← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00303_7 ܪܸܓܬܵܐ ܬܲܪܥܵܐ ܗ̄ܝ ܕܥܵܐܠܵܐ ܒܝܼܫܬܵܐ ܠܢܲܦܫܵܐ ܡܸܢܵܗ݀܃
00303_8 ܕܲܟܡܵܐ ܕܲܐܚܝܼܕ ܐܵܦ ܠܵܐ ܚܛܵܗܵܐ ܠܡܸܢܥܵܐ ܢܵܦܸܩ܀
00303_9 ܡܸܢܵܗ݀ ܡܫܲܪܸܐ ܚܛܵܗܵܐ ܕܢܸܬܬܨܝܼܪ ܒܲܕܡܽܘܬ ܥܽܘܠܵܐ܃
00304_0 ܘܗܝܼ ܒܵܛܢܵܐ ܠܸܗ ܘܲܡܪܲܒܝܵܐ ܠܸܗ ܠܦܼܐܪܵܐ ܒܝܼܫܵܐ܀
00304_1 ܪܸܓܬܵܐ ܡܪܲܚܦܵܐ ܘܒܵܪܝܵܐ ܚܛܵܗܸ̈ܐ ܚܲܡܝܼܡܵܐܝܼܬ܃
00304_2 ܘܲܡܓܲܫܡܵܐ ܠܗܽܘܢ ܕܢܸܗܘܽܘܢ ܦܼܐܪܸ̈ܐ ܕܡܲܘܬܵܐ ܟܽܠܝܽܘܡ܀
00304_3 ܡܸܢܵܗ݀ ܡܫܲܪܸܐ ܫܽܘܚܢܵܐ ܕܥܲܘܠܵܐ ܕܢܽܘܡܼܐ ܢܸܐܚܽܘܕ܃
00304_4 ܘܲܟܡܵܐ ܕܠܲܝܬܸܝܗ݀ ܚܣܝܼܟܵܐ ܗ̄ܝ ܢܲܦܫܵܐ ܡܸܢ ܣܽܘܓܦܵܢܸ̈ܐ܀
00304_5 ܐܲܝܟ ܫܲܬܐܸܣܬܵܐ ܗ̄ܝ ܕܲܥܠܸܝܗ݀ ܒܵܢܝܵܐ ܒܝܼܫܬܵܐ ܢܲܦܫܵܗ݀܃
00304_6 ܘܡܵܐ ܕܠܵܐ ܣܝܼܡܵܐ ܒܢܲܦܫܵܐ ܚܛܵܗܵܐ ܠܵܐ ܩܵܐܸܡ ܒܵܗ݀܀
00304_7 ܕܪܵܐܸܓ ܐܲܢ̄ܬܬܵܐ ܓܵܪܵܗ݀ ܒܠܸܒܸܗ ܘܸܐܠܵܐ ܡܸܫܟܲܚ܃
00304_8 ܒܝܼܫܬܵܐ ܐ̄ܚܪܼܬܵܐ ܐܲܟܒܲܪ ܣܵܥܲܪ ܥܲܡ ܗܵܝ ܕܲܢܓܽܘܪ܀
00304_9 ܪܲܓ ܗ̄ܘܵܐ ܐܵܚܵܒ ܕܢܸܣܲܒ ܟܲܪܡܵܐ ܘܲܕܠܵܐ ܐܸܫܟܲܚ܃
00305_0 ܐܸܫܬܲܦܲܥ ܗ̄ܘܵܐ ܕܡܵܐ ܙܲܟܵܝܵܐ ܘܟܸܢ ܢܲܣܒܸܗ ܗ̄ܘܵܐ܀
00305_1 ܪܸܓܬܵܐ ܥܒܵܕܵܐ ܗ̄ܘ ܕܲܒܓܲܘ ܢܲܦܫܵܐ ܟܣܸܐ ܘܲܡܫܲܠܲܡ܃
00305_2 ܘܲܕܠܵܐ ܬܸܪܲܓ ܐܲܝܟ ܠܵܐ ܬܸܩܛܽܘܠ ܣܝܼܡ ܢܵܡܽܘܣܵܐ܀
00305_3 ܐܲܝܢܵܐ ܕܪܵܐܸܓ ܡܸܕܸܡ ܕܚܲܒܪܸܗ ܛܒܲܥ ܒܲܚܛܵܗܵܐ܃
00305_4 ܗܵܟܲܢܵܐ ܓܹܝܪ ܣܝܼܡ ܢܵܡܽܘܣܵܐ ܕܠܵܐ ܐ̄ܢܵܫ ܢܸܪܲܓ܀
00305_5 ܕܠܲܘ ܕܠܵܐ ܬܸܣܲܒ ܨܒܽܘܬܸܗ ܕܚܲܒܪܵܟ ܐ̄ܡܲܪ ܢܵܡܽܘܣܵܐ܃
00305_6 ܐܸܠܵܐ ܕܡܸܪܲܓ ܠܵܐ ܬܸܪܲܓܝܼܗ݀ ܒܓܲܘ ܪܸܥܝܵܢܵܟ܀
00305_7 ܪܲܓ ܗ̄ܘܵܐ ܐܵܚܵܒ ܟܲܪܡܸܗ ܕܢܵܒܽܘܬ ܥܲܘܵܠܵܐܝܼܬ܃
00305_8 ܘܚܵܒ ܠܲܐܠܵܗܵܐ ܚܛܵܗܵܐ ܟܲܣܝܵܐ ܕܠܵܐ ܟܲܕܽܘ ܠܸܗ܀
00305_9 ܡܸܚܕܵܐ ܕܪܲܓܸܗ ܐܸܬܚܲܝܲܒ ܗ̄ܘܵܐ ܡܸܢ ܢܵܡܽܘܣܵܐ܃
00306_0 ܟܲܕ ܫܲܩܠܸܗ ܕܹܝܢ ܒܲܕܠܵܐ ܢܵܡܽܘܣ ܡܸܬܚܲܫܲܚ ܗ̄ܘܵܐ܀
00306_1 ܐܝܼܬ ܗ̄ܽܘ ܚܛܵܗܵܐ ܕܠܵܐ ܢܵܡܽܘܣܵܐ ܘܲܒܢܵܡܽܘܣܵܐ܃
00306_2 ܘܲܓܙܵܪ ܕܝܼܢܸܗ ܕܚܲܕ ܚܲܕ ܡܸܢܗܽܘܢ ܐܲܝܟ ܣܽܘܥܪܵܢܸܗ܀
00306_3 ܟܬܝܼܒ ܓܹܝܪ ܗܵܟܲܢ ܕܲܐܝܠܸܝܢ ܕܲܚܛܲܘ ܡܸܢ ܢܵܡܽܘܣܵܐ܃
00306_4 ܒܸܗ ܒܢܵܡܽܘܣܵܐ ܐܵܦ ܡܸܬܬܕܝܼܢܝܼܢ ܐܲܝܟܲܢ ܕܲܚܛܲܘ܀
00306_5 ܘܲܐܝܠܸܝܢ ܕܲܚܛܲܘ ܕܠܵܐ ܢܵܡܽܘܣܵܐ ܡܼܐܒܲܕ ܢܼܐܒܕܽܘܢ܃
00306_6 ܐܲܝܟ ܕܵܐܦ ܐܵܚܵܒ ܚܛܵܐ ܕܠܵܐ ܢܵܡܽܘܣ ܘܲܐܘܒܸܕ ܢܲܦܫܸܗ܀
00306_7 ܪܲܓ ܗ̄ܘܵܐ ܟܲܪܡܵܐ ܕܠܲܘ ܕܝܼܠܸܗ ܗ̄ܘܵܐ ܘܚܵܒ ܡܵܪܕܽܘܬܵܐ܃
00306_8 ܕܲܦܩܝܼܕ ܗ̄ܘܵܐ ܠܸܗ ܕܠܵܐ ܢܸܪܲܓ ܗ̄ܘܵܐ ܘܕܵܫ ܦܽܘܩܕܵܢܵܐ܀
00306_9 ܥܸܠܲܬ ܪܸܓܬܵܐ ܘܦܸܬܚܲܬ ܬܲܪܥܵܐ ܠܥܲܘܠܵܐ ܪܲܒܵܐ܃
00307_0 ܘܲܒܓܲܘ ܢܲܦܫܸܗ ܥܒܵܪ ܢܵܡܽܘܣܵܐ ܐܸܫܬܲܡܲܫ ܗ̄ܘܵܐ܀
00307_1 ܘܫܲܪܝܼ ܕܢܲܦܸܩ ܡܸܢ ܬܲܪܥܝܼܬܵܐ ܕܠܸܒܸܗ ܪܽܘܫܥܵܐ܃
00307_2 ܘܪܸܓܬܵܐ ܟܣܝܼܬܵܐ ܢܲܝܬܸܝܗ݀ ܠܓܸܠܝܵܐ ܘܢܸܚܙܸܝܗ݀ ܟܽܠܢܵܫ܀
00307_3 ܘܸܐܬܢܲܚܲܬ ܗ̄ܘܵܐ ܕܢܸܗܘܸܐ ܣܢܝܼܩܵܐ ܨܹܝܕ ܡܸܣܟܼܢܵܐ܃
00307_4 ܘܢܸܫܐܲܠ ܡܸܢܸܗ ܟܲܪܡܵܐ ܕܪܲܓ ܗ̄ܘܵܐ ܕܢܸܗܘܸܐ ܕܝܼܠܸܗ܀
00307_5 ܫܲܦܸܠܬܸܗ ܗ̄ܘܵܬ ܪܸܓܬܸܗ ܘܲܢܚܸܬ ܡܸܢ ܪܲܒܽܘܬܸܗ܃
00307_6 ܘܲܚܠܵܦ ܡܲܠܟܵܐ ܗܘܵܐ ܫܵܐܽܘܠܵܐ ܐܲܝܟ ܚܲܣܝܼܪܵܐ܀
00307_7 ܐܸܡܲܪ ܗ̄ܘܵܐ ܠܸܗ ܒܪܸܓܬܵܐ ܠܢܵܒܽܘܬ ܗܲܒ ܠܝܼ ܟܲܪܡܵܟ܃
00307_8 ܕܢܸܗܘܸܐ ܠܝܼ ܠܲܡ ܠܓܲܢܲܬ ܝܲܪܩܵܐ ܘܣܲܒ ܠܵܟ ܛܝܼܡܲܘ̈ܗ̄ܝ܀
00307_9 ܐܲܘ ܬܲܚܠܽܘܦܸܗ ܐܲܘ ܟܸܣܦܵܐ ܕܡܲܘ̈ܗ̄ܝ ܝܵܗܸܒ ܐ̄ܢܵܐ ܠܵܟ܃
00308_0 ܘܲܕܩܲܪܝܼܒ ܠܝܼ ܘܲܕܚܵܫܲܚ ܠܝܼ ܗܲܒ ܠܝܼ ܕܸܐܩܢܝܼܘܗ̄ܝ܀
00308_1 ܫܐܸܠ ܗ̄ܘܵܐ ܝܲܥܢܵܐ ܕܢܸܩܢܸܐ ܟܲܪܡܵܐ ܕܠܲܘ ܕܝܼܠܸܗ ܗ̄ܘܵܐ܃
00308_2 ܘܠܵܐ ܨܒܵܐ ܟܼܐܢܵܐ ܕܢܲܪܦܸܐ ܕܝܼܠܸܗ ܨܹܝܕ ܥܲܘܵܠܵܐ܀
00308_3 ܐܸܬܬܫܝܼܛܲܬ ܗ̄ܘܵܬ ܡܸܠܬܵܐ ܕܡܲܠܟܵܐ ܕܲܒܣܝܼܪܵܐ ܗ̄ܘܵܬ܃
00308_4 ܡܸܢ ܡܲܟܝܼܟܵܐ ܕܲܒܟܼܐܢܽܘܬܵܐ ܡܸܬܚܲܫܲܚ ܗ̄ܘܵܐ܀
00308_5 ܠܵܐ ܨܒܵܐ ܬܪܝܼܨܵܐ ܕܢܸܬܸܠ ܟܲܪܡܸܗ ܠܚܲܢܦܵܐ ܕܲܒܥܵܝܗ̄ܝ܃
00308_6 ܕܠܵܐ ܢܸܫܬܲܠܲܛ ܥܲܠ ܝܵܪܬܽܘܬܸܗ ܥܲܘܵܠܵܐܝܼܬ܀
00308_7 ܩܲܦܚܵܗ݀ ܠܪܸܓܬܵܐ ܘܲܟܠܵܝܗ̄ܝ ܟܲܪܡܵܐ ܕܲܒܥܵܐ ܡܸܢܸܗ܃

▼ later lines