܚܽܘܪ ܠܸܒܵܐ ܐܵܦ ܟܽܘ̈ܠܝܵܬܵܐ܃
00240_2 ܚܵܙܸܐ ܘܡܲܚܸܒ ܟܲܕ ܠܵܐ ܓܵܠܸܐ ܕܠܵܐ ܢܸܬܚܲܬܪܽܘܢ܀
00240_3 ܐܝܼܬ ܗ̄ܽܘ ܒܨܝܼܪܸ̈ܐ ܕܲܫܠܸܝܢ ܘܲܫܦܸܝܢ ܡܸܢ ܒܝܼ̈ܫܵܬܵܐ܃
00240_4 ܘܟܲܕ ܠܵܐ ܪܓܝܼܫܝܼܢ ܒܲܡܝܲܬܪܽܘܬܵܐ ܢܲܨܝܼܚܝܼܢ ܒܵܗ݀܀
00240_5 ܡܵܐ ܕܠܵܐ ܣܵܒܲܪ ܐ̄ܢܵܫ ܥܲܠ ܢܲܦܫܸܗ ܕܼܐܝܬܲܘܗ̄ܝ ܡܸܕܸܡ܃
00240_6 ܣܲܓܝܼ ܫܲܦܝܼܪ ܟܲܕ ܠܵܐ ܠܵܐܸܐ ܒܡܲܟܝܼܟܽܘܬܸܗ܀
00240_7 ܚܫܽܘܒ ܠܲܡ ܢܲܦܫܵܟ ܕܲܡܝܲܬܲܪ ܗ̄ܽܘ ܡܸܢܵܟ ܟܽܠܢܵܫ܃
00240_8 ܗܵܐ ܦܽܘܩܕܵܢܵܐ ܪܽܘܚܵܢܵܝܵܐ ܠܲܕܫܵܡܲܥ ܠܸܗ܀
00240_9 ܘܗܵܢܵܐ ܒܗܵܠܸܝܢ ܫܝܼ̈ܛܸܐ ܕܥܵܠܡܵܐ ܡܸܫܟܲܚ ܐܲܢ̄ܬ ܠܸܗ܃
00241_0 ܕܟܲܕ ܫܲܦܝܼܪܝܼܢ ܕܵܘܸܝܢ ܘܲܫܠܸܝܢ ܐܵܦ ܡܲܟܝܼܟܝܼܢ܀
00241_1 ܐܲܠܵܗܵܐ ܕܹܝܢ ܕܠܲܘ ܐܲܝܟ ܐ̄ܢܵܫܵܐ ܒܥܲܝ̈ܢܸܐ ܚܵܙܸܐ܃
00241_2 ܚܵܐܲܪ ܒܗܽܘܢ ܚܲܒܝܼܒܵܐܝܼܬ ܘܲܪܚܝܼܡܝܼܢ ܠܸܗ܀
00241_3 ܘܲܕܠܵܐ ܢܸܒܲܥ ܫܦܵܝܵܐ ܕܚܲܫܵܐ ܘܢܸܛܪܸܐ ܐܸܢܽܘܢ܃
00241_4 ܡܲܪܦܸܝܢ ܫܝܼܛܝܼܢ ܘܲܡܠܸܝܢ ܫܽܘܦܪܸ̈ܐ ܘܠܵܐ ܝܼܕܝܼܥܝܼܢ܀
00241_5 ܒܥܵܠܡܸܗ ܚܲܕ̄ܬܵܐ ܡܛܲܝܲܒ ܢܸܓܠܸܐ ܘܢܲܘܕܲܥ ܐܸܢܽܘܢ܃
00241_6 ܡܵܐ ܕܟܲܣ̈ܝܵܬܵܐ ܠܓܸܠܝܵܐ ܢܲܦܸܩ ܢܲܗܝܼܪܵܐܝܼܬ܀
00241_7 ܡܵܐ ܕܡܲܪܓܸܫ ܒܵܗ݀ ܒܢܲܦܫܵܐ ܕܚܵܣܪܵܐ ܐܸܢ ܡܸܬܝܲܕܥܵܐ܃
00241_8 ܡܲܪܦܸܐ ܫܝܼܛܵܐ ܕܬܸܗܘܸܐ ܢܛܝܼܪܵܐ ܡܸܢ ܚܽܘܣܪܵܢܵܐ܀
00241_9 ܢܲܦܫܵܐ ܗ̄ܘ ܪܲܒܬܵܐ ܕܡܲܠܝܵܐ ܚܲܝܠܵܐ ܘܓܲܢ̄ܒܵܪܽܘܬܵܐ܃
00242_0 ܡܲܨܝܵܐ ܕܬܸܦܠܲܛ ܡܸܢ ܚܽܘܣܪܵܢܵܐ ܡܵܐ ܕܡܸܬܝܲܕܥܵܐ܀
00242_1 ܗܵܕܸܐ ܡܫܽܘܚܬܵܐ ܕܟܲܕ ܝܼܕܝܼܥܵܐ ܠܵܐ ܡܸܬܚܲܬܪܵܐ܃
00242_2 ܓܡܝܼܪܵܐ ܗ̄ܝ ܣܲܓܝܼ ܘܠܲܘ ܣܲܓܝܼܸ̈ܐܐ ܡܨܸܝܢ ܡܵܛܸܝܢ ܠܵܗ݀܀
00242_3 ܡܲܢ ܕܲܡܗܲܠܸܟ ܒܗܲܝܡܵܢܽܘܬܵܐ ܘܠܵܐ ܒܲܚܙܵܝܵܐ܃
00242_4 ܘܡܝܼܬ ܡܸܢ ܥܵܠܡܵܐ ܘܚܲܝ ܒܸܗ ܡܫܝܼܚܵܐ ܘܲܡܡܲܠܸܠ ܒܸܗ܀

▼ later lines